[phoenixbird]

كاتب النص الأصلي : بنفسجة

بالنسبة للشبيبة مظبوط متل ماعم تحكي لكن بدي قلك على سر فيها كتير قوميين سوريين وخدها مني انا بعرف بس بتبقى عم تستوعب كتير شباب ونشاطاتا كتير حلوة

يمكن عندك بنفسجة صح بس بمرحلة من المراحل عندي كان ما في ولا نشاط طبعا حسب كل مكان ونشاطه بس يعني أبعدونا شوي عن السياسة


الهلال الاحمر والله حرام تظلمنا بجد انو نحنا بالساحل عم نشتغل كتيييييييير تمام وبهالايام في توزيع معونات وقرطاسيةللطلاب العراقيين والشغل لفوق راسنا

والله كمان هاد اللي بعرفه واذا هيك الله يعطيكون العافية وميرسي بس كمان الي مآخذ على الهلال الأحمر

الكشاف صح بدو اعادة هيكلة وبدوز شغل منيح بس صار هلا في مخيمين وطنيين وكانو كتير رائعين
هلا الكشاف بترك الحكي لاهل الاختصاص بالكشاف
وبقلك هلا في مرحلة لدخول مرشدات سوريا الى المنظمة الارشادية العالمية من فترة اجو قائدات المرشدات بالمنظمة العالمية يلي مقرها لندن واتفاجأو بيلي صاير عنا من نشاط كشاف ومرشدات غير معقول وشكلون عطو انطباع رائع رح يخلينا ندخل المنظمة العالمية

بنفسجة عزيزتي انا معك بس نحنا بحاجة لوزارة او هيئة وطنية تستوعب الشباب بمختلف انتماءاتهم السياسية والفكريةوالدينية ومن دون الترغيب بدرجات عالية او كليات اعلى او
اي طريقة تانية يعني شباب سوريا
مثلا لا الهلال الاحمر دافع عن وضع الامهات السجينات او جرائم الشرف ولا تنظيم الاسرة تدخلت بمنع تسليم الاطفال المعرضين للتعذيب لاهلون ولا اتحاد الطلبة دافع عن تظلم الطلاب بالعلالمات
ومع هيك لسا في كتير شباب مش ممثلينوهيدي وين ماكان مش بس عنا يعني حتى الدول يلي فيها وزارة شباب مافيها هالشرائح الكبيرة الممثلة

كاتب النص الأصلي : ayhamm26

انت عم تحكي بحالات فردية جدا انحراف وغيرو
يعني حتى هدول يلي عم تحكي عنون جايين يتسلون هني بيشكلو شريحة من المجتمع ومن حقون انو يعبرو عن افكارون مهما كانت منحرفة او هدفها التسلية فقط
انا لاني كتير منخرطة بهيك منظمات كتير بشوف فيهااستيعاب لكل فئات الشباب وبمختلف توجهاتون وافكارون وحتى درجة ثقافتون او سطحيتون بالنهايه هؤلاء الشباب جميعا موجودون واقعيا



اما فعلا يا رفيق بنفسجة افحمتينا هه يعني كل واحد بدولة البعث عندو الحق يعبر عن رايو ماهيك؟؟

هو بعبر عن رايو صح بس عندو هيك هه بس كم خط احمر ممنوع يتجاوزن وهني باختصار شديد
بيت الاسد,بيت مخلوف,بيت شاليش,بيت شوكت,وكل الحرامية التانيين

هدا بالاضافة لبعض المفاهيم الاشتراكية المشتقة من عقيدة الحزب متل سيرياتيل,الاسواق الحرة التابعة لمخلوف,النهب المنظم للبلد,ثروة رفعت الاسد اللي حصل عليها بعد ما قش الخزينة المركزية بموافقة اخوه القائد الخ.....,ليش كل مسؤولي الدولة حرامية وليش اذا ما كنت حرامي وعندك تاريخ حافل بالسرقة ما بيحطوك بمنصب؟,ليش ما تذكرتوا انو خدام حرامي وخاين قبل ما يسبكن؟,المخابرات بكل انواعها واشكالها ومجرميها ,الديمقراطية, حقوق الانسان,الغلاء,الجولان اللي صرلوا 40 سنة محتل ومين اللي باعوا لاسرائيل وقبض تمنو 30 سنة بالحكم,لواء اسكندون اللي طار وصار تابع لتركيا الشقيقة

يعني برا هالكم خط احمر الله وكيلكن ما في شي بتقدر تحكي بدولة البعث وتعبر عن رايك متل ما بدك

طيب انو ملاحظ انك طلعت برا السيرة كلها ونسفت الموضوع من اساسه شو مشان موضوعي عن تمثيل الشباب