اقتباس:
كاتب النص الأصلي : hanny dagher
خيتو
لقلك ما في واحد بيتمنى الموت لحالو هلأ ايمت بيتمنى الموت وقت بيفقد الامل تماما بالشفاء
طيب وقت بيقول انو بدي موت موت رحيم ليش ما بعطي امل انو مثلا ممكن يكون بغرفتو يجي واحد من برا هيك ومنفعل واي والله اليوم سمعتلك خبر بالتلفزيون انو لقو دوا لمرضك وبدو ينزل خلينا نقول شهر الجاي (هادا كمثال بسيط ) ولو انو خبر كزاب بس بتلاقي المريض نفسيتو تغيرت بتلاقي انو كانو تجددو الشهرين اللي بقيانيلو
يعني انا ضد انو تستلم لارادة المريض المريض بيكون بيتمنى يموت موت رحيم مو من الالم بس كمان بجوز شايف عيلتو عم تتعزب شايف عيلتو ما عم تقدر تعالجو هون بيتمنى يموت
فيني سمعو بين المرة والتانية انو نحنا ما النا غنى عنك وانو الله يقوملنا ياك بالسلامة وترجع بيناتنا وهيك من هالحكي بتلاقي كمان بطل يفكر بهالاتجاه هادا
برجع بقلك انا ضد الموت الرحيم لو شو ما كانت الاسباب
|
طيب طالما فتنا بالاسباب اللي بتخلي انسان يطلب الموت الرحيم رح قلك تخيلي انا انو لو مرضت هيك مرض كيف رح يكون وضعي وليش رح اتمنى الموت الرحيم
اول شي الالم الجسدي بس اكيد لحالو مو كافي ابدا لاني اتمنى الموت
تاني شي متل ماذكرت انو رح حس بوضع اهلي والي بحبوني واني سبب بالعذاب الون
وتالت شي واهم شي اني لما بوصل للعجز وبعرف انو مافي امل او يمكن امل خفيف يعني مابيتجاوز الواحد بالمية انو اطلع من هاد العجز رح حس اني فاقدة انسانيتي وهاد اللي رح يخليني اتمنى الموت ورح تكون امنية حقيقية
يعني انا بحس بانسانيتي لما بكون قادرة على العطاء انو اشتغل شي فيد فيه المجتمع بشكل عام حتى لو كان العمل بمجال وظيفة صغيرة بس اكيد عم كون عم ساهم اني مشي شي للمجتمع او يمكن يكون العطاء انو شوف شخص تعبان وواسيه بكلام او بهدية صغيرة او بلفتة تخليه يرتاح اما لما بوصل للعجز وانو غير قادرة اعطي اي شي لاي انسان وكون من هلأ لاخر عمري متلقية وبس عن جد رح حس اني فقدت انسانيتي ووقتها الموت اريحلي بكتير
هلأ كلو بيضل خيال لوضع ماعشتو وبتمنى ماعيشو ومابعرف يمكن اذا بعيشو بالواقع (بعيد الشر) تتغير افكاري بس عالاكيد في ناس عايشتو بالواقع ومتمناية الموت كتير بس المحيطين فيون ماعم يحاولو يتفهمو هالحاجة اللي عندون
وتحياتي
