انا من رأيي الشخصي ..
بعتبر الشعب العراقي اخوانا ..
واكتر من اخوانا كمان
وانا من جهتي بحب الشعب العراقي لابعد الحدود ومستعد شيل كل عراقي بسوريا على عيني من فوق
طبعا مابنكر انو صارت شوية مشاكل بسوريا بسبب كثرة الهجرة العراقية (من غلا وغيرو)
بس انو الشعب العراقي احتاجنا وعيب مانلبي ونستضيفوا بهالمحنة
والشعب العراقي كان من اعظم واطيب وارقى الشعوب العربية
بس للاسف الزمن دار عليه وصل للحالة اللي هو فيا ..
وسوريا من يوم يوما قلبا كبير للكل ..
حتى اللبنانية اللي اذو الشعب السوري والمشاكل اللي صارت
سوريا استضافتن بقلبا الكبير ايام حرب تموز
فمبالك بأخوانا العراقيين ..
وان شاء الله بيرجع العراق متل ماكان واحسن ويرجع امان وشعب واحد
والعراقي يعيش ببلدو مبسوط ومايعتاز لا سوريا ولا غير سوريا
اقتباس:
|
والمشاكل ، والتسبب في انتشار ظاهرة الدعارة ، حتى بات يوصف السكان السوريين تلك المناطق بانها لا تطاق.
|
بس انو حبيت عقب ع هالنقطة ع السريع
مشان المناطق اللي صارت كلا عراقيين ووصفا بانا لاتطاق
يعني انا كل سنة بنزل ع حلب وبعد فترات طويلة كمان
ومن لما بديت الحرب لهلأ
شفت مناطق بحلب اغليا صارت عراقيين وصارو سكان هالمناطق اكتر من السوريين زاتن
بس انو يعني وبصراحة
الناس قاعدين بحالن
لا باذو حدا ولا حدا بأذين
وانا بالمنطقة اللي فيام لح خالي بعد عندو كتير
المنقطة هون العراقيين فيا نسبة كبيرة كتير كتير
يعني بصراحة ماشفنا منن شي غلط بالمرة
بالعكس الشعب العراقي من النوع اللي مابتحارش حدا ولا بدخل بحدا (ازا هو ماتحارشو)
والمنطقة كل سنة عبزداد فيا نسبة العراقيين
ولحدا الان ماشفنا شغلة غلط من اي واحد عراقي بهالمنقطة
بالعكس نحن وياهن صرنا صحبة لابعد الحدود
وايمكن اخوة واكتر ..
لان وعنجد شعب بخليك تحترمو وتقردوا لابعد الحدود
لانو شعب عظيم بس للاسف ظروفوا صعبة