[قرصان الأدرياتيك]

كاتب النص الأصلي : h13free

تحياتي لك قرصان

صراحة صدمني اعتبارك ان حماس ارهابية متل اسرائيل
انا شخصيا ضد اطلاق صواريخ وان كانت ضعيفة على مدنيين والعمليات الاستشهادية كمان برفضها ان لمدنيين او لعسكر مو خوف على جيش اسرائيل بس احتراما لحياة المستشهد
وانقهرت لما شفت حماس وفتح بيتقاتلوا بالسلاح
بس بتفهم حق الفلسطينين في الدفاع عن انفسهم وحياتهم وحقهم في العيش الكريم وفي استرجاع كل اراضيهم
وبقلك انت قلي كيف برايك ممكن تتعامل مع اشخاص عملاء يحاربوا الوطن ويقفوا جنب العدو؟؟؟
بالنسبة لليهود الفلسطينين اللي عندهم فكر صهيوني
بعد قيام الدولة الفلسطينية لازم تكون لهم حقوقهم كاملة بس يتعاقبوا بشدة ادا اشتمت منهم خيانة
كون حماس حركة اسلامية ما معناها انها عنصرية

وتحيّاتي إلك يا صديقتي الغايبة...
لما بعتبر حماس وإسرائيل إرهابيين أنا ما عم قارن يا أغلى صديقة بين محتلّ ومقاومة، وللأسف أنت وأيهم والصمت الناطق لحقتو تأويلكن هاد يلي مو موجود أساساً بمشاركاتي السّابقة!!!
أنا أوضحت ليش بعتبرها هيك... لأن أي حزب أو دولة أو منظمة أو جماعة قائمة على إيديولوجيّة دينيّة بتميّز البشر بين كافر وغير كافر، بين مؤمن وذمّي، بين أصيل وغير أصيل هي باختصار فكر متزمّت عنصري متشدّد ما بيسعى إلا إلى صراع وما بيشوف باختلاف الآخر إلا العداء!!!
وبدل ما نأسس هيك أحزاب ومنظمات خلونا ننادي ببلد اسمو فلسطين وبالهويّة الفلسطينيّة البعيدة عن كل دين وانتماء... بس للأسف رح أحكي عبثاً لأن مع العرب مستحيل هالأمر!
وبالنسبة لليهود فالأخ أيهم فهمني غلط لما قلت ألن حق بشقفة أرض... أنا ما كنت أعني أي تقسيم بس كنت أعني متل ما المسلمين عم يطبقوا ضمن الدولة والشرائع شريعتن الإسلاميّة فاليهود كمان بيحقلن هالشي... المسيحيين لأ لأنن بالأساس ما عندن فكر يصهر الدولة بالدين... !
وبما أنّو الإسلام بيرفضوا أي حكم آخر ضمن قالب الدولة الواحدة فاليهود نفس الموضوع والحل الأمثل كان بترسيخ أعمدة العلمانيّة بمفهوم شرقي جديد يختلف شوي عن المفهوم الغربي وبظن هيك فيني أنا كمسلم أو كمسيحي أو كيهودي أو كبوذي كون فلسطيني لا أكتر بتعاملي مع بقية الأفراد ومع المجتمع ومؤسساتو!
وتحيّة لكل مقاومة شريفة ما بتميّز بين هاد وهداك... وما بتشوف غير فلسطين وطن بيجمع كل أبناء فلسطين.

كاتب النص الأصلي : الصمت الناطق

لما العصبية ياصديقي القرصان ؟؟
ربما نختلف و أحياناً نتوافق وماعهدته منك صاحب كلمة لها وزنها فاجأتني برأيك
ويبقى رأيك وهذا منبر حر وانت حر في اعتناقك مبدأ ما ..
لن أدخل معك لا بسياسة ولا بدين لأنهما داء وعلة .. وكان ردة فعلي نتيجة ماكتبت
كوني سمعتها من تلك البلهاء ليفني نفس الكلام (عذراً ) فقلت لكَ ماقلت
لكن اتهام أي مقاومة وتحت أي اسم كانت مادامت دفاعاً عن حقها بأن تدافع عن أرضها
فهو حقٌ مشروع ومكتسب وليس ارهاباً .. والذي يحدث الآن على أرض غزة
أصابنا بالعجزويكفي أن شعوب العالم بأسره علم أن وكر الارهاب في اسرائيل ..
واذا أنت لاتريد أن تقاوم بكلمة حق على الأقل فدع حماس تطبق مبدأ الدفاع عن
النفس والأرض .. والذي يؤخذ بالقوة لا يسترد إلا بالقوة .
هذا رأي المتواضع على قدر مفهومي ..
لذلك شوف قدامك ولك َ احترامي والاختلاف في الرأي حوار مودة .
لكَ مودتي .

والله ما بعرف يا صديقتي الحلوة عن أي عصبيّة عم تحكي... قلتلك أنّو وجود سام حرمني منها البارحة! بس إذا بدّك تعرفي ليش ردّي كان شوي ناشف فالمفضّل ترجعي للكلمتين اللي كتبتين بأول رد إلك عليّ لتشوفي كيف بيرفعوا الضغط!!! كانوا مجرد اتّهام وما ألن علاقة بأي شيء اسمو حوار لا من بعيد ولا من قريب... ولما سألتك عن توضيح الأمر ما رديتِ فاكتفيت باللي فهمتو منّك بهيك أسلوب فجّ ضعيف (أسلوب العرب في التخوين والاتهام)!
ما بدّي عيد اللي كتبتو لهدى بس بظن موقفي جداً واضح... أنا مع المقاومة وإذا في مقاومة مسلحة، من برا يمكن بعترض، بس من جواتي بوافق لأن الأرض ما رح تتحرر إلا بالدم. بس أنا ضد أي منظمة تحاول تفرض إيديولوجيتها على البقيّة بحجة المقاومة البريئة بينما إيديها أوسخ منهن ما في!!!
واللي صار بغزّة أكبر دليل على إرهابيّة حماس...
وبرغم كل شي، شيء مؤلم فعلاً مقتل الأبرياء على إيد دولة ما بتعرف من حقوق الإنسان إلا أسفلها! أصلاً حرام تسمّى إسرائيل دولة بكل شيء عم تعملوا فينا...
وأخيراً شوفي قدّامك أو وراكِ، قصدي على مشاركتك يلي ما كانت تعبّر عن اختلاف بالرأي بل عن تهجم واتّهام وحكم لا أكثر ولا أقلّ! وبتمنّى تاني مرّة أنو تحاوري الطرف الآخر قبل ما تتهمي.
.