[روعة1]

أخي ماجد أنا كمان خايف ومرعوب متل صاحب الموضوع، ويمكن أكتر كمان، لأن هالمد مو مد ديني أبدا، ولا مد إسلامي، هادا مد مظاهر، مد ضعف إيمان، لاحظ النقاط يللي حكاها هيي كلها عبارة عن مظاهر، كترة المساجد وبعشرات الطوابق، والاهتمام بالحجاب ونبذ غير المحجبة وأحيانا تكفيرها، ترباية اللحى...الخ،

كل اللي ذكرتو مو ظاهرة بتدل على انو ضعف ايمان .. لانو هل الشي كلياتو اللي ذكرتو من تعاليم الاسلام.. و الواجب عليهن انو يسووا.. متل الامثلة اللي ذكرتها "الحجاب, تربية اللحى و بناء المساجد".
هادة بدل على انو هنن عم يطبقوا الدين..و مو لمجرد المظاهر.. و حتى لو هيك.. ما فيك تحكم عليهن هيك..
ما رح تيجي انت و تعرف شو جواتهن و بشو عم يفكروا و اذا هنن فعلا عم يعملو هل الشي بقصد انو عم "يدعوا الدين" ولا هنن فعلا متدينين..
اما شغلة انو غير المحجبة عم يتم تكفيرها, فهي بالاسلام مو كافرة.. و اللي بقول هيك فهادة بكون واحد فاضي اشغال و حابب يعمل حالو شيخ و يفتي ع كيفو..

بينما الجوهر ما اتغير، لسا في عنا أكل مال الأيتام والربا وهالشي عمبزيد بازدياد مظاهر التدين، وكل هالأخطاء مصدرها ناس عميدعوا الدين

هل الفساد من يوم يومو موجود و مو هو شي جديد بالدنيا .. ممكن انا معك انو عم يزداد بس مو لانو مظاهر التدين عم تزيد.. بس لانو الظروف السيئة اللي حوالينا عم تزيد و الفقر عم يزيد و مافي تطبيق من قبل اولي الامر لتعاليم و تطبيقات دين الاسلام كما يجب و بشكل يكفي جميع افراد الشعب.. و ما بتقدر تقول انو كل اللي عم يدينوا هنن عم يتستروا بالدين .. انا معك انو في فئة و بعتقادي يمكن صغيرة كتير ممكن تتخذ الدين كأسلوب للنصب و الاحتيال بس هون بييجي دور الانسان الواعي المسلم الفاهم لدينو و لازم يقدر يميز مين اللي عم يحكي كلام صحيح و هو من ضمن تعاليم دينا و ما عم بغالط او عم يكفر و يتستر بالاسلام..
و بشكل عام بغض النظر عن مقصد اللي عم يطبقوا دين الاسلام ان كان ظاهريا او باطنيا ما لازم نهاجمهون ولا نكون ضدهون الا اذا بدر منهون شي بسيء للمجتمع لانو الانسان اذا حاول يطبق شي من دينو افضل من لا شيء..

الإخوان المسلمين كلهن نصابين ومحتالين، وهون بعمان هنن جماعة مو محظورة وبلاويهن ما بتنعد، ونفس الشي بمصر، الإخوان المسلمين جماعة نصب واحتيال باسم الدين، وهدول عمينشروا المظاهر وينسوا جوهر الدين.

ما بصيير تسيء للاسلام بأنك تقول اخوان مسلمين هنن اللي عم يقوموا بأعمال ارهابية و تخريبية لانو المفروض
مجرد ما كانوا مسلمين لا يمكن انو تبدر عنن هيك تصرفات منشان هيك لازم تعرف انو هي فكرة اخوان المسلمين "ابتدعت لكي ينسب كل ما هو تخريبي لدين الاسلام" و بالتالي اللي متلك و غيرو يقولوا انو المسلمين هنن اللي عم يساووا هيك تصرفات و بالتالي بتكره دين الاسلام و تسيء الو و تبتعد عنو..

انا معك انو في ناس تخريبية و عم يساووا اعمال ارهابية بس لا يمكن يكونوا مسلمين و بالتالي كتير غلط انو نحنا نطلق عليهن اسم اخوان مسلمين.. اما اللي هنن فعلا مسميين حالون اخوان مسلمين لا يمكن يكونوا عم يسووا هيك اعمال..