شفت هون مرة ريبورتاج عاملينو التلفزيون الفرنسي عن هالموضوع .. متابعين حالة زوجين لجأووا لهالموضوع بعد ما فشلت كل محاولاتن للاستطباب .. و بالفعل لاقوا المرا اللي قبلت بهالمهمة بسبب ظروفها الاقتصادية السيئة كتير .. و هي كان عندها بالأساس ولد يعني مجربة الحمل و الولادة و عندها خبرة متواضعة ...
هلأ كل شي صار متل ما بيريدوا ثبت الحمل و صارت الولادة بالموعد المحدد -و كان من شروط الاتفاق انو المرا ما تحاول بعد الإنجاب يكون الها أي صلة بالولد - و من لما طلعت المخلوقة من غرفة الولادة انتهى دورها تماماً و بكل بساطة أخدت الأم التانية الولد بين ايديها و عطتو ببرونتو و الفرحة مو سايعتها .. هون أنت و عم تحضر بتحس بشعور غريب .. جسمك بيقشعر من هالوضع الشاذ : هالمرا اللي كانت من كام دقيقة عم تتألم و تعرّض حياتها للخطر لتعطي الحياة لهالمخلوق الصغير بعد 9 شهور من الحياة المشتركة معو .. قاعدة هلأ بغرفة لحالا عم تنتظر وضعا الصحي يتحسن مشان ترجع على بيتا و تكمل حياتا و كأن شيئاً لم يكن !!! هلأ هي اللي قبلت تحط حالا بهالوضع .. ماشي .. و هي مو أمو البيولوجية للطفل .. كمان ماشي .. بس بالنهاية هي إنسانة .. مخلوق عاطفي مو مكنة تفريخ و حتى لو أدت خدمة -و إن كانت مأجورة- لهالجماعة شي جواتنا ما بيخلينا نقبل هاد الموضوع إذا شفناه و تأملنا فيه عن قرب ..
و المأساة بالقفلة : لما بعد الولادة صار مع الأم المستأجرة مضاعفات خطيرة اضطرت الأطباء انهن يستأصلوا الرحم و هيك بتكون هالمرا باعت فرصة أمومتها الأخيرة ...!!
و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول
|