نحن و الآخر

[التقرير الجوال]

لأ الهيئه فكره الناس يللي مو شايفين الغرب بان المرأه هيك بتحب الشغل و مبسوطه تشتفل شفور "رافعه"
يعني بدنا بالاول عالقليل نعرف شي عنهن و حياتهن منشان من بعدا نطالب بالمراه العربيه كعامله بأي شيئ كالمراه الغربيه.
وبناءاً على فكره الموضوع يللي هو الرأي و الرأي الآخر و ليست أمثله الموضوع المطروحه بالمقدمه..هون فينا نشوف رأي بعض الزميلات بيعبر عن كون المراه العربيه لها آراء مؤيده للرجل بخصوص متعلقات المساواة المطلقه مع الرجل.


مين في كمان من الصبايا.!

[BL@CK]

يا حسافة موضوع رائع عن تقبل رأي الآخر يتحوّل لموضوع عن مناقب و مساوئ الدكتورة نوال السعداوي ,

و مناقشة الهجمة البربرية على الإسلام و العرب .. لك ليش هيك سويتوه ..

[dajon1976]

مرحبا
يشكل الدين برأيي البيئة الخصبة لنمو بذرة إلغاء الآخر و وأد الفكر. و السبب أن الدين هو منظومة أفكار و فلسفات تمثل (بحسب مبشريها و مريديها) الحل الأمثل لمجمل أحداث طرأت على مجتمعاتهم . و لكن هذه المنظومة بقيت منقوصة و محدودة و عنصرية أحياناً , لأنها قدمت الحل لتلك الجماعة البشرية دون سواها كما أنها حكمت بالظرف الزماني و المكاني , و بالتالي سيحدث اصطدام عند حدوث تلاقح مع بقية الأفكار (و هذا ما حدث لاحقاً) ووقف أصحاب الديانات عاجزين أمام آراء جديدة عرضت على أفكارهم لم يحدثهم عنها معلميهم الأوائل . و كان المهرب هو استلال سيف الله كما ذكر الزميل ,و اعتماد قاعدة من ليس معنا فهو علينا سابقين جورج بوش بآلاف السنين.
لا أدعو لنسف الأديان أو إلغائها , و إنما أن يكون الدين شخصي لا جموعي على أساس حرية الفكر و المعتقد.
أعتقد أن العلمانية السياسية و الاجتماعية و حتى الفكرية هي السبيل الفريد لتقبل الآخر و أدلل على كلامي بالثورة الصناعية في أوروبا , و بمثال معاكس الحالة اللبنانية التي لا تزال ليومنا هذا دولة الطوائف و لا تملك أي مقوم من مقومات الدولة الديمقراطية.

]

كاتب النص الأصلي : Madmax

عدم قبول الآخر... أو رفض الآخر ..... هو عرف عربي .. مستمد أصالتو و قدسيتو من قداسة الأديان يللي بتدعمو
و للتخلص من هالعرف يجب التخلص من شيء من قدسية هالأديان وقصر دورها على الأمور الوحية فقط

أو تحويل بعض من هالقدسية الى الوطن و المواطنة

كلام جميل جداً أشكرك عليه Madmax

يعني أمن بالله أو ما أمن .. هي علاقة شخصية وأنا ما خصني ..
مارس جنس أو ما مارس .. هي مبادئو وكمان أنا ما خصني ..
كان بيأمن بالشيوعية ولا رأسمالي .. كمان ما خصني
مثلي او غير مثلي .. مانا شغلتي

أيضا كلام جميل جداً شكراً لك.

تحياتي للجميع

[كهربجي]

كاتب النص الأصلي : التقرير الجوال

كلنا مع احترام الرأي الآخر بس خلقه المراه و بنيتها و كمان تفكيرها ما بياهلوها غالباً لتولي امور يقوم بها الرجال.

يتفهم بالسياسة أكتر من هيلاري كلينتون؟
بتكتب أدب أحسن من إيزابيل الليندي؟
بتحب نحطك بحلبة مع ليلى علي كلاي؟
صوتك أحلى من فيروز؟ جانيس جوبلين؟
بتفهم بالعلوم قد ماري كوري؟
عندك شجاعة أكتر من سناء محيدلي؟؟


لو سمحت بعد ما تجاوب هالأسئلة تشرحلي شلون بقى تفكير المرأة وبنيتها ما بيسمحو؟؟
ورجاء لا تقولي استثناءات.. لأنو لبكرة ما منخلص.. الشغلة سهلة كتير، ما بدها غير مشوار على شي موقع نسوي

[ابو عمير السوري]

شو شباب طلعتوا برى الموضوع
باختصار ندعو أنفسنا والأخر للاندماج والانفتاح على بعض مع الايمان انو لكل منا خصوصية وعادات تختلف عن الأخر
اما اذا بقينا بمبدأ الشللية والانعزال ستبقى الأسوار مشادة ................

[التقرير الجوال]

كاتب النص الأصلي : كهربجي

يتفهم بالسياسة أكتر من هيلاري كلينتون؟
بتكتب أدب أحسن من إيزابيل الليندي؟
بتحب نحطك بحلبة مع ليلى علي كلاي؟
صوتك أحلى من فيروز؟ جانيس جوبلين؟
بتفهم بالعلوم قد ماري كوري؟
عندك شجاعة أكتر من سناء محيدلي؟؟


لو سمحت بعد ما تجاوب هالأسئلة تشرحلي شلون بقى تفكير المرأة وبنيتها ما بيسمحو؟؟
ورجاء لا تقولي استثناءات.. لأنو لبكرة ما منخلص.. الشغلة سهلة كتير، ما بدها غير مشوار على شي موقع نسوي

بالرغم من اني مو شايف أي داعي لإستخدام شخصي أنا و تعمل عليه مقارنات...
يعني انت في عندك شك بأن خلقه المراه غير خلقه الرجل.؟
كمان بنيتها.؟
تفكيرها.؟

بعدين لاحظ باني قلت كلمه "غالباً " يعني أكيد رح تلاقي سخصيات نسائيه واكبت الرجال.
بدك كمان تقرأ كامل تعليقاتي.
انا كان قصدي من كلامي بان المراه "غالباً " بتكون الاحاسيس و المشاعر مسيطره على أفكارها.
أنا ما حكيت شيئ ضد اشراك المراه بالعمل و بكافه الصعد..بس كان في اعتراض على بعض الامور يلي ما فيها المراه تعملها...كمان نوهت بان المرأه العربيه غير المراه الغربيه يلي نشأت على أفكار اقتصاديه و اجتماعيه و صناعيه غير.
المرأه تم اشراكها بالغرب بكل سبيل ممكن... برأيك هيك صح.؟
أنا من رأيي لا...من هون فيك تاخد ركيزه لتفسير كلامي.
بظن سهله....المراه بناء للمجتمع و الاسره بس كمان صعب نلاقيها أو نتصورها عامله ببعض المجالات..متل الاعمال الشاقه و عالقليل بالنسبه لمجتمعاتنا العربيه.

[ريتــا]

ما بعرف ليش اخدتو كلام التقرير ع شي سلبي
بالفعل الحق معو
انو هلأ النساء معروف عنون انو العاطفة يللي بتحكمون
و احيانا عند وقت اخد القرارات بيتلبكوا
اما الرجال عندو ركيزة و ثبات
و بيقدر يتحمل اكتر من المرأة بكتير
انا مع انو المرأة تشتغل , بس تشتغل بمجالات بتقدر تتحملها
يعني شو هاي ليلى علي كلاي , معتبرينا مثال على المرأة
انا بعتبرها متحولة لرجل
شو يعني مرأة تكون مصارعة
المرأة مش هيك
و منو مجال شغلها هيدا
و بعدين لما نحنا طالبنا بالمساواة مع الرجل
كان بدنا انو المرأة يكون الها حق بابداء رأيها
حق باحترامها
و كل هاي الاشيا
ما حكينا انو لازم تشتغل الاشغال الشاقة مدى الحياة
و بعدين شو قلب الموضوع للمرأة
اول شي كان عن الديانات؟؟
المهم
من اخر السطر
تلخيص لكل الي حكيتو
المرأة الها حق بالحياة و الها حق تعمل الي بدا ياه متلها متل الرجل
بس ما اعتقد انو لازم تشتغل اشغال شاقة
و انو تنحط بمراكز او مناصب منا قادرة تتحملا

[dimozi]

لك جد ما عرفان شو بدي قول................. أيام الواقع بيصدم لدرجة أنو بيربط اللسان.


بتطلع على الردود و بنصدم, شو بدك تقول لها الشباب,

الطائفية جزء من عدم تقبل الآخر , بس مو هاد كل الموضوع, الرأي و الرأي الآخر .............. ألف علامة أستفهام


المساواة ............ كمان ألف علامة أستفهام

لما منكون عايشين بواقع


الدين بيحكم الرجال

و الرجال بيحكم المراة

و المراة بتحكم الطفل

و الطفل بيربى على نفس ها السلسلة الغذائية ليرجع يحكمو الدين و يحكم المراة و المراة تمرر ها التبعية و القمع لولادا

النتيجة الرجل رح يضل يحكم على المراة باسم الدين و رح يضل يتمسك بها الافكار لانو ببساطة بتناسبو
المراة رح تضل عقليتا مقموعة و بتفكر انو هاد هو الشي الصح و رح تربي ولادا عليه

رح نضل عايشين بها الحلقة و ما رح تنكسر


يا اخي شلون يعني ناعمة و حساسة و ما بتقدر............. اذا عم تشتغل كل شي

شوفير الرافعة اللي قلتلك عليها هاي منعننا مو من الغرب, و بتخيل اهانة انو تقول هاي رجال ما مراة

اي و باكدلك انو بمواقع صحراوية

لما بنوصل لمرحلة انو المراة عم ترضى بها القمع لذاتا , تحت ثقافتا الموروثة من الف سنة انو دخيل انوثتك لا ينقرفلك ضفر , و دخيل نعومتك اللي ما بتحتاج كريمات

أخت ليلى مثلا ما بتلاقي شي غلط انو حدا تاني يأمنلك معيشتك؟؟ ما بتلاقي في انتقاص من كرامتك ؟؟
اذا ها الشي طبيعي ..................... فأكيد في شي مو طبيعي

الاسوار رح تضل مشادة طبيعي بها العقلية

لما بيطالب حدى بالمساواة و بيكون الرد انو خود حقك بايدك , ما ها الحق اللي بدو يتاخد بالايد رح يتاخد منكن


او اثبت جدارة و انتزع حقك بالقوة

كل ها الموضوع منشان ما نوصل لهون,


رح يقلب طائفية اكيد , اذا نحنا بها العقلية

رح يقلب عنصرية ضد المراة أكيد, اذا نحنا بها العقلية

رح يقلب مهاترات أكيد , اذا نحنا بها العقلية


الامام علي بيقول " ما جادلت جاهلا الا و غلبني "



مية خسة

[التقرير الجوال]

الإمام الشافعي قال ذات مره عبر التاريخ: "ما ناظرت رجلاً إلا و تمنيت له أن يسدد "

اي أخي
يعني بفكرك المراه عاله عالرجل لما بيصرف عليها.؟
بصراحه انا قلت و مازلت أقول بأني مع الرأي الآخر.. و منشان هيك عم رد عليك مباشره و عم حاول لاقي معك سبيل لتجاوز اقصاء الموضوع عن مغزاه.. ألا و هو اسقاط موضوعك على كافه الصعد في الحياه.
يعني لما اتفضلت و استشهدت بمقوله "علي" و باعتبارنا عم نحكي عن الرأي الآخر فبدي قللك هاد الكلام ما بيناسب الموضوع... على أساس الرجل هاد ذو فكر اسلامي و عنده ثوابت و ركائز ما بيحيد عنها في مناظراته.
و الا كان قلت للمثلي "Homosexual " انت هيك و هيك و هيك...بس أنا باعتباري مع الرأي الآخر رح اتبسّم بوشو و كمل طريقي. هون برأيك كيف شخصيه متل "علي رح تتعامل مع ناس بيعملو منافيات للاسلام..؟ طبعا جاهل و مجرم و كافر.
ياريتك تكون معي لهون.؟
يعني بدك تتقبل الرأي اللآخر و ما بتقيم أي انسان عم تحاوروا بالجهل باعتبارك صاحب الفكره.
و باعتبار شخص عم تتعامل معو بموضوع و استشفيت منو طريقه غبيه لمعالجه هالموضوع......
فمافي داعي تتهمو بالغباء او السطحيه Just only because you are with the figure speech or the different opinion
يعني اذا انت مع الرأي الآخر فلازم يكون في عندك مقومات و أساسيات احترام الرأي الآخر و كمان احترام حريه الكلام.
من هون نبدأ

[dimozi]

احترام الرأي الاخر انا معو للآخر ....................... بس لما الرأي الاخر بيكون اقصائي, جامد , و صاحب حكم مسبق ما بيكون في نقاش


هل الآخر عندو الحق بالوجود؟؟ اذا اي فها الشي عم يتم مناقضتو هون

هل الاخر متساوي معنا بالحقوق و الواجبات ؟؟ ما بتخيل بمجتمعنا

نزلت الموضوع لما قريت ردك بموضوع دين الوطن هل هو الوطنية............... كنت مستمتع كتير بالنقاش لحد ما صار النقاش " انو اثبتو موجودية خدو حقكن بالقوة " ما نحنا عم نتحاور منشان ما ناخد حقنا بالقوة, ناخدو برضى كل الاطراف

لما بيكون الرد دايما بحسب الكود او المرجعية , رح يكون النقاش عقيم

نظرتي للمراة اللي بحب شوفا بمجتمعي كتير بعيدة عن الواقع الحالي, و المصيبة انو حتى المرأة بمجتمعي ما بتطمح انو توصل لمحل ما بتخيلها توصل


انو لما بحكي بالشرق و بيجيني جواب من الغرب , شو بتنطر مني



مية خسة

[التقرير الجوال]

كاتب النص الأصلي : dimozi

احترام الرأي الاخر انا معو للآخر ........... بس لما الرأي الاخر بيكون اقصائي, جامد , و صاحب حكم مسبق ما بيكون في نقاش

يعني وين شفت الاقصاء بالموضوع و التحجر... ما نحن هون عم نحكي و نرد على بعض و عم نعرض افكارنا
عم اسمعك و تسمعني.!!!!

هل الآخر عندو الحق بالوجود؟؟ اذا اي فها الشي عم يتم مناقضتو هون

شو يعني وجود.؟ قصدك ابداء الرأي.؟ و الا الحياة.

هل الاخر متساوي معنا بالحقوق و الواجبات ؟؟ ما بتخيل بمجتمعنا

و لا بأي مجتمع رح تلاقي هالشي و ما تاخدها انطلاقاً من دور المراه بالمجتمعاتز..خدها بجميع النواحي

نزلت الموضوع لما قريت ردك بموضوع دين الوطن هل هو الوطنية............... كنت مستمتع كتير بالنقاش لحد ما صار النقاش " انو اثبتو موجودية خدو حقكن بالقوة " ما نحنا عم نتحاور منشان ما ناخد حقنا بالقوة, ناخدو برضى كل الاطراف

كان التعليق على شيئ مختلف..قياده المجتمعات و اثبات و دمغ الافكار فيها بيكون بطريقتين "تشريعات كانت في مقتبل المدنيه...محببه مستساغه تتقبلها العقول البشريه..طبعاً كانت ميراث العلماء و الادباء و المفكرين...أما الطريقه التانيه فهي ببساطه كانت بسبب هيمنه جماعات قويه على المجتمعات و اثبتت و دمغت أفكارها...خاطئه و مصيبه... و انطلاقاً من هون انا حكيت عن القوه كمنطق حالي_ و بالرغم من أنه قديم_ لفرض و نشر الآراء.

عُلم.!

لما بيكون الرد دايما بحسب الكود او المرجعية , رح يكون النقاش عقيم

يعني انت لما بدك تحاور بأي شيئ فعلى شو بتعتمد بافكارك.؟؟؟؟ و الا كل مره تحاور فيها تجيلك بشي صرعه و فلته ما في إلها لا مرجعيه و لا أساس فكري انت متبني.؟؟؟؟؟؟؟؟؟؟؟؟؟؟؟؟؟؟؟� �؟

نظرتي للمراة اللي بحب شوفا بمجتمعي كتير بعيدة عن الواقع الحالي, و المصيبة انو حتى المرأة بمجتمعي ما بتطمح انو توصل لمحل ما بتخيلها توصل

يعني هلأ صار العتب عالمراه.؟؟؟؟؟؟
بالمناسبه لما بيكون في متل كتير بمجتمع فرح يكون فيك تكوين و تشكيل المراه على حسب اعتقادك..بس الواقع و خصوصاُ عند العرب بان هالفئه أقليه.
يعني بدك المرأه العربيه تشتغل بكل شي "انطلاقاً من مساواتها بالرجل".....
يا سلام على هيك...لما بتكون لابسه Half naked و بتشتغل ببار و تقم المشاريب الروحانيه للمخمورين.
الغرب امتهن المراه.
كمان ليش بدك المراه تشتغل شفور رافعه.؟ اي انا معك اذا بدها هيك... بس أنا مو مع تعميم هالفكره.


انو لما بحكي بالشرق و بيجيني جواب من الغرب , شو بتنطر مني

هون هي مشكلتك... كان المفروض تكون أشد دقّه و موضوعيه صرفه لما كتبت موضوعك
بدي قلك هون: عزيزي "أنا هالكلمه ما بقولها إلا لما بعنيها" موضوعك فيك تشبهو بالبحر الزاخر
أفكار و تباينات و تناقضات و حلول و مشاكل و اقصاءات و منطق القوي في فرض الافكار و تعميمها.
يعني بصراحه روايه.
لو كنت محدد شو بدك من الاصل
كان حكينا بمحدوديه عن الرأي و الرأي الآخر


مية خسة

أما هي ميت خسه فخليها الك.

[dimozi]

بيبلش ببداء الرأي و بينتهي بحق الحياة و بين ها التنين محصور وجود الاخر, يعني اذا ما في دايما تطبيق كامل لمبدأ ما ما بيعني انو لازم نعتبرو غير مهم او شيء مهمش
ابدا الموضوع ما مختلف, لما بينحكى بمنطق القوة لفرض الرأي بيكون في مشكلة كبيرة, و خاصة انو الموضوع شديد الارتباط, الموضوع عن العلمانية اللي هيي صلب تقبل الاخر متل ما هو و بدون اي رتوش و اضافات
احترام الاخر هو القبول باختلافو مهما اختلف, لما بننطلق من مرجعيتنا الثابتة بيكون اكيد مافي نقاش بيكون الموضوع عبارة عن طرح و تكرار لافكار كلنا منعرفا.

انو الحق على المراة ............ انا بشوف اكيد اي لانو راضيه بها الذل...... فورن بينط الذهن على التياب و الكحول
انو هاد هو التحرر؟؟؟؟ ولا المساوة هيي بتساوي الفرص و النظرة و المعاملة و القانون .

الموضوع اكيد كتير متشعب و هو بدا متشعب , بس اذا النظرة ديقة و خلت الموضوع يروح على الطائفية و حقوق المرأة ما بقدر انو رجعو على قبول الاخر ............. الطائفية نقيض العلمانية و وضع المراة كمان ما بيتصحح الا بالعلمانية ....... بالاضافة لشغل هائل لتوعية المجتمع ,


تقبل الاخر هو تقبل فكرة العلمانية, لما بيكون الجميع بغض النظر عن اصولن او ارائن متساويين قدام الدستور ما بيكون عننا ها المشلكة اصلا

بدون فصل الدين عن الدولة فصل نهائي لا يمكن تحقيق المساواة, اذا ما تحققت المساواة رح يضل في فئات بالمجتمع بتحس بالظلم و القهر و اكيد ما بتكون متقبلة وضعا ولا وضع غيرا , من هون رح ينشأ الصراع بالمجتمع




مية خسة = مية وردة


علم

[التقرير الجوال]

كاتب النص الأصلي : dimozi

احترام الرأي الاخر انا معو للآخر ....................... بس لما الرأي الاخر بيكون اقصائي, جامد , و صاحب حكم مسبق ما بيكون في نقاش


هل الآخر عندو الحق بالوجود؟؟ اذا اي فها الشي عم يتم مناقضتو هون

هل الاخر متساوي معنا بالحقوق و الواجبات ؟؟ ما بتخيل بمجتمعنا

نزلت الموضوع لما قريت ردك بموضوع دين الوطن هل هو الوطنية............... كنت مستمتع كتير بالنقاش لحد ما صار النقاش " انو اثبتو موجودية خدو حقكن بالقوة " ما نحنا عم نتحاور منشان ما ناخد حقنا بالقوة, ناخدو برضى كل الاطراف

لما بيكون الرد دايما بحسب الكود او المرجعية , رح يكون النقاش عقيم

نظرتي للمراة اللي بحب شوفا بمجتمعي كتير بعيدة عن الواقع الحالي, و المصيبة انو حتى المرأة بمجتمعي ما بتطمح انو توصل لمحل ما بتخيلها توصل


انو لما بحكي بالشرق و بيجيني جواب من الغرب , شو بتنطر مني



مية خسة

بالمناسبه الرد تبعي ما طلع كامل.؟

نظرتي للمراة اللي بحب شوفا بمجتمعي كتير بعيدة عن الواقع الحالي, و المصيبة انو حتى المرأة بمجتمعي ما بتطمح انو توصل لمحل ما بتخيلها توصل

يعني هلا الحق طلع عالمراه برأيك ..؟؟
يعني التهميش يللي شايفو انت عم تلعب المراه دور في.؟
يعني كيف بعيده عن الواقع.؟ يعني بدكياها متل المراه الغربيه و الا شي اسطوري..
بالمناسبه و اعتماداً على المساواة التي حصلت عليها المراه و منادات بعض العرب باسقاط التجربه الغربيه بدي احكي شي..... يعني المراه وصلت لمواصيل كتير ايجابيه بمجتمعاتنا و هاد اذا دلّ على شيئ فبظن بيدل على تقبل الرأي الآخر بالمراه و عدم تهميشها.... اما اذا بدنا ناخد التجربه بكاملها فما بظن نحن على استعداد لرؤيه مراه
Half naked تشتغل ببار تقدم المشروبات الروحيه للمخمورين...أنا برأيي هاد امتهان..بس مع كل هالشي اذا الاغلبيه بدهن هيك فرخ يصير هيك و الطرف الآخر مو شرط يقول انا مع بس مفروض عليه القبول "بعباره تانيه شكل من اشكار استيعاب الرأي الآخر".
اما عن المراه بالمجتمعات العربيه فبظن راضيه عن دورها كسياسيه و قاضيه و طبيبه و صيدلانيه و مهندسه
و كمان رقاصه اذا بدك... في اعتراضات على بعض الامور متشكله برفض الرأي الآخر..يعني رأي المراه باختيار ما يناسبها....بس هي فقط اعتراضات ما أفسدت حريه الرأي الآخر منشان هيك عم يختارو شو بدهن.

انو لما بحكي بالشرق و بيجيني جواب من الغرب , شو بتنطر مني

هون الحق عليك اذا بتسمحلي.
مشكلتك بانك كتبت موضوع بشكل غير دقيق أو بموضوعيه صرفه
بدي قللك هون: عزيزي " و أنا ما بقول هالكلمه إلا لما بعنيها "...يعني موضوعك عن الرأي و الرأي الآخر فيك تسمي بحر زاخر معد لنقاش كافه اطر و جوانب المجتمع سياسيه و ثقافيه و اجتماعيه ثقافيه...يعني موضوع شمولي.
اما اذا كان بدك تسمع آراء بشكل شمولي و ليسى خصوصي فكان الجدير بك ان تبيّن ذلك من دون اسقاطات لها تبعيات و تجر الموضوع للدخول بشموليه بعيده.

مية خسة

أما هي الخسه خليها لا الك.

[التقرير الجوال]

يعني كل ما قامت فيه المراه من انجازات و اخذ مقاعد اجتماعيه و ثقافيه و علميه و سياسيه بالحياه... كل هالامور مو كافيه و لساتها راضيه بالذل و الهوان..
يعني فسرلي هي اذا تكرمت.


لكان 100 خسه نديه عبقه
اهلا و سهلا حبيبي

[dimozi]

بكل بساطة نظرتي للمرأة مختلفة كتير, مو للمرأة بس للانسان ببلدي , بدي ياه منطلق حر مبدع إنساني غير مقيد فرح خلاق مميز .......................... حقي مو


اي بشوف انا انو لهلاء ما حققت المرأة شي, وجودا السياسي عبارة عن تكملة و واجهة, وجودا الثقافي مهمش و المشهد عموما حزين, وجودا الاجتماعي مزري, يعني لازم نقعد ننوح على حريات المرأة و بعدين بتجي المرأة نفسا مبسوطة بها الواقع أنو بالآخر بالآخر هيي رح تريح راسا و بيجي حدا بيصرف عليها , هيي ما مضطرة توجع راسها بكل ها الخزعبلات, بالآخر رح تتجوز و جوزها بيقلها شو تعمل و شو تساوي و كيف تربي و كيف تحكي و تلبس و تعبر , عليها تجيب ولاد و تربيهن بس و بالباقي كلو عبارة عن شي ما بيمت لألها بصلة , انو حقوق لاء دخيلكن , لانو حقوق =واجبات , خليني هيك مرتاحة اكتر, قال حرية و حكي فاضي و هوا غربي


معي انت ؟؟ بتمنى تكون




مية خسة

[التقرير الجوال]

كاتب النص الأصلي : dimozi

بكل بساطة نظرتي للمرأة مختلفة كتير, مو للمرأة بس للانسان ببلدي , بدي ياه منطلق حر مبدع إنساني غير مقيد فرح خلاق مميز .......................... حقي مو


اي بشوف انا انو لهلاء ما حققت المرأة شي, وجودا السياسي عبارة عن تكملة و واجهة, وجودا الثقافي مهمش و المشهد عموما حزين, وجودا الاجتماعي مزري, يعني لازم نقعد ننوح على حريات المرأة و بعدين بتجي المرأة نفسا مبسوطة بها الواقع أنو بالآخر بالآخر هيي رح تريح راسا و بيجي حدا بيصرف عليها , هيي ما مضطرة توجع راسها بكل ها الخزعبلات, بالآخر رح تتجوز و جوزها بيقلها شو تعمل و شو تساوي و كيف تربي و كيف تحكي و تلبس و تعبر , عليها تجيب ولاد و تربيهن بس و بالباقي كلو عبارة عن شي ما بيمت لألها بصلة , انو حقوق لاء دخيلكن , لانو حقوق =واجبات , خليني هيك مرتاحة اكتر, قال حرية و حكي فاضي و هوا غربي


معي انت ؟؟ بتمنى تكون




مية خسة

عزيزي.!
الحقيقه انت عم تطالب بامور أسطوريه و هاد حقك. يعني الرأي بالبدايه يكون فكره بعدين تتبلور و يصير في إلها معتنقين و مؤيدين و مع الزمن و مع اصرار مؤيدين الفكره بتكون النتيجه ظهور هالفكره على ارض الواقع و ممارستها حياتياً.
يعني عندك بالخمسينات و الستينات او ممكن متاخر شوي عن هالتاريخ..ثوره النساء بمصر عالحجاب الكامل و ظهور بعض الكتاب و المفكرين الاجتماعيين و مناداتهم بتحرير المراه...هالفكره كانت بين تيارين او خلينا نقول
بين راي و رأي آخر...بالنتيجه عملو شي و نشروا افكارهن و انطلقت المراه.


يعني برأيك المراه لما تمارس دورها بالقضاء الذي هو اسمى هدف انساني "تكون لم تأتي بجديد, كمان لما تعمل بالطب يكون دورها غير كافي ".

كمان لما تربي النشا و تطالع مفكرين و اجتماعيين...هاد كله "مزري"
اما عن ناحيه الابداع فهي موهبه ربانيه ما بتلاقيها بالكل و لا رح تلاقيها بالكل أبداً

بعدين دخلك شو رايك بالمراه العامله التي كان هفها بالحياه انشاء أطفالها...في عينات ضخمه جداً بالمجتمع السوري
نساء وضعو أيديهن بأيدي رجالهن من أجل بناء الاسرة يعني راتبها حباً و طواعيه بالبيت منشان الاطفال و تدريسهم و انشاءهم...نسيو حالن ليكبرو و يربو...هاد "مزري"
هون بدي اضربلك عالوتر الحساس و جاوبك مباشره على مرادك للمراه
انت بدك المراه كيان مستقل منفرد...يختار الامومه او طريق العمل او العلم او او بحيث تكون لها حريه الاختيار كالرجل...حقوق الرجل التي تفهم من فبلنا كواجبات
اي انا معك بهالشي..بس مع كل هالشي تلاقي الكاتبات صاحبات الكيان المستقل كمان النساء المتزوجات و بحريات شخصيه و لكن ضمن حدود المعقول...
هون بدنا نسال بان صاحب او معتنق فكره الحريه المطلقه للمراه يقبل لها و هي الزوجه ان يكون لها أصدقاء رجال.

[ليلى]

رح بلش أول شي بـ سؤال الأخ dimozi

أخت ليلى مثلا ما بتلاقي شي غلط انو حدا تاني يأمنلك معيشتك؟؟ ما بتلاقي في انتقاص من كرامتك ؟؟

لا مـا بلاقي فيها انتقاص من كرامتي لسبب كتير بسيط انو هالشي واجب عليه و من حقي يعني مانو كرم زايد منو و لا بيقدر يحملني جميلة انو عميأمنلي معيشتي , مع اني بحب الاستقلال المادي و ما بحب اعتمد على حدا و استناه يأمنلي معيشتي ... ( و في نقطة يمكن انت ما بتعرفها و هي انو حتى لو كانت المرأة " في الدين الاسلامي " عاملة و مستقلة مادياً بيضل من واجب زوجها انو يأمنلها معيشتها حتى لو هي مكتفية )

الدين بيحكم الرجال

لنفرض انو مو الدين اللي بيحكم الرجال , شو اللي رح يحكمون و يحدد و ينظم تصرفاتون و سلوكون و علاقتون بالمجتمع ..؟؟ ( لو سمحت بدي منك جواب على هاد السؤال )

و الرجال بيحكم المراة

طيب انت بترضى امرأة تحكمك ..؟؟

و المراة بتحكم الطفل

قولك الطفل اذا تركناه بدون ما حدا يحكمو , كيف رح ينشأ ..؟؟ ( حددلي انت مين لازم يحكمو )

صح نحنا بعدنا عن الموضوع الأساسي اللي انت كان قصدك تطرحو ...
بس ما صار شي ليك الكل قاعد و عمياخود و يعطي و عين الله علينا

أما بالنسبة لتقبل الرأي الآخر , الكلام اللي سبق و قلتو بعتقد كان كافي يوضح الأسباب بس بتصور مستحيل بيوم من الأيام تلاقي مجتمع من المجتمعات فيو تقبل كامل للآخر , لإنو بيضل كل إنسان كـ فرد بالمجتمع إلو افكارو و قناعاتو اللي هو مانو مستعد يتنازل عنها لأي سبب من الأسباب ( بغض النظر عن الدين )
حتى الإنسان اللي ما بيحكمو دين أو بالأصح ( ما بيؤمن بأي دين ) كمان عندو افكارو الخاصة اللي متمسك فيها و ما رح يغيرها ...

أما قضية المساواة , للأسف هي مو موجودة بأي مجتمع ( لا على كوكب الأرض و لا حتى على المريخ )
و من المستحيل وجود مساواة في ظل وجود اختلاف دائم و وجود الجنسين معاً .. ( يعني لو كان كوكب الأرض بس ذكور أو بس إناث ) كان يمكن يصير بيوم من الأيام مساواة ... و لاحظ إني قلت " يمكن " لإنو في عوامل كتير تانية بتمنع او بتقلل من فرص وجود مساواة كاملة و مطلقة بمعناها الصحيح ...


لي عودة

[sandra]

أنا اللي ما عم افهموا من خلال بعض التعليقات أنو لازم الرجل يحكم المرأة، ليش,,,,, لأن مو معقول المرأة تحكم الرجل !!!! شوفوا هالمنطق !!!!
يعني ضروري يكون في علاقة تحكم وسيطرة بالنص؟
إذا ما عم نقدر نفهم أهمية التكافؤ بالعلاقة بين رجل وأمرأة فكيف بدنا نحكي عن باقي العلاقات
وصلنا للقرن 21 ولسه لازم نحكي عن مين رج بسيطر عالتاني ويتحكم فيه !!!!!

مـا بلاقي فيها انتقاص من كرامتي لسبب كتير بسيط انو هالشي واجب عليه و من حقي يعني مانو كرم زايد منو و لا بيقدر يحملني جميلة انو عميأمنلي معيشتي , مع اني بحب الاستقلال المادي و ما بحب اعتمد على حدا و استناه يأمنلي معيشتي ... ( و في نقطة يمكن انت ما بتعرفها و هي انو حتى لو كانت المرأة " في الدين الاسلامي " عاملة و مستقلة مادياً بيضل من واجب زوجها انو يأمنلها معيشتها حتى لو هي مكتفية )

يا ستي منحكي بالموضوع لما بتتزوجي انشالله وبيجي الرجال بيعطيكي مصروفك
هون بتعودي بتجكيلنا رأيك
ما رح قول أكتر من هيك

ومية وردة
هي بدال المية خسة عند dimozi