اقتباس:
كاتب النص الأصلي : syrian 1st
الواحدمن هالبشر بدو ينق ويسق بطعمة وبلا طعمة و وكل ما صار شي من اللي بدو ياه بيقول (بكرا بيخرب), عطيني اسم نظام بهالدنيا بيطبق الديمقراطية , او ما بيقمع المعارضين ,شغلة بديهية انو الحاكم يسكت المعارضين يلي بدون كل شي يصير بكبسة زر.
|
معلش اسألك سؤال, انت بعمرك عشت برا سوريا؟ بعمرك طلعت ولو زيارة برا سوريا وشفت العالم برا شلون عايشة؟
بلا هالسؤال, بعمرك سمعت عن معتقل سياسي ببريطانيا مثلا, او بالمانيا او باميركا او بكندا ؟؟ بلا هدول لك حتى بتركيا حليفتنا الجديدة ما بتلاقي عندن مصطلح اسمو الاعتقال السياسي , اي يازلمة شو هالمنطق هدا؟؟
اقتباس:
كاتب النص الأصلي : syrian 1st
حاج بقا شعارات حرية وديمقراطية الناس ملت منكن ,لسا صحافة ومنتديات وتخبيص , الناس بيهمها الموقف السياسي اكتر بكتير من الاوتيلات والكافتريات والتنظير , بيهما وجود مكاتب حماس اكتر من تزفيت شارع كل كم يوم , منطقكن بيهوي وشعاراتكن مستهلكة ,وحاحتكنلعي
|
اولا مين انت لحتى تحكي بهالاسلوب و تحدد انو حاجي شعارات وما بعرف شو, ومين انت لتقرر انو الناس بهمهما الموقف السياسي شو عرفك الناس بسوريا شو بهمها؟؟
انا بقلك الناس ملت من هالشعارات الفاضية , عالم ناهبين البلد و محولينها لخرابة وجاي تقلي بالاخير معلش المهم عنا مكتب لحماس.
اقتباس:
كاتب النص الأصلي : syrian 1st
هالبلد بدا ناس تحبا من قلبا
|
متلك انت تمام
اقتباس:
كاتب النص الأصلي : syrian 1st
خلص عاد,ملينا منكن وبدنا نعمر سورية عاساس واقعي مو شعارات وحكي جرايد, كلامنا مو معلبات متل ما عم تقولوا ,نحنا سوريين للابد ومع بشار الاسد
سورية الله حاميها منكن ومن كل شي متلكن بايد بشار الاسد ,عزنا وتاج راسنا.
وما بقول غير اسفي عليكن,
وتحيا سورية ,سورية الاسد,وسورية سعادة , سورية المقاومة.
|
انت سوري لانك مع بشار الاسد معناها لما بشار الاسد بروح وببطل رئيس لسوريا رح تبطل سوري مثلا؟؟!! نحني يا حبيب دائما منحب بلدنا, حب ما الو علاقة بشخص الرئيس ولا بطائفتو.
بالنهاية مشكور على هالمحاضرة الحزبية القيمة , اللي حتى باجتماعات الحزب بسوريا بطلوا يحكوها.
ملاحظة: انو خيو طالما عم نرفعلك ضغطك بافكارنا الامبريالية الصهيونية, ليش اصلا عم تفوت على موقع محجوب و مغضوب علي متل أخوية؟؟