أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > سياسة

إضافة موضوع جديد  إضافة رد
 
أدوات الموضوع
قديم 21/04/2008   #1
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي اعلان دمشق وتطلعاته !




هي مقتطف من احدى بيانات اعلان دمشق ياريت تقرو منيح وتعرفو انو الاعلان ديموقراطي ومن جميع اطياف المجتمع السوري مو متل النظام الحالي الي مفكر سوريا مزرعة الي خلفو !!! واهم شي تشوفو انو الاعلان يدعو الى التغيير السلمي !!!!!!!!!!!!!!!!!!!!!



أن الإعلان دعوة مفتوحة لجميع القوى والأفراد، مهما اختلفت مشاربهم وآراؤهم السياسية وانتماءاتهم القومية أو عقائدهم أو وضعهم الاجتماعي، للالتقاء والحوار والعمل معاً من أجل الهدف الجامع الموحّد، الذي يتمثّل بالانتقال بالبلاد من حالة الاستبداد إلى نظام وطني ديمقراطي.
وإذ ينطلق المجلس من روح وثائق إعلان دمشق جميعها، ومن التجربة التي مررنا بها في العامين الماضيين، يؤكّد على المبادئ التالية:
- إن التغيير الوطني الديمقراطي كما نفهمه ونلتزم به هو عملية سلمية ومتدرّجة، تساعد في سياقها ونتائجها على تعزيز اللحمة الوطنية، وتنبذ العنف وسياسات الإقصاء والاستئصال، وتشكّل شبكة أمان سياسية واجتماعية تساعد على تجنيب البلاد المرور بآلام مرت وتمر بها بلدان شقيقة مجاورة لنا كالعراق ولبنان وفلسطين، وتؤدي إلى التوصّل إلى صيغ مدنية حديثة توفّر الضمانات الكفيلة بتبديد الهواجس التي يعمل النظام على تغذيتها وتضخيمها وتحويلها إلى أدوات تفرقة بين فئات الشعب، ومبرّراً لاستمرار استئثاره بالسلطة.
- يقوم هذا التحوّل الهام على إعادة بناء الدولة المدنية الحديثة، التي تتأسّس على عقد اجتماعي يتجسّد في دستور جديد، يكون أساساً لنظام برلماني، ويضمن الحقوق المتساوية للمواطنين ويحدّد واجباتهم، ويكفل التعددية وتداول السلطة، واستقلال القضاء وسيادة القانون، واحترام حقوق الإنسان والمواطن والالتزام بجميع الشرائع الدولية المتعلقة بها.
- هدف عملية التغيير هو إقامة نظام وطني ديموقراطي عبر النضال السلمي، يكون كفيلاً بالحفاظ على السيادة الوطنية، وحماية البلاد وسلامتها، واستعادة الجولان من الاحتلال الإسرائيلي. ونحن إذ ندرك أن عملية التغيير هذه تهدف أيضاً إلى الحفاظ على الاستقلال الوطني وحمايته، فإنها تحصّن البلاد من خطر العدوان الصهيوني المدعوم من الإدارات الأمريكية والتدخّل العسكري الخارجي وتقف حاجزاً مانعاً أمام مشاريع الهيمنة والاحتلال وسياسات الحصار الاقتصادي وما تفرزه من تأثير على حياة المواطنين ومن توترات وانقسامات خطيرة. وبما أن هذا الموقف لا يتناقض مع فهمنا لكون العالم أصبح أكثر تداخلاً وانفتاحاً، فينبغي ألا نتردد في الانفتاح والإفادة من القوى الديمقراطية والمنظمات الدولية والحقوقية فيما يخص قضيتنا في الحرية والديمقراطية، وخصوصاً في المسائل المتعلقة بحقوق الإنسان.
- الديمقراطية هي جوهر هذا النظام ، بمفهومها المعاصر الذي توصّلت إليه تجارب شعوب العالم، والتي تستند خصوصاً إلى مبادئ سيادة الشعب عن طريق الانتخاب الحر وتداول السلطة، وإلى حرية الرأي والتعبير والتنظيم، ومبادئ التعددية والمواطنة وحقوق الإنسان والعدالة الاجتماعية، واستقلال السلطات وسيادة القانون.
- تتعلّق قضية الديمقراطية بشكل وثيق بقضية التنمية، ويؤثّر تقدّم إحداهما مباشرة في تقدّم الأخرى. إن التنمية الإنسانية هي شكل التنمية ومفهومها الأكثر عمقاً ومعاصرةً، من حيث أن مركزها وغايتها هو الإنسان وتنميته من كلّ النواحي: الاجتماعية والاقتصادية والسياسية والثقافية والعلمية والفكرية.
- سورية جزء من الوطن العربي، ارتبط به في الماضي وفي الحاضر، وسوف يرتبط مستقبلاً، بأشكال حديثة وعملية تستفيد من تجارب الاتحاد والتعاون المعاصرة. وعلى أساس ذلك، نحن نرى أن مسار الاستقلال الوطني والتقدم والديمقراطية المعقد حولنا مرتبط بمسارنا نفسه وبشكل متبادل، وسوف يكون له تأثير هام في مستقبلنا الخاص والمشترك.
- عملية التغيير هذه تتضمن احترام كل مكونات الشعب السوري وحقوقه وتأسيسها على قاعدة المساواة التامة أمام القانون، وإيجاد حل ديمقراطي عادل للقضية الكردية، وضمان حقوق الآثوريين (السريان)، في إطار وحدة سورية أرضاً وشعباً.
يرى المجلس أن الوقت الذي يفصلنا عن التغيير الوطني الديمقراطي، سواء كان قصيراً أم طويلاً، ينبغي أن يملأه العمل الدؤوب والقادر وحده على تخفيف آلام الانتقال أو تجاوزها، من أجل تعزيز حالة الائتلاف، وتحويله إلى حالة شعبية قادرة على فرض التحوّل وشروطه الداخلية، إضافة إلى تطوير التربية الديمقراطية واحترام الرأي الآخر ومبدأ الحوار، وإذ يدرك المجلس أنه لا يحتكر العمل المعارض في البلاد، وأن صيغاً وأشكالاً مختلفة للتعبير عن إرادة الشعب موجودة وسوف تظهر دائماً وفي أيّ موقع أو زمان.. ومع استمرار النظام بنهجه العاجز عن الإصلاح والرافض له، فإن المجلس مصمم على أن يدعو الشعب السوري إلى نضال سلمي وديمقراطي متعدد الأشكال، يؤدي إلى تحسين أوضاع البلاد وقدرتها على استعادة قوتها ومنعتها.
يرى المجلس أن الحوار الوطني الشامل والمتكافئ، الذي يبحث في آليات وبرنامج الانتقال إلى الديمقراطية والعودة إلى سيادة الشعب وتداول السلطة، والخطى العملية اللازمة لذلك، هي الطريق الآمن إلى إنقاذ البلاد، وعودتها إلى مسار النهوض والتقدم.
1/ 12 / 2007
المجلس الوطني لإعلان دمشق للتغيير الوطني الديمقراطي

انا بتنفس حرية ما تقطع عني الهوا ولا تزيدا كتير علي احسن ما نوقع سوا
  رد مع اقتباس
قديم 21/04/2008   #2
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


أتمنى أن تنتهي محنة سجناء الاعلان و ان يستطيعو أن يبرهنو قريبا عن صدقهم و جاهزيتهم للعمل من أجل سوريا واحدة حرة أبية جنبا الى جنب مع جميع تيارات الفكر السوري...


الحرية لأسرى الضمير


شكرا

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 21/04/2008   #3
صبيّة و ست الصبايا طفوله
منسّق
 
الصورة الرمزية لـ طفوله
طفوله is offline
 
نورنا ب:
Jul 2007
المطرح:
... غصّــه بــ ئلبون ...
مشاركات:
1,394

افتراضي





بعرف انو قريبا..


بس التوتر بمرحلة ما بعد قريبا..





/ . / الـــــ ح ــــــريــه لــــصــوت الـضــمـيــر / . /
  رد مع اقتباس
قديم 25/04/2008   #4
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي




النظام السوري ما عميقدر يحارب اسرائيل ويسترجع الجولان فمشان هيك ما عميقدر غير يستقوي على مجموعة صغيرة من المثقفين والي هو بيخاف من لسانون وبيخاف من شعبيتون الي عمتكبر

والابشع من هيك اعتقال (امرأة) لك يا باطل اخس على النظام واخس على على الي بايد هيك نظام
معلش لو انسجنو ولو اتعزبو ولو شو ماصار سوريا بتستاهل وياما قدمت شهداء ان كان في الحرب مع اسرائيل او شهداء مظلومين ضد النظام حتى اطفال ونساء حماه وحلب قتلو وابيدت عوائل كاملة لكي يبقى النظام
لا تخافي يا وردة سوريا اكيد مكانتك كبيرة كتير عند كل واحد شريف بهي البلد واكيد رح تنتصري مع رفاقك الابطال
عاشت سوريا

اسماء المعتقلين من قبل النظام الغالشم

د.فداء الحوراني وعلي العبد الله وأكرم البني وأحمد طعمة وجبر الشوفي ووليد البني وياسر العيتي وفائزسارة ومحمد حجي درويش ومروان العش ورياض سيف وطلال أبو دان ومحمد كمال مويل

  رد مع اقتباس
قديم 25/04/2008   #5
صبيّة و ست الصبايا judi
شبه عضو
-- اخ حرٍك --
 
الصورة الرمزية لـ judi
judi is offline
 
نورنا ب:
Apr 2008
مشاركات:
38

افتراضي


أنا مع التغيير السلمي بكل جوارحي و أنا مع القيادة اللي وعدت بهالتغيير و لو اختلفت المسميات و أنا ضد اعتقال الناس على أساس الرأي و عندي قناعة و أمل بسوريا جديدة بس.........
1-الجولان رح يتحرر عاجلا أم آجلا و كل الأخبار السياسية بتقول في مفاوضات بالسر أو العلن مع اسرائيل للانسحاب من الجولان و هاد شي بيشرفنا طالما ما في تنازلات ضد مصلحة الشعب و الوطن
2-اعتقلوا امرأة؟؟ و اذا يعني اعتقلوا مرة و كل هالرجال سعرا بسعرن بدك تدافع عن الوطن و الحريات بدك تكون مستعد تدفع الثمن رجل كنت أو امرأه. لو كانت خايفة تعتقل كان ممكن تبعد عن العمل السياسي بس أكيد كانت مستعدة لكل شي لما أخدت هالخطوة الجريئة.
مرة تانية...الحرية لسجناء الرأي.........
  رد مع اقتباس
قديم 25/04/2008   #6
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


على قصة مافي تنازلات اكيد رح يكون في تنازلات !!! بشار بدو يهرب من موضوع لبنان وموضوع المحكمة فبدو يعمل اي شي ليحمي هل النظام خلينا انكون واقعيين ! فمشان هيك لاتتوقعي انو حترجع كل الجولان او حترجع تحت السيادة السورية !

لانو قريت اخر فترة انو سوريا موافقة انو اتخلي الجولان تحت الوصاية الدولية لمدة 20 سنة !!!!!!! وفي طرح انو اسرائيل تاخود كل بحيرة طبرية !! وسوريا وافقت على الشرط الاول بس ما وافقت على التاني !

ما علينا انا زعلان على فداء حوراني لانو اذا بدنا نجي لمجتمعنا بتضل اكيد المرة غير مع انو اكيد هي نفس الرجل بالحقوق والواجبات على كلا الله يحميها ويحمي سوريا من نظام الاستبداد
  رد مع اقتباس
قديم 25/04/2008   #7
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


كلمة استبداد كلمة كتير كبيرة

ورغم كل شي عم يصير بالبلد بس استبداد عنا مافي ...

لا تـــحــــزن لأن الحزن يزعجك من الماضي
ويخوفك من المستقبل ويذهب عليك يومك
لا تحزن لان الحزن يقبض له القلب
ويعبس له الوجه وتنطفي منه الروح
ويتلاشى معه الأمل لان الحزن يسرُّ العدو
ويغيظ الصديق ويُشمت بك الحاسد
ويغيِّر عليك الحقائق
سعود الشريم
  رد مع اقتباس
قديم 25/04/2008   #8
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


هلق عنجد عمتحكي ؟؟
او انو يعني قلتيها هيك مسخرة ؟

اذا كان عنجد مشان اقلك شو الاستبداد الي صار من وقت ما اجا حافظ ولهلق
  رد مع اقتباس
قديم 25/04/2008   #9
صبيّة و ست الصبايا judi
شبه عضو
-- اخ حرٍك --
 
الصورة الرمزية لـ judi
judi is offline
 
نورنا ب:
Apr 2008
مشاركات:
38

افتراضي


يا خيو باعتبارك بعيد عن حلب قاعد تحكي براحتك؟؟ لقلك أنا موافقة عالشرط الأول تبع الوصاية الدولية 20 سنة أصلا هاد ضروري لحفظ السلام بهيك منطقة كانت تحت اللإحتلال فترة طويلة بعدين عشرين سنة جولان سوري بوصاية دولية مو أحسن ما يضل للأبد تحت سيطرة اسرائيل؟؟؟؟؟؟؟ هاد برأيي مو تنازل بل عقلانية. الشرط التاني كنت ممكن اعتبرو تنازل لو قبلنا فيه و للأسف بخيب أملك كمان ما قبلنا فيه و لو كنت محلك كنت بدعم هالخطوة الكبيرة باتجاه السلام و حل مشاكلنا لأنو أكيد بس تحرر الجولان البلد متجه نحو التطور الإجتماعي و الإقتصادي بدون عوائق.......
  رد مع اقتباس
قديم 25/04/2008   #10
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


حلو هل الحكي انا مع اي اتفاق سلام ولو شو ماكان بس يكون واقعي
المشكلة انو النظام اذا اتنازل عن اي شي رح يكون كذاب قدام شعبو !! لانو صرلو 35 سنة عميحكي وويتعتع وعلى الفاضي .
الشعب ساكت على هيك نظام وعلى حزب البعث لانو بيقلك نحن بدنا انرجع ارضنا فاذا رجعت الجولان اكيد رح يتجه انظار الشعب للداخل
هادا غير اذا صار سلام رح يتخلى النظام تلقائيا عن حماس وحزب الله وايران!!
ورغم انو اتفاق السلام مو من مصلحة بشار 100% بس هو هلق بامس الحاجة الو لانو بلش يشوف حالو معزول حتى من العرب وفي المشكلة الكبيرة الي عمتواجهو الي هي المحكمة الدولية باغتيال رفيق الحريري بغض النظر اذا كان النظام الو علاقة او مالو علاقة اكيد رح يكون مسيس واكيد رح يكون ضد بشار واصف وماهر والحاشية تبعتو!

فالحل اذا صار صار سلام وماتغير شي بسوريا من الناحية الديموقراطية والحرية انا براي لازم بقى يتحرك الشعب ويعمل مظاهرات واعتصامات لانو اكيد النظام بيقدر يعتقل 10 و 100 و1000 بس ما بيقدر يعتقل شعب بكاملو بدو يتنفس حرية
  رد مع اقتباس
قديم 25/04/2008   #11
صبيّة و ست الصبايا judi
شبه عضو
-- اخ حرٍك --
 
الصورة الرمزية لـ judi
judi is offline
 
نورنا ب:
Apr 2008
مشاركات:
38

افتراضي كتير حلو بس...


حرام تقارن سيادة الرئيس بماهر و آصف و هلم جرا لأن بظن انو اللي صار على زمن بشار الأسد ما صار من 30 سنةقبلو. كمان لا تحملو أخطاء القيادة السابقة و تفهم درجة القرابة اللي مستحيل تسمحلو يندد بالأخطاء بشكل واضح.لازم تعرف كمان انو مين ما كان المسؤول عن جريمة الحريري و لو كان سوري فهو مستحيل يكون نفذ شي بعلم او بأمر من السيد الرئيس وبالتالي بستبعد تكون نتائج المحكمة الها أي أئر على شخص بشار الأسد والله العليم طبعا .أكيد تحرير الجولان رح يكون إلو كل الآثار الايجابية على جميع الأصعدة بسوريا.أكيد لازم تكون موضوعي و تعرف انو أي تغيير راديكالي للحكم بسوريا نتائجو وخيمة أكتر من نتائج حرب العراق. أكيد قوانين منع التظاهر بسوريا لازم تتغير بس لتتغير بدها تهيئة المناخ المناسب أولا حتى ما تنقلب البلد لساحات عنف و طائفية. أكيد بحترم رأيك و رغبتك بسورية حرة و قوية و ديمقراطية و بشاركك فيها.
  رد مع اقتباس
قديم 25/04/2008   #12
صبيّة و ست الصبايا judi
شبه عضو
-- اخ حرٍك --
 
الصورة الرمزية لـ judi
judi is offline
 
نورنا ب:
Apr 2008
مشاركات:
38

افتراضي مو حل


اقتباس:
كاتب النص الأصلي : SaKRaN عرض المشاركة
فالحل اذا صار صار سلام وماتغير شي بسوريا من الناحية الديموقراطية والحرية انا براي لازم بقى يتحرك الشعب ويعمل مظاهرات واعتصامات لانو اكيد النظام بيقدر يعتقل 10 و 100 و1000 بس ما بيقدر يعتقل شعب بكاملو بدو يتنفس حرية
هاد برأيي مو حل بالوقت الحالي لأن البلد بوضع محلي و دولي و داخلي مو متحمل و مصلحة البلد بتجي أول شي.
بعدين خيو باعتبارك بعيد عن حلب هلا تعا قرب عحلب و فرجينا شطارتك بالمظاهرات. برأيي ما لازم تشجع الناس عمظاهرات انت أول واحد ما رح تشارك فيها.
  رد مع اقتباس
قديم 25/04/2008   #13
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


اذا كنت لحالي شو الفايدة ؟!! حيمسكوني ويزتوني بالحبس !! لا ترمو انفسكم الى التهلكة .
انا عمبقول على قصة التظاهرات هي اذا صار سلام وما عمل شي بشار الاسد وضل في نهب وسلب واستبداد ومحسوبيات وكبت حريات واعتقال نشطاء بحقوق الانسان واعتقال معارضين واعتقال اي واحد بيشتم بشار او النظام !!!! يعني بسوريا 90% من الشعب بيسب الله كانو عادي بس ولا حدا بيقدر يسب بشار !!!!!!!

انا ما عمبقول هيك اني مأيد الشتم بس يعني شي مسخرة انو الرب ينسب عادي بس الرئيس ما بصير !!

متل النكتة الي بتقول : كان في اتنين واحد امريكي ومسؤول سوري فاجا الامريكي عميتفاخر بالديموقراطية والحرية الي ببلدو وبيتمتع فيها الشعب فقلو للسوري (بس بالانكليزي طبعا) : والله نحن بلد الديموقراطية ونحن .. ونحن .. الخ قلو نحن منقدر بنص واشنطن انسب الرئيس الامريكي وبصوت عالي وبدون ماحدا يجي يحكي معنا كلمة صغيرة!
فجاوبو المسؤول السوري قلو : ولو يا حبيب نحن كمان عنا ديموقراطية وحرية وبتقدر بنص الشام وقدام المقار الحكومية انك اتعلي صوتك واتسب الرئيس الامريكي وين المشكلة !!!!!!!!!
فشر البلية ما يضحك
  رد مع اقتباس
قديم 25/04/2008   #14
صبيّة و ست الصبايا judi
شبه عضو
-- اخ حرٍك --
 
الصورة الرمزية لـ judi
judi is offline
 
نورنا ب:
Apr 2008
مشاركات:
38

افتراضي


يعني مو بطولة نسب الرئيس! بالمناسبة برأيك انو السيد الرئيس أعمى عن كل شي عم ينحكى ضدو؟ يعني باللي قلتو انت هلا كأنك سبيتو و تمنيت تسبو نفس الشي. أنا كنت بالسعودية بيوم من الأيام و انسب الرئيس قدامي و رغم كل شي اقشعر بدني و انهزت أعصابي كلا لأنو رئيس بلدي بيمثلني دوليا و بالتالي اعتبرتا اهانة شخصية و أنا متأكدة كنت رح تحس نفس الإحساس لو كنت محلي. الشطارة مو تسب انت او انا. الشطارة تحكي بصراحة و تنتقد بدون مسبة.اذا ما تخلصنا من عقدة فش الخلق بالمسبات العلنية و المخفية بدل ما نحط ايدينا عالغلط و نصرخ و نقول هاد غلط ما رح نتطور. قلتلك مسؤولية الحرية و الديمقراطية علي و عليك و مو بس عالرئيس...
  رد مع اقتباس
قديم 25/04/2008   #15
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


ما انا قلتلك يا عيوني اني ما بحب اسلوب السب والشتائم بس عمبقلك انو في ناس هيك من كتر القهر سبو فمومعقول يتعاقب او ينحكم عليه بالسجن صح ولا لأ ؟؟
يعني نحن ليش عنا تكبير للشخص اكبر من حجمو ؟ مع احترامي للرئيس بشار لو كان هو منيح او عاطل انا ماعندي مشكلة فيه كشخص بس هو او اي واحد كان بنفس المكان ما لازم نحن انعظمو وانساويه شغلة كبيرة بتعرفي ليش ؟

لانو هو موظف عند الشعب ! هي الحقيقة هو لو اجا باسس ديموقراطي ولو نحن عنا ديموقراطية كان فيكي تتقبلي انو هو موظف لخدمة البلد وشعبو بس للاسف عنا بسوريا كتير بيكبرو من شأن الرئيس !

يعني هلق لو انتي بالمدرسة مثلا مو بيكون في مديرة ؟! شو مهمتها هي المديرة ؟ مو هي انو ادير المدرسة واتشوف مشاكل الطالبات ؟؟ وهي عمتشتغل ببلاش ؟ اكيد في الها امتيازات وراتب ...... الخ فنفس الشي بالنسبة للرئيس هو مجرد موظف ولو عنا نظام ديموقراطي صح ما بيخلي الرئيس يضل اكتر من دورتين كنا شفنا كتيير رؤساء وكان صار الامر طبيعي بس نحن معزورين لانو بس يجي الواحد مابيروح الا لما يموت !

وبعدين اذا حدى سب رئيس بلدك اكيد حقك تنزعجي اذا كان من غير جنسية لو كنتي معارضة الو حتى انا مثلا بيجو مصريين ولبنانين احيانا بيجو بدون يغلطو على الرئيس انا اكيد بسكتون مو حبا بالرئيس الصراحة بس لانو متل ما قلتي للاسف عميمثل بلدي !!
ولو بدنا نجي لشرعية التمثيل اكيد في عليها جدل كبير!
برجع بقول اما ما بحب السب بس لو غلط الواحد وسب مافي داعي انو ينحبس ويتبهدل ويقعد على بساط الريح وعلى الدولاب مشان مسبة !!
انتي مافي مرة هيك انزعجتي من اي حدى كان بالمدرسة او بالشغل معلمة او مدير وسبيتيه هيك فش خلق ؟؟
ما تقولي لا لانو ما حصدقك
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 17:21 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.12157 seconds with 13 queries