[QUOTE
مساء الخير جميعا
اولا هناك الكثير من الاخوان
لا نعلم هل هو علماني او ملحد او ماذا ..افكارة لا يعرف لها صادر او وارد
يتكلم عن الدين وكأنه من صنع البشر
ويتكلم عن العلمانيه على انها حقل تجارب سنيين وقرون ودهور وحتى وصل الى هذه النتيجة الا وهي العلمانية يتفنن بالاسلوب والكلامات والمعنى واحد هو ان الدين وجده الانسان وان لا وجود للانبياء والصالحين وانها لعبه قديمة ابتكرها الاجداد لكي يضبطوا ايقاع الحياة والمجتمع وتسخير الايات والكتب السماوية في اثبات حقيقة دينهم
][/quote]
بغض النظر على اول جملة _ اللي ما فهمت منها شي بسبب الاخطاء المطبعية _
كيف بترفض فكرة العلمانية عبارة عن نتيجة تجارب مع العلم انه العلمانية ظهرت كتجربة لتغيير الوقع والتخلص من السلطة الكنسيّة ؟!
كتار من العالم متهجمين على العلمانية ، بس ولا واحد اتجرأ يحكي ويقول انها لم تكن وليدة تجارب السنين !!
بهنيك على اللقب اللي ما حدا حاصل عليه من قبل !!
هاموش : شايفلك انك انت اللي ما بتعرف شو معنى العلمانية وشو هية مفاهيمها
اقتباس:
ولكن رساله لك ايها العلماني قبل ان تتعلمن
تفكر في هذه التسائلات واجبني عليها بصدق ولا تتكبر وتتخبط في اجوبتك وخصوصا من يشكك في الدين
1- عطني تفسير علماني عن هذا الكون من صنع من؟ لا تقول جيفارا او ماركس الاجابه غلط
2- تحسس قلبك الذي ينبض كيف ينبض بدون امر ارادي يعمل لليل نهار بدون توقف كيف عمل ولماذا لا يتوقف عندما تنام انها الروح التي لن يعرف لها سبيل وهل العلمانيه لديها جواب؟ اعطيك روحي بس جاوب
3- بداء الله البشر بزوجين اثنين ادم وحواء ميزهم بالعقل عن سائر المخلوقات اليس لديهم مالدى الحيوانات من راس وصدر وقلب وكبد وغيره لماذا لم يجعلهم كسائر الحيوانات تاكل وتشرب وتنام ثم يفترسها السبع
4- جميع علماء الجينات اكتشفوا وجود البشر كان قبل 90 الف سنه وكلهم ينحدرون من جين واحد وهو y واثبت العلم صحة ماتدعيه الاديان بأن ابو البشر واحد هو ادم اخبروني ياايها الملحدون من خلقة وكيف ولماذا وماهو الغرض من خلقه وماهي مهمته في الارض وهذا الرابط
|
اول شي
ايها العلماني قبل ان تتعلمن هي جملة خاطئة
منطقيا لأن العلماني هو انسان مقتنع بالعلمانية فهوي متعلمن وخالص بحسب تعبيرك
منجي على الاسئلة :
الاسئلة كلها بتدل على سطحية فكرتك للعلمانية او حتى افكارك الخاطئة المتولدة عنها
مين قلك انه العلمانية اجت حتى تحط الاجابات عن صنع الكون وعن آلية عمل الجسم وعن نسل الانسان ؟!
اسئلتك هي ما الها علاقة بمفهوم العلمانية حتى انها ما الها علاقة بالموضوع هاد لأنها بتندردج تحت الحوار الديني الالحادي ، ما تحت الحوار الديني العلماني
وللأسف طريقة استخدامك وربطك بين الالحاد والعلمانية ما بتخليني غير اقول : يا همّ لالي .
اقتباس:
5- طالما ميز الله ادم بالعقل اذن الم يخبره بحقيقة الامر وانه خلق جديد وانه ذو عقل وادراك وانه مميز عن بقيت المخلوقات الم يخبر ادم ابناءة بهذا الامر وان لله الفضل في ذلك وزي متشكر مسؤول او واسطه في معامله مررها لك طيب اشكر الله الي خلقك لا تصير جاحد حتى على ربك
6- لماذا خلق الله الاديان السماوية بدائها بالحنيفية وختمها بالسلام ؟ راح اجاوب من نظرة الدين الاسلامي ,خلق الله الانسان وجعل فيه الظالم والحاقد والحاسد والفاجر والسارق والقاتل والمغتصب والجاحد لربه وناكر الوجوده انزل الله كتبه السماوية على رؤوس الاشهاد لكي تنظم الحياة الفردية والاجتماعية حتى لا تصبح شريعة الغاب تحكم البشر, انزل الله الاديان لتنظم العلاقة بين الخالق والمخلوق رغم جهل بعض اصحاب الدين في دينهم وتشويهه بالتشدد والتعصب والرسول محمد يقول(( وما بعثت الا لاتمم مكارم الاخلاق)) والدين المعامله
ما ذنب الدين اذا شوه من قبل ابناءة
7- لماذا حين تفشل اساليب الحياة الاجتماعية وينتشر الفقر والتخلف العقلي والفكري ترمى على الدين؟ هل الدين حرم دراسة الطب والهندسة والفلك والفضاء والتكنلوجيا والانتر نت >> اجحاف وظلم
|
ما بدي علق على كل هالحكي بالموضوع هون (( كونه بيدخل بموضوع دراسة صحة الاديان من الناحية الدينية البحتة او من الناحية العقائدة وما هاد هوي الموضوع المناسب لهي افكار بتحب ندخل بنقاش افتح موضوع بيتخصص بهي الفكرة ومستعد فوت معك لأبعد مدى ))
بس عجبتني اكتر شي آخر وحدة تبع الاجحاف والظلم :
يا اخي نحن هاد اللي عما نلعي قلبنا عليه كعلمانيين وما حدا عبيسمعنا
ما حدا قلك انه الدين حرم دراسة الطب !!
وقت بتقول (( اساليب حياة اجتماعية )) منكون عمنحكي على نظام اجتماعي بحت ما اله علاقة بإي مصادر ثاتبة
كل الفكرة انه الدين عبارة عن ثوابت منزلة لا يمكن تطويرها او تغييرها
والحياة الاجتماعية متطورة بشكل سريع (( كل مجتمع بسرعة مختلفة )) فكيف بدك التعاليم الثابتة والاحكام الغير قابلة للتطوير انها تتماشى مع احتياجات المجتمع المتطورة ؟!
عندك حل من حلين
اما بدك تعمل تغيير كل فترة والتانية بالدين مشان يواكب احتياجات العصر !!
او بدك تاخد من مصدر تاني مرجعيتك والمصدر هاد طبعا قابل للتطوير والتغير دائما بحسب متطلباتك واحتياجاتك .
بس انك تحطلي كتاب قدامي وتقلي هاد منزل من عند الله ولا يمكن تغييره وبنفس الوقت لازم تكب كل احتياجاتك الانسانية وكل احتياجات عصرك وكل المواكبات المطلوبة وتمشي على المنظومة اللي محددة داخل هالكتاب \\\ هاد هوي الاجحاف والظلم بعينه !!
اقتباس:
هل حين يأمر الدين المراة بالحجاب يعني صار تخلف هذا اللي شاغل بالكم تركتوا العلم واشغلتم افنسكم بحجاب وما ادراك ما حجاب
يا سيدي كل مجتمع حر في نفسه من قبل1400 سنه والناس هذي مرتاحة
ما شكوا لحد خلاص صاروا هما التخلف وباقي الامور من
رشاوي والرقيق الابيض والدعارة والمحسوبية والواسطة والطبقية والاقطاعية وفقر وعوز وتشرذم وهضم حقوق وخوف من المجهول
والكدح لليل ونهار مثل الجحش وخوف من مسؤول ومدعوم مو تخلف
|
يا سيدي انت قلتا ما انا اللي حكيتا
مجتمع من قبل 1400 سنة
سؤالي الك
بتعتبر نفسك عايش بنفس الظروف وبنفس الافكار اللي كان عايش فيها الانسان قبل 1400 سنة
للأسف الفكرة هي هية سبب تخلفنا
نحن عايشين بالفرن الواحد والعشرين بس علاقاتنا وافكارنا ما بتختلف عن جماعة القرن السابع ميلادي !!
ما شايف انه هاد هوي التخلف بعينه !! انك تعيش بأحكام مجتمع صرله اكتر من إلف سنة ونيفبدون ما ينضاف عليه مفاهيم او افكار جديدة او حتى تحديث للافكار القديمة ا!!!!!
اقتباس:
اخي اعطني مجتمع محافظ نسائه يرتدينا الحجاب كامل او غير كامل يصلون محافظون على دينهم سواء يهودي او مسيحي او مسلم ولكن اجد لديهم الامان على نفسي ومالي وعرضي لا اجد فيه محسوبيه وخوف ورعب ورفيق وغير رفيق لا اجد اقطاعي بينهم لا جد قضاء غير عادل لا اجد فقر اجباري لا اجد مثلث قاعدة فقر وراسة غناء
|
وشو الها علاقة قطعة القماس الموضوعة على الراس باضافة صفة (( المحافظ )) للمجتمع
يعني اللي مرته متحجبة مستحيل يكون سارق او اقطاعي او غير امين او مجتمع فقير ؟!
اقتباس:
العلمانية شيئ جيد اذا كانت تسخير وتسهل الحياة وترفع من شأن الدين لا ان تلغية وتشكك فية
الدين لا يلغي العلمانية التى تأزر الدين وتعينه على تسهيل امور المجتمع السياسية والاقتصادية وحبيبي محمد صالى الله عليه وسلم قال ((((((( اطلب العلم ولو في الصين)))))))) لم يقل الدين بل قال العلم فكيف يلغي الدين العلم
|
شلون شلون ؟!
شلون بدك تعمل مرجعيتين مختلفتين لنفس الامور وبدك تآزرها ؟!
وقت بدك تعتبر العلمانية رديفة الدين ، هاد شي كتير حلو كون التنتين ما بيتعارضوا وكون الدين بيشتغل بالجوانب الروحية وبجوانب التعامل مع الله
اما العلمانية ( بكسر العين ) فما بتتعارض مع الدين وما بتدخل بالامور الروحية ، كل تعاملها مع التركيب الاجتماعي والمنظومات السياسية وهاد حكي مافي غبار عليه
بس المشكلة انه .. ما بدي اعيد الحكي طلاع على ردي السابق لهاد بتعرف شو المشكلة
