اقتباس:
كاتب النص الأصلي : sweetbaby
ليش بقا ماتقدر تعيش بدون زواج شو ناقصها؟؟
مم معلش بس الولاد مو كل شي بالحياة..
ومانها اول وحدة حتكون بلا ولاد...
وفي مليون طريقة تقدر تثبت حالها...وبيضل افضل من انو تجيب ولاد ويتربو بطريقة غير صالحة
اها يعني انو مافي ولاحدة انقتلت بعد ماتجوزت؟؟
لما حتصير جريمة الشرف حتصير بغض النظر وينها هيي للاسف طبعا |
لأ مو هيك القصة ... بس عالواقع منشوفها ازا تجوزت .. ع الاغلب هيي رح تنفد من عقوبة الاعدام تبع الاهل والمجتمع .. يعني تخفف الحكم للسجن المؤبد مع الاشغال الشاقة عند الزوج 
يعني حالات جرائم الشرف بعد ما تتجوز المغتصب نادراً و انا ما سمعت عنها ولا مرة بصراحة .. ما بقلك انو هيي مو موجودة .. بس بتوقع انو نادرة ... !
اقتباس:
كاتب النص الأصلي : شمس سوريا
اول شي كلو قسمه ونصيب 
وتاني شي يعني منرجع لموضوعنا بدك تئوليلي انو في شب بيرضى يتجوز بنت مغتصبه 
وانا التلك من ناحيتي تتجوزو احسنلها بمليووون مره من انها تعيش مع العالم
تنذل من واحد احسن من مليووون واحد
ودخيييلك اجت عالولاد يعني انتي رح تئوليلهن ابوكن اغتصبني وتحكيلهن
سيرة حياتك.......................
بالعكس بتجيبي ولاد وبتربيهن على انو ما يعملو او ما تتكرر هالغلطه الشنيعه اللي عملها ابوهن (اللي الله ياخدو وئتها )
|
من كل عئلك عم تحكي ! 
ازا بدك في حل تالت وانا بايدوا .. انو تهرب وتطفش لايا مكان بدها ياها بس ما توقع لا برحمة الاهل ولا برحمة الزوج المغتصب
بعدين شو هي تربيهن انو ما يغلطوا .. ليش برأيك هني حيتربوا تربية صالحة بوجود اب مجرم وام محطمة ؟؟
وكأنو انتي عم تحكي عن عائلة طبيعية فاضلة ! 
--------------------------------
زكرتوني بالحلقة تبع سيرة الحب .. وقت آخر شي بترفض تتجوزو .. بس بالاخير بيقتلوها .... بجريمة شرف من اخوها يلي عمرو 10 سنين ! بجد حلقة مؤلمة 
الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
|