اقتباس:
كاتب النص الأصلي : باشق مجروح
بشكرك ع الموضوع المهم.
بالفترة الاخيرة انتشرت ظاهرة التحرش الجنسي بالأطفال بكل مكان وخصوصاً بعالمنا العربي المتعود على اخفاء كل كومة المصائب وابقائها خلف الستار واهماً نفسه بأن المشاكل التي لا تظهر علانية مصيرها النهاية ومستنكراً ما يسميه / الانحلال الخلقي / في بلاد العالم .
المشكلة ان كل تلك العقد تدفن فينا عبر منهج التربية الصدئ والعلاقات الاجتماعية المبنية على الخداع والتستر على العيوب . / عقد / تنمو وتكبر ويدفع ثمنها ابنائنا مجدداً لنبقى في حلقة مفرغة.
الخطأ يتقاسمه كل افراد و مؤسسات المجتمع الذي انتج هذه النماذج وانتج اطفالاً لا يعرفون انهم يتعرضون للاعتداء ويتسترون على المذنب ويعيشون دور الضحية كل حياتهم. وآباء وامهات يفقدون الرقابة على أطفالهم وعلى سلوكهم . على مدرسة لا تعلم الاطفال الا نظام العقوبة . على حكومة طلقت شعبها و اغمضت عينيها عن وجعه .
ذنبنا اننا هكذا . موضوع من هالنوع بيكسر حاجز صمت دام وطال .
بشكرك مرة تانية  |
اسمحلي عارضك بأول كلمتين "بالفتره الاخيره" لانو هالظاهره ابدا ما انتشرت بالفتره الاخيره... الظاهره هي موجوده طول الوقت ومنتشره بنفس المقدار لي اليوم نحنا منعرف ومنسمع عنو...
يلي اختلف بايامنا منو ازدياد عدد الاعتداءات بل ازدياد عدد التبليغات... الوعي لهيك مواضيع ارتفع بمجتمعنا، ارتفع بنسبه زغيره بس ملحوظه لدرجه خلت الناس تنتبه وتستوعب وجود هي الظاهره...
هلا اخر جملتين انت حكيتهون على حد كبير من الاهميه لانو الولد حتى لو ماحكي بشكل مباشر مابيعرف يخبي بيبان عليه بشكل او بآخر... ممكن بتصرفات معينه وممكن بتغيير تفاصيل زغيره او بردات فعل يلي الاهل "غالبا" ما بينتبهولها... وبهطريقه مو بس ماقدرو يحمو ابنهن ويمنعو حصول الحادثه وانما ما قدرو كمان يمنعو استمرارية الاعتداء...
هي الاستمراريه هيي يلي بتعزز حاجز الصمت يلي بتبنيه الضحيه ويلي ما بيكسرو غير شي واحد... "عنوان" بيتقبل وبيفهم وبيرشد وبيقوي وبيساعد... ومجتمعنا طبعا هو من اكثر المجتمعات "افتقارا" لهيك عناوين... يلي نحنا بحاجه الو هو رفع الوعي ويلي هو مسؤولية كل واحد فينا...
صافو نورت
اقتباس:
كاتب النص الأصلي : القلب الدافئ
لا حول ولا قوة إلا بالله
بشكرك على انسانيتك ......
|
الانسانيه منها جميل منردو لحدا ولا معروف منعملو للعالم... هيي واجب ومسؤوليه مفروضين علينا بحكم كوننا جزء من هلأنسانيه...
ياسين