سراب...
بدي قلك اني شتقتلك كتير
اكتر ما بتتصوري
ما في يوم عم يمرق بدون ما شوف فيو الرسايل يلي بعتيلي ياهن على تليفوني
بدي اعترفلك اني اول مرة بحياتي بحزن وببكي على حدى بعيد كل هلقد عني
ما بعرف شو يلي مخليني اتواصل كل هلقد معك
يمكن لانو في بيناتنا تجارب مشتركة نوعا ما
يمكن لانو مرات بشوف فيكي حالي وبتعكسيلي صورتي بمراحل معينة من حياتي
ويمكن لانو تنيناتنا منعاني من ذات الشي مع انو بدرجات متفاوتة
بس بتعرفي
مع كل يلي صاير بعدني عم شوفك مبتسمة
ومع انك دايما كنتي متشائمة بس صورتك بتخليني اشعر بالتفاؤل
بتخليني حس انو بعد في طيبة
وبعد في ناس منيحة
وناس بينوثق فيها
انتبهي لحالك...
|