اقتباس:
|
كاتب النص الأصلي : fady juventus
شو يا أبو النسيم ؟؟؟
هيك بتكون عم تحل المشكلة؟؟؟
موضوع كامل من الشتائم مع العنوان!!!
طيب ليش ما منتفق على أرضية للنقاش بدال السبسبة؟
أنا _مع كل إعتراضي على أسلوبك بالشتم ومع إنك سبيتني إلي شخصياً _لما حط كريم موضوع عن الشباب المعتقلين سجلت فيه موقف معن ونسختو " متعمداً "من رد إلك إنت وحطيتو بموضوعين ، ولما كريم حط إسمك مع الشباب فتت إعتذرت عن المشاحنة اللي بيناتنا مع لساتني واثق إنو الحق عليك ، و يا ريت اقرا الرد رقم /23/ من هالرابط:
يا ريت تروق و تترك أسلوب النرفزة و اتهام الغير بالإنبطاحية
بالنهاية كلنا سوريين
وكل واحد بيقرا الواقع السوري من منظور خاص فيه... ما رح تقدر تفرض رأيك على حدا أبداً .
|
أبو الفود أنت على عيني وعلى راسي من فوق وأنا بعتزر منك مشان هديك العلقة مرة تانية وتالتة ورابعة وسدقني أنا مستعد أعطيك عيوني بس حاكيني منطق وحاكيني بالعقل
هلق صاحبنا نازل توزيع تهم على الجميع فلان خاين فلان عميل أنتوا ولاد أنتوا مابعرف شو
وأنت عم يرفعوك فلقة و من هل الحكي
هلق بنسبة إلي سدقني أنا ماعندي إي مشكلة بتهكم أو المسبات علي يسطفل هاد رئيه وهو حر بس في ناس معتقلة و في ناس عم تدفع أيام من عمرها مشان رأي ومشان الكلمة يلي كانوا يكتبوها هون
بغض النظر عن توجهات هدول الشباب أو توجهاتي أنا
الشغلة أنسانية قبل ما تكون سياسية
الشباب معتقلين صرلون شهر مشان كلمة ومشان واحد واطي سلخون تقرير
وفي ناس من هل النظام سرقوا ونهبوا ودمروا البلد عم يسرحوا ويمرحوا على كيفهم
وبيجي صاحبك وبيقلي
هدول عملاء للغرب
وشكرا مرة تانية أبو الفود العظيم