أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 09/11/2008   #1
شب و شيخ الشباب المتشائل
عضو
-- أخ لهلوب --
 
الصورة الرمزية لـ المتشائل
المتشائل is offline
 
نورنا ب:
Mar 2008
المطرح:
غزة ... جهنم الحمرا ...
مشاركات:
212

إرسال خطاب ICQ إلى المتشائل إرسال خطاب MSN إلى المتشائل
افتراضي الله والقرف ... وجهان لعملة واحدة


قد يظن القارئ للعنوان انني احد الكافرين الزنادقة ... ممن صدق عليهم القول ... او انني كقوم عاد وثمود ممن حق عليهم القول فدمرناهم تدميرا ... والحق انني لست كذلك ... بدرجة أو بأخرى ... وقد يظن الآخر ممن يق يتمعن في الموضوع انني احد المؤمنين القانتين العابدين ... ممن جعلو الله بصرهم وبصيرتهم كيانهم وكينونتهم ... حتى انسجمو مع الكينونة الالهية صرفا ...

الله والقرف وجهان لعملة واحدة ... ليس عنوانا تهكما بقدر ما هو انعكاس لحقيقة واقعية صرفة مما يعانيه الفكر الاسلامي اليوم عموما والعربي خصوصا ... اذا تمعنا في البنية الاجتماعية الفكرية السياسية لهذه المجتمعات الخاوية على عروشها ... وبنظرة تأملية على نظمنا سنجد انها تقوم على سياسة الله كالتالي ...

النظام الاقتصادي .... اي الله بيرزق يا عم
النظام الصحي ... ما حدا بيموت ناقص عمر ... والاعمار بيد الله الواحد الدياااان ... وسلملي على موشى ديان ...
النظام السياسي ... ياللي بدو اياه الله بيصير ...
النظام الاداري ... ومن يتق الله يجعل له مخرجا ويرزقه من حيث لا يحتسب
نظام الامن ... واعدو لهم ما استطعتم من قوة ومن رباط الخيل ... ترهبون به فقراء شعوبكم
النظام البيئي ... ظهر الفساد في البر والبحر بما كسبت ايدي الناس ... فبيطلعلك شي شيخ فهمان بيقلك الاحتباس الحراري نتيجة المعاصي ، ودقلي يا حلاني يا عاصي ...

هلا هاي بحد ذاتها مشاكل كبيرة ... وكبيرة جدا ... وحلها مو بسيط ... لكن سنقف عند حادثة تاريخية بحياتي الشخصية .. اعتبرها جد مؤثرة ومحورية في ان ارى ان الله والقرف وجهان لعملة واحدة ... هاي العملة تحديدا هي البشر ... ولا شيء سوى البشر ...

القضية ليست سهلة ... وفلندخل بلا مقدمات ... اعتباطا نضع كل اخطائنا وقذاراتنا على الله وكانه هو المسؤول عنها او كانه هو فاعلها ... يعني مش بيكفي محملينه جميلة انو بنعبدو لا لا لا ... كمان بنحملو فشلنا وجهلنا ومرضنا وتخلف شعوبنا.... اي يا اخي الله بدو هيك يعني ... فلازم نصبر ونحتسب ... وبنضحك على الشعب المقهور باسم الله ... وكانو ولادنا ياللي عمر الواحد فيهم بسن الزهور ... ولاد حرام ... بنبعتهم في عمليات اسمها استشهادية ... بتنفجر في الواحد فيهم العبوة قبل ما يصل لهدفو ... والسبب في قلب الشاعر ... والشاعر هو الله ... انو الله بدو هيك ومو رايد عمليتو تنجح ... بس يا الله لشو هالشاعر بدو هيك ب 90% من القصص ؟ ؟؟ اي هاد شاعر سكران شي ؟؟؟
والله بدو انو مجتمعاتنا مجتمعات مريضة بالافات الاخلاقية كلها ، سرقة ، انفلات ، تحرش ، قتل ، عنف اسري وعنف عمل وعنف بالشارع ، وكل هذا نحملو لالله وكانو المسؤول

طيب امبارح مع صاحب بنتناقش في موضوع الاغتصاب والتحرش في اميركا ، كان ردو بسخافة انو هاد عقاااااب من الله لهدول الناس لانهم مش ملتزمين دينيا

رجعنا ناقشنا التحرش الجنسي والاغتصاب بالمجتمعات المسلمة كان ردو الاسخف انو ابتلاء من الله

يعني بيني وبينكم فكرت كتير احاول افهم شو الحكمة الالهية من العقاب بالحالة الاولى ، وشو الحكمة الربانية من الامتحان والابتلاء في الحالة التانية ؟ هل فعلا الله مسؤول عن هادي الشغلات ؟ ؟ ؟

ليش بنحمل الله قذاراتنا واخطائنا ؟ ليش احنا عادة ودائما اجبن من اننا نتحملها فعليا كافعال بشرية ولا دخل للقداسة الالهية فيها ؟ ليش بنصر دائما اننا نلوث صورة الخالق بحماقات البشر ووسخهم ؟


أخبروني يومها أن مقتل تلك الطفلة كان لحكمة إلهية لا يعلمها إلا هو ...
أي حكمة إلهية هي تلك التي تنطلي في تمزق جسدها العاري إلى تسع وتسعين جزئا ؟؟
هل أراد الرب اثبات اسماءه التسع وتسعون ؟؟؟
  رد مع اقتباس
قديم 09/11/2008   #2
شب و شيخ الشباب satoman
عضو
-- زعيـــــــم --
 
الصورة الرمزية لـ satoman
satoman is offline
 
نورنا ب:
Mar 2008
المطرح:
Syria
مشاركات:
1,354

إرسال خطاب MSN إلى satoman
افتراضي


يعني لنفهم الحكمه الالهيه لازم يفهم كل انسان نفسه اول شي0 بعدين اي شي عم يصير بهالبشر واماحدا عم يلاقيلو تفسير بيلزقو هالشي بالحكمه الالهيه ياصاحبي يعني الحكمه الالهيه صارت بمزاج انساني

0 الباب يللي بيجيك منو الريح،
0 بيكون شي نجار فهمان مركبلك ياه

0 ســــــــــــــــMan ــــــــــــــــــا تـــــــــو
  رد مع اقتباس
قديم 09/11/2008   #3
شب و شيخ الشباب المتشائل
عضو
-- أخ لهلوب --
 
الصورة الرمزية لـ المتشائل
المتشائل is offline
 
نورنا ب:
Mar 2008
المطرح:
غزة ... جهنم الحمرا ...
مشاركات:
212

إرسال خطاب ICQ إلى المتشائل إرسال خطاب MSN إلى المتشائل
افتراضي


وليش ما تكون الحكمة الإلهية هي الحكمة الانسانية ؟ او خليني احكي .. الجزء الديني منها ؟
  رد مع اقتباس
قديم 09/11/2008   #4
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : المتشائل عرض المشاركة

النظام الاقتصادي .... اي الله بيرزق يا عم
النظام الصحي ... ما حدا بيموت ناقص عمر ... والاعمار بيد الله الواحد الدياااان ... وسلملي على موشى ديان ...
النظام السياسي ... ياللي بدو اياه الله بيصير ...
النظام الاداري ... ومن يتق الله يجعل له مخرجا ويرزقه من حيث لا يحتسب
نظام الامن ... واعدو لهم ما استطعتم من قوة ومن رباط الخيل ... ترهبون به فقراء شعوبكم
النظام البيئي ... ظهر الفساد في البر والبحر بما كسبت ايدي الناس ... فبيطلعلك شي شيخ فهمان بيقلك الاحتباس الحراري نتيجة المعاصي ، ودقلي يا حلاني يا عاصي ...
الله هو تلك الشماعه التي نعلق عليها كل مشاكلنا ومصائبنا...

الله هو الشماعه التي نحملها كل أخطائنا...

الله هو المسئول عن الديكتاتورية وليس الحكام الديكتاتوريين " وأطيعو أولي الأمر منكم "...

استطاعت شعوبنا المقهورة وبقدرة قادر على تحويل كيان الخالق الى غطاء لكل مأسيها... استطاعت أن تحمله ما لايمت إليه بصله...

حملناه هزائمنا وأوجاعنا.. حملناه ضعفنا وفقرنا... حملناه عهرنا وكفرنا...

ونحن؟؟!!!

نحن ننتظر الفرج الإلهي العظيم... ننتظر المهدي والمسيح.. ننتظر أن تمتلأ هذه الدنيا قسطاً وعدلاً بقدرة قادر...

وحتى ذلك الحين فلنبقى مستكينين خانعين أذلاء...

حتى ذلك الحين فلننتظر فرج الله...

الحرية لكل أسرى الحرية في سوريا...


العربي الذي لايجرأ من الذل والخوف على رفع رأسه لرؤية القمر !!!

كيف سينتصر على غزاة القمر؟؟!!
  رد مع اقتباس
قديم 09/11/2008   #5
شب و شيخ الشباب المتشائل
عضو
-- أخ لهلوب --
 
الصورة الرمزية لـ المتشائل
المتشائل is offline
 
نورنا ب:
Mar 2008
المطرح:
غزة ... جهنم الحمرا ...
مشاركات:
212

إرسال خطاب ICQ إلى المتشائل إرسال خطاب MSN إلى المتشائل
افتراضي


اقتباس:
كاتب النص الأصلي : VivaSyria عرض المشاركة
الله هو تلك الشماعه التي نعلق عليها كل مشاكلنا ومصائبنا...

الله هو الشماعه التي نحملها كل أخطائنا...

الله هو المسئول عن الديكتاتورية وليس الحكام الديكتاتوريين " وأطيعو أولي الأمر منكم "...

استطاعت شعوبنا المقهورة وبقدرة قادر على تحويل كيان الخالق الى غطاء لكل مأسيها... استطاعت أن تحمله ما لايمت إليه بصله...

حملناه هزائمنا وأوجاعنا.. حملناه ضعفنا وفقرنا... حملناه عهرنا وكفرنا...

ونحن؟؟!!!

نحن ننتظر الفرج الإلهي العظيم... ننتظر المهدي والمسيح.. ننتظر أن تمتلأ هذه الدنيا قسطاً وعدلاً بقدرة قادر...

وحتى ذلك الحين فلنبقى مستكينين خانعين أذلاء...

حتى ذلك الحين فلننتظر فرج الله...
هلا لو كان مجرد شماعة كان اشرفلو واشرف للمتشدقين باسمو .... لكن القضية يا صديقي انو صار هو جزء من المشكلة الي بتعاني منها الشعوب ... سواء كان انعكاس لصورة الديكتاتور وهو سببها ومسببها ... او كان فرض اخماد شعلة التفكير في الرؤوس ... بحيث ان التفكير في التغيير او حتى اي تفكير ما بيعتمد على الدوغما الالهية او التصورات الميتافيزيقية الدينية الخاصة بالله او غير الله منبوذة اجتماعيا ... وبالتالي تؤدي للاغتراب الفكري عن الواقع

بس اخر وحدة هاي ما فهمتها ... شلون بدهن ينتظرو فرج الله ؟ فرج الله بفتح الراء او بسكونها ؟ في فرق والله كبير ...
  رد مع اقتباس
قديم 09/11/2008   #6
شب و شيخ الشباب SelavI
عضو
-- قبضاي --
 
الصورة الرمزية لـ SelavI
SelavI is offline
 
نورنا ب:
Sep 2006
المطرح:
ما زلت اتسأل عنه
مشاركات:
946

افتراضي



الله اسطورة جميلة دافئة احيانا

واحيانا كثيرا دافئة اكثر بكثير من المطلوب . . حد الاحتراق

الله اسطورة ومهما كان وجهه او دوافعه من وراء هذه الحياة فهو يستحيل ان يكون عادل

اسطورة جميلة ولكني لم اكن لأحب ان اقولها لطفلي الصغير

الله هو ضميري, ولا شئ غير ضميري

ولا وجود لأله اخر غير ضميري الانساني


من دواعي سرورك ان تغوص في اعماق صورتك
تمضها بعينيك وذرايعك
وقلبك يلهو احيانا بخفقانه
وبصخب هذه الشكوى الوحشية المتمردة
فانتما تغمضان لا تبوحان
  رد مع اقتباس
قديم 09/11/2008   #7
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : المتشائل عرض المشاركة
هلا لو كان مجرد شماعة كان اشرفلو واشرف للمتشدقين باسمو .... لكن القضية يا صديقي انو صار هو جزء من المشكلة الي بتعاني منها الشعوب ... سواء كان انعكاس لصورة الديكتاتور وهو سببها ومسببها ... او كان فرض اخماد شعلة التفكير في الرؤوس ... بحيث ان التفكير في التغيير او حتى اي تفكير ما بيعتمد على الدوغما الالهية او التصورات الميتافيزيقية الدينية الخاصة بالله او غير الله منبوذة اجتماعيا ... وبالتالي تؤدي للاغتراب الفكري عن الواقع


وجود الله بالصورة يلي متخيلنها الشباب ببلادنا هو المشكلة وليس جزء من المشكلة... سوريا على سبيل المثال بتشوف الشعب ميت من الجوع والمصايب والبلاوي من كل حدب وصوب وبيجو بيقولولك "سوريا الله حاميا" انو اذا هي حمايتو لاء ما يحميها أشرف...

منرجع للنقطة الأساس.. مو الخلاف خول وجود الإله من عدمو إنما الخلاف حول نقطه الإله هاد شو شغلتو وين منقدر نلومو ووين منقدر نشكرو.. يعني بالمختصر أخي اي حدا لما يغلط بتأنبو ولما يعمل الصواب بتكافئو... حددولنا الله وين غلط ووين صح...

ببساطه يعني مو معقول اذا نزل عنا مطر بدنا نصلي للله ونشكرو... واذا بالصومال مانزل مطر وماتو من المجاعه بسبب التصحر كمان لازم يشكروه ويحمدوه... اي لاء سيدي هاد مسخرة.. اعتمدو يا الله مسؤول عن كل شي يا أما مو مسؤول عن كل شي... بشكرو بسوريا عالمطر بدي "سبوه" بالصومال على الجفاف... هاد الطبيعي...

حددولنا شو بيشتغل مشان نعرف نلومو أما ندعيلو... أو اعترفو بقا انو الله مو هو الله يلي انتو معتمدينو... تبع كل شي منيح منو وكل شي سيئ مننا...
الله هو المفهوم الكبير يلي بيحيط بهالمسألة من الخارج دون الدخول بالتفاصيل... لأنو بحياتنا اليوم عم تفهمونا انو الله مو الله يلي مع الحق وضد الشر.. عم تفهمونا انو الله مع اللعبة الحلوة والفريق الكسبان...

اقتباس:

بس اخر وحدة هاي ما فهمتها ... شلون بدهن ينتظرو فرج الله ؟ فرج الله بفتح الراء او بسكونها ؟ في فرق والله كبير ...
بفتح الراء ياصاحبي...
  رد مع اقتباس
قديم 09/11/2008   #8
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي


شوف يا حبيب
المعادلة ذات اتجاهين مترابطين , يعني لازم نعقد معو اتفاق , بس مو متل كامب ديفيد ومنتفعاتها متل وادي عربة وغيرو ولا متل الإتفاقيات اللي بدها تمر بعد كم يوم , لازم يكون بنفس القوة من الطرفين
يعني هوي يحل عن """" ونحنا نحل عن .... حاج كل واحد ماسك مليح بالتاني ومو حالل عنّو . هوي بيحط كل مثالبو علينا ونحنا منحط مثالبنا عليه , كل واحد مسؤول عن نفسو وبس غير هيك يا حبيب ....... مافي أمل ...أمل مافي
وممكن تراجع الموضوع بهالرابط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


أنا الآن لا أخشى الإله مطلقا. ربما يعود ذلك إلى أنني نفذت تعاليمه. لا أخاف الموت لأنه لا يساوي شيئاً. وكما أنني لا أساوي شيئا بدوري، فأنا لا أخشى أخطر عناصر الطبيعة، مهما فعلت، وحتى إذ جاء ذنب مذنب ليضربنا ويحولنا إلى سلاطة طماطم، فأنا أضحك
  رد مع اقتباس
قديم 09/11/2008   #9
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:

الله والقرف وجهان لعملة واحدة ... ليس عنوانا تهكما بقدر ما هو انعكاس لحقيقة واقعية صرفة مما يعانيه الفكر الاسلامي اليوم عموما والعربي خصوصا ... اذا تمعنا في البنية الاجتماعية الفكرية السياسية لهذه المجتمعات الخاوية على عروشها ... وبنظرة تأملية على نظمنا سنجد انها تقوم على سياسة الله كالتالي ...
صديقي المتشائل ..
الله كفكرة .. مع التركيز على واقع كلمة فكرة .. ما بتم اسقاط افعاله على البنية الاجتماعية الفكرية السياسة
كون البنية السابقة ما بيتدخل فيها فعل إلهي وبعتقد لو قلت لله كلمة سياسة حيصير شكله متل السمايلي هاد

انت عما تقيس افعال بشرية وافكار انتجتها البشرية وبالتالي اجدر بك انك تقيسها بمنظومة واقعية بشرية مماثلة
انا لا عبدافع على الله ولا عبدافع على الواقع اللي عايشين فيه
بس ما اذا وافقتك على انه الله سبب بؤسنا الاجتماعي والسياسي .. بدي كون متلي متل الانسان اللي بنسب كل حسنات الحياة لله ..وبينسب فوز البرازيل بكاس العالم لله .. وبينسب تفجيرات ايلول لله .. وبينسب ولادة مرته بالسلامة إلى الله ... وانا ما برضى صير .. انا وهاد الانسان .. وجهان لعملة واحدة

للاسف اذا بدك تتبنى الطرح هاد فبدك تصير انت وياه عملة وحدة
حتعمل الله مركز للبشرية ولكل التفاصيل الدقيقة اللي فيه وترجعله ياها اما بشكل ايجابي او سلبي

يمكن تستغرب مني .. بس انا بشوف انه تأثير الدين كتير واضح على مقدمة موضوعك .

اقتباس:


القضية ليست سهلة ... وفلندخل بلا مقدمات ... اعتباطا نضع كل اخطائنا وقذاراتنا على الله وكانه هو المسؤول عنها او كانه هو فاعلها ... يعني مش بيكفي محملينه جميلة انو بنعبدو لا لا لا ... كمان بنحملو فشلنا وجهلنا ومرضنا وتخلف شعوبنا.... اي يا اخي الله بدو هيك يعني ... فلازم نصبر ونحتسب ... وبنضحك على الشعب المقهور باسم الله ... وكانو ولادنا ياللي عمر الواحد فيهم بسن الزهور ... ولاد حرام ... بنبعتهم في عمليات اسمها استشهادية ... بتنفجر في الواحد فيهم العبوة قبل ما يصل لهدفو ... والسبب في قلب الشاعر ... والشاعر هو الله ... انو الله بدو هيك ومو رايد عمليتو تنجح ... بس يا الله لشو هالشاعر بدو هيك ب 90% من القصص ؟ ؟؟ اي هاد شاعر سكران شي ؟؟؟
والله بدو انو مجتمعاتنا مجتمعات مريضة بالافات الاخلاقية كلها ، سرقة ، انفلات ، تحرش ، قتل ، عنف اسري وعنف عمل وعنف بالشارع ، وكل هذا نحملو لالله وكانو المسؤول
بفترة من الفترات مريت بنفس تجربتك بس بطريقة شوي مغايرة
كنت فيها عما قول (( اللي بقول كلشي منيح .. مصدره الله .. ليش بيرفض كلشي قبيح يكون مصدره الله ايضا ))
حاليا صار عندي اكتر من جواب شكلولي قناعة واحدة ممكن قدملك الاجوبة اللي حصلت عليها وانت شكل قناعتك الشخصية على مراقك

النظرة المسيحية للقصة بتقلك بان الله محبة ومحبة فقط .. المحبة لا تأذي احد .. المحبة لا تقتل .. المحبة لا تسرق .. المحبة لا ... الخ
اما مصدر الخطئية فبيرجع لفكرة العصيان او الخروج عن طاعة الله بمثال ركيك كتير .. الظلام يكافئ عدم وجود النور

نظرة تانية (( يفترض انك تكون مقتنع فيها مسبقا .. بناء عن افكارك اللي انت كاتبها بالاخوية ))
الله فكرة اسطورية ابدعها البشر لفكرة الحماية .. هلق الفكرة هي كل ما الها عما تتبلور وتوضح معالمها .. بس بأكدلك اذا كانت بدها تتوضح .. فآخر شي ممكن يوضحها هوي الدين بعّد عن الدين لتقترب من الله




اقتباس:
كاتب النص الأصلي : المتشائل عرض المشاركة
طيب امبارح مع صاحب بنتناقش في موضوع الاغتصاب والتحرش في اميركا ، كان ردو بسخافة انو هاد عقاااااب من الله لهدول الناس لانهم مش ملتزمين دينيا

رجعنا ناقشنا التحرش الجنسي والاغتصاب بالمجتمعات المسلمة كان ردو الاسخف انو ابتلاء من الله

يعني بيني وبينكم فكرت كتير احاول افهم شو الحكمة الالهية من العقاب بالحالة الاولى ، وشو الحكمة الربانية من الامتحان والابتلاء في الحالة التانية ؟ هل فعلا الله مسؤول عن هادي الشغلات ؟ ؟ ؟

ليش بنحمل الله قذاراتنا واخطائنا ؟ ليش احنا عادة ودائما اجبن من اننا نتحملها فعليا كافعال بشرية ولا دخل للقداسة الالهية فيها ؟ ليش بنصر دائما اننا نلوث صورة الخالق بحماقات البشر ووسخهم ؟
برجع بكرر من وراك .. هل فعلا الله مسؤول عن هادي الشغلات ؟!
بمفهومك انت لله بحد ذاتك كمتشائل .. هل ترى الله مسؤول عن هاي الشغلات ..



رايحة تزور
كوخ مسحور
  رد مع اقتباس
قديم 09/11/2008   #10
شب و شيخ الشباب LiOnHeArT.3LA2
عضو
-- مستشــــــــــار --
 
الصورة الرمزية لـ LiOnHeArT.3LA2
LiOnHeArT.3LA2 is offline
 
نورنا ب:
Oct 2007
المطرح:
مشغل سيكارة .. وقاعدلك
مشاركات:
3,492

افتراضي


ممممممممممممم ..
ما رح كتّر حكي ..
بس ..
الدين ..
او لأ يا سيدي كمان ما الدين ..
اغبياء الدين .. واللي بيدعو باسم الدين ..
هني القرف ..
وهني اللي شوهو صورة الله بعيوننا ..
بس ازا بترجع شوي .. لورا
ورا كتييييييييييييييييييييييي ييييييييييييييير كتير

بتلاقي هالشغلة :
انو الله .. هوي عم يستخدم متل ..

تياب نضيفة .. لعالم طالعين ريحتن

,, Abu Mustafa ,,

الخيار لك...والرغبة منك...والحل بيدك...لنكون كلنا معا في سبيل مستقبل أخوية...
..
عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له ..
..
احتجاج دماغي .
  رد مع اقتباس
قديم 09/11/2008   #11
صبيّة و ست الصبايا Damask Rose
عضو
-- مستشــــــــــار --
 
الصورة الرمزية لـ Damask Rose
Damask Rose is offline
 
نورنا ب:
Sep 2007
المطرح:
ما عدت أعرف..
مشاركات:
1,916

افتراضي


وازا صارت مع هالانسان شغلات منيحة بقول حظي حلو..مو الله هيك راد
ياعمي لو بدك تضل تسأل مارح تخلص..هاي الطبيعة البشرية..ازا بصير معها شي مو متل مابدها بتدور على حدا تلزقها فيه ولما ماتلاقي بتقول هيك الله راد

بس بعيد عن كل هالحكي..الي بامن بالقدر والي هو الي لازم يصير بقول عن كل شي بصير معو سواء كان منيح أو عاطل..انو هيك الله راد..مو بس الشغلات السيئة البتصير معو....

لاحب إلا بعد الحرب
ولاعمار إلا بعد الدمار
تلك هي شريعة الإنسان المخالفة لشريعة الله
  رد مع اقتباس
قديم 09/11/2008   #12
شب و شيخ الشباب ظل جيفارا
عضو
-- زعيـــــــم --
 
الصورة الرمزية لـ ظل جيفارا
ظل جيفارا is offline
 
نورنا ب:
Oct 2006
المطرح:
من قلبي سلام لطرطوس...رغم المسافات
مشاركات:
1,554

إرسال خطاب MSN إلى ظل جيفارا إرسال خطاب Yahoo إلى ظل جيفارا
افتراضي


صديقي إذكر في عميق الذاكرة إنك كنت حاطط الشعار الشيوعي صورة رمزية - ما بعرف لأي درجة- بس هذا بيأكد إنك بتعرف على الأقل إنو في شي إسمو المنظور الطبقي للتاريخ ...
صدقني يا صاحبي انا شيوعي من زمان إي بس ما صرلي زمان مبلش إستخدم في تحليل التاريخ المنظور الطبقي - طبعا لسا بدي كتير لحتى إقدر وصل لمرحلة جيدة بس عم حاول- حاول إقرأ تاريخ الله والقرف والعملة الواحدة - الإنسان- من منظور طبقي كتير بتشوف إنو الموضوع سهل ...ومكشووووووووووووووووووو ووف
تحياتي الحارة
ظل جيفارا

فإقتلوني ..وأحرقوني ..بعظامي الفانيات ..ثم مروا برفاتي ..في القبور الدارسات
....................................................إلى روح الحلاج شهيد الحرية
"تمركز رأس المال هو المشكلة ولا حل إلا الإشتراكية ."
  رد مع اقتباس
قديم 09/11/2008   #13
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي


اقتباس:
كاتب النص الأصلي : LiOnHeArT.3LA2 عرض المشاركة
ممممممممممممم ..
الدين ..
او لأ يا سيدي كمان ما الدين ..
اغبياء الدين .. واللي بيدعو باسم الدين ..
هني القرف ..
وهني اللي شوهو صورة الله بعيوننا ..
بس ازا بترجع شوي .. لورا
ورا كتييييييييييييييييييييييي ييييييييييييييير كتير

بتلاقي هالشغلة :
انو الله .. هوي عم يستخدم متل ..

تياب نضيفة .. لعالم طالعين ريحتن
أنا بختلف معك تماماً , ليس أغبياء الدين بل أذكياء السياسة اللي هنّي سخروا الدين وضحكو على الأغبياء , والدين كل عمروا ريحتو طالعة , وبأي دين بتحب نبلش أنا جاهز ,بس رح احكي بالمختصر
لو بتفوت بالتوراة وبدون ما تغمّق كتير وبتشوف على هالله الموجود ولا الزرقاوي ولا الحمراوي ولا الصفراوي , ولا تقلّي مو هي هيي التوراة اللي كتبها الزلمة على اللوح المحفوظ , بيكون الله واحد فشان مو قادر يحمي حالو
وتاني شي صحيح متل ما قال الأخ أبو طوني أنو المسيحية بتختصر الله بكلمة محبة , هادا حكي ما بينصرف خلينا ندور عالأفعال , وبيقول التاريخ يا صديقي أبو وليم , الحروب اللي اليوم مزوري التاريخ بيسمّوها الحروب الصليبية, كانت الغاية منها قضاء الكنيسة الغربية على الكنيسة الشرقية وليست حروب بين المسيحية والإسلام , وهي الحروب هيي اللي قضت على جزء كبير من سكان سوريا الأصليين
وإذا بدك تشوف شو عملت جيوش الفتح الإسلامي بالعراق فيك تشوف وصية الخليفة للجيوش , وبيكون اللي عملتو الجيوش هو العكس , قطعو الأشجار و....... النساء وسبو الأطفال , وأي مرجع من المراجع المعترف عليها من قبل المسلمين بس افتحها وبسهولة بتوصل على الحقائق اللي ما عم نحاول نوصلها, لأنو ما بدنا إياها وبدون ما ندخل بالناسخ والمسوخ والخ والخ....والخ
وسلملي عليه
  رد مع اقتباس
قديم 11/11/2008   #14
شب و شيخ الشباب prince of palestine
مسجّل
لسا يا دوب
 
الصورة الرمزية لـ prince of palestine
prince of palestine is offline
 
نورنا ب:
Nov 2008
مشاركات:
1

افتراضي


اعوذ بالله من شياطين الانس والجن , جد انت هيك بتتعدى على الذات الالهية بكلامك هاد ,, مهما كان ما بيجوز تصور الله العظيم المتعالي بهيك صور او تنسبه لهيك اشياء حقيرة ذليلة

مش عارف اذا انتو بهالمنتدى هيك كلكم ما بتامنوا بالله ,

استغفر الله العظيم وحسبي الله ونعم الوكيل
  رد مع اقتباس
قديم 11/11/2008   #15
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


اقتباس:
هيك بتتعدى على الذات الالهية بكلامك هاد ,,
باعتبارها ذات اللهية .. بتوقع الله قادر يحميها ومانو ناطر من حدا يحصلو حقو ....
بعدين الزلمة بالعكس منك انت عم ينقد الناس يلي بتستخدم اسم الرب بس بالنواحي السلبية انو كل الكوارث والالام ووو من عند الله .. وكانو الله ما عاد عندو رحمة

الناس بدها شماعة تحط كل بلاويها عليها وتبرر العجز المستشري عندها .... والتبرير الوحيد يلي نقدو بيخلق مشاكل هيي ارادة الله ... حدا بيوقف ضد ارادة الله ؟؟؟ هيدا التبرير الدائم يلي عم يلقي رواج هالايام

قلي لي احبك
كي تزيد قناعتي اني امرأة
قلي احبك
كي اصير بلحظة .. شفافة كاللؤلؤة
  رد مع اقتباس
قديم 11/11/2008   #16
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


حلو الواحد يعبر عن رايو بحرية كبيرة ويحكي الي بيفكر فيه ... بس يا شباب في شغلة لازم الواحد يراعيها انو عدم التجريح من اصول الحوار !!
فما بالك انو الموضوع عن الله عز وجل !!!!
اكيد في ناس كتير بتعلق كل شي على الله عز وجل متل بيقعد بالبيت بدون عمل وبيقول الله بيرزق لانو الله قايل هيك !!
يا شباب الله موجود هي ماحدا بيقدر يختلف فيها لانو اجدادنا الاووليين خلقو على فطرة انو الله موجود وانو لازم يكون في حدا يعبدوه او يتقربولو مشان يحصلو على رضاه وهو يلبيلون رغباتهم !!

وما اظن انسان عاقل يقول انو مافي الله !! لانو مو معقول اغلبية العالم اغبياء وهو وبضعة من امثالو يكونو العاقلين !!
طبعا اغلبية سكان الارض مع اختلاف دينهم ومعتقداتهم بتقول انو في الله !!
فمدام في الله لازم نحن نحترم الله ونحترم الي بيحبو او الي بيعبدو وانو اذا متشككين بالموضوع انروح ندرس التاريخ الاسلامي او المسيحي وكيف نشأت الاديان السماوية!

انا بتنفس حرية ما تقطع عني الهوا ولا تزيدا كتير علي احسن ما نوقع سوا
  رد مع اقتباس
قديم 12/11/2008   #17
شب و شيخ الشباب ظل جيفارا
عضو
-- زعيـــــــم --
 
الصورة الرمزية لـ ظل جيفارا
ظل جيفارا is offline
 
نورنا ب:
Oct 2006
المطرح:
من قلبي سلام لطرطوس...رغم المسافات
مشاركات:
1,554

إرسال خطاب MSN إلى ظل جيفارا إرسال خطاب Yahoo إلى ظل جيفارا
افتراضي


اقتباس:
كاتب النص الأصلي : SaKRaN عرض المشاركة
حلو الواحد يعبر عن رايو بحرية كبيرة ويحكي الي بيفكر فيه ... بس يا شباب في شغلة لازم الواحد يراعيها انو عدم التجريح من اصول الحوار !!
فما بالك انو الموضوع عن الله عز وجل !!!!
اكيد في ناس كتير بتعلق كل شي على الله عز وجل متل بيقعد بالبيت بدون عمل وبيقول الله بيرزق لانو الله قايل هيك !!
يا شباب الله موجود هي ماحدا بيقدر يختلف فيها لانو اجدادنا الاووليين خلقو على فطرة انو الله موجود وانو لازم يكون في حدا يعبدوه او يتقربولو مشان يحصلو على رضاه وهو يلبيلون رغباتهم !!

وما اظن انسان عاقل يقول انو مافي الله !! لانو مو معقول اغلبية العالم اغبياء وهو وبضعة من امثالو يكونو العاقلين !!
طبعا اغلبية سكان الارض مع اختلاف دينهم ومعتقداتهم بتقول انو في الله !!
فمدام في الله لازم نحن نحترم الله ونحترم الي بيحبو او الي بيعبدو وانو اذا متشككين بالموضوع انروح ندرس التاريخ الاسلامي او المسيحي وكيف نشأت الاديان السماوية!
مشان هيدا الله الموجود نفسه ما عاد حدا يحاججنا بهالطريقة
يعني الله موجود لإنو موجود ولازم نحترمه ونحترم اللي بحبه لإنو موجود "الاولى فرضية والتانية بناء على هالفرضية "
يا سيدي تعى انا وياك بنفتح حديث علمي لبكره الصبح انا دارس فيزياء ومهتم بالمنطق وقارئ كتير بعلم المنطق والفلسفة فأي طريق بدك نسلك لنقنع بعض ...
طبعا اخر شي ما همي إقنعك أو إنقلك إيماني بعدم وجود ألهة ...بس كمان متل ما إنتا موجود وبتعتبر حالك منطقي لحنا كمان موجودين وصدقني كتير منطقيين ...فما ببساطة بتحكي بتشكك بعقلانيتنا ..
وبدك نحكي تاريخ "مع إنو التاريخ بيكتبوا المنتصر "بس مع ذلك ومع هيدا التاريخ اللي كتبه المنتصر انا واثق بقوة براهيني ...
وانا ما رح اشتغل ع طريقتك وقلك إني بشك بعقلانية كل مؤمن وبقدرته على إستيعاب المعطيات الجديدة
فرجاء متل ما بتطلب الإحترام من غيرك إحترم وجود غيرك
تحياتي الحارة
ظل جيفارا
  رد مع اقتباس
قديم 18/11/2008   #18
شب و شيخ الشباب شاهد عيان مجهول
مسجّل
-- اخ طازة --
 
الصورة الرمزية لـ شاهد عيان مجهول
شاهد عيان مجهول is offline
 
نورنا ب:
Jun 2008
مشاركات:
8

افتراضي


المرة الجاية لما تحب تعمل موضوع تلفت انتباه الناس من وراه، كلمني وانا باسمحلك تسبني وتلعن ابوي وتشتمني وتشتم ابوي وكل اهلي وتشبهني بالقرف والفشل والتخلف والمرض والجهل، بس اترك الله على جنب لأ نوا لو كان ابوك ما كنت حكيت متل هالحكي عليه حتى على سبيل الاسقاط الادبي ما بالك بيالي عطاك قدرة تا تحكي هيك حكي

ملاحظة:

ليش دائما معظم الردود مؤيدة لصاحب الموضوع, ولا هدا من قوانين المنتدى
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 11:39 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.15026 seconds with 13 queries