صباح الخير..JANKASANOVA
كيفك و كيف الحال
صباح النور ..
انا تمام انت شلون الوضع عندك؟
المهم عندي كم سؤال عالماشي...........
اي تفضل
١-شو اكتر شيء لقيتو ببلاد برا و ما لقيتو عنا بنوب؟ وشو الفوارق اللي شفتها بين شبابنا و شباب برا من ناحية الفكر و الهموم و الحياة ؟
النظام
شبابنا بياكلو هم كل شي, الحياة, الزواج, العمل لانو المستقبل عنا مبهم .. شباب برا مابياكلو هالهم كتير لانو في فرص عمل كتير و المستقبل تقريبا مامن.. حاليا ممكن الوضع يكون مختلف بالنسبة لشباب برا, بسبب الاوضاع الاقتصادية المتردية..
٢-اذا كنت سيارة بتفضل تكون سيارة رياضية ولا سيارة فخمة و لا سيارة دفع رباعي ولا سيارة صالون يابانية اقتصادية؟
سيارات الدفع الرباعي تعجبني لأنو تقريبا بتصلح لكل شي, يعني في سيارات دفع رباعي بتجمع بين السيارة الرياضية و السيارة الفخمة و هي دفع رباعي.. متل البورش..
٣-من صورتك الرمزية منشوف جوني والكر
سؤالي انت بتعتبر المشروب وسيلة للمرح بس ولا وسيلة للمراق و لا وسيلة للنسيان؟
بالاول كنت بشرب لمجرد الشرب, بس هلا بشرب للمراق والكيف, يعني بحطلي كاس بين كل فترة و فترة مع شوية اغاني طربية و مكسرات و هيك يعني..فلهالسبب بعتبرو وسيلة للكيف....
٤-شو اكبر جرح تعرضتلو من الاوضاع برا و شو اكبر جرح تعرضتلو بالبلد و انو واحد كان اكبر؟
لا تعليق..
٥-انت بتحب النقض الصريح الجارح نوعا ما و لا النقض الغير مباشر؟
كل موقف و الو خياراته
٦- في امل انك ترجع عالبلد و لا خلص الى الابد في غير بلد؟
حاليا لازم خلص دراسة و بعدين بشوف, بس اذا الاهل صارو هون, مابعتقدر رح ارجع...
اوكي لجهز الزيت هالمرة السمنة صاير مفعولها خفيف ........ سلام
يا هلا