اقتباس:
كاتب النص الأصلي : HashtNasht
أبو حميد لا تتعب حالك بالتحليل , هدول عايشين من ورا هيك احصائيات , بقى ما تدقق .
بعدين يعني لو يركزو شوي ع الامراض الحقيقية الموجودة و دابحة المجتمعات العربية , ان كان امراض فقر الدم و سوؤ التغذية بدول متل مصر او امراض متل السكري بدول متل دول الخليج , الله وكيلك اهم و انع بملوين مرة ما نحكي بمرض انتشارو محدود متل الايدز .
شو رايك ؟
|
معك تماما
اكيد هي مواقع هدفها الفرقعة الاعلامية وجذب اكتر عدد من القراء ، لو تعبو حالون شوي وكتبو عن طرق الوقاية من الايدز بيكون افضل للمجتمع "طالما شايفين انو مرض منتشر وصاب مليون ونص" بس انا بعرف انو لو كتبو هيك موضوع مارح يجذبو 10% من القراء اللي قامو بجذبهون بهالخبر ، مليون ونص بيعملو صدمة بيعملو رعب وعند الغير مقتنع بهالرقم رح يعملو ايضا استنفار ويدفعوه يقرا .
لو كتبو عن سرطان الاطفال بمصر يكون افضل ، انا قلبي انفطر لما عرفت ان في مليون طفل مصابين بالسرطان بمصر ، شيئ يئهر والمسئولين القذرين ملتهين بالسرقة والنهب والفساد والملذات ،
على مدار سنوات استنفرت الدولة كاملة من مسئولين واعلام وافراد للقضاء على البلهارسيا لما كانت بتهدد ملايين المواطنيين نجحو بعد شقاء ويدوب ظهر مرض جديد اللي هو الالتهاب الكبدي الوبائي سي وفيروس سي هاد خطير جدا واصاب ملايين المصريين ، شيئ يئهر لا في اعلام يعمل توعيات هلئ ولا مؤسسسات صحية تشتغل بضمير ولا اعتمادات مالية كافية من الميزانية العامة للدولة ولا حتى اهتمام من الافراد و يطلع لك بوسط هاد كلو مواقع اخبارية وجهات تصدر دراسات عن مشاكل وهمية ،
شو هاد !! يتركو المشاكل الحقيقية ويركزو على مشاكل وهمية ،
وبخصوص الجهات اللي بتعمل هالدرسات اللي بتخرج النا بان في عنا مليون ونص مصاب بالايدز ، طيب كمراكز بحثية وكاستشاريين ، ساعدونا بالقضاء على مشكلاتنا ، مابدكون تساعدونا في القضاء عليها طيب ابرزوها النا والقو الضوء عليها ولا هو بس لازم يكون المرض غير منتشر وتعملو حولو بلبلة !! وبارك الله في الاعلام الالكتروني اللي بيساعدهم في تحقيق هالمسخرة .
والله يا ابو نهلة سوء التغذية وفقر الدم والسكري على الرغم من تاثيرو الكبير الا اني مابشوفو مؤثر متل السرطان وامراض الكبد (لانها امراض بتعذب وبعضها قاتلة ) والمصيبة بامراض الكبد ان بعضها معدي - هاد بيسهل انتشارها .