اقتباس:
كاتب النص الأصلي : Nay
هلا سام حلو كتير طرحك..
انا كمان بحس متلك .. انا شركسية والشركس هاجرو من 120 سنة للمابيعرف من القفقاس بروسيا..
بحس احيانا انو وطني هون وهونيك وكمان احيان بحس وطني لاهون ولاهونيك..بضيع وبزعل كتير لأني مو متل كل هالناس.. وبحسد الناس اللي عندون ضيعة جدود جدودهون خلقو فيها..
بس الحقيقة اني بحب سوريا كتير.. وبحب الشام كتير كتير .. وبصدق بدفع عمري مشان الشام وحرية الشام..
يعني بالمختصر سام بدك تلاقي حل وسط.. مشان تريح حالك
|
بالنسبة لهيك موضوع هاد بيعود للتربية . يعني انا من جدي لابي تركي بس لا ابي ولا انا منعرف تركي
وجدي لامي من الشام ... بس ما عرفت غير اني سوري ما النا ارتباطات مع حدا من قرايبينا ولا بشعر انو تركيا مثلا هي بلدي بيجوز لانو اهلي ما ربونا على هاد الاساس لذلك مرتاح من هالناحية.
بس خليني اطرح مثال وارجو ما ينفهم غلط انما مجرد مثال للتوضيح:
الاكراد بالعراق يلي اخدتو حكم خاص وارض خاصة فيهم بشمال العراق من حق اهل العراق مهما كانت اصولهم انو يرفضوا؟؟؟؟ يا ترى مو واجبهم لانو هي ارض من وطنهم
ولا لا هي ارض كل سكانها اكراد ومن حقهم يتصرفوا فيها؟؟
طيب واذا سمحت للأكراد معناها لازم اسمح للكل ياخد ارض يلي عايش عليها ...
وين بقي الوطن هون
هي يلي زاعجتني حاليا يعني
بالنسبة الك الله يعينك الشعور انك بتحبي هون بس ما بتقدري تتخلي عن هونيك هاد شعور صعب
تحياتي لك
اذا لم نعش جميعا متآخين كشعب واحد ....
فان كل واحد منا سيموت وحيدا
بجيب الريح تتلعب معك
www.3tbatt.blogspot.com