اقتباس:
|
أولاً: حابب سجل أسفي على زمن صار فيه حشتنشت يطيب فيه لحسون و يرد على كلامو ب:بالضبط
|
الحمد الله انا ما بطيب غير للكلمة الطيبة ...بغض النظر اذا كان اللي قالها حسون او غير حسون
اقتباس:
|
تانياً: تفسير البراغماتية هو المفتاح لفهم ما ذكرتو عنها و أعتقد إنك تمتلك التفسير الخاطئ
|
الخطأ و الصواب مفاهيم خاضعة للمقياس المعتمد ...فاذا انا كنت بعتمد بالقياس على اسس مختلفة عن اسسك..رح يكون مفهومي خاطئ برأيك بنفس القدر اللي بكون في مفهومك خاطئ برأيي
اقتباس:
|
تالتاً: حديثك الأول عن الحزب السوري القومي الاجتماعي دعاني للاستفسار عن ما تعنيه، و نظراً لعدم امتلاكك ما تستند عليه لتكوين وجهة نظرك و إثباتها كما ظهر في حديثك التاني فبرأيي الأخوي عليك إنو تعتذر من أعضاء الحزب و مناصرينو و مؤيدي أفكارو عن تعرضك إلو بتهجم غير موضوعي لا يتناسب مع رصيدك الحواري السابق
|
انا ما تهجمت أبداً و ماني فهمان وين شفت انو في تهجم ... بس بدول العالم التالت في ظاهرة منتشرة هي ظاهرة تقليد الأخر الأكثر تطوراً ...تقليد أعمى ...نقل للشكل دون المضمون ...يعني ممكن انا اعمل هيكلية بتشبه هيكلية الحزب و حط مبادئ و لجان و اعقد مؤتمرات ..بنفس الشكل اللي بصير عند ( الآخر ) بس حقيقة ما بكون عملت حزب.
حزب لا يخضع اعضاؤه للضوابط الحزبية ..و يحمل من ازدواجية التفكير ما يحمل ..و يتفاخر تحت الطاولة بما يدين للعلن ..ما فيني سمي حزب .
القوميين يتغنون بمقتل المالكي ( شهادة شخصية ) و الحزب يدين ..
الحزب اللي اتنكر متل ما عم تقول مقتل المالكي ..ضل منقسم لسنوات طويلة بسبب هالحادثة ..ممكن نفهم ليش؟
الحزب اللي تبنى عملية اغتيال بشير الجميل و اطلق الشعارات و الهتافات و التهليل بصحفه الرسمية و باوساطو الشعبية بعملية تفجير قتلت مع الجميل العشرات ....رجع تراجع و قال انو الحزب برئ ؟؟؟
الخط الوطني ما بيعطي الحق لحزب ( اي حزب كان و مهما كانت افكارو معتقداتو ) انو ينصب نفسو قاضي على ابناء الوطن ... الاغتيال و القتل و الترهيب مانها احد طرق العمل السياسي المتعارف عليها بين ( الأحزاب ) .
اذ بدنا نحكي الواقع و لحتى تتصحح الصورة ...انا بنتظر الاعتذار من الحزب السوري القومي الاجتماعي ...الاعتذار من ابناء الحزب و من ابناء الوطن عن كل الأخطاء السابقة ....وقتها ممكن يستحق مني شخصياً اسم حزب
اقتباس:
رابعاً: بالنسبة لحزب الله اللبناني
أكيد إنت بتعرف إنو الحزب اللبناني مانو فرع أو امتداد لحزب الله الايراني
و ما في أي رابطة تنظيمية بتجمعون
و بالتالي ما فينك تسقط سياسات الأول على التاني وخاصة بالأمور غير المبدئية
يعني وقتا بتكون متل يلي عم يقول أنو الحزب الشيوعي اللبناني هوي نفسو الحزب الشيوعي الروسي و تنيناتون ضد استقلال الشيشان مثلاً
|
انا بختلف معك تماماً ...حزب الله اللبناني هو حزب الله الايراني ...بنفس الاهداف و التطلعات ...الاختلاف هو اختلاف الظروف و الجغرافيا و بالتالي اختلاف بعض الطرق و الوسائل و الطروحات ...
قد يكون حسن نصر الله الأمين العام للحزب...بس قيادة الحزب حقيقة موجودة بطهران ..و القرارات الكبرى بالحزب ما ممكن تتاخد الا بعد الرجوع لولاة الأمر في ايران...
بالنسبة لأحزاب الشيوعية ...بدنا نميز شغلتين
الأولى : الحديث عن الأحزاب الشيوعية مختلف قبل و بعد الاتحاد السوفيتي
التانية : الحديث عن الاحزاب الشيوعية مختلف من مكان لمكان آخر
يعني قبل انهيار النظومة الاشتراكية السوفيتية ..كان في نوع من محاولة فرض الهيمنة من قبل الحزب الشيوعي في موسكو على الأحزاب الشيوعية في العالم ( انو ع أساس نوع من المركزية ) و كان في احزاب خاضعة لهالمركزية و احزاب لاء.
من الأحزاب القليلة جداً بالمنطقة اللي رفضت الخضوع للهيمنة السوفيتية هو الحزب الشيوعي اللبناني.....طبعاً بدون ما يقدر يفك ارتباطو نهائياً بموسكو
و م المعروف انو الاتحاد السوفيتي كان يستخدم علاقاتو الاقتصادية مع حكومات الدول الحليفة للضغط علة الاحزاب اليشارية الغير خاضعة لموسكو ... فمثلاً خالد بكداش ...هو شخص كتير كوول بنظر ( الرفاق ) بموسكو ..و بالتالي يرخص له من قبل السلطة في سورية لحتى يكون امين عام ( ومورث ) للحزب في سورية . بينما منظمة العمل الشيوعي ( الغير موالية لموسكو ) هي منظمة ممنوعة و سجن اعضائها لعشرات السنين في سوريا . يعني مع انو الحزبين شيوعيين بس واحد بالجبهة و التاني بالسجن ..و طبعاً هون القرار لموسكو ..ما متل ما بيعتقد البعض انو قرار محلي
مثال تاني مكتوب بالدم ....اغتيال الشهيد فرج الله الحلو ( جيفارا العرب كما يسميه البعض ) و اللي اشترك بهالجريمة كان النظام الناصري و على رأسه عبد الناصر شخصياً ...و ( الرفاق ) السوفييت ..و ادوات السوفييت البكداشيين في سوريا .
فاذاً ...بتقدر تقول انو الحزب الشيوعي السوري هو نفسو الحزب الشيوعي السوفيتي ( وهاد الشي بفسر كونو حزب ميت حالياً و اكرام الميت الاسراع في دفنه
) ..اما الحزب الشيوعي اللبناني فهو وبحكم وضعو السابق عم يقدر يتجاوز المرحلة السوفيتية و ينطلق بصورة بتناسب العصر .
من جهة تانية الاحزاب الشيوعية بتختلف من مكان لمكان ..و المثال هو الحزب الشيوعي الصيني ..و الكولومبي و الفيتنامي و السوفيتي ..نماذج مختلفة و متباينة بدرجات واضحة. و ما بعتقد في داعي للشرح اكتر من هيك
J.S: Death is the solution to all problems. No man = No problem.