أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 29/04/2008   #1
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي أيها الأصدقاء في سجنكم...ألا زلتم تحبون سورية؟


بمنتهى الصمت المذل وكما هي عادتنا منذ عام 1963 تلقينا نبأ قرار المحكمة العسكرية السورية الذي قضى باضافة 3 اعوام سجن جديدة بحقك يا دكتور كمال فصار عليك ان تقضي خمسة عشر عاما في سجنك وقبلها كنت قد سجنت ثلاثة او اربعة او خمسة اعوام لم اعد اذكر او لم نعد نذكر لكنني اؤمن جيدا ايها الطبيب النقي حتى النخاع ان كل ثانية ودقيقة تقضيها في تلك الغرفة المنفردة في شجنك الرهيب هي عندنا اكبر من كل انجازات حزب (العبث) على مدار ثورته المظفرة واكبر من واعظم واثمن من حياة اي ضابط او قائد مفدى او ملهم مهما تفلسف وفلفسوا انجازاته في وسائل الاعلام يكفيك انك سجنت بسبب حبك لسوريا في ما هم يعيشون لا هم لهم سوى سرقة سوريا وغرس الحزن والالم في بيوتنا وعيون شبابنا واطفالنا.

اخبارنا نحن خارج السجن لا تختلف عنه وانت داخله ,, الذي اختلف ان شابا اسمه عمار حاج حسن توفي يوم السابع من ابريل ذكرى ميلاد حزب (العبث) المجيد بعد ان باع كليته في مصر وقبله باع ابن عمه كليته لكي يشتري سيارة اجرة حتى يعمل عليها !!!

ماذا عنك هل تمكنت من رؤية الاستاذ عارف دليلة والكاتب ميشيل كيلو او المحامي انور البني صدفة هناك بالسجن ؟؟؟؟

اذا رايت انور البني فارجو ان تساله اما زلت تعشق سوريا ؟؟ ولن يغادرها ؟؟لانه يعتقد ان التغيير ات وان سوريا اجمل من كل دول العالم ولميشيل كيلو ابلغه هذا القول : الا ذلت من اشد دعاة التغيير من الداخل ؟الا زلت مؤمنا بقدرة الشعب المسكين الخائف المقموع على فعل شئ ؟ قل للاستاذ ميشيل ان الذين كان يدافع عنهم لم يسمعو بسجنه حتى اليوم ,, انهم شعبنا العربي السوري العظيم !!! الذي يخرج منه مئات الالاف للشارع للتنديد بامريكا والصهيونية وبقةى 14 اذار ولا ينبسوا ببنت شفة في حضرة موظف بلدية (بعثي) او شرطي قذر او مستثمر هواتف جوالة يسرقون قوت ابنائهم صباحا ومساء !

لا اعرف ماذا اقول لك في نهاية هذه الرسالة انني الان اكتب لك واشعر ان العار يجللني بسبب حريتي وبسبب سجنكم. اشعر ان سوريا كلها امست سجنا كبيرا ! اشعر بالحقد على السجانيين ,, اتمنى لو انام فاصحوا على خبر ان حزب (العبث) تلاشى ةان قوة غريبة محقت الجنرالات وبزاتهم الكاكية ومسدساتهم في ما السجون في بلدنا تحولت الى حدائق ومادرس ومستشفيات !!!
اعرف انني احلم ,, ادرك انها اضغاث احلام ,, ايها الاصدقاء في سجنكم الرهيب نعثذر منكم بسبب صمتنا الاسطوري بسبب نذالتنا وجيننا وخوفنا وصبرنا ونفاقنا وايضا بسبب تضاهرتنا الكاذبة ضد الامبريالية وضد 14 اذار في لبنان فيما جولاننا بعيد عنا ينتظر منذ اكثر من 40 عاما !!!!!!

زين الشامي


ارجو التعليق !!!!!!!!!!

انا بتنفس حرية ما تقطع عني الهوا ولا تزيدا كتير علي احسن ما نوقع سوا
  رد مع اقتباس
قديم 29/04/2008   #2
شب و شيخ الشباب مسطول على طول
عضو
-- زعيـــــــم --
 
الصورة الرمزية لـ مسطول على طول
مسطول على طول is offline
 
نورنا ب:
Aug 2006
المطرح:
المنــــبر الحـــــر
مشاركات:
1,586

افتراضي


كما قلت في البداية "صمت مذل"
أنو لسا شاببنا أغلبهم بحالتين ياأما عم يدافعو عن ممارسات النظام وأنو هوي خارق مافي منو وشوف العراق وشوف الديموقراطية والحرية شو جابتلنا .. بدك يصير فينا متلون ... لاياعمي مابدنا ديموقراطية والرزعيم والقائد والثورة ربنا يخليه يارب

والحالة الثانية هية الي مابدهم يحكو لعدت اسباب أما أنو ملو من الحكي وخاصتاً المتواجدين ع نت وأما بالواقع بقلولك خلينا ماشين الحيط الحيط والله مالنا لقيانين ... أنو هدول شريحة الاكبر بمجتمعنا ( حسب مابشوف).. أنو هل الشريحة أذا ماتحركة مافي أمل بمستقبل أفضل .. وعيشو بهل النعم ... والسجون لح تتعبا ناس حكو بالسياسة !

أذا ماحكيتو ورفعتو صوتكم أكتر واكتر مافي شي لح يتغير ... ضغط الشارع غير موجود .. ومادام غير موجود مافي مجال للأصلاح ولو بربع ليرة

اقتباس:
الذي يخرج منه مئات الالاف للشارع للتنديد بامريكا والصهيونية وبقةى 14 اذار ولا ينبسوا ببنت شفة في حضرة موظف بلدية (بعثي) او شرطي قذر او مستثمر هواتف جوالة يسرقون قوت ابنائهم صباحا ومساء !
شي طبيعي شنو أمريكا هدفا سوريا كاكل والمحكمة الدولية موجهه لكل سوري مو للنظام ولا لشرطي ولا لجارنا ... محكمة هية ضد سوريا حكومتاً وشعباً ... الهدف من قضية الحريري بالنهاية محاصرة سوريا عبر مجلس الأمن والشرعية الدولية

أما موظف البلدية والشرطي القذر والقضاء الفاسد وهل الشريحة الي حولت سوريا لشبة غابة من المرتزقة وقطاعين الطرق وعلى عينك ياتاجر ... في مين بدو ياهم هيك في مين بدو يخلي المثقف والمواطن العادي يحكي بس على ممارسات الشرطة ... يحكي على عنصر الامن الجنائي .. يحكي عن موظف مامشالو معاملتو ولحشا ع الرف لحين مايدفع المعلوم ... هيك الكل لازم يحكي

وقت بنضل عم نحكي بهل الطريقة بيكون كتير منيح بالنسبة للنظام .. هوي هيك بدو .. بدو تكون قضيتكم الأولى عنصر الأمن والموظف وهل القصص .. لانو أذا تجاوزتوها لح تحكو علية لح طالبو بأمور اكبر وأكتر ... فخلوكم هيك

بزمناتو نواب سوريين عتصمو بالبرمان بوجهه المستعمر لفرنسي وقصف لبرمان بالمدفعية .. هدول وقفو كرمال شو ماتو مشان شو

شوفو لبرلمان سوري هلاء .. أذا أنتو السوريين ماحكيتو ودافعتو عن حقوقم مين بدو يدافع عنها .. عم تستنو أمريكا ولا المهدي ولا مين !!

ستنو البل وصل لدقنا

كريم عربجي كم أنت عظيم
www.karimarbaji.com
مليون تحيه لأهل بيت المقدس واكناف بيت المقدس
الف تحيه لكتائب القسام وسرايا القدس
الف تحيه للمقاومه الفلسطنيه الباسله
الف تحيه للمقاومه العراقيه الشريفه
الف تحيه لحزب الله وابناء المقاومه الأسلاميه
  رد مع اقتباس
قديم 29/04/2008   #3
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


متل ما قلت العلة بشعبنا نحن بدنا التغير يكون من هل الشعب بس للاسف متل ما قلت كل واحد عميقول الحيط الحيط وياربي السترة!!!!!!
ايمته بصير في وعي وبيروح الخوف وبيصحى الضمير لما يكون في احزاب ولما يكونفي ديموقراطية وقتها اكيد رح تتغير وجهة نظر اي مواطن سوري !!
مشان هيك النظام ما عميرضى يتأسس احزاب ويصير في حرية !! لانو هو بيعرف انو اذا صار ديموقراطية ما حدا حيطلع فيه !!!
الوطن بدو تضحية وهدول الشرفاء الي معتقلين هم من بدأ المسيرة مشان هل الوطن ومشان هل الشعب فلازم نتحرك من هون ونقدم التضحيات مشان مستقبلنا ومستقبل الاجيال الي بعدنا !
  رد مع اقتباس
قديم 04/05/2008   #4
شب و شيخ الشباب BL@CK
مشرف
 
الصورة الرمزية لـ BL@CK
BL@CK is offline
 
نورنا ب:
Apr 2007
المطرح:
Aleppo-Syria
مشاركات:
4,345

افتراضي


راسلت الأخ "سكران" بخصوص الموضوع أنو هل هو من كتابتو لأتركو بالمنبر ( بحكم أنو كاتب زين الشامي , قد يكون إسمو ) .. أو ناقلو من شي مطرح يحطلنا المصدر لننقلو ل حصاد المواقع ..

جاوبني أنو الموضوع كتابة زين الشامي كاتب سوري بيكتب بجريدة الرأي الكويتية ..

هاي ردو عا الرسالة كامل

اقتباس:
اهلين بالزعيم
خيو هاد زين الشامي كاتب سوري بجريدة الراي الكويتية
وين ما بدك حطو لانو ماحدا عجبو الموضوع يا خيو
بدون مواضيع فيها استفتاءات وحركات وصهيونية و14 اذار وهل الحكي اما عن الداخل السوري ماحدا فارقة معو
تحياتي شريك
جدا ً الجملة ( اللي بالأحمر ) مؤلمة . مش بس بتعتبر عن نوعية أعضاء أو مواضيع , بتعبر عن واقع شعب كامل ..

شعب إلتعن سلافوه من زمن و لهلأ و آخر شي غلاء الأسعار .. و إسـّـا ساكت .

على ألله يجي يوم نفيق على ألله ..

ويحَ زمَنٍ أصبَحَ فيهِ عاشِقُ الوطَنِ يُهان ..

ويُشطَبُ مِن ذاكرةِ عشقِهِ ..

ومِن قائِمَةِ بني الإنسان !!



.
  رد مع اقتباس
قديم 04/05/2008   #5
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


والله يا حبيب العيب بجزء كبير من شعبنا للاسف والله العظيم انا بس قريت المقالة تبعت زين الشامي بكييت بشرفي !
خسارة بشعبنا يوسف العظم وخسارة بشعبنا ابراهيم هنانو وخسارة بشعبنا سلطان باشا الاطرش وخسارة بشعبنا ... العلي وخسارة شكري القوتلي وهاشم الاتاسي و.................. ميشيل كيلو وكمال اللبواني وفداء حوراني وانور البني ورياض الترك و ..... الخ
  رد مع اقتباس
قديم 04/05/2008   #6
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


أسف و كل الأسف

أستطاعت هذه الأمراطورية أرهاب الشعب و سحقه

فقد تمكنت من التغلغل الى مضاجع الناس لتكتم أفواههم

دعني أقولها ب العامية الناس صارت مضبوعة

لدى زيارتي الصيف الماضي لسوريا تحدثت الى الناس عن هذا الأستخفاف بعقول البشر في موضوع الأنتخابات الأخيرة ( لرئيس ) الدولة أو وريث الأمبراطورية كيف تحدث هذه الأنتخابات بهذا الشكل و نحن في القرن الواحد و عشرين

و مما ذكرت لهم أن وكالات الأنباء عرضت تقارير عن الإنتخابات و في إحدى المشاهد نرى رجل جاء للأنتخاب ليصوت و في مكان الأقتراع قام أحد المشرفين بمسك أصبع الرجل و وضعها في المكان الذي يجب عليه أن يصوت و عبرت لهم عن لوم الناس لنا في غربتي و لم أعرف كيف أبرر ما حدث

قال لي أحدهم يا أخي هنا نحن لا نستطيع التحدث أمام أولادنا لما يحدث خوفا من القمع و هل تريد أن نصبح في خبر كان و بدون فائدة

أقول هناك الكثير الكثير من المأسي و الظلم الواقع على شعبنا الذي أصبح مسكين ينتظر تحصيل لقمة العيش

بكيت لدى زيارتي تلك بكيت كالأطفال بل كالنساء حزن و أسى على الحال المزري الذي يعيشه الناس في سوريا الأسد

سوريا الله حاميها يعني لما بسمع هاد الكلام بطالعوني عن ديني و أكبر ملحد مابحسن يتحداني بوصف هذه المخدرات التي يخدرون بها عقول و قلوب الناس

و ياكأنهم قامو بأتصال عبر الأقمار الفصائية مع ذلك الإله

و منحهم حر التصرف في البلد و الوصاية عليها و منحهم الأمان بالحماة

أعتذر لكثرة الكلام هذه هي حال الناس خارج السجن أي في ( السجن الأكبر )

تقبلو تحيات حلبي

{ إن في خلق السموات والأرض واختلاف الليل والنهار لآيات لأولي الألباب }
  رد مع اقتباس
قديم 04/05/2008   #7
شب و شيخ الشباب sezar
مختار
 
الصورة الرمزية لـ sezar
sezar is offline
 
نورنا ب:
Mar 2005
المطرح:
QTR
مشاركات:
5,019

افتراضي


اقتباس:
كاتب النص الأصلي : SaKRaN عرض المشاركة
والله يا حبيب العيب بجزء كبير من شعبنا للاسف والله العظيم انا بس قريت المقالة تبعت زين الشامي بكييت بشرفي !
خسارة بشعبنا يوسف العظم وخسارة بشعبنا ابراهيم هنانو وخسارة بشعبنا سلطان باشا الاطرش وخسارة بشعبنا ... العلي وخسارة شكري القوتلي وهاشم الاتاسي و.................. ميشيل كيلو وكمال اللبواني وفداء حوراني وانور البني ورياض الترك و ..... الخ
لو كان هذا رأي من ذكرت أسمائهم ما كانوا ضحوا بارواحهم و ححرياتهم في سبيل الكلمة .. في سبيل شعب و عيش شعب

"أوقفوا حجب أخوية في سوريا"
-------------------
يا نبع المحبه.... عينك عَ وطنا
-------------------
فلتحيا سوريا للأبد
واكسيرها للخلود سيكون دماء محبيها ..
-------------------
ساعدنا في الاشراف... استخدم زر المشاركة العاطلة
  رد مع اقتباس
قديم 05/05/2008   #8
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


اكيد ما هادا رأيون لانو المشكلة مو فيون بالعكس هنن الي عميرفعو راس سوريا بس المشكلة بالشعب الي مو فارقة معو هدول الابطال ....

انا هيك كان قصدي وزعلان لانو في عنا ناس كبيرة ضحت مشان البلد ونحن خايفيين ومو فارقة معنا!
  رد مع اقتباس
قديم 05/05/2008   #9
شب و شيخ الشباب sezar
مختار
 
الصورة الرمزية لـ sezar
sezar is offline
 
نورنا ب:
Mar 2005
المطرح:
QTR
مشاركات:
5,019

افتراضي


عندما يعتاد الشعب .. فهذه مشكلة
عندما يعلم هذا الشعب أبناءه الاعتياد فالمشكلة أكبر
لكن المصيبة أن نفقد الأمل

المشكلة قابلة للحل \ المصيبة واقع لاحل له
  رد مع اقتباس
قديم 05/05/2008   #10
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


اكيد في امل بس ضعيف كتير بظل هل الظروف

المشكلة مو بالنظام لحالو
المشكلة بغسيل الادمغة الي عميتبعها النظام !!
يعني لو كل الشعب بيكره النظام بس خايف وقتها بقلك في امل كتيير كبيير
بس المصيبة في جزء كبير بيحبو لانو شعبنا عاطفي وقلبو طيب
مثلا يعني النظام ما بدو يرجع الجولان لانو اذا رجعها وصالح اسرائيل وقتها ما بيقدر يستعطف شعبو وحيضعف !
يعني للاسف بشار الاسد محبوب هلق اكتر من حافظ لاكتر من سبب مع انو انا بنظري وجهين لعملة واحدة ويمكن يكون بشار اغبى سياسيا من والد خاصة بالخارج

بس بشار لعب لعبة او هي كانت معدة مسبقا انو بس يموت حافظ الي كان كابت الشعب من ابسط وسائل الترفيه او فيك تقول مانع عنون شغلات كتير مهمة وجاعل سوريا متخلفة
فاجا بشار فتح البلد متل ما عميقولو محبينو متل سمح بالموبايل وشال الجمرك عن الكمبيوترات ونزل جمرك السيارات وزارد معاشات الموظفين ... الخ
فالشعب حبو لانو عمل هي الشغلات الي هي من حق الشعب ان كان هو او غيرو وهو بشار ما عميدفع من جيبو لحتى سمح بهل الشغلات
فشعبنا مسكين وبسيط ودرويش حبو اكتر لبشار لانو طالعون من الكبت الي الانفتاح الضيق !!
طبعا هون اللعبة كانت فصارو يحبو لبشار كتير
انا بعتبر حب الشعب لبشار هي مصيبة مالها حل !!!
عطينا رايك
  رد مع اقتباس
قديم 05/05/2008   #11
شب و شيخ الشباب sezar
مختار
 
الصورة الرمزية لـ sezar
sezar is offline
 
نورنا ب:
Mar 2005
المطرح:
QTR
مشاركات:
5,019

افتراضي


خيو صحيح لعبو لعبة
سمحو للشعب يتمتع ببعض من حقوقو يلي كانت مسلوبة لنقول ..
هلأ انا بسمي هل أشياء مكياج ... فئة معينة من الشعب بتفرح بهل مكياج و هي سجذاجة مكتسبة مع الزمن
بس في فئة أخرى ما بتمرق عليها هيك حركات " عارف البير و غطا " بس شو بدو يحكي بدو يعيش ليطعمي الخمس رووس يلي بالبيت..
و طبعا ما سمح به لاحقا كان لأطراف مسؤولة الأولوية بالربح مثل الموبايل و الستلايت و و و
برجع بقول متل ما ذكرت سابقا اليوم بس بمكان آخر :
انبخش الكرسي و قششنا .. رجع مقشش
  رد مع اقتباس
قديم 05/05/2008   #12
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : SaKRaN عرض المشاركة
اكيد في امل بس ضعيف كتير بظل هل الظروف

المشكلة مو بالنظام لحالو
المشكلة بغسيل الادمغة الي عميتبعها النظام !!
يعني لو كل الشعب بيكره النظام بس خايف وقتها بقلك في امل كتيير كبيير
بس المصيبة في جزء كبير بيحبو لانو شعبنا عاطفي وقلبو طيب
مثلا يعني النظام ما بدو يرجع الجولان لانو اذا رجعها وصالح اسرائيل وقتها ما بيقدر يستعطف شعبو وحيضعف !
يعني للاسف بشار الاسد محبوب هلق اكتر من حافظ لاكتر من سبب مع انو انا بنظري وجهين لعملة واحدة ويمكن يكون بشار اغبى سياسيا من والد خاصة بالخارج

بس بشار لعب لعبة او هي كانت معدة مسبقا انو بس يموت حافظ الي كان كابت الشعب من ابسط وسائل الترفيه او فيك تقول مانع عنون شغلات كتير مهمة وجاعل سوريا متخلفة
فاجا بشار فتح البلد متل ما عميقولو محبينو متل سمح بالموبايل وشال الجمرك عن الكمبيوترات ونزل جمرك السيارات وزارد معاشات الموظفين ... الخ
فالشعب حبو لانو عمل هي الشغلات الي هي من حق الشعب ان كان هو او غيرو وهو بشار ما عميدفع من جيبو لحتى سمح بهل الشغلات
فشعبنا مسكين وبسيط ودرويش حبو اكتر لبشار لانو طالعون من الكبت الي الانفتاح الضيق !!
طبعا هون اللعبة كانت فصارو يحبو لبشار كتير
انا بعتبر حب الشعب لبشار هي مصيبة مالها حل !!!
عطينا رايك
كلامك كلو للاسف صحيح ..... بس بظن هالحكي كان صح اول ما استلم بشار كل سنة زيادة من عهدو الميمون عم يزيد عدد الناس اللي عم تكتشف الحقيقة
والشعارات الزائفة اللي ركب عليها بشار لما وصل للحكم صدقني قليل اللي لسا مصدقينها
والدليل شوف شو اللي صار باخر استفتاء الو , رجعوا طبقوا اساليب الاستفتاء ايام ابو ,واللي هي اكبر دليل على خوفن ومحاولتن اظهار التأييد الشعبي المزيف للنظام
  رد مع اقتباس
قديم 06/05/2008   #13
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


اقتباس:
كاتب النص الأصلي : ayhamm26 عرض المشاركة
كلامك كلو للاسف صحيح ..... بس بظن هالحكي كان صح اول ما استلم بشار كل سنة زيادة من عهدو الميمون عم يزيد عدد الناس اللي عم تكتشف الحقيقة
والشعارات الزائفة اللي ركب عليها بشار لما وصل للحكم صدقني قليل اللي لسا مصدقينها
والدليل شوف شو اللي صار باخر استفتاء الو , رجعوا طبقوا اساليب الاستفتاء ايام ابو ,واللي هي اكبر دليل على خوفن ومحاولتن اظهار التأييد الشعبي المزيف للنظام
كيف يعني؟

وحياة سواد عينيك يا حبيبي غيرك ما يحلالي
we ask syrian goverment to stop panding akhawia
نقسم سنبقى لاننا وارضنا والحق اكثرية
  رد مع اقتباس
قديم 07/05/2008   #14
شب و شيخ الشباب SaKRaN
عضو
-- أخ لهلوب --
 
الصورة الرمزية لـ SaKRaN
SaKRaN is offline
 
نورنا ب:
Nov 2006
المطرح:
يا خيو بعيد عن حلب
مشاركات:
162

إرسال خطاب MSN إلى SaKRaN
افتراضي


يعني يا حبيب ايام حافظ نفس هي الايام يعني ما اتغير شي مع انو لازم بشار يكون عندو ثقة بحالو انو شعبو بيحبو
لكن لشو حطو مليارات الليرات مشان دعاية منحبك !!!!!!
رغم هيك النظام خايف انو يصير في ترشيح لاكتر من رئيس مشان هيك عمل استفتاء يعني اجتمعت الجبهة الرجعية ورشحت بشار والشعب ما عندو خيار غير يقول ايه!

بس انا بخالف راي ايهم بنقطة انو لو صار في ترشيح لاكتر من رئيس كان الشعب انتخب غيرو او انا فهمت هيك من كلام ايهم !
انا براي هي المشكلة الي بشعبنا وبحبو للنظام ما بتروح منو الا اذا صار توعية وصار في حرية وصار في شرح للناس وصار في اكتر من خيار للشخص الي خلق على فكر معين
  رد مع اقتباس
قديم 07/05/2008   #15
شب و شيخ الشباب sezar
مختار
 
الصورة الرمزية لـ sezar
sezar is offline
 
نورنا ب:
Mar 2005
المطرح:
QTR
مشاركات:
5,019

افتراضي


التعددية و الديمقراطية ما بتجي بكبسة زر او بفرض مرشح آخر مع الرئيس ..

في حال ترشح فعلا حدى للرئاسة لشعب رح ينتخب نفس الحالي على مبدا نظرية التخلف يلي منعرفو أحسن من يلي ما منعرفو .. خوف من المستقبل يؤدي الى حب الماضي مهما كان ..

فهي مو بيوم وليلة و لا بسنة ولا تلت سنين بتحسن تنشر الوعي عن الديمقراطية و أهمية أدوار المؤسسات الساسية .. يلي حاليا شبه ملغي دورا ..
  رد مع اقتباس
قديم 07/05/2008   #16
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
كاتب النص الأصلي : sezar عرض المشاركة
التعددية و الديمقراطية ما بتجي بكبسة زر او بفرض مرشح آخر مع الرئيس ..

في حال ترشح فعلا حدى للرئاسة لشعب رح ينتخب نفس الحالي على مبدا نظرية التخلف يلي منعرفو أحسن من يلي ما منعرفو .. خوف من المستقبل يؤدي الى حب الماضي مهما كان ..

فهي مو بيوم وليلة و لا بسنة ولا تلت سنين بتحسن تنشر الوعي عن الديمقراطية و أهمية أدوار المؤسسات الساسية .. يلي حاليا شبه ملغي دورا ..
تعيش عمر النسر أبو السيز

المشكلة مو مشكلة مرشح باستفتاء.. المشكلة اعمق.. مشكلة تربية و توعية و حس ديمقراطي يتم اكتسابه فقط و فقط عن طريق الممارسة الديمقراطية الحقيقية بدءا من لجان سكان الأبنية و انتهاءا برئاسة الدولة

الديمقراطية ليست وليدة حركة واحد أو عمل يوم و ليلة.. انه عمل متواصل و شاق و طويل.. و ما يجب العمل عليه هو التحويل أو التغيير بالاتجاه الصحيح و الطريق المناسب نحو الديمقراطية... هذه الخطوة الأولى في الاتجاه الصحيح و الطريق المناسب هي ما يقومون بعرقلته بحجج واهية و لا منطقية... و يجب تركيز العمل على الخطوة الأولى أولا... بدل رسم اهداف بعيدة لن نصلها ما لم نمش هذه الخطوة الأولى

تحية

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 07/05/2008   #17
صبيّة و ست الصبايا judi
شبه عضو
-- اخ حرٍك --
 
الصورة الرمزية لـ judi
judi is offline
 
نورنا ب:
Apr 2008
مشاركات:
38

افتراضي


مو خسارة بشعبنا شي. عزيزي انت لازم تزعل عالموظف المرتشي و الحرامي...اي والله صدقني لأنو هاد ما جبرو عالمر الا الأمر منو. هاد انسان بيستحق كل شفقة و احترام( مو الحرامي أبو الملايين اللي متربع على شي كرسي ما بيتزحزح عنو ليموت) هاد انسان ما قادر يهرب من البلد. ما قادر يعيش بكرامة و ضمير. ما قادر يواجه مرتو وولادو بفقرو و عجزو عن انو يوفرلن خبز و شاي عطاولة الأكل. هاد انسان متل ما بيقول زياد الرحباني:
أنا مقهور ببيتي و مش قادر هاجر
لك حتى شرطي المرور اللي نتفناه بيستحق الشفقة. فكرك هدول لو مكفيهن الراتب بيذلو حالن منشان 25 ليرة من شوفير سيرفيز؟ والله شعبنا بيستاهل غير هيك...
طيب هاتو حل و خلص حاجتنا صف حكي............
  رد مع اقتباس
قديم 07/05/2008   #18
شب و شيخ الشباب phoenixbird
عضو
 
الصورة الرمزية لـ phoenixbird
phoenixbird is offline
 
نورنا ب:
Sep 2006
المطرح:
بالاستديو
مشاركات:
3,019

افتراضي


الديمقراطية ليست وليدة حركة واحد أو عمل يوم و ليلة.. انه عمل متواصل و شاق و طويل.. و ما يجب العمل عليه هو التحويل أو التغيير بالاتجاه الصحيح و الطريق المناسب نحو الديمقراطية... هذه الخطوة الأولى في الاتجاه الصحيح و الطريق المناسب هي ما يقومون بعرقلته بحجج واهية و لا منطقية... و يجب تركيز العمل على الخطوة الأولى أولا... بدل رسم اهداف بعيدة لن نصلها ما لم نمش هذه الخطوة الأولى

ليش هاد اسمه صف حكي؟

بس اذا من عمر 6 سنين وقبل مزروع بالطفل كلمة هص ما دخلك سكوت بلا ما نتبهدل
كيف لازم نتحول ديمقراطيا؟
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:31 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13507 seconds with 13 queries