هل تعتقد ان الجزيرة صهيونية؟؟؟؟

[khalkhool]

الجزيرة ذات توجه إعلامي ديني وليس سياسي, لا اعتقد بوجود تحيز سياسي لأن نقلها للخبر يكون دوما بطريقة محايدة, أما عن الأخبار والبرامج الدينية بشكل خاص, فهناك انحياز واضح وتوجه تحريضي قوي ملاحظ فيها.

اعتمادها القرضاوي للإفتاء, دعمها وتوسعها بالبرامج ذات الخلفية الدينية, نقلها الأخبار الدينية بشكل مبالغ فيه نسبيا (أزمة الرسومات, وتجديد الأزمة نفسها لاحقا) ورعايتها الإعلامية للأزمة لاتشير إلى إعلام حيادي, بل يظهر فيها جليّا تقويتها للأزمة من خلال نشر الفاصيل نقل أي مؤتمر صفي أو محاضرة دينية على الجزيرة مباشرة, خصوصا محاضرات المشايخ السعوديين وهابيي الخلفية والمعتقد, والتي تدعو إلى مزيد من التعصب والعنف في وجه ناشري الرسومات, أضف إلى ذلك بعض التفاصيل التاريخية التي تخفى في الخبر أو التقارير الصحفية, كما في برنامج "مراسلو الجزيرة" والذي تظهر في تحريره لهجة التعصب الديني.

أنا لا أنتقد حق أحد في الدفاع عن الدين أو المعتقد, ولكن كقناة إخبارية شعارها "الحياد", لا يمكن تقبل كونها حيادية سياسيا ومنحازة دينيّا!

[مسطول على طول]

أي شي بنختلف معو أو ماعجبنا لازم نخونو ... هل منتدى أخوية ماسوني ؟ ولا علماني كافر ؟ ياعمي موخابرات مبينة !


كلو يخون كلو

وسمعني بودعك وأحلى خمسمية محروقة

[jina2009]

كاتب النص الأصلي : gabriel

طيب وانت شو رايك بالجزيرة كوسيلة إعلام ؟

الجزيرة كوسيلة اعلامية ممتازة ...
بس من وين تمويلها؟؟؟

[jina2009]

كاتب النص الأصلي : gabriel

موضة صايرة تقييم وسائل الاعلام ؟!

اذا الجمهور ماقيمها مين بدو يقيمها؟؟؟؟؟؟؟؟؟؟

[Abu ToNi]

بدك تهتمي بالممويل ولا بالاتجاه ؟!
بعدين خبرينا مين الممول خلينا نتثقف لنا شوي

[ابو ريتا]

الجزيرة مانها صهيونية بس فينا نقول انها محايدة لدرجة كبيرة

[karim94]

كاتب النص الأصلي : jina2009

يقول العديد ان قناة الجزيرة هي قناة صهيونية او بمعنى انها متعاونة مع اسرائيل والبعض يعارض هذا الكلام..........آراء متعددة وكلام لاينتهي..........
هل برأيك ان الجزيرة صهيونية؟؟؟؟؟؟؟؟؟؟

الجزيرة أحسن شي هلء في سوق الإعلام.....بس فعلا إتهامها بالصهيونية أمر غريب و ليس له ما يبرره......

[مشاعر]

كاتب النص الأصلي : الهوى سلطان

الواضح ان هذه المحطة الفضائية العالمية الناطقة باللغة العربية استطاعت ولم تتجاوز بعد الأربع سنوات من عمرها، ان تنقل العرب الي أجواء ومنافذ جديدة لم يكن من السهل علي احد ان يتخيلها أويتكهن بحدوثها.

الصحيح كانت بدايتها في شهر

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

من سنة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

م
يعني من 12 سنة.

[SaKRaN]

مع احترامي للكل اصلا السؤال سخيف ومالو معنى !!!!!!!!!

[حالة حب]

لا ما بعتقد انها صهيونيه بالعكس احسن من غيرها

القناة الصهيونيه بالدرجة الاولى هي العربيه

[BL@CK]

حذفنا الردود الخارجة عن الموضوع .. للمرة المليون .. النقاشات الدينيـّة و الخلافات حول الفصائل الفلسطينية شيء غير محبـذ بالأخوية ..

[saman]

قناة جيدة وامكاناتها جيدة جداً ....بس يعني ما مننسى انو بتثير النعرات الطائفية اغلب الأحيان ...
احسن شي بحسو فيها انو عندها مراسلين فلسطينيين عنهدهن جنسية اسرائيلية وبيقدروا يوصولا لمناطق اسرائيلية خطيرة وهادا لحالو انجاز كبييير لهالقناة ...
اما انها صهيونية فما بعتقد ...
المهم انها ضد السعودية

[Muhammad Shahwan]

لأ أكيد بس لأنها عنجد بتحكي الرأي والرأي الآخر

هلّأ هي بتحب شوي تطق براغي مشان تحرك الجو ويصير في اخبار

بس أكيد مو صهيونية

[مايسترو]

هلق من جديد الجزيرة متغيرة شوي

من قبل كانت تقول قتلى هلق شهداء وكتير بتفرق بين الكلمتين


ماعم افهم ربها لهل قناة


بس متل ما سبق و قيل المهم انو ضد السعودية


مايسترو

[بنفسجة]

هلا تختلف نظرة الشخص للقناة حسب مواقفها وهيدا كان سائد بسوريا ولايزال العديد بيفكرو هيك
يعني الجزيرة لما بتحكي ضد النظام السوري فكتير من الموالين بيعتبروها صهيونية وكتير من المعارضين بيعتبروها قناة الحق والراي الحر
ولما بتحكي ضد المعارضين او بتمرق فكرة مع النظام بيقبو الموالين وبيهتفو باسم القناة وبنفس الوقت بيستنكر المعارضين وبيتهمو القناة انو استجابت لضغط معين
وفي كتير امثلة على هيك موضوع خدو قناة المستقبل مثلا لما كانت حذاء الضابط السوري كانت ما اروعها
ولما صارت شي تاني صارت ما اخونها
هي ثقافة قطيع بامتياز (على راي ظل جيفارا)
بالنهاية اي قناة اعلامية تحركها سياسة الدولة التي تبث منها والتمويل بدرجة جدا كبيرة
وبتختلف نظرتنا لمدى مصداقية القناة باختلاف اراءنا وافكارنا
وبتبقى قناة الجزيرة قناة الراي والراي الاخر وهيدا الامر يلي بيميزها جدا ولهيك اعداءها كتار
وبيكفيها فخر انو رفضت الاذعان لقرار وزراء الاعلام العرب الاخير يلي بيحط ضوابط وشروط على المحطات الاعلامية

[شوط ياقمر]

كلا . لا أعتقد

[sezar]

كاتب النص الأصلي : jina2009

الجزيرة كوسيلة اعلامية ممتازة ...
بس من وين تمويلها؟؟؟

الجزيرة تمويلها مصدرين :
حكومي .. ميزانية من حكومة قطر
ذاتي من خلال مركز التدريب و التطوير و حسب ما بعرف انو الجزيرة مطروحة بسوق الأسهم المالية

الجزيرة
ممكن ينوجد عدة تحليلات ضمن نظريات عدة
اذا بك تحكي بنظرية المؤامرة ففيني طلعلك الجزيرة هي الواجهة الاعلامية للقاعدة ( بتحليل بسيط ممكن تطلع هيك )
اذا بدك كمان ضمن المؤامرة منطلعا انو كل حربا الاعلامية ضد أمريكا تمثيل
و كمان ممكن نطلعا صهيونية

خلينا شوي واقعيين
ما حدى من يلي أدلو بدلون و من بينهم أنا بيعرف ولا حتى موظفي شبكة الجزيرة بفروعها

بس في وقائع ممكن تنطرح و النتيجة بترجع للقارئ
الجزيرة تمويل حكومي فهل هاد بيوضعا ضمن نطاق الانحياز و التحكم ؟؟ ( طبعا شأنها شأن أي قناة إخبارية أخرى)
الجزيرة هي من عرضت أولى شرائط بن لادن و الظواهري بشكل حصري
كان لمراسلي الجزيرة أول لقاءات مع زعماء القاعدة و تقراير من قلب الحدث من جهة القاعدة
للجزيرة موظفين تحت الاعتقال بتهم انضمام للقاعدة
للجزيرة حالة عداء من الحكومة الأمريكية لدرجة التهديد بقصف مركزها (الدوحة)
الجزيرة أولى القنوات العربية الإخبارية تتوسع لتشمل :
الجزيرة الاخبارية( أحدثت نقلة على الصعيد العالمي )
الجزيرة انترناشينال ( أحدثت رعبا لبعض الأطراف الغربية )
الجزيرة الوثائقية ( قناة علمية تثقيفية قوية )
الجزيرة الرياضية ( رياضية نافست و بقوة على الصعيد الشرق أوسطي )
الجزيرة أطفال (رغم انه مشروع منفصل و ذو توجيه و تمويل منفصل و هو خارج الشبكة )

طيب
كل هل وقائع ممكن تلاقي تقاطعات مع قنوات أخرى و ممكن تلاقي مبررات لكتير من هل وقائع

[ارسلان]

وبتبقى قناة الجزيرة قناة الراي والراي الاخر وهيدا الامر يلي بيميزها جدا ولهيك اعداءها كتار

برأي أن هذا الشعار بالي جدا, فرفع الجزيرة لراية الرأي والرأي الاخر لا يعني عدم انحيازها بــ 180 درجة لتوجه سياسي ما, ومن تأتي بهم القناة ليمثلوا ذاك الرأي او هذا, قد تنتقيهم من الضعف لتدعم وجهة نظرها هي وتُثبت ضعفهم تحت مظلة الرأي والرأي الاخر ..

أتذكر قول الشاعر عبد الرحمن بن مساعد في وصفها بأنها

الجزيرة التي استنفرت لتكون دولة فأصبحة قناة