اقتباس:
أكيد مش قصدكم السعودية لانها فعلا اطهر أرض وشعبها أشرف شعب والي عاش بالسعودية اكيد يعرف
وتعلم الشرف انا اعتقد أنها روما لانها بلد الفساد والدعاره
وتجربة أنسان فاشل في بلد لاتعني ان البلد مش كويس
تحياتي لكم ناصر السعودي
|
أهلا و سهلا فيك بمنتديات الأخوية أول شي ...
و تاني شي أنا بعرف شعورك لما الواحد بيحكي عن بلدك بالعاطل و خصوصي إنو هون في كتير أشخاص ما بتحب العرب بنوب و أوقات الواحد بيحس بالعنصرية (( و هالشي مو بس بألمانيا بعتقد )) ...
المهم أخ أسير الحب ... أنا و متل ما قلتلك كمان بسمع هيك شغلات .. بس هالشغلات ما بتعني إنو بلدي سئ.. و كمان ما بتعني إنو الشخص يلي حكا هالحكي هو إنسان فاشل متل ما إنت وصفتو ..
بقا يا ريت لو كان في لغة حوار أفضل من هالشغلة .. و بتقدر ببساطة إنك تكتب وجهة نظرك بالسعودية و تكتب الشغلات الإيجابية و السلبية .. و بتكون بهالحالة وصلت و جهة نظرك , و فدتنا هون كمان بقسم سفراء الأخوية ...
و إسمحلي إني قول وجهة نظري بالسعودية لأني كنت فيها أكتر من مرة ...
السعودية كبناء حلوي كتير (( عمبحكي عن الرياض )) .. سيارات بتجنن و مصاري مكبوبة على الطرقات و الأبنية بشكل ملفت للنظر .. و هاي شغلات إيجابية ... لأني عنجد شفت هنيك بينايات و سيارات ما شايف متلها بحياتي ..
بس كمان الأبنية ما هي كلشي ... لأنو مو هني البلد كلها .. كمان في ناس و في طقس و في معاملة الحكومة للناس و إحترام الناس للحكومة و و و ... كتير شغلات كمان ...
بس كمان من الشغلات السلبية ... (( و هاي الشغلة بصراحة عرفتها من رفقاتي الألمان يلي مهتمين بزيارة الدول العربية و التعرف على الحضارة العربية )) إنو الواحد ما بيقدر ياخد فيزة سياحة على السعودي .. هلأ في عالم بتحب تروح تشوف الصحراء مثلاً .. بس مستحيل الواحد ياخد فيزة سياحة .. بقا ما بقدر إتخيل إنو هاي الشغلة تكون بولا طريقة إيجابية ...
و يا ريت كل مين عندو إسا معلومات ما يبخل فيها عن الكل ...
سلامات ..
أنا أفكر ... إذا الفكر موجود
أنا أتألم .. إذا الحزن موجود
أنا أضحك .. إذا فالسعادة موجودة
أما (( أنا )) فهي حقيقة قائمة بذاتها بدون إثباتات , و لولاها لما كان كل من الفكر و السعادة و الحزن موجود ....
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -