|
| س و ج | قائمة الأعضاء | الروزناما | العاب و تسالي | بحبشة و نكوشة | مواضيع اليوم | أشرلي عالشغلات يلي قريانينها |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
26/01/2008
|
#901 | ||||||
|
عضو
-- مستشــــــــــار --
|
هالأغاني شو يتشعر لما تسمعها...
الأطلال أغدا ألقاك سيرة الحب قارئة الفنجان رسالة من تحت الماء زي الهوى أحن تحية طيبة يا والدي الطيب كان في طفل صغير عم يلعب بالحارة انا وليلى فوق النخل كلمات يا رايح صوب بلادي وطني(سامي كلارك) عصفور طل من الشباك
تباً إننا جيل كامل من الانتظار .. متى نفرغ من الصبر .. و من مضغ الهواء ..
اتعرى من الجميع كي أجدني,,,, فأضيع !!!! حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح! |
||||||
|
26/01/2008
|
#902 | ||||||
|
عضو
-- مستشــــــــــار --
|
عندك هالقضايا يللي خطرت ببالي ....اعطيني شي حل ممكن يخطر ببالك الها وكلمة موجهة الها كمان وا>ا هي ظاهرة شو رايك فيها
التســـول الاغتصاب الإرهاب غلاء الاسعار الإدمان عالمخدرات التعارف عن طريق النت الحب عن طريق النت الهجرة اللجوء الواسطة الانتحار المتاجرة باعضاء الانسان الفن الهابط |
||||||
|
26/01/2008
|
#903 | ||||||
|
عضو
-- مستشــــــــــار --
|
برضو بدي رأيك بهالشخصيات
جورج بوش الابن الخميني فلاديمير بوتن الق>افي كونداليزارايس شارون هتلر السلطلان عبدالحميد الثاني بلفور عمر المختار جيفارا فارس عودة عزمي بشارة رفيق الحريري جمال عبد الناصر انور السادات حسن نصر الله وبهالحركتين كمان بدي رايك حركة أمل حزب الله |
||||||
|
26/01/2008
|
#904 | ||||||
|
عضو
-- مستشــــــــــار --
|
غادة السمان...
حنا مينا واسيني الاعرج ميخائيل نعيمة جبران خليل جبران المنفلوطي احلام مستغانمي باولو كويلهو شو رأيك فيهم وشو انتقاداتك الهم...بتحبهم ..يا اخي احكيلي عنهم واسفة على الغلبة  |
||||||
|
26/01/2008
|
#905 | ||||||
|
عضو
-- مستشــــــــــار --
|
كهربجي اكيد لما تشوف اسئلتي رح تسب علي وتلعن...... بس بدي قلكن انو هيك فرصة لنتعرف عليكن ما بتنعاد ...ممكن تشوفونا بنقليكم بس لا وربي هي محاولة صادقة من القلب لنكون اقرب الكم سواء لما نعرفكم او لما نحاكيكم..
وموفق بالمقلاية  |
||||||
|
26/01/2008
|
#906 | ||||||
|
عضو
-- مستشــــــــــار --
|
السيد كهربجي المحترم
شفلنا هالأسئلة و يا ريت تكون صريييييح بإجاباتك  1- الأخ اللي قبلي سألك عن معنى اسمك و أنا بدي أعرف بعد إذنك اسمك الحقيقي. 2- من خلال مشاركاتك بينتلنا إنك لاديني ... عندك مشكلة باتخاذ أصدقاء متدينيين (متدين و ليس متطرف) ولا بتحس بنفور من هيك شخص ؟ 3- كمان إنت من أشد أعداء الطائفية بالأخوية ... بصراحة ما مر عليك موقف إنت تصرفت فيه بميل لطائفتك ؟ وإذا كان إي شو هوي الموقف ؟ (الموقف بالحياة العادية أو حتى بأخوية) 4- شو رأيك بالمشرفين بأخوية ؟ شو النسبة اللي بتعطيها للمشرفين الجيدين من مية ؟ 5- هل صحيح إنو الواحد بس يصير مشرف بيصير بجو تاني منفصل عن الجو القديم تبعو ؟ يعني بيصير زميلو المشرف أهم أصدقؤه ؟ إنت تغيرت صداقاتك بعد الإشراف ؟ و شو ردك على إتهام بعض الأعضاء للمشرفين بإنن كلن بيمسحوا جوخ لبعضن مع إنو في حساسيات بيناتن؟ 6- إنت ومشرفة تانية ... عليكن نفس الملاحظة ، بتتدخلوا كتير بالمواضيع و بتبينولنا "أشكرة" إنو حطيتو لمساتكن السحرية بالموضوع ... هل هيي ديكتاتورية ؟ أو حب لإظهار السلطة تبعكن ؟ أو لخدمة الموضوع فقط ؟ 7- في كتير ناس بيقولو إنو من إيام كريم "الله يرجعو بالسلامة" لهلأ ... خف كتير هامش الحرية بالمنبر ... شو ردك و بتجرد ؟ 8- شو هوي الشي اللي مانك رضيان عنو بأخوية و بتتمنى تكون إلك سلطة تغيرو ؟ 9- لو كان عندك سلطة حجب العضوية تماماً ... مين هني الأعضاء اللي فوراً بتتخذ هالإجراء بحقن ؟ 10- لو صحتلك فرصة للهجرة بتسافر ؟ و شو البلد المفضل ؟ 11- شو ممكن تأيد من الأمور التالية لو فرضنا جدلاً إنها كلها قابلة للتحقيق: وحدة عربية كاملة - وحدة لبلاد الشام - وحدة سوريا و لبنان - وحدة سوريا و العراق - وحدة سوريا و مصر- التضامن العربي - الحلف السوري الإيراني - حلف يضم الهلال الشيعي - المحور السوري المصري السعودي- انضمام سوريا للإتحاد الأوروبي(و طز بالعروبة  ) - الشراكة الأوروبية المتوسطية - السلام الشامل مع اسرائيل (شامل يعني من دون قيود ، متل نحنا و تركيا) - صلح تام مع أميريكا مع زيادة نفوذها في سوريا على حساب إيران أو روسيا و الصين .12- إذا في شي سؤال زعجك ... شو هوي ؟ و ليش ؟ تحياتي
أعـشق عـمري لأنـي إذا مـتُّ أخجل من دمـع حـبـيـبـتـي ... و أمـي
______ في حضرة الإمبراطور اليوفي و الأسطروة دل بييرو .. يركع الملكي المدريدي ______ احذروا قناة العربية لأنها قناة حريرية عبرية أميريكية سعودية قذرة همها الأوحد تشويه صورة سوريا العظيمة |
||||||
|
26/01/2008
|
#907 | ||||||
|
عضو
-- قبضاي --
 |
سلام خيو
هلاء اذا الغسالة بالبيت عملت شورط, فضربت لمبة الصالون و احترق التلفزيون و شريط البيشون انقطع و مروحة الكومبيوتر عم تطالع شرر, و معك مفك فاحص و بكرة شرطيطيون حمرا شو بيكون غدا سعدو ؟؟؟ 
يا عبد متى رأيتني في الضدين رؤية واحدة, اصطفيتك لنفسي.
|
||||||
|
26/01/2008
|
#908 | ||||||
|
عضو
-- مستشــــــــــار --
|
اقتباس:
اقتباس:
ما عندي اسئلة لـ كهربجي...حالياً... لانو اسم الله اسئلة وشم الجمال بتكفيه ورح تتعبه لاخونا كهربجي يعني اسئلتها بـ عدد مية سؤال من الاعضاء so ما بدي اتعبه  |
||||||
|
26/01/2008
|
#909 | ||||||
|
عضو
-- مستشــــــــــار --
|
أهلا باللي أكلّني مخالفة
 أهلا عمو كهربا..رح اسألك نفس الأسئلة تبعول ياسين..ويمكن ارجعلك بكمان أسئلة بعدين  الاسم والعمر: أهلك سموك على اسم شخص معين؟ قريب متلا؟ لو كنت انولدت من الجنس اللطيف شو كنت بتحب يكون اسمك؟ كنت بتتمنى يكون عمرك اكبر او ازغر؟ وقديه بالزبط؟ **** ليش بعدك بأخوية؟ (ما تاخدها بمعنى سلبي  ..بقصد يعني شو اللي بخليك تضل بأخوية؟)شو هو لونك المفضل؟ شو الحيوان المفضل؟ عندك بيرسينج؟ اوشام؟ عندك ادمان لشي معين؟ من واحد لعشرة قدي بتصنف رضاك ع حالك من ناحية شخصية؟ عندك عادات بتعتبرها سيئة وبتتمنى تتخلص منها؟ ازا بيعملوا فيلم عن حياتك شو بيكون اسمو؟ شو اول شي بسّلم افضلياتك او اولوياتك؟ شو نقطة ضعفك؟ بتحب صوتك؟ شي مرة : جرحت حالك وقسيت على نفسك؟ وليش؟ حششت؟  اكلت قتلة أو طعميت حدا قتلة مرتبة؟  أضربت عن الطعام يوم كامل؟ نمت كل اليوم؟ قتلت حيوان بالغلط؟او بالقصد؟ بتآمن ؟: بالحب من اول نظرة؟ بتتمنى لما بتنزل نجمة من السما؟ انو في حساب لكل بنآدم بعد ما يموت؟ مين هو / هي؟ : صديقك/ صديقتك المفضل/ة؟ صديق/ة ياللي بيضحك كتير؟ صديق/ة ذكي وحكيم كتير؟ صديق/ة كتير مشتاق تكون حدو/ها ؟ بتحس انو اصحابك دايما بفهموك؟ اي وهاد سؤال plus شو كان لقبك بالمدرسة Enjoy your time in here 
لا تَقُل : يا رب عندي هَـمّ كبير
ولكن قُل : يا هـمّ عندي ربّ كبير :] ؛ يا ريـحة البـلاد يا عطر الفّواح ..غـالي علينا يا تراب بلادنا |
||||||
|
26/01/2008
|
#911 | ||||||
|
عضو
-- مستشــــــــــار --
|
مرحبا كهربجي..
كيفك .. خطر ببالي اسالك .. وقت الواحد بكون مظلوم ... بس ما بايدو شي .. يعني بدك ترضخ للامر غص من عنك .. الطرف اللي ظالمك اقوى منك .. وبايدو انو ينهي حياتك ...
شاورما ©
كمّون © Calculater © " لو .. رجعت الشام .. لـ حضن الشام .." 2011 |
||||||
|
26/01/2008
|
#912 | |||||||
|
مشرف متقاعد
|
اقتباس:
ليش؟ لأنو سعدو بيخليك تكتب الآيات تبعك، وفي حال كانت صعبة ومضجكو بتلاقي في قبول من الناس يعني من جهة هي مسلية ومن جهة تانية ذكية وبتفتحلك مخك على طرق تعبير جديدة
I am you and what I see is me
اللي عم يشتغل مو فاضي يحكي كتير |
|||||||
|
26/01/2008
|
#913 | ||||||
|
مشرف متقاعد
|
was616im
كهربجي هممم... اللي نازل بالعالم مخالفات ع ابو موزة اي والله ليجو كل اللي طعميتن مخالفات و يهرو النعمة تبعيت سعدو والله هلا هلا وسيم.. وهي بلشنا أسئلة طويلة! المهم خدلك هالكم سؤال كمقدمة انا حباب و ما بكتر اسئلة 1-برايك الديمقراطية بتلبق للعرب شي؟؟و ليش ؟يعني هيك شرح بسيط كافي و و افي  يا سيدي ما بعرف، والسبب أنو برأيي أهم أولوياتنا على الأغلب ما يكون الديمقراطية.. 2-اذا اتعينت وزير الكهرباء بسورية عددلي اهم 10 شغلات بتسعى بكل جهدك انك تحققن هلق نظرياً أكيد بتلبقلنا، يعني الديمقراطية مانها فكرة بتخص شعب واحد لما انحطت نظرياً.. بس عملياً في اختلافات بين الشعوب بتخلي تطبيق النظرية يختلف من بلد للتاني.. لهيك ما بعرف بعدين في عندي اعتراض على (العرب) كمفهوم شعب واحد.. ما عم قول أنو العرب ما بيشبهو بعض كتير، وأنو في كتير أمور مشتركة أبداً.. بس الاختلافات اللي بشوفها بين كل شعب عربي بتخليني فكر بلبقان الديمقراطية إلهن كل مين لحالو..  1- رفع أجور الموظفين شي دبلين تلاتة مبدئياً إذا قدرت... وأكيد بتكون ميزانيتي بتكفي 3-ليش تحديدا الكهربا؟2- الفساد الفساد الفساد.. لازم يتكافح الفساد وتضل العالم اللي بتشتغل باحترافية وضمير بس. 3- بركب عدادات كهربا لكل أبراج التغطية تبع الموبايلات ةبحاسب عالليرة 4- بوقف سرقة الخطوط بطريقة ما!! 5- بجبر كل شركة مستثمرة بالطاقة هون (وهدول بدهن يكترو) أنو تاخد مهندسين سوريين وعمل سوريين إضافة للطاقم تبعها مشان يصير عندهون خبرة 6-بحاول وقف استهلاك النفط لتوليد الكهرا او قلله قدر الإمكان مشان نعل مصادر طاقة بديلة 7- بمنع التدخين بالوزارة وبكل مؤسساتها بطريقة جدية 8- بفاوض وزارة التربية ليعطونا هيك شي عشر دقايق مشان نحكي عالطاقة ومشاكلها مع الولاد (طبعاً مو متل حصص الشبيبة والطلائع) 9- برجعلي شي 24 سيارة لأنو وحدة بتكفي 10-بستخدم كل نفوذي مشان ما عاد تطلع سحر فوزي ولا ماريا ديب عالتلفزيون.. -ليش هالاسم هاد ( كهربجي)  لأنو خيو أنا اشتغلت كهربجي شي كم شهر مشان نطلع حق كاميرا.. ووقتها كنت هلق متعرف على أخوية.. فهيك للتسالي عملت اسمي كهربجي مثقف!! كان بيضحك وقتها.. هلق ما بعرف... بعد ما صرت مشرف كان أفضل أعمل اسمي أقصر.. فلهيك ضلت كهربجي لحالها -شو بيعنولك هالجمل هدول:على الله تعود على اللهيا ضايع في ديار الله شو بيعرفني؟؟ يعني هي أنا بفهمها وظريفة يعني بس ما بتاخدني لمحل يعني.. بس بتذكر وديع الصافي.. إي إي ولما حضرتو لايف... ليالي الشمال الحزينة...ضلي اذكريني اذكريني...فيروز.. مم.. المشكلة أنو كتير من أغاني فيروز كلنا منحبها بس متعودين عليها ومو سمعانين الأعاني مزبوط... بس كل ما اسمعها لهي الغنية بفكر بالسويد 6-شو الوقت بالنسبة الك؟الوقت شي بيلبك... وبيضل بينق ع راسك شو ما عملت.. 7-اذا حدا سالك بيوم من الايام منو هاد وسيم يعني شو رايك بهل بني ادم (اللي هو انا و اعوذ بالله من كلمة انا) شو بتقلن؟ خيو بقلون هاد الزلمة أنا ما بعرفو بس من ورا أخوية شفت أنو زلمة مطلع ومهتم.. هلق ما دائماً بتفق مع آراؤوا بس أحيان منتفق.. وطريقة نقاشو عالحالتين محترمة وظريفة 4 5 يلي بعدووووووووو |
||||||
|
26/01/2008
|
#914 | ||||||
|
مشرف متقاعد
|
وشم الجمال
اول شي شو اسم كاتبكـ المفضل؟ ما عندي كاتب مفضل صراحة.. بس في كتار بيعجبوني، أول شي في واحد يوناني لهلق بخربك باسمو وبستحي!! في أمين معلوف والليندي وماركيز.. بعض ما كتب خيري الذهبي هو من المفضلين عندي.. ولسا في عالم ما كتير معروفين هون متل إيان راند بتحب الشعر ؟؟ لمين بتقرا؟؟إي بحب الشعر بس متعصب بذوقي.. يعني قليل ما يعجبني شعر.. بقرا لكتار بس المفضل عندي نزيه أبو عفش.. وبحب المعري أحياناً وكمان عمرو بن كلثوم أحياناً.. إي كمان في نيرودا.. وبودلير ورامبو (بس بالعربي لأني ما بعرف فرنسي أو اسباني) شو رأيك بالحب؟؟؟أحلى شي، صعب انو يمشي لقدام بالذات إذا ظروفو مو منيحة.. بس حلو كتير، بيخلي الإنسان يطمح ليحسن نفسو أكتر.. وهاد الجزء كتير مهم بالحب شو رأيك بالسلام؟؟؟السلام هو المفروض يكون الحقيقة اللي لا تقبل النقاش.. لهيك بفضل يكون السؤال شو رأيك بالحرب عمرك حسيت بالظلم؟؟؟ وشو الموقف؟؟إي كتير مرات.. بفضل ما احكي عن الموقف.. عفواً... شو طموحكـ في الحياة؟طموحي.. أنو موت مرتاح وراضي.. ناجح بس بمعاييري وعندي شي بالحياة اتركو ورايي شو بتعنيلك السياسة؟؟في التوصيف تبع فسم السياسة أنا كاتبو شو اسم الشب و البنت المفضل عندكـ؟وجع راس... يعني شو بدّك بها الفوتة؟؟؟ يا عيني والله ما بدّك ياها.. نقاشات وخنايق ومناقرات ومؤامرات... قلّك، ما في أمل... اسبقني لاحقك... بتوقع بيعبر للشب ما بعرف.. بس للبنت بحب اسم جوى |
||||||
|
26/01/2008
|
#915 | ||||||
|
عضو
-- مستشــــــــــار --
|
مطرحك بالغرفة المظلمة ... ليش ؟
بتحب الظلمة ؟ صورتك الرمزية .. كلا ظلمة .. وطالع منا شعاع الخط الابيض .. الي وقت بفوت الموشور .. بيتحلل لالوان الطيف ال 7 بدي اسالك ... شو اكتر شي ظلمك بهي الحياة .. بتعتبر حالك من العالم اللي شايفة حالا؟ اقرب عضو + عضوة الك من المنتدى بحياتك العامة .. حابب؟متجوز ؟ عزابي؟ عرف الخيانة ... بالله ممكن تفهم جاد بس .. انو ليش المماس بكون عمودي على نصف القطر جوا الدائرة  انت من وين من سوريا .. رأيك بهالكام شغلة : الحياة الحب العلم الاختراعات الديمقراطية كرة القدم حمص المسبحة رايح شي عالجامع الاموي ؟ لو خيروك تزور بلد ما بالعالم وين بتروح ؟ لو معك مسمحلك انك تقابل انسان + انسانة .. ما بتتوقع كنت انك تقابلهم مين بتطلب مقابلة مين ؟ شو بدك تقلهم شغلتك بالحياة شو ؟ بتعتبر حالك انجزت شي بالحياة اما لا؟ احب اسماء ولاد وبنات عندك شو رايك بالبيت التالي: ان الحياة حبتك كل كنورزها فلا تبخلن على الحياة ببعض ما بتعتبر حالك مثقف ؟ او من نظرة اخرى بتقرا كتير؟ الادب الروسي .. شو رايك فيو .؟ ايجابيات / سلبيات وين مسافر بالعالم ورايح بلدان ؟ حافظ النشيد العربي السوري ؟ وقت بتسمعو ... بتحس بشي جواك متل قشعريرة .. او عادي كانك عم تسمع ايا شي طالع؟ يعني بتحس بقيمة النشيد تبعنا اما لا؟ لو خيروك انك تعمل 10 شغلات بالعالم شو حيكونو فريقك المفضل .. محليا اوربيا امريكيا منتخبك العالمي .. العربي الاوربي لاعبك المحلي المفضل العربي الاوربي الامريكي بتتابع مباريات ؟ شو احلى مباراة حضرانها لهلا؟ حضرت شي مباراة لايف عارض الملعب؟ احلى شي بالشام وين بتشوفو ؟ مطعمك المفضل؟ اكلتك المفضلة اتعرفت عحدن من الاخوية شخصيا؟ مين ؟ بتقدر تبعد عن اخوية ؟ بصراحة قسمك المفضل بالاخوية .. ما بعد المنبر في حال كان المنبر سمعان شي بغنية Life is Life كيف وصلت عاخوية ... عندك حدن بتعتبر بمثابة الصديق الحقيقي لالك؟ عندك صديق عمر يعني .. انت وياه من زمان سوا شو معناة I'm You and What I see Is me عندك سيارة ؟ شو نوعا ؟ ساكن مع اهلك او لحالك ؟ نوع عطرك المفضل نوع ساعاتك المفضل.. ولا ام ال خسا عشرين عالبسطة لو حطيتك هالكام سمايلي ... وزعلي ياهم على البشر باخوية يعني عمليا حط لكل سمايلي اسم عضو             موضوع لفت نظرك اخر فترة .. اجتك شي هدية مرة .. ولهلا ما بتنساها .. بتحس الها قيمة كتير كبيرة عندك مين بتحب اكتر امك ولا ابوك .. وليش هلا نقي بن هالتنين : شاورما- فلافل مايونيز -كتشب خبز سياحي - خبز الدولة لحمة - جاج قهوة عادية - نسكفايه ميلو - كابتشينو --------- فيروز-ماجدة الرومي جورج وسوف-كاظم الساهر ملحم بركات - وديع الصافي ام كلثوم - وردة بتحب تسكن بفيلا او ببيت عادي ؟ ليش اللي عم يشتغل مو فاضي يحكي كتير ؟ ما ممكن تشتغل وتحكي ؟ وراجعلك |
||||||
|
26/01/2008
|
#916 | ||||||
|
مشرف متقاعد
|
بشو بتوصف علاقتك بالاخوية؟؟؟
هلق هي علاقة تبادلية بس مو متكافئة، يعني أخوية عم تقدملي أكتر ما عم قدملها أنا.. كمعلومات وفائدة والحوار مع ناس ما كنت بتوقع أتعرف عليهن برا أخوية هل بتعتبر الوضع بالبلدان العربية حاليا على شفا جرف هار؟؟؟طبعاً.. بس المشكلة أنو ما بعرف على أي جرف... التطرف ولا الحرب ولا شو... الاغتصاب ... شو الشعور اللي بتخلقو هاي الكلمة بأعماقك؟؟؟يعني شلون بدي قلك قرف وغضب وحزن.... كلهن مع بعض.. حتى أحياناً خوف!!! هل تؤمن بالسلام ؟ إي... بس بلشت شك آخر فترة وشو حل القضية الفلسطينية برأيك؟؟؟ أنو الفلسطينيين والإسرائيليين يفهموا بعض ويتحملو بعض على الأقل مشان يعرفو يعيشو مع بعض.. طبعاً بدهن الإسرائيليين يخلصوا من حاخاماتهم وضباطهم سياسييهم.. مو الكل أكيد.. بس أنا عندي قناعة أنو بالنهاية ما في شعب بالعالم بيفضل الحرب على السلام شو قمة الصدمة عندك؟؟؟ لما دور على شغلة نص ساعة وتطلع بجيبتي... شو موقع كهربجي من الإعراب يعني انت وين وصلت ولوين بدك توصل ؟؟؟ يا ستي لا وصلت على وحل ولا شكلي رح وصل بمعاييري!! بس ممكن كون لهلق عملت شي ذاتي داخلي.. هاد الشي الوحيد اللي وصلتلو لهلق، لأني راضي عن شخصيتي وعندي اصدقاء ممتازين شو الشي اللي ما فيك تستغني عنو؟؟؟أساسي بحياتك؟؟؟ الكاميرا جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟ لا.. لا هي ولا هديك.. طبعاً على الصعيد الشخصي.. أما مثلاً في ناس حسيتون خانوني كشخص سوري يعني كمواطن... تعريفها هي الوعد بشي وعمل العكس.. شو لونك المفضل ... غنيتك المفضلة؟؟؟ لوني المفضل؟ إي عن جد ما بعرف.. حسب.. دهنت غرفتي بلونين أحمر وكريم كراميل.. بس يعني بحب الأزرق والأبيض والرمادي.. إلخ كل فترة بيكون عندي غنية مفضلة بس هلق في تنتين و Pigs (three differnt ones) and Echoes إي وكمان في غنية اسمها Bike وكلهن ل Pink Floyd بلد نفسك تزورها؟؟ الأرجنتين حدا باخوية نفسك تقلو شي معين... ياسين.. معلمي أنت وع راسي بس المقلاية بتحرق مين العضو يللي اعجبك كتير تفكيرو ونقاشو في كتير.. ما بدي أذكر حدا وأنسى حدا اكتر عضو حبيتو صراحة في عضو اسمو Me2 ما بعرف إذا الشباب بيتذكرو بس ما كان في منو خدني معك لحبيبتي بعدك على بالي كمان لحبيبتي ضمني على صدرك كمان لحبيبتي.. سلامتك من الاه لحسام انا بعشقك لسوريا الأماكن ما بعرفها.. بس مبدئياً لجماهير نادي الكرامة!! مستني مني ايه لستي الحب والوفاء للسنافر؟ أناديكم لبياعين الشاي عالبسكليتة والمناضلين التانيين بكل قطاعات الدولة كن صديقي للحكومة أين ستهربون لكل مؤيدين بن لادن وحباشاتو اغضب لدكتور عنا بالجامعة صرت مقدملو مادتو 5 دورات نصيحة بتوجهها للتالية اسماؤهم بلاك خليك رايق... وروق بزيادة كمان بترفلاي تعي عالمنبر أكتر هاني يا ريت ما تحط (لا للتحشيش) بتوقيعك مرة تانية!! بريف هارت دير بالك على حالك كتير.. لأنو دود الخل منو فيه سيريان غاي لا تتغير.. خليك منفتح عالناس اللي منفتحين عليك.. بس ما ترد على اللي ما بيفهمك جاد ما ترجع ع سوريا.. عن جد نصيحة شريك محمد ابراهيم تعا ع سوريا.. كمان نصيحة شريك طارق طارق فينيكس بيرد ما هيك؟؟ إي كون قد حالك ذا لايت انصحني أنت حسان بارليب ما بعرف شو بدي أنصحو... أخي نصاح حالك مانك بحاجتي!! امرأة من ورق ما في منو.. خلي معك... حكومة_غوفرمنت_ قبضها جد شريك أحيان بدها جد.. بس ما تصدق وتصير ناشف.. أنت من أحلى الأفلام تبع أخوية!! عن جد ظريف الشب سويت بيبي خلينا نتواصل ريمي خبريني عن هداك الموضوع أول بأول.. ووشوم ما بعرفها.. بس ع كل الأحوال بنصحها تشرب حليب.. لأنو مفيد اكتر كلمة بتحب تحكيها صباح الخير اكتر كلمة بتحتاج تسمعها اشتقتلك اكتر كلمة بتكرهها الديوان... الذاتية.. الأرشيف... اكتر كلمة بتنرفزك ما في.. ما عم أتذكر.. اكتر كلمة بتحسها سامية موسيقى شو بتعنيلك كلمة ندل ولا شي... الندل خليه بعيد بتعرف ترقص إي.. وأدبك.. بتحب الفلفل الحار حسب.. أحياناً يعني شو بتكره تاكل زهرة (قرنبيط) بالفرن مع طحينة شو مشروبك المفضل شاي شو اكتر منظر بتحبو؟ ... حبيبتي هي ونايمة.. عمرك حسيت بانو الدنيا ضيقة وحابب تغادرها؟متى وليش؟ إي حسيتها ضيقة بس مو أنو حابب غادرها.. وقت البكلوريا لأنو بحياتي ما كنت أفهم على رب المنهاج تبعنا الغروب والشروق شو وفعهم على نفسك؟ حلوين وهادئين.. بحب شوفهن من على اسطوح البناية أو من تدمر بالقلعة فوق بتحب تكتب؟عمرك جربت تكتب؟ وشو صار؟ إي.. كتبت ونشرت شوي بأخوية.. ولهلق بكتب وما صار شي كتير غريب يعني.. لهلق بكتب وما عندي مشروع من هي الناحية ليش دوم معصب وما بتطلع من المنبر؟ أنا أبداً ما بعصب.. بس المشكلة أنو بس كون بالمنبر بضطر كون جدي.. صدقيني قليل كتيييييييييييير عصب من ورا شي بأخوية شو ما كان ما بطلع من المنبر؟ لأني مشرف المنبر والشغل بقسم المجتمع ما بيعطيكي وقت تطلعي منه على أقسام تانية قبل ما اتحول لمشرف كنت روح ع كل الأقسام تقريباً.. لهلق صحي بروح عالموسيقة أو المكتبة.. الحب الو معاني كتير ارقاها حب الام...كلمة بتوجهها لامك...ولابوك... لأمي بقلها أني بحبها كتير.. ولولاها كنت حمار عالخالص لأبي بقلو رحت بكير.. لو ضليت شوي كمان تخيل انو هاي اخر لحظة بحياتك...بعيد الشر عنك...شو رح تحس حسب توقعك؟؟ رح حس بالحزن لأن حياتي خلصت ولسا أنا ما خلّصت شو وصيتك بالحياة؟؟؟ حاولوا تمشو لقدام ولو شوي.. ولو ما قدرتو اللي بعدكون بيقدر كلمة بتوجهها للحكام مع حصار غزة يلعن فخامتك بعزا فخامتو التجديد باخوية هل انت ضد الو؟؟وهل انت ما بتؤمن بالجدد يللي باخوية؟؟؟ لا أبداً ماني ضدو.. بس في مشكلة بالجدد بأخوية.. البداية كانت مشروع معين والناس كانت عندها حياة كتير مهمة وعم تحط أجزاء منها عالنت.. خلق المشكلة أنو في كتير من الناس حياتها هي النت.. وهي يمكن تكون مشكلة بأخوية الجديدة اذا النت ما عادلو وجود بالحياة شو معناه بالنسبة الك؟ يعني مو منيحة بنوب... بس ما بعرف يعني في شغلات أسوأ مين اهم النت والا الكتب؟؟ هلق صار النت لأنو أغلب مراسلاتي بما يخص الشغل عالنت.. بس كل شي شي.. كمصدر معلومات ومتعة الكتب أكيد |
||||||
|
26/01/2008
|
#917 | ||||||
|
مشرف متقاعد
|
هالأغاني شو يتشعر لما تسمعها...
الأطلال يعني لو مانك يا أم كلثوم عنصرية ضدنا كان ما بك شي... يا ريت أسمهان اللي عم تغني أغدا ألقاك لا عن جد يا ريت أسمهان عم بتغني سيرة الحبهي أبو وديع أحسن من أم كلثوم فيها.. بشعر بالرغبة أنو أشرب قارئة الفنجان تضرب أنت ونزار على هالغلطة رسالة من تحت الماء ما سمعانها قبل زي الهوى بتذكر الرحلات تبع الإعدادي أحن ما بعرفها تحية طيبة يا والدي الطيب ما بعرفها كان في طفل صغير عم يلعب بالحارة هي الغنية بتنمللي بدني انا وليلى حلوة بس كتير بتحسيها هاني شاكر عم يغني.. يعني شي مقت فوق النخل مع مين بدي أرقص؟ كلمات أووو... هي قصتها قصة.. هي أول غنية بسمعها يومياً لشي شهر.. كان عمري شي 11 أو 12 سنة يا رايح صوب بلادي طلاع عالشوي عالجبل وطني(سامي كلارك) هالزلمة صوتو خيالي... بس الغنية هي ما بعرفها عصفور طل من الشباك بنعس لأنو كنت أسمعها قبل ما نام بالبليت لما كنت صغير.. بحبها كتير عندك هالقضايا يللي خطرت ببالي ....اعطيني شي حل ممكن يخطر ببالك الها وكلمة موجهة الها كمان وا>ا هي ظاهرة شو رايك فيها التســـول عطو الناس مصاري وعملوا بيوت رعاية وملاجئ محترمة للولاد اللي أهلهن حمير الاغتصاب التحرر هو علاج الأمراج النفسية الجنسية، الإختلاط المتحضر من الطفولة والمنهاج المدرسي المنيح الإرهاب إذا ما سلمو لازم إعادامهم.. برأيي الحوار بعدو ممكن.. بالذات مع إرهاب الدول متل أمريكا (مو إسرائيل) بس في حال ما مشي التغيير سلمياً لازم هي الثقافة تنشال من جذورها.. غلاء الاسعار تغيير سياسة الدولة الإقتصادية، وقف الخصخصة العشوائية والعمل عالدستور او طرح دستور جديد بيحلل هاد الموضوع.. يعني مو بمراسيم وقتية الإدمان عالمخدرات علاج؟ مكافحة أماكن تصنيع المخدرات.. بس أهم طريقة لتخفيف ادمان المخدرات هي السماح بالمخدرات اللي ما بتحرض إدمان. التعارف عن طريق النت هي ما بدها حل لأنها مو مشكلة الحب عن طريق النت ما بعرف الهجرة الحل للهجرة هي تحسين البلد وإعطاء فرص للشباب ليبدعوا ببلدهن مو تخويفهم من يرا اللجوء التنظيم هو الحل.. يعني تنظيم اللاجئين وإقاماتهم وحياتهم بالبلد المضيعف الواسطة ما بعرف شو الحل ويا ريتني بعرف الانتحار خلص انتحر شو بدك تحلي؟؟ المتاجرة باعضاء الانسان المتاجرة بأعضاء تجار الأعضاء هي الحل الفن الهابط مو مشكلة الفن الهابط.. المشكلة أنو ع حساب الفن الصاعد برضو بدي رأيك بهالشخصيات جورج بوش الابن رأيي أنو رزق الهبل عالمجانين الخميني كمان رزق الهبل عالمجانين فلاديمير بوتن زلمة رغم كل أخطاؤوا ومشاكلو قدر ولو بالقمع يحسن الوضع الأمني بموسكو.. بس ما كان يعرف يفلت الشيشان الق>افي القذافي؟ أي واحد؟ إذا الأب بقول الزلمة ما بيتواخذ كونداليزارايس ذكية كتير... وقحة كتير... هي وبوش طنجرة ولقت غطاها شارون يا ريت يتعذب أكتر من ما هو هلق.. الأميراكان ما خلوه يتحاكم ببروكسل بس التاريخ بدو يحاكمو هتلر من أقوى وأحقر الشخصيات اللي مرت بالتاريخ.. عنصري وعدواني وقاتل... هه... يعني الزلمة تافه وعرف يتحكم بشعب جبار.. شو بدك أسوأ من هيك تركيبة؟ السلطلان عبدالحميد الثاني ما عندي رأي.. ما كتير بيهمني هاد التاريخ بالمنطقة.. يعني جمال السفاح أهم منه بلفورأرض اللي خلفك لتعطيها للعالم لأنو ما؟ من أسباب أكبر المصائب (إسرائيل) يعني شو رأيي فيه عمر المختارهو تعريف استخدام الدين بالمكان الصحيح جيفارا كل تغيير بدو واحد مجنون.. لتصير اسورة بالقرن العشرين أبداً مانها سهلة.. بحبو وبحترمو كتير وقاري كل شي كتبو.. بس ما بعلق صورتو بغرفتي فارس عودة يا خيو ليش عم تغني بالطاحون؟؟ آخر شي لما قتلوه الإسرائيلية ما حدا حكى شي من العرب.. قال لأنو إرهابي.. ما حدا حكى شي من كتير من الفلسطينية.. بس مات وهو عم يحارب إسرائيل أحسن ما يشوف الفلسطينية نازلين ببعض.. عزمي بشارة إلو سنين بيناطح العرب والإسرائيلية.. يا ريت في كتار متلو رفيق الحريري حرامي ونصاب عملوه رب.. شو هالمسخرة؟ جمال عبد الناصرهو البروباغاندا متجسدة بشخص.. يعني ضحك عاللحى وما عمل شي عليه القيمة غير تكبير راس هالعالم ولعن سما سوريا لما توحدو انور الساداتما عرف يشرح حالو منيح فكرهوه العالم حسن نصر اللههاد الزلمة عبقري وبهالحركتين كمان بدي رايك حركة أمل يعني ما كتير بعتبرها مستقلة بحسها تابعة لحزب الله حزب اللهيعني ما بعرف شو بدي قول.. إذا كانوا متل ما عم يقولو عن حالهون بيكون ممتاز كتير لأنهن وطنيين ومتفهمين للطوائف التانية |
||||||
|
26/01/2008
|
#918 | ||||||
|
مشرف
|
هدول كم سؤال من عند ريتا ....لأنو هي مو قدرانة تدخل هلأ
عمرك؟ مهنتك؟ حالتك الاجتماعية؟ بتدخن؟ ازا اي من ايمت؟ اي يلا كم سيجارة بتدخن بالنهار؟؟؟ شو نوع الدخان اللي بتدخنه؟ بتشرب؟ ازا اي من ايمت واديش؟ وشو اكتر نوع بتحبه انت ليش هيك؟؟؟ شو اكتر غنية بتحبا؟؟ وليش؟؟؟ مين مطربك المفضل؟؟ .شو المواضيع اللي تقراها بالمنتدى شو الصفات اللي بتكرهها بالانسان والصفات اللي بتحبها شو حكمتك بالحياة شو هيي صفات امراة احلامك اذا ربحت مليون دولار, شو بتعمل فيها؟؟ انت سعيد بحياتك وليش اذا لاء كمان ليش؟ .اذا فشلت بتحقيق حلمك شو رح تكون ردت فعلك؟ وشو هي اكتر مادة بتكرها و كمان ليش؟ هل بتامن بالابراج ؟ و علل جوابك هل بتامن بالقدر؟ علل جوابك هل بتامن بالسحر و المشعوذين؟ علل جوابك عرفلي البيروقراطية والديكتاتورية شو اكتر شي بيعصبك؟ شو اكتر شي بيفرحك؟ شو رايك بقضية الشرق الاوسط؟ شلون تعرفت على أخوية ..؟ شو هدفك بالحياة ...؟ مين أكتر أعضاء بتقارلون بالأخوية .. كم اخ و اخت عندك؟ مين من اخواتك هوي المفضل عندك وليش؟ شو هوي فيلمك المفضل وليش؟ مين ممثلك المفضل وليش؟ شو اكتر شي بتحبو بالحياة وليش؟ شو امنيتك بالحياة؟ شو ناوي تدرس؟ شو أكتر معادلة كيمياء حفظتها بحياتك؟ شو أحلى قصيدة مرقت معك؟ شو درس العلوم المفضل يلي حفظتو؟ شو حدود سوريا الجغرافية؟ شو طبيعة لبسك : سبور -فنكي -رسمي ؟ شو اكتر موقف محرج صار معك؟ بتعتبر حالك ن الناس ياللي بيحكو كتير؟ شو اكتر اسم بتحب للشب وللبنت؟ مين قضوتك بالحياة ؟ شو رأيك بالطفولة و الولاد ؟ مين أعز شخص على قلبك و ليش ؟ إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟ شو أحلا أيام حياتك؟ شو الحياه بالنسبه إليك؟ شو بنظرك بياثر اكتر دموع الفرح أم بسمة الفرح؟ شوالشي الذي تتمنى أن يرجع؟ موقف صار لك ولا تقدر تنساه؟ شو أفضل لديك بمراحل النمو هل هو الطفوله ام المراهقه ام الشباب أم الشيب؟ زيت المقلاية عم يحرقك شي؟ ازا اضطريت انو تختار بين تتين من رفقاتك شو بتعمل الاجوبة لازم تكون مختصرة بمالايقل عن ست اسطر  وبالتوفيق 
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
الملاكمة|
|
«
الموضوع السابق
|
الموضوع التالي
»
| أدوات الموضوع | |
|
|
الساعة بإيدك هلق يا سيدي 14:26 (بحسب عمك غرينتش الكبير +3)