[oliver68]

كاتب النص الأصلي : syria alasad

يعني الغريب بالموضوع انو البعض الغير سوري صار بدو يعلق

فرجاء اللي برات سوريا ما يدخلو

والنسبة اللي اجت لبشار الأسد هي حقيقة
وانا حطيت نعم وما حدا جبرني

مع اني من الشام مالي من لاساحل
ومالي منتسب لأي حزب
ولا علوي
ولا شي

بس بحبو هالشخص وبحب سياستو
ولح ضل قول نعم للأبد

وبتمنى من المتغربين اللي عايشين بره يجو ويشوفو كيف البلد تطورت وصارت احسن من اول بكتير

كل واحد الو رأيو انا بحترم كل الآراء

بس حرام هالمبالغة كلها

صديقي إنتي عمبتقول إنو سوريا صارت أحسن من أول بكتير، أنا معك 100% بهالنقطة، بس بالنسبة لعدد سكان متل سوريا و موارد متل سوريا و ثروات متل سوريا، نحنا نعتبر متل الصومال، ولاحظ عماحكي نسبيا، مو تاخدلي ياها حرفيا، و روح شوف كتير من دول العالم مواردها قد نص موارد سوريا، و رغم هيك متطورة أكتر من سوريا بمليون مرة. و لمعلوماتك إنو موارد سوريا الطبيعية و السكانية أكتر من بعض الدول الأوروبية يللي سابقتنا بسنوات ضوئية.
فقبل ما تقول ليللي عايش برا سوريا يجي و يشوف التطور، إنتي روح على شي بلد و شوف كيف التطور على أصولو.
بعدين إزا لساتنا عمنطوب البلد لشخص أو عائلة معينة، بحياتنا ما نتطور. لك ألمانيا يللي معظم سكانها عنصريين و بزمن هتلر يللي احتل أوروبا ما سموها "ألمانيا هتلر"، و يا سيدي هرتزل يللي خلق دولة اسرائيل من العدم، الاسرائيليين ما سمو هالدولة على اسمو و ساووها "اسرائيل هرتزل"، فبربك ماشي بمخول إنو نحنا نسمي "سوريا الأسد" و لأ المصيبة إنو الجولان و الاسكندرونة لهلأ ما قدرنا نرجعهن
عوووووووووووووووووووووووو ووووووووووجة