[وشم الجمال]

المشكلة انو الواقع غير الخيال
اليوتوبيا يللي بنحلم فيها ما تحققت من بدء التاريخ,,,بشكل أو بأخر السادة موجودين واحساسهم يالفوقية مستحيل يتخلوا عنو لانو صار بدمهم
ما فيهم يعيشوا بدون ما يكون عندهم عبيد بدون ما يحسوا انو في غيرهم اقل منهم

هلق انا كمان بحلم بعالم عايش السكينة والطمأنينة عالم ما فيه ناس جوعانين
ما فيه ناس مضطرين للجريمة ناس بدهم يتعالجوا و معهم حق الدوا بس احكيلي كيف هالشي فيه يتحقق؟؟

قريت هديك اليوم مسرحية ل كامو اسمها العادلون بتحكي عن تنظيم ثوري بدو يحقق العدالة عن طريق التخلص من الدكتاتورية والحاكم بيعرض كتير امور بس اهم شي كيف انو رح تكون البداية انو يصيروا مجرمين وارهابيين ليخلوا الارض تخلى للابرياء ويكونوا همو يللي رح يدفعوا التمن,,,
بيذكر انو الانسانية اولا وانو الثوري ما لازم ينسى انسانيتو لانها الهدف الاول للثورة بس بيبقى التساؤل قائم كيف؟قلي كيف؟
هلق هاد الحكي هوي الصح؟ما بعرف؟ واللي اهم من هيك ما دام الانسان يللي فيه بذرة خير وبذرة شر موجود ما فيك تحكي انو الخير يللي رح ينتصر فيه فيعني ممكن هالحلم يتحقق بس ايمتى هاد يللي ما حدن بعرفو