انا مع الأخ جو على الأقسام التلاتة اللي حكا عنها:
information design
visual design
programming design
بس لحتا الموضوع يكون أكتر احترافية هي الأقسا بلغة المبرمجين ومحللين النظم بتكون أساميها وبالترتيب العملي كالتالي :
1- مرحلة التحليل.
2- مرحلة التصميم.
3- مرحلة التحقيق (البرمجة).
بس يا أبو عبود القصة مو متال ما قلت
اقتباس:
|
كاتب النص الأصلي : Dr_HUS
لكن الكل عنده فكرة عامة عن كل الاقسام منشان يقدر يحكي مع باقي الاقسام ويخاطبهم بلغتهم ومنشان يقدر بتخيل بطريقة افضل كيف صياغة الاحداث حتكون وهيك
|
هو الموضوع هرمي يعني كل شخص إلو علاقة بالشخص اللي بعدو وقبلوا وبس يعني الأول ما إلوا أي علاقة بالتالت وبالعكس
يعني اللي عم يشتغل بالتحليل ما إلو أي علاقة بالمبرمج ولا حتا بيعرف بأي لغة بدو يكتب ..... وهيك
وحتى لزيادة التفصيل المصمم ما إلوا علاقة بالمبرمج بأي لغة بدو يكتب لأنو ممكن البرنامج أو التطبيق اللي عم يشتغلوا فيه يمكن يكون بدو ينعمل بأكتر من لغة برمجة وحدة
هلق ما رح نفوت بهل القصة لأنو تاركلا موضوع خالص بدي نزلوا بعد فترة قريبة إنشاء الله ...
بنرجع للموضوع ::::
ينعي يا أخي جو إنتا مانك مضطر تتعلم لغة برمجة
اقتباس:
|
كاتب النص الأصلي : joe
و سبب سؤالي عن البرمجة اني فقط احصل على شوية معلومات بحيث لو كنت عم اشتغل مع شريك مبرمج اقدر افهم عليه اذا حكينا شوي بالبرمجة و اضطرينا ناخد قرارات حاسمة حول نوع لغات البرمجة
يعني المعلومات يلي عم دور عليها هي ثقافة عامة بحيث اقدر احكي بالموضوع لو انطرح بس ما ضروري كون انا شخصيا ضليع بالبرمجة كلغة... يعني بس كفكرة و خصائص و هيك
|
متل ما قال Anmar الموقع اللي ذكرتو فوق (
http://java.sun.com ) هوي أفضل مثال للJSP
بس الفكرة أنو JSP هي أقرب لل ASP منها للPHP لسبب أنو التنتين بيعتمدو على لغة برمجة يعني :
JSP = Java
asp = VB or C
اما PHP فهي لغة خاصة متل HTML (على سبيل المثال) يعنو أنو ما بتعتمد على لغة برمجة مستقلة بذاتها
هلق أنا بنصح بال JSP مو لأني حريف (نوعا ما) فيها ومو لأني بكره كلشي إلوا علاقة بالمايكروسوفت
بس لأنو متل ما قلت بتعتمد على الجافا وبتخيل أنو الكل بيعرف أنو هاللغة من أقوى إذا ما كانت أقوى لغة برمجة موجودة حاليا
هلق إذا حدا حابب يتعلم JSP فالموضوع مانو بالسهولة اللي إنتو متخيلينها .....يعني لازم الواحد يكون كتير قوي بالحافا وبعدين يتعلمها .....
هلق إذا حابيين تتعلموا جافا فأنا بنصح بكتاب الكتروني (بالانكليزي طبعا) واللينك تبعو هو :
(
http://java.sun.com/docs/books/tutor.../download.html)
طبعا بهل اللينك رح تلاقو كتير شغلات تنزلوها
أوك .....
نشاء الله بكون هيك فدكن وخاصة أخي جو
اقتباس:
|
كاتب النص الأصلي : joe
يمكن بالايام حاول اتعلم شوي بس ماني ناوي احترف
و ناطرينك أبو حنا
|
إنشاالله ما كون وجعتلكن راصكن ...
وللحديث تتمة ....
سلامات