اقتباس:
وبالنسبة لقضية تهديد الوجود فأكيد مارح يتهدد من مجرد وجود آخر وانما من خصائص هذا الوجود متل ما انت حكيت .. بس مع الوقت هاد الوجود بيصير يشكل خطر كوجود وليس فقط كخصائص وجود ..
متل جماعة التأييد لجرائم الشرف .. المشكلة انو وجود هالجماعة ما بيقتصر بس ع الحكي لانعتو بالتخلف والرجعية والحيوانية وانما صار وجود هيك جماعة يهدد وجود النساء بشكل عام .. ومن حقي اني اكرهها والغيها خوفا منها حتى قبل ما ترتكب هيك جرائم ..
|
ما بتذكّر كيف بلّشت ثقافة القمع (كنت صغير كتير
) بس على الأغلب بلشت بشي تصرّف احترازي ضد خطر افتراضي..
هلأ يمكن مثال تبع تأييد جرائم الشرف مانو أبلغ مثال كونو عم يأيّد شي بإذن الله رح يكون جريمة يعاقب عليها القانون (هي أول ريدي جريمة, بس بدون كافيين يعني) لكن معليه خلّينا فيه...
بهالحالة في دور للمجتمع و ضوابطو و قوانينو, و بالحالة الفوقانية المجتمع يتقبّلها (عم احكي عن مجتمع شرقي) بس لو مثلاً واحد يدعم العنف الأسري بمجتمع غربي متل اللي أنا عايش فيه هالمجتمع رح يقوم بدورو تجاه هالشخص (مابدي قول ضدو) فهاد الدور لازم ما ينتسى لأنو مهم جداً...
يعني بالحكي النظري.. مافينا نعتبر وجود و خصائصو انو هو تهديد وجود و نتصرّف تبعاً لهالشي (ما نقدر نعاقب ع جريمة قبل ارتكابها) و لكن الكره المضاد بحد ذاتو اذا تم استخدامو بشكل صحيح ممكن يكون آلية دفاع تجاه هالخطر المحتمل.
اقتباس:
نفس الشي ليبرمان .. مع انو لحد هلأ بس عم يجعجع بالطالعة والنازلة وبمناسبة وبغير مناسبة بالترانسفير للعرب .. بس خوفي منو ومن تنفيذ هالخطة وحماية لوجودي بيخليني اوتوماتيكيا طالب بالغائو من الحكومة .. يعني مع انو الديمقراطية صعب تسمح بحدوث هالشي ومع انو لحد هلأ بس عم يجعجع انا بشوف انو وجودو بيهددني وبيريحني جدا اني طالب بالغائه ..
|
هون بتدخل قضية سياسية من حيث ليبرمان هو عنصر من كل, و هالكل بحد ذاتو و بصيغتو و خصائصو هو تهديد وجود كون يعتبر حالو انو وجودو لا يمكن أن يتناسب مع وجود كيان آخر (بمعنى انو وجودو هو الغاء لوجود آخر), فبهالحالة ليبرمان هو عبارة عن تمثيل مركّز أو رمزي لفكرة أكبر منو و هي فكرة اسرائيل و يهودية اسرائيل.... هيك بعتقد..
اقتباس:
|
وشكراً لطولة بالك علينا
|
شكراً لالك على الاهتمام بالموضوع
