[Abu Guzef]

بس تزكرت كم شغلة من أقوال الحكيم ::

* ينطلي هنا الشطر الخاص ب"خارج اصول الكتابة الحرة المسؤولة" يعني فيك تحط شخص تحت المجهر لتقيم تصرفو بالمنتدى او تقيّم موضوعو بالمنتدى ، او تقييم اداؤو.. بس دون ان تنحو بالموضوع للإهانة او التجريح ..

وكمان شغلة

باكيج مع بعض، (الأديان وكريم المعتقد ، اي معتقد مش بس تبعك يعني )

وكمان هي

استخدام الألفاظ الخارجة عن القبول الإجتماعي العام مرفوض، بكل الأنواع ، وهون بيشمل الألفاظ السوقية، وتسمية الأشياء بأسماء سوقية ..

واهم شي هي والله كتير بتعجبني

آخراً
بسمعون بيقولو "أخيراً وليس آخراً" لهيك استشفيت انو آخرا بتجي بعد أخيرا

هاي يا حبيب قواعد البيت متل ما بيقولوا .. وهدول نحن ..
عاد لو حسيت هيك انك مثلا مـــــــــا إستسغتها لهال القواعد .. انو شلون يعني ما كتير هضمتها ، او ما خرطت مشطك بفرنك .. .. انو .. انو مثلا ما واتت صحتك .. (مثلا مثلا..)

فبهاي الحالي ... ما بعرف شو بدنا نقلك .. .. .. ما طالع معنا شي نقلك غير بيجوز انو .. انو ..
أحّــــــــط!

أحّط حبيب .. أحّط اي أحّط .. اي ما تتطلع فيي هيك بالورب .. ليش يعني زعجتك هاي بقا ..اخي الرقم الي طالبو بيئسفني قلك انو غلط ، و ما تعاود الإتصال بوقت لاحق ترى خلص الرقم غلط و احنا هذا الرقم شايلينو من الخدمة ولا يمكن رح بنردو .. (اي وحياة ولادي ، وو وحياتك ..)

اخي فهمت عليك ، سمعتك للأخير اي و شو يعني ..

احط كمان مرة ، احححححط .. ما مهم حبيب قلتلك ما بينفع ، هاي بضاعتنا ، وهذا الي عنا .. احط و فرقنا ..
لاء..
لاء.. لا ما رح بنفصلك على مقاس صباطك قوانين ..هق .. لك يا خيو ما بينفع ما بينفع .. والله كان بودي اخدمك بس عاد ما بينفع !!
لكتير اسباب هلق ما تفوتني بالتفاصيل..ماني فاضي انا .. شو ما عندي غيرك ..

نتمنا لك عزيزي المعتقل إقامة ممتعة في معتقلات أخوية