مبروك المحكمة الدولية أيها اللبنانيون

[fady juventus]

كالحلم .. تمت بين يوم و ليلة عملية إقرار المحكمة الدولية تحت الفصل السابع و بمجهود أميريكي فرنسي غير مسبوق !؟

الغاية الواضحة هي مزيد من الضغط على سوريا لتركيعها وبالتالي تغيير موقفها من الوضع في العراق بالدرجة الأولى ، و من إسرائيل و عملية السلام و حماس و حزب الله بالدرجة الثانية .

بالمحصلة ... إلهاء سوريا بمحاكمات و إتهامات مختلقة و عزلها أكثر فأكثر و إضعاف دورها الفعال بالمنطقة ومنعها من المطالبة حتى بأبسط حقوقها العادلة وصولا إلى تجريم النظام السوري وإدانته ومحاكمته و ربما إسقاطه في أسوأ الإحتمالات ويتطلب ذلك جهودا جبارة من أميريكا و فرنسا والكثير من التزوير و التلفيق ...

و لا أستغرب حصول إغتيالات قريبة لشخصيات لبنانية ثانوية يقوم بها الموساد وعملائه اللبنانيين لإظهار ضرورة و صحة إقرار المحكمة المهزلة.

أقول للبنانيين الذين لهثوا وراء المحكمة "حنوا طي*كن"
ومبروك عليكم خراب بلدكم
مبروك عليكم 30 أيار
و انشاالله تفشل مسرحيتكم الحقيرة مثلكم
وأتمنى أن ياتي يوم تعودوا فيه إلى حجمكم الحقيقي ومكانكم الطبيعي"تحت الصباط السوري"
و هذا ليس بمستحيل ... فيكفي أن تلتقي مصالح سوريا و أميريكا في يوم من الأيام حتى يحدث ذلك و هذا أيضا ليس بالمستحيل.

[ابن الساحل]

أنا مارح قول مبروك المحكمة الدولية مبروك الكذبة الأمريكية خلينا نشوف شو بدو يطلع منا غير أنو تيتي تيتي متل نارحتي متل ماجيتي غير إذا صاروا الأميركان صادقين واعترفوا بوجود الموساد الأسرئيلي بتصير بس يطلع الكر عالجوزة

[ما بعرف]

انا معك بكل شي حكيتو
بس هي الاخيرة (أتمنى أن ياتي يوم تعودوا فيه إلى حجمكم الحقيقي ومكانكم الطبيعي"تحت الصباط السوري"
و هذا ليس بمستحيل ... فيكفي أن تلتقي مصالح سوريا و أميريكا في يوم من الأيام حتى يحدث ذلك و هذا أيضا ليس بالمستحيل.)ما حبيتا منك
لانو هدون اللي عم تحكي عنون ما بيمثلو لبنان
لبنان حسن نصرالله وسليمان فرنجية و نجاح واكيم ووئام وهاب وزاهر الخطيب ونبيه بري و طلال ارسلان وعمر كرامي وغيرن وغيرن
وتاني شي ابو شريك بعمرا علاقة سورية و لبنان ما كان فيها مصالح مع اميركا وانشاله ما بيصير شي من هادا

[فاوست]

اقرار المحكمة بهذا الشكل هو انتهاك للسيادة اللبنانية
مع اني ضدد النظام السوري لكني ضدد اقرار المحكمة بهذه الطريقة
وحتى لو كان النظام السوري من المتهمين في المحكمة فأنا ايضا ضددها
لأن التغيير في سوريا يجب ان يأتي من الداخل

[samsoum]

كاتب النص الأصلي : فاوست

اقرار المحكمة بهذا الشكل هو انتهاك للسيادة اللبنانية
مع اني ضدد النظام السوري لكني ضدد اقرار المحكمة بهذه الطريقة
وحتى لو كان النظام السوري من المتهمين في المحكمة فأنا ايضا ضددها
لأن التغيير في سوريا يجب ان يأتي من الداخل

كتير معقول هالكلام

[butterfly]

كاتب النص الأصلي : fady juventus

و انشاالله تفشل مسرحيتكم الحقيرة مثلكم
وأتمنى أن ياتي يوم تعودوا فيه إلى حجمكم الحقيقي ومكانكم الطبيعي"تحت الصباط السوري"
.

لأ لأ لأ
ما اتفقنا بهي فادي أبدا ً

الصباط السوري فعل ما يكفي حتى الآن بلبنان ..

[ابن الساحل]

كاتب النص الأصلي : samsoum

كتير معقول هالكلام

ليش هل تعتقد أنو في نظام عربي حالي يفكر في العروبة أكثر من النظام السوري *هو يحتاج الى اصلاحات في بعض المناحي ليواكب المستجدات العالمية أما تغيير النظام كله هادا رح يرجع سوريا 50 سنة لورا ولست بالأمر السهل

[butterfly]

كاتب النص الأصلي : fady juventus

كالحلم .. تمت بين يوم و ليلة عملية إقرار المحكمة الدولية تحت الفصل السابع و بمجهود أميريكي فرنسي غير مسبوق !؟
الغاية الواضحة هي مزيد من الضغط على سوريا لتركيعها وبالتالي تغيير موقفها من الوضع في العراق بالدرجة الأولى ، و من إسرائيل و عملية السلام و حماس و حزب الله بالدرجة الثانية .
بالمحصلة ... إلهاء سوريا بمحاكمات و إتهامات مختلقة و عزلها أكثر فأكثر و إضعاف دورها الفعال بالمنطقة ومنعها من المطالبة حتى بأبسط حقوقها العادلة وصولا إلى تجريم النظام السوري وإدانته ومحاكمته و ربما إسقاطه في أسوأ الإحتمالات ويتطلب ذلك جهودا جبارة من أميريكا و فرنسا والكثير من التزوير و التلفيق ...
.

فقاعات بالهواء ..
ورقة الحريري .. ما عادت كتير فعالة ..لعامل الوقت .. ( وعداد المستقبل تبع الحقيقة بموتني ضحك )
ولعامل موقف سوريا من حرب لبنان ( استقبال اللبنانية بهالكم الهائل والدعم اللي صار ) والنصر تبع حزب الله ..
والضغط العالمي اللي خف كتير .. بسبب موقف سوريا الانساني ( لاحظتو معي أنو نحنا فاتحينا جمعية خيرية ) من اللاجئين العراقيين

[samsoum]

كاتب النص الأصلي : ابن الساحل

ليش هل تعتقد أنو في نظام عربي حالي يفكر في العروبة أكثر من النظام السوري *هو يحتاج الى اصلاحات في بعض المناحي ليواكب المستجدات العالمية أما تغيير النظام كله هادا رح يرجع سوريا 50 سنة لورا ولست بالأمر السهل

انا ماقصدت بتأييدي لكلام الاخ فاوست اني أيد تغيير النظام عن طريق انقلاب او عن طريق المعارضة تبع الغادري، بالعكس انا مع نظام بشار الاسد بالرغم من كل العيوب والشوائب،لأنو حتى الان اثبت بانو الاجدر بقيادة سوريا.
انما أيدت الكلام اللي بيقول انو المحكمة الدولية انتهاك لسيادة لبنان، ولازم نحنا كعرب بشكل عام نرفضها حتى ولو كانت سوريا هي المدانة.

[مسطول على طول]

ولكن الوضع الاقتصادي بسوريا من الممكن أن يتدهور.... هل الليره السوريه ستحافظ على قيمتها ؟

الليره ستنزل أن لم يكن اليوم فغداً .......... وماعاد في شي اسمو استثمارات كلو بطل هربو

الولايات المتحده تفتح جبهه ساخنه مع سوريا هذه المره

هل نقول مبروك لأيران القنبله النوويه ؟

هل سيكون هناك ه دعم قوى للمقاومه العراقيه

للعبة عض الاصابع قد بدأت من يصرخ اولاً؟ هل سوريا قادره على مواجهة الولايات المتحده وحلفائها ؟

مبروك للبنانيين ... لن تحرق سوريا وتظل لبنان سالمه ....

هل رأيتم كيف نستعين بالخارج على أبناء جلدتنا .

اليوم المعارضه التي تفرح وتبتهج بهذا القرار هيا معارضه قذره

[Danito]

اقرت المحكمة و بعض الأخوة في لبنان هللوا و انبسطوا و أحسوا بأهمية لبنان، لكن ما فاتهم بعضا الملامح التاريخية للسياسة الدولية:

- الدول الصغيرة و قبلها الكبيرة : لا يهمها فعليا مصلحة بلد مثل لبنان و لا عدالة و لا بلوط لكن يهمها مصالحها و متل ما بيقولوا الإنكليز: شوفي بالموضوع إفادة ألي؟ what's in it for me يعني متل سلوفاكيا صوتت للقرار لأنو بيهمها الحريري؟ او العدالة؟ ولا لانو في صفقات سياسية ؟ الصين و روسيا امتنعت عن التصويت لأنو بيخافو من أميركا؟ ولا لأنو في صفقات سياسية و دبلوماسية و تمريقات (حكلي لحكلك)؟

- المحكمة الدولية تحت الفصل السابع: يعني هي قميص عثمان: يعني بكرة إذا كل اللبنانيين بما فيهم جعجع و سعد الحريري بطلو بدهم المحكمة .. ما عاد في مجال و يعني إذا انقلبت الموازين ممكن يورطو القوات اللبنانية بعملية قتل الجميل و يحاكموهم مثلا..

- متل ما قال فادي بعبارته الأخيرة (مع اعتراضي على التعابير المستخدمة) سوريا و أيران ظبطت وضعا مع اميركا و بشوية تغييرات و بصفقة مع اسرائيل على حساب لبنان بتنقلب الطاولة على 14 آذار و بيصيروا هني المتهمين مع العلم انو هاد الشي مستبعد لانو اميركا رح تعارض بكل الوسائل حكومة تحالف العونيين مع حزب الله

هلق الشي اللي بيخوف هوي التسليح الكبير اللي عم تمرروا اميركا لأطراف لبنانية و تحديدا جماعة جعجع و الميليشيات الموالية و المدعومة من المستقبل و بالنظر للأدوار اللي لعبتها الـ سي آي أي بدول أميركا الجنوبية وتسليح فرق الموت .. الله يستر اللبنانية من اللي جاية و سوريا بالنهاية ما بينوبها و لا حتى طراطيش

[fady juventus]

مرحبا داني
أنا أول ما شفت إنك رديت عالموضوع قلت "أكلناها"
لأنو إذا بتذكر إنو سابقا كنا كتير نختلف و بكتير مواضيع ... و دايما كان نقاشنا أنا و إنت يحتد ، بس هلأ أنا شايف إنو نحنا متفقين بالمجمل لجهة قراءة أبعاد هالحدث و الغاية منو ومستقبلو ، باستثناء المسبات اللي كتبتا و سببها إني كتبت الموضوع فور إقرار المحكمة وكنت كتير مزعوج وعم قاتل دبان وشي ، ومع إني كنت لحالي بس صرت سب و إلعن واللي زاد عصبيتي كلام سفير لبنان بفرنسا جوني عبدو عالعربية اللي سب أكتر مني لكن بقالب دبلوماسي وكان كلامو عم ينقط سم وحقد ع سوريا وما خلا كذبة إلا وقالا ...
أنا وعم أكتب الموضوع ، أكتر من مرة قررت إحذف المسبات بس بالأخير خليتها لتكون فشة خلق من مهزلة مبارح.

أنا بختلف معك داني إنو سوريا مابينوبها ولا حتى طراطيش.. صحيح إنو الحرب و المواجهة رح تكون بين اللبنانيين وعلى أرضن ، بس الغاية النهائية من تسليح 14 آذار هيي إضعاف و ربما كسر شوكة حزب الله واللي بيمثل بالنسبة لسوريا جبهة لصالحها بحالة الحرب مع إسرائيل أو اسمحلي قول لواء مقاتل إضافي ومن الدرجة الأولى قدر يهزم إسرائيل و يردعها بحرب تموز ومن دون ما يستخدم كل إمكانياته.
هلأ الفوضة الخلاقة اللي بدها إياها أميريكا بلبنان رح تسمح بإطلاق يد إسرائيل بلبنان لتدمير حزب الله والمنظمات الفلسطينية على أرضو.

[القصاع 71]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

vbmenu_register("postmenu_614332", true);
عضو
-- مستشــــــــــار --



حبيب بكفي انك ايطالي ويوفنتساوي
اكيد بتفهم
كتير فرحانين بالمحكمه رح نشوف وين رح
توصلهم , خربوا بلدهم ورح يقعدوا على تلها
قريبا رح يصير شي اغتيال ويتهمونا كالعاده

[بلا ولا شي]

اااااااااااااه يا خوفي بس ........ ما في منظر قدام عيوني هلق غير منظر محكمة لوكربي و شو صار بليبيا من وراها و يا خوفي يا سوريا الحبيبة يعملوا فيكي هيك و ما بعيدة عن الكلاب يعملوا جهدن مشان يتهموا سوريا حتى و لو ما كان النا علاقة لا من بعيد و لا من قريب بس ما في شي بيصعب على ماما اميركا ...... بس اااااااااخ هي اول مرة بحياتي بتمنى فيها نعمل صفقة مع اميركا مو مشان شي غير مشان يتخوزق الطفل المعجزة سعد هو و جنبلاط و جعجع الكلب وكل جماعة 14 حمار و من وراه يتخوزق لبنان كلو ... وقسما بالله أتفه من الشعب اللبناني ما خلق الله و هالكلب السنيورة بيسترجي يطالب بمحكمة دولية لمحاكمة قادة اسرائيل و المسؤولين عن مجازر الحرب الاخيرة ولا رفيق الحريري قلب الله و نحنا ما منعرف و الا ما يجي يوم و تنقلب عليكن هالمحكمة يا أوباش يا كلاب

[الثائر]

كل شي بحسابوا

وبيجي يوم وبنشوف لوي آخرة لبنان

[abosleman]

متابع ...
وبرجعلكن ..

[الإصلاحي]

كل هذا الكلام والبكاء والنواح والأحلام بخطط محكمة لقب المعادلة
وتغير الإستراتيجيات والتحالفات وحشد الصفوف الخ الخ الخ الخ.
بات من أحلام اليقظة أو تحصيل حاصل.
متى ستصحو أيها الموهومون وتواجهوا الواقع الذي يقول أن هذه المحكمة أتت لتضع البسامير المتبقية في نعش هذه المافيا المتسلطة على بلدنا الحبيب سوريا. و يبق على شعبنا المكبل والمغيب المتعطش لحريته أن يحدد الوقت المناسب لكي يتحرك ويدفن هذه الحقبة الحالكة من تاريخه والى الأبد. بدأ العد التنازلي
لنهاية هذه العصابة البلطجية،على كل سوري حر يحب وطنه أن
يختار أن يكون مع سوريا الجديدة الحرة الديمقراطية.
أو مع حفنة من الشبيحة.

[أبي الحروف]

لا اعتقد ان المحكمة _والإستحقاقات المترتبة عليها_ ستطال دقون غير السوريون، (الشعب فقط لوجه الدقة كسلبا - والحكومة جملة كإيجابا)

على ما يبدو (على ما يبدو والله اعلم) ان لدى امريكا من المعطيات الإستخباراتية بشأن التحقيق ما يلوح بالأفق على ان السوريون متورطون بثقل في عملية الإغتيال ،

وعليه اذا تم التطبيق فعلا للقرار الدولي وفق الفصل السابع المادة 42 فما بيعني بس حصار اقتصادي؟ ولا بيعني عزلة دولية اضافية.. هذا بيعني في جيوش "أممية" كسر عن راص الي ما عاجبو رح بتنفز القرار.. (هوي مش قادر افهم السيناريو كيف رح بيصير بالظبط على اعتبار المعطيات بالمنطقة بالوقت الحالي ما كتير بواقعها سهل تبعت جيش تيحارب سوريا او يلزمها بتطبيق قرار دولي معين.. بس نظريا هيك بيعني الموضوع)

اما الحكومة فما رح تتأثر سلبا بنوب، بالعكس تماما هذا كلو بصالحها (بخلاف بخلاااااااااف لو كان الأدلة دامغة جدا .. لتورط اشخاص من علية القوم )
يمعنى ، الحكومة الحالية بحاجة دائمة مستمرة لمبررات للتالي
1- الوضع الإقتصادي المتردي ..
2- وضع الحريات المدنية الحضيضي ..
3- انفرادها المطلق بالسلطة و القرار واحتكارها المطلق للحكمة و الوطنية ..

و شيئ من قبيل (حرب مع اسرائيل بعد شوي منشان الجولان مثلا) ، شيئ من قبيل حرب دونكيشوتيي شافيزية بهلوانية مع اميركا + قرارات دولية وما اليه .. بتبرر كلها النقاط الي فوق
الإقتصار وتراجعو (اي لكن يا شعبنا العظبم ما هو الإمبرياليي العالمية فارضي علينا حصار اقتصادي التردي الإقتصادي ما تفتكرو مننا احنا او فشل من طرفنا بشي ، بنوب، احنا والله العظيم نضاف الكف و ظهر الكف، بس هاي الإنبرياليي العالمية حاطي حطانا شو بدكم نعمل هني محاصرينا!! و المستثمرين الأجانب ما عم يجو (مع انهم بيتمنو ) بس لإنو حكوماتهم ما بتخليهم ، __طبعا مع العلم ان مستثمري سوريا الأشاوس صارو برا.. نصون بالخليج _ بس عاد ما علينا..)
وهلم جر من مبررات لموبقات النظام الأخرى ..

اخيرا.. بدي قول ان الموضوع ليس بالبساطة التي يصورها السوريون ، (حكومة) و بالإستخفاف الذي يولوه له حاليا .. (يعني غريب هال الإستهتار الي عم بيصير بالموضوع ، اذا بالفعل كان الحكومة متورطة بالموضوع..)

بحب انعش ذاكرتكم ...
ازمة لوكربي (198 لمن سقطت الطيارة الأميركي فوق بلدة لوكربي بسكوتلند .. الخلاصة كانت القضية بالمجمل اخف وطأة بكتييييير من شغلة الحريري الحالية،
فكان كل المطلوب هوي تسليم تنين من اليبيين اتهمو بالتخطيط، و رفضت طرابلس هذا .. و سيادة .. وخلافو من الحكي المابيطعمي خبز ..
شو كان النتائج ؟؟
عقوبات دولية على ليبيا + حصار اقتصادي + ضلت لغاية 1998 ما في طيارة تمر فوق ليبيا ..
وع شو خلصت؟؟ على انو تعتزر ليبيا + تدفع 3 مليار دولار لأسر الضحايا + (تبوس الواوا )
وكان وقتها الموضوع ابسط من قضية الحريري بكتير، انو وصلت ليبيا لإنو عرضت عليهم تعطيهم التنين هدول ليحققو معون ويحاكموهم بدولة ثالثة .. (حيادية) هلق بعدين هيك الي صار وتم ادانة واحد منون .. بس اصدي الموضوع مانو بالبساطة و السزاجة الي عم ناخدو فيها ، والشعب المغوار الصنديد تبع الممانعة و دولة الشرف الوحيدة الأخيرة، و ما اليه .. رح يركع .. و رح بينخ .. ولغير الله .. اذا فضلت الحكومة على تعنتها و تم بالفعل أدانة اطراف سورية ..


*** *** ***
من المهم الإشارة يا إخوة، اني ما ني مع المحكمة الدولية بأي حال، ولا تحت اقرارها بالفصل السابع ..
كما اني غير مطمئن لما آلت له الأحداث ..
بالإضافة لإني مع السيادة .. و بتفهم جدا لواقع الحال السوري والشعور القومي العربي السوري العام .. او ما يسوق له .. و متفهم جدا لمدى صعوبة تقبل الشارع السوري لمحاكمة سوريين خارج سوريا ..

بس الي عم قوله هنا فقط انه اذا تم ادانة سوريا والحكومة لم تتعامل مع الموقف بطريقة براغماتية عملانية بوقتها فإنا الشعب السوري سيرزح تحت نير عقوبات دولية لن يقوى على تحملها لا بدنيّا ولا لوجستيا "كتغطية على حفنة مجرمين مثلا" و سينرى ايام اشد حلكة من الكحل ..

والله يجيرنا من شرور نفوسنا .. (بعرفك زعوري و نفسك امارة بالسوء و ممكن _انو ممكن _ تفكر انك تعيد التفكير بأفكارك في حال بطل معك اتطعمي حالك!.. في حال صارت العلكي ام الخمسي بخمسين وصار الدولار ابو الخمسين بخمسي .. )

ايه ..