اخبــار الكرة السورية 2007 - 2008

[Reemi]

وين منقولين ....

لا تقلي عالارضيه

[هدوء البحر]

الجمعة : 27-6-2008: حماة : النواعير×الفتوة(حصرية عبر art)،
دمشق : الوحدة×عفرين(القناة الثانية الأرضية السورية +art)


السبت: 28-6-2008: دمشق: الجيش×تشرين(حصرية عبر art)،
اللاذقية: حطين×الإتحاد(القناة الثانية الأرضية السورية +art)
يمكن يصير في تغير اذا صار شي بخبركم

بعدين ليش معصبة انا شو دخلني

[Reemi]

art

يا زلمي رح انجلططططط بدي احضرهون بس ما عندي ضراب عندي جزيره

بعدين انت ما دخلك ..

[Government]

يا اخي حلو عنا ينعن اخت الدوري ع اخت الكاس ع اخت الرياضة السورية كلا .. فرطت يازلمة فرطت .. ماضل شي .. والمشجع السوري مكتوب عليه من يومو يومو انو يضل محروق القلب ومئأروح والله مو كاتبلو يفرح ولا بدو يخلي يفرح .. هيك مدري شو عاملين نحن
ملينا يازلمة من حرقات القلب والدم وحياة الله ملينا .. ماعادنا نشوف ايام فرح بطابتنا بالمرة لا من المنتخب ولا من الاندية .. وماعاد تابع شي ولا بدي تابع شي .. لاني كل مابشوف شي بخص الكرة السورية بتزكر التأهل للدوري الرابع والغول اللي دبحنا دبح .. مشان هيك بكفي ..
بس والله كيف بدي قلك ..






















الدوري فات فات .. الكأس وينو وينو ؟؟؟
الدوري فات فات .. الكأس وينو وينو ؟؟؟



بالقدم بالسلة الاهلي مالو حلة .. وحاجة تقول الااااه حاجة تقول الاااه هادا الشيطان الاحمر لاتلعب وياه
والكــــأس اهلاوي مافي كلام .. ورح نكسر راس الكرامة بمباراة الاياب بحمص متل ماكسرنا راسو بالزهاب بحلب

وبالكأس ماحدا رح يوقف بطريقنا والاهلي بدو يصالح جماهيرو العريضة ويعانق الكأس للمرة التاسعة
وبالنهاية .. 6 دوري 8 كاااااس .. اه يا اهي يا المااااس

[Government]

ولك حاجة تقول كـــرامة .. حــــــاجة تقول كـــرامة
الاهلــــــــي كلو زعــــــــــــامة

اه ياعيني ع مدرسة الكرة السورية لما تلعب

[هدوء البحر]

ليش كتير متحمس

[Government]

كاتب النص الأصلي : هدوء البحر

ليش كتير متحمس

لانو الكأس مشتاق للاهلي .. بدو الاهلي .. عبنادي وينو الاهلي وينو ؟؟؟
اشتاق لخزانات الاهلي .. الكأس بدو ينام بمدرسة الكرة السورية ملل من النوادي الصاعدة اللي عبتشيلو


ع الهامش ..
بكرة ان شاء الله بتنطقو مع عفرين طقة محترمة .. وخلي العفرينية ياكلوكن مع شوية زيت زيتون عفريني .. ويضمنو البقاء بدوري الاضواء ..
وكمان بركي الشرطة كمان بينزل للدرجة التانية .. (مع انو كنا متأملين بالوحدة بس يلا ) مشان يخفو الفرق الشامية شوي ويحلى الدوري

[هدوء البحر]

لك شو بدك بالوحدة بكفينا يلي فينا

بدون مدرب وبدون جمهور ومافي دعم الله يعينو

[Government]

كاتب النص الأصلي : هدوء البحر

لك شو بدك بالوحدة بكفينا يلي فينا

بدون مدرب وبدون جمهور ومافي دعم الله يعينو

الله يعينكن ويعين كل هالاندية السورية

[Government]

أهداف كثيرة وبطاقات ملونة وهبوط الحرية رسميا ً إلى الدرجة الثانية وسقوط كبير لجبلة بسباعية هي العناوين البارزة للمباريات الأربع التي افتتحت بها المرحلة الرابعة والعشرون لدوري المحترفين ..
في دمشق حقق عفرين فوزا ً هاما ً على الوحدة في المباراة التي جرت دون جمهور وبثلاثة أهداف مقابل هدف واحد ، سجل لعفرين عبد الوهاب بوكي ( 30 ) والعراقي مهند محمد علي ( 49 ) من جزاء وحسام سمان ( 90 ) فيما سجل للوحدة النيجيري ابيولا ( 59 ) ، وشهدت المباراة ثلاث حالات طرد لوائل زبداني ومعتصم علايا من الوحدة وزكريا بودقة من عفرين .
وفي حماه بات النواعير بحاجة لنقطة واحدة من لقاءيه الأخيرين ليضمن بقاءه في الدوري بعد فوزه على الفتوة بهدف وحيد سجله حمدي المصري بمساعدة عن طريق الخطأ من المدافع ابراهيم العبد الله ( 52 ) وأهدر له عبد القادر جبيلي ركلة جزاء ، كما طرد حارس الفتوة فاتح العمر .
وفي اللاذقية اكتسح المجد مضيفه جبلة بسبعة أهداف مقابل هدف واحد وانتقل للمركز الثاني مؤقتا ً ، سجل للمجد متصدر هدافي الدوري رجا رافع " هاتريك " في الدقائق ( 20 ، 30 ، 41 ) ليحسم لقب الهداف بنسبة كبيرة علما ً أنه أهدر ركلة جزاء ومحمد زينو هدفين ( 23 ، 67 ) وسامر عوض ( 46 ) ومحمد الواكد ( 79 ) ، فيما سجل هدف جبلة جمال الرفاعي ( 88 ) وطرد لاعبه عبد الله حبار .
وفي حلب أبقى الشرطة على آماله بفوز كبير على الحرية بخمسة أهداف مقابل ثلاثة ، سجل للشرطة النيجيري ايمانويل ( 38 ، 90 ) وهاشم دلي حسن ( 67 من جزاء ، 69 ) وعبد الحكيم اليوسف ( 49 ) ، وسجل للحرية أحمد كلزي ( 76 ) ونهاد حاج مصطفى هدفين ( 82 ، 84 ) .
وبذلك تكون محصلة المباريات الأربع 21 هدفا ً وخمس حمراوات وأربع ركلات جزاء ضاع منها اثنتان في نسبة عالية جدا ً وبعد قليل تقام المباراة الخامسة بين الكرامة بطل الدوري والطليعة الرابع في حمص ، فيما تختتم المرحلة غدا ً بلقاء الجيش وتشرين في دمشق ( 5.00 عصرا ً ) وحطين مع الاتحاد في اللاذقية ( 8.00 مساء ً ) .

[Government]

لك مو عيب ياجبلاوية 7-1 .. 7-1 ..
لك شو مشان اكلوكن بلا ملح اول نتيجة يمكن بتصير هالموسم بهالكبر مو معقول عنجد شي بسود الوش
قــــــــــوية




وبرافو لعفرين البطل لعبة قوية وطلع قد المستوى .. وبرافو عليه ازا بضل متل هالمستوى رح يبعد من شبح الهبوط وبكفي انو خوزق الوحدة

وبرافو للشرطة كمان ..


وطز في الحرية .. وع التالتة شكلو رايح الموسم الجاي

[Government]

وكمان هيك بكون اثبت جدارتو رجا رافع بقائمة الهدافين .. وعمل فرق اربع طابات مع اقرب منافسينو .. واثبت جدارتو بلقب هداف الدوري .. بهاتريك اليوم


بس السؤال اللي بيطرح نفسو
وين هالاداء مع المنتخب ياسيد رجا .؟؟؟؟؟؟؟؟؟؟؟؟؟؟؟؟؟؟

[Government]

ع فكرة متوقع تصير علقة اليوم بمباراة الكرامة والطليعة بحمص .. حاكم الحماصنة لهلأ ما اخدو بتارن من القتلة اللي اكلا الكرامة بحماة بمباراة الزهاب .. ولهلأ شايلين بقلبن لانو عنجد كان يوم مأساوي ودموي


ومن اجري اليوم ازا حموي واحد دا يروح ع حمص .. لانو ممكن يروح مايرجع


وان شاء الله مابصير هيك شي .. ويبقى دورينا نضيف ومتميز بالاخلاق العالية

[هدوء البحر]

عنجد اليوم نتائج غريبة صارت شو سبعة واحد

اي شو المجد مع مين كان عم يلعب

[Government]

كاتب النص الأصلي : هدوء البحر

عنجد اليوم نتائج غريبة صارت شو سبعة واحد

اي شو المجد مع مين كان عم يلعب

مع جبلة ...........

[ِAbu Alzooz]

الوحدة فريق

بدو تنفيس

يضربوا هني و يلي قلون لعبوا طابة


وحداوي مقهور

[هدوء البحر]

كاتب النص الأصلي : ABU WILLIAM

الوحدة فريق

بدو تنفيس

يضربوا هني و يلي قلون لعبوا طابة


وحداوي مقهور

يلا صرنا تلاتة وحداوية هون

بس معك حئ ليش هيك صار اليوم

[مايسترو]

ليش؟محمد عنجد عم تسال ليش؟


مايسترو