اقتباس:
كاتب النص الأصلي : Dndoshy
والله أنا بعرف أنو الاستعمار يعني إقامة مستوطنات والاستيلاء سياسيا واقتصاديا على مناطق واسعة من الأرض المستعمرة بما في ذلك إخضاع الشعوب القاطنة فيها لحكم الدول المستعمرة واستغلال كنوزها الطبيعية وعمل السكان المحليين لصالح هذه الدول..
بس هالشي ما بينفي أنو الاستعمار بيعمل كتير شغلات غير مانو معروف عليه..بس اذا انت برأيك أنو الفتح متل مانك متقول فأكيد غلطانة أو بتعرفي أنك غلطانة ومتحاولي توصلي الغلط لغيرك
|
كتير عجبني حواركم الراقي
بس بدي احكي شغلة كتير مهمة إنو فيه فرق كتير كبير بين الاستعمار والتفح !زي لما نكون كلنا في فصل واحد واجت إلنا معلمة وبدها تعطينا درس انجليزي البعض مابدو الدرس والبعض التاني بدو الدرس ! وكلنا طلاب في هالصف شو بدها تعمل؟؟ بتحكي يلي بدو يحضر الدرس ينتبه معي واللي مابدو الدرس يجلس بهدوء وبأدب ومايثير المشاكل لحد ماينتهي الدرس ( الحياة ) وتقدموا فيه اختبار وبعدها بتعرفوا مين الناجح ومين الراسب !وطبعا ممنوع انو حدا يتعدى على حدا الكل بيسمع والكل شاغل حالو بحالو..وهالكلام مو متل لما يجونا طلاب الصف اللي جنبنا ويحتلوا اماكنا ويقعدوا على كراسينا ويخلونا واقفين ويضربونا ويكرشونا من الصف تبعنا أنا بشوفه فرق كتير كبير !الاستعمار هو يلي تفضلت فيه حضرتك وعرفته إلنا ..أما الفتح فهو تحرير الأرض من الكفر ودعوتها لتوحيد الله وحده .لأنه هو خالق الكون وهو وحده اللي بيستحق العبادة .ومن شان هيك خلقنا يقول الله في القرآن سورة الذاريات وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ (٥٦) مَا أُرِيدُ مِنْهُمْ مِنْ رِزْقٍ وَمَا أُرِيدُ أَنْ يُطْعِمُونِ (٥٧)عشان هيك لما الرسول محمد صلى ا لله عليه وسلم فتح مكة بجيشه شو قال لأهل مكة؟ما قتلهم ولا سبى نساءهم ولكن قال مقولته المشهورة : اذهبوا فانتم الطلقاء ! والاسلام بيحرم قتل الناس لكن في القرآن يقول الله تعالى : ( من اعتدى عليكم فاعتدوا عليه بمثل مااعتدى عليكم ) ..ولكن قبل كل شيء الاسلام يدعو إلى السلام يقول الله تعالى : ( أدعو إلى سبيل ربك بالحكمة والموعظة ا لحسنة وجادلهم باللتي هي أحسن ) .. كما أن الله حرم قتل اصحاب العهد : ويقصد بهم الذين يعيشون في بلد اسلامي وهم غير مسلمين يعني لو فتح المسلمون بلادا وحرروها من الشرك والكفر ونشروا فيها الإسلام ولكن ظلت فئة لاتريد الدخول بالإسلام ياخذ منهم المسلمون ( عهدا ) بأن لايعتدي المسلمون عليهم ولا هم يعتدون على المسلمين ويسمى ذلك عهدا .. ويسمون حينها ( معاهدين ) .يقول النَّبِيِّ صَلَّى اللَّهُ عَلَيْهِ وَسَلَّمَ قَالَ :( مَنْ قَتَلَ نَفْسًا مُعَاهَدًا لَمْ يَرِحْ رَائِحَةَ الْجَنَّةِ وَإِنَّ رِيحَهَا لَيُوجَدُ مِنْ مَسِيرَةِ أَرْبَعِينَ عَامًا) . والهدف من هذا ان يحيا الجميع في بلد واحد دون التعرض للإذاء .
والاسلام لما بيفتح البلدان مابيتسعمرها أبدا ! وكل الأديان في بداياتها لاقت الكثير من المعارضة والحرب حتى المسيح عيسى عليه السلام دعا لتوحيد الله عز وجل ولم يؤمن به سوى الحواريون ! وحاربه الكثير وحاولوا قتله واكيد الكل بيعرف هالشي ! وعلى فكرة شغلة كمان بدي اضيفها إنو عمر الخطاب لما فتح بيت المقدس وحررها ماخلا المسلمين يهدموا صوامع العبادة وترك اصحابها فيها وهذا بيدل على سماحة الإسلام .. بس اهم شي هو محدا يأذي حدا .. يعني يعيشوا اخوان حتى لو اختلفوا في الديانة.ومن هيك كمان ماحرم الإسلام على الرجل المسلم إنو يتزوج وحده مو مسلمة .سوري بحس حالي كترت حكي هههههههبس بصراحة انا عضوة جديدة ع المنتدى وكتير مبسوطة فيكم وفي اسلوبكم الراقي واحترامكم للأديان ونحنا في النهاية اخوان متل ماعم ينادي فيه هدا المنتدى الراائع نحنا اخوان في الإنسانية .شكرا كتير إلكم .الحيرانة .