اقتباس:
كاتب النص الأصلي : sona78
اول شي مرحبا فادي .. طولت علينا الغيبة !!!
|
ميت مرحبا سونا وبعتذر لأني ما انتبهت على مشاركتك من قبل
اقتباس:
|
تاني شي للصراحة ما فهمت القصد من الموضوع . يا ترى انت متامل من ايران هيك لوجه الله تعالى تعمل شي كرمال العرب والعروبيين وقضيتهون ؟؟؟ يعني بستغرب هيك كلام فعلا
|
انتي أذكى من انك تفهمي انو هاد يلي بدي ياه من إيران... أنا كل شي بدي ياه انو نحنا نفهم انو إيران مانها "كاريتاس خيري" متل مو مصوريلنا ياها الشباب وانو الجماعة همون الوحيد مواجهة أميركا واسرائيل بل انو ايران باللحظة يلي بتوصل فيها لتسوية مع الغرب "حتى لو على حسابنا" حتبيعنا بقشرة بصلة وبأرخص حتى...
اقتباس:
ايران ما بتوقع رح تعمل غير مصالحها .... حاليا مصالحها بالعالم العربي كبيرة وهيي قادرة تستفيد من الشعور العام للشعب العربي تجاه القضية الفلسطينية وهيدا يلي عم تستغلو بالتاكيد بشكل كبير
|
ياعيني عليكي وفيكي تضمنيلي انو هالمصالح الإيرانية بكرا ماتتعارض مع مصالحنا؟؟ على اعتبار انو مصالحنا ومصالحون مانها متلازمه استراتيجياً لعدة أسباب " جغرافية وتكتيكية وقومية و و " فكتير سهل انو تتضارب المصالح حتى لو تلاقت "مؤقتاً" حالياً...
اقتباس:
|
بس كمان هاد لا يعني انو الفلسطينيين واللبنانيين .. والسورييين بالتاكيد مستفيدين من هيدا الوضع لابيران وانها ساعدتون بشكل او باخر خلال الحربين الاخيرات على الاوائل .. والضغط العالمي ع الاخيرة ....
|
بالعكس تماماً مو العالم يلي كان عم يضغط على إيران بسبب هالحروب وإنما إيران هي يلي استفادت من هالحروب للضغط على العالم والدليل بعد هالحروب الغرب وأميركا صار عندون رغبة للتفاوض مع ايران أكتر من أي وقت مضى... ولا انتي شو شايفة؟؟
الجماعه كسبو وماخسرو من هالحروب... صدقيني كسبو مكاسب أكبر من مكاسب الأطراف يلي اشتركت بهالحروب وأكبر من مكاسب أي جدا بالعالم...
اقتباس:
|
اما الكلام من شكل الغاء اسرائيل ومحو اسرائيل كدولة مزعومة واللذي منو فهو حاليا نوع من المعمعة بسبب الحالة العامة يلي عم تواجهها ايران بموضوع النووي ويلي الاسرائليين عم يتابعوه بفزع كبير لدرجة ممكن يصير فعلا حرب عليها .. وهيي بهالشكل الدعائي عم تسبب كمان فزع بالمجتمع الاسرائيلي ......
|
ياعيني هالكلام عن تدمير اسرائيل خطير بحكم انو ايران بالفعل عندها قدرة عسكرية لايستهان بها حالياً وهالقدرة ايران مطالبة باستخدامها للتماشي مع شعاراتها الرنانة وأقل الإيمان للتماشى مع شعار الدفاع عن مقدسات المسلمين وأراضيهون... يعني هاد تكليف شرعي "على أساس" وواجب التنفيذ دون تأخير.. إلا اذا الجماعة كذابين علناً بقا...
اقتباس:
يعني ما ممكن اني اتصور ايران انها تعمل شي بيفتح عليها ابواب المجتمع الدولي بشكل واسع للهجوم .. فابي حق رح تهاجم؟؟؟؟؟ بينما لو المواجهة بدات من الطرف التاني فرح يكون رد الفعل السلبي عليه .. وهيدا واضح من تصريحات الاروبيين والامريكان للحكومة الاسرائيلية الجديدة لما الموضوع بيتعلق بايران ..
|
ماهي هاجمت "عملياً" من جنوب لبنان 100 مرة حتى ولو كان لوجيستياً وبالنسبة للغرب مافي فرق بين الهجوم المباشر أو الهجوم من تحت الطاولة... فما صار الوقت لحرب تكتيكية مباشرة على إسرائيل من قبل إيران وحلفائها يلي النظام السوري من ضمنون؟؟ ولعلمك أنا من أشد الملتزمين بحرب من هالنوع حتى لو بالتحالف مع ايران أو مع جزر الكناري...
اقتباس:
|
اا الكذب الواحيانة فانا ما بوجهو غير للعرب بشكل عام ولجزء من الفلسطينيين بشكل خاص .. لانو لما اهل القضية بينسوها ما عتب ع الاخرين
|
مو بس العرب يا سونا صدقيني... بس العرب أساتذه بهالمجال ويبدو صاروا شركاء وحلفاء الكذب مع إيران...
اقتباس:
|
تحية
|
1000 تحية إلك
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!