[phoenixbird]

الموضوع ما اقتصر على الفن السوري مع اهميته ، و لكن ركز ع كتير من يومياتنا الحياتية و سببها او العلة الي فيها و هو النظام السياسي السائد ، الطابع الواحد ، عدم قبول الاخرين ، انعدام حرية التعبير ، جعل البلد خلال اربعة عقود بيئة غير خصبة طاردة للابداع بكل جوانبه ان كانت فنية او ثقافية او علمية ،

هلا هي بعتذر انو ما ركزت الا على الفن يمكن لقربي من المشهد الثقافي في سوريا بس رح اجي معك هلا ما فينا نحمل النظام كل المسؤولية من دون ما ينفهم من حكيي اني عم دافع عن اي جهة بس هي الحالة بتشوفا بكل الدول العربية بحقبة زمنية خلال فترة السبعينات والثمانينات لبنان كان بحرب ومصر اوضاعها كانت مضطربة والعراق نفس الشي وسوريا انعكست هالاحداث عليها

هلا انو في طرد للابداع بكل جوانيه ؟ ما بظن اسمحلي قلك وعم بحكي هلا لانو انا ابن اليوم وابن البلد وعايش فيها

مع ملاحظة انو الاشكالية بالوقت الحالي من حالة البيروقراطية اللي عنا وراجعلك للقصة تحت بعد شوي


وو متل ما بتعرف الاخوين قنوع و عيلة جبر خربوا المسرح السوري و لكن هم معذورون لان النظام السياسي لا يسمح الا بالتهريج ، و بظن انو همام الحوت اخد جرعة كبيرة من الحرية ولكن اخ كنان ما بنقدر نقول انها كافية الحرية لا تجزأ و الفن لا يقبل الهبات و التكرم من جيبة الحكومة لازم نسلم بأن كل اوجاع حياتنا من النظام السياسي و اسلوب اداراته للحياة و هي ايضا حالة الاحباط و الخذلان العامة ،

هلا باعتبار صرنا بالمسرح خليني هون بقا افتح قلبي واحكيها المسرح متبهدل عند كل شي بالشرق الاوسط
ومعك انو في تراجع تخيل انو دمشق فيها 4 مسارح بس؟
واحد منها فقط صالح للعرض والثاني حمام ساونا والثالث مثل الكوخ
وهدول الناس الاخوين قنوع وجبر وحتى همام حوت طلعوا من لاشئ وهني بالاساس ولاشي
اللي مخلينا نحبط هوي البيروقراطية اللي عنا من صغار الموظفين رح احكيلك قصة صغيرة
صديقي تخرج من4 سنين من المعهد العالي للفنون المسرحية وطلع الاول واخد بجهد منه قبول باحد اهم مدارس الايماء باوربا وطلع الاول كمان رجع للشام ما اعترفوا بشهادته قال لانه مو منحة من الوزارة او المعهد

قبل رمضان الماضي الرئيس التقى باهل الدراما بسوريا ووجه بانو لازم تدعم الدراما حلو كتير بس يجي موظفين التلفزيون يحذفوا ويعملوا مونتاج على كيفون بمسلسل مدة عرضه 5 دقايق بس ؟

النظام السياسي ما دخله بالكامل اللي دخله هو تراكم لحالات الروتين من جهة ومن جهة تانية الفكرة اللي عند الناس انو الثقافة من الكماليات فمش ضرورية




. بقدر اذكركلك نزار قباني و ادونيس و محمد الماغوط و عمر ابو ريشة مصطفى العقاد ، كل هالاسماء الكبيرة لم يبدؤوا في سوريا او بدؤوا و لكن لم يكملوا المشوار فيها و لم يعيشوا اغلب حياتهم في سوريا و اغلب انتاجهم الفكري كان خارجها ،

وصباح فخري وميادة الحناوي انطلقوا من وين ؟ ودريد لحام وكوليت خوري وغادة
مشكلتنا انو نطلق الابداع بس ما بنعرف نطوره ونصنعه




فمن المستحيل انه يكون الفن اصيل ( كما كان ) ، حتى السينما معدومة تماما الاغنية السورية انقرضت لانها اقتصرت على الاغاني الفداء بالروح و الدم و البيعات الابدية ، الاعلام السوري بحد ذاته كارثة بالنسبة للسوريين و بصمة عار للاعلام ..


السينما معك حق بس الاغنية اسمحلي فيها اي كانت منقرضة وهلا بدينا نكسر الحاجز والك بلينا شماميان وبشار موسى واطار الشمع وكنان العظمة وحوار وديمة اورشو وغيرون كتير

هداك الزمن انتهى من انو نعتمد على الخارج اليوم في حركة رائعة للثقافة عم يقودها الشباب بس عم تواجهون مشاكل انو الناس نفسا مش متقبلة بمراحل كتير ومن جهة تانية الرتابة المملة اللي عنا

، فالثقافة اخ كنان ليست حركة سرية و الفن ليس عبارة عن احجيات و طلاسم لا يفهمها الا اصحابها و لكن هي رسالة و اذا لم تصل الى عامة الشعب فبيكون السبب انعدامها اصلا ..


اسمحلي قلك بالاخر يقبرني ربك على هالمخ اشتقنا لهيك مخاخ بس نصيحة مني لا تتشاءم
بكرا احلى وشوي شوي سوريا راجعة بقوة لتكون الاقوى اجتماعيا وثقافيا وفنيا وبجهد ولاد بلدا

ملاحظة : السنة الجايي احتفالية دمشق عاصمة الثقافة العربية بس تخلص الي كلام حول من المسؤول عن الثقافة والفن وهل عم تتعرقل

برجع بقلك لا تتشاءم ولا تحمل النظام المسؤولية كان في حقبة واليوم حقبة تانية والزمن بيمشي ويتغير
والحال بتبدل

مع حبي
بشكركن مرة تانية