دنجل انا رجعتلك بدي تفسرلي حلم لبنت خالتي وبدي ياه ضروري يا ريت يا دنجل :
طبعا رح احكي بلسانها انو هي اللي بتحكيلك :
كنت انا وبنت مسيحية بغرفة وقلتلها قولي اشهد ان لا اله الا الله واشهد ان محمد رسول الله فقالت ما انا مسيحية ليه بدي احكي هيك حكتلها بس انتي احكي وخلص قالت لا اله الا الله محمد رسول الله طبعا حكتها بشكل غير مبالي اجيت قلتلها قولي اشهد ان لا اله الا الله واشهد ان محمدا رسول الله فحكتها واستغربت انو ما تغير فيها اي شي بس بعد ثانيتين اطلعت عليّ نظرة سريعة وغريبة بهاي اللحظة ( اجت الصورة على ممر فيو نور ) بعدين رجعت الصورة عليها وقربت مني وحكتلي انا اسلمت اشهد ان لا اله الا الله واشهد ان محمدا رسول الله وبدي ياكي تسميني محمد خالد .... ( وطبعا هاد محمد خالد اسم اخوي اللي توفى قبل 6 اشهر) اجيت انا ضليت اضمها وابكي كتيييير بعدين اجت الصورة علي عم بركض بركض بطريق وعم بحكي جواتي انا احسن من بنآدم طلعت عليه الشمس.
هو طويل شوية بس يا ريت تفسرلنا ياه اليوم
