اوكي ..
التعليم بسوريا
كلية طب الاسنان ..
كتب
ما في : السبب -
1. تنشيط مركز التصوير بمحاضرات مختلفة كل سنة
2. كل مادة بيدرسها شي خمس ست دكاترة .. وكلن روس كبيرة ما عم يتفقو
3. من اول ما فتت عالكلية وجاري التحضير للكتب ..
المخابر : مواد تعتمد تماما ً على العملي
العملي يعني على الدكتور
في حال ما حبك الدكتور لأي سبب كان بدك تنسى المادة
في حال ما أجى مريضك عالفحص بدك تنسى المادة كمان
فبيضطر الطالب ... يدفع للمريض .. يجيب مريض ماعندو الحالة ويكذب
يزور توقيع الدكتور
في كتير خيارات ...
الازدواجية بين الانكليزي والعربي
يعني مواد مندرسا بالانكيزي .. ومواد تانية مرتبطة فيها .. وبتحكي عن نفس السياق بالعربي
وتعا بقى ميز انت .. شو بدن
اطروحات البحث وحلقات التخرج
لتشجيع البحث العلمي قررو حلقات تخرج ..
قام انتهى الموضوع كمان بالصدفة البحتة .. لمصلحة مركز التصوير على الشكل التالي ..
الدكتور بيعطيك حلقة البحث .. بالانكليزي ( شي مقالة قديمة عندو يعني لا بتبحث ولا ما يحزنون )
بتروح بدك تترجما
بتلاقي اعلان " نترجم اطروحات التخرج ونكتبها "
بتروح بتعطيه ياها بتستلما بعد شي شهرين وبتسلمها لدكتورك .. يا بيقراها يا لأ ...
مجانية التعليم
كلية طب الاسنان بتكلفني على الأقل .. 7000 بالشهر
بس التعليم مجاني
ويتبع ..
|