اقتباس:
كاتب النص الأصلي : Dndoshy
القصد من كلامي أنو لو كان فتح أو احتلال أو استعمار..بيضل الفاعل هوي البشر..
فما فيكي تجزمي أنو الفتح الاسلامي كان كان منزه عن القتل والسرقة والـ...
ولو فرضا (فرضا ها)بالفتح الاسلامي ما تم ارتكاب جرائم بحق الناس الامنين..
بس كان الاسلام يفرضو الجزية على السكان مقابل اعتناقهم للدين الاسلامي..ويلي ما كان معو يدفع تم اسلامه رغما عنه..طيب وين العدل بالاسلام
|
أخي أكيد إنو ياللي بيقوم بالفتح أو الاستعمار أو الاحتلال هن البشر .. لكان مين بدو يقوم بهالشغلة ؟؟هههههه
بس طبعا الأهداف بتختلف وهي المعيار .
هلا لما الإنسان بقتل بدافع الشر متل الإنسان ياللي بيقتل دفاعا عن النفس ؟؟
هيك أنت كلامك ! إنو القتل حصل حصل !!
لكن طبعا كلنا بنعرف إنو ياللي بيقتل دفاعا عن نفسه فهو مش مجرم أبدا ..
عكس ا للي بيقتل لغرض التخريب والفساد في الأرض .
هلأ أنا بحكيلك شو هو الفرق بين الفتح والاستعمار .
الفتح هدفه مرضاة الله عز وجل ونشر الدين الإسلامي وتوحيد الله والحفاظ على حقوق العباد في الأرض
يعني هدف سامي ما إلو أي أغراض شخصية .. أرضك إلك وبيت إلك وفلوسك إلك بعد فتح البلد اللي انت فيها
حبيت تدخل في الإسلام شي بيرجع لك .. ماحبيت تدخل في الإسلام كمان شيء بيرجع لك وكل أموالك إلك
ولا حدا بأذيك أبدا .. طالما إنك مابتؤذي أي حدا ..
وبيدفعوا جزية واللي ماكان عندو بيعفوا عنه وبيسامحوه
لكن اللي رفضوا الدخول في الإسلام وعندهم أموال وكمان رفضوا
دفع الجزية كنوع من التحدي والعناد ..
هدول حاربهوهم المسلمين .
يأخي هلأ لو دخلت أنا وأنت في معركة وانت انتصرت فيها
مين بدو يسمع كلام التاني؟؟ أنا والا انت؟؟
طيب ولو انا عصيت أوامرك وشروطك كونك المنتصر
مابيعتبر هدا تحدي إليك؟؟
نفس الشي بالنسبة للمسلمين ! هلأ هن فتحوا البلد
وصارت بلد مسلمة والغير مسلمين اقلية اكيد بدهم
ينفذوا استراتيجة البلد وما يخالفوها !
هلأ لو انت نفسك في بلد أوروبي وهالبلد غير ديانتك
مابدك تحترم قوانينهم ؟
كلنا بدنا نحترم القوانين واكيد لو خالفناها راح تطبق علينا العقوبات
يعني الشغلة كتير واضحة .. ماهيك؟
أما الاستعمار فبيشلحوك كل شيء عندك ..
أرضك بتروح ومالك بياخدوه وبيذلوك وبيهينوك ومابيحترموك أبدا ..
كتير فرق بين هداك وهيدا ..
بتمنى أنو اكون وضحت الصورة .
اجمل تحية .