مشهد من مسلس نور حابة أعرف رأي المهتمين؟

[Abu ToNi]

كاتب النص الأصلي : gabriel

انا بعرف بتم النظر للأمور بحسب وجهة تظر اللي قالها ما بحسب ما منفهمها يعني واحد يمكن يقول لك كلمة بالانجليزي تطلع بالعربي سبة شو معناها عبسبّك !!!!

اما بخصوص الانحطاط والقذارة الأوروبية ما بعرف شو بدي قول بعتقد القذرين اللي عمنحكي عليهم ارقى ممننا بكتير فما نتفزلك عليهم وعلى سيرة التعري وربطه بالانحطاط

على مقياسكم هاد طلع كل العبر والتقاليد والاساطير الاغريقية منحطة سافرة ولا تزعلوا يا سيدي نادرا ما تشوف تمثال او لوحة بتوصف لحظة بالاساطير الاغريقية الا ويكون صاحبها متعري لابل ابشع من هيك ومرسوم الأعضاء التناسلية بادق التفاصيل شو معناها منحطة الاساطير والتقاليد الاغريقية الي تعتبر كنز عالمي ومن اهم المراجع لمعرفة تاريخ البشرية ولحد اللحظة يستخرج منها اجمل المعاني والعبر اللي خليني ساكت حكيت كفاية

بضيف على حكيي انه جميع التماثيل اللي كانت تنحت لتكريم الأبطال كان احد شروطها ان تكون عارية وبحط خمسمية شخط تحت كلمة شرط فحاج نتفزلك اذا نحن عنا مشاكل وعقد نفسية ما بعتقد من الصحّي اننا نحملها للأرقى مننا ، حضاريا في بيناتنا مسافة بتتعدى السنين الضوئية ونحن عمنرجع لورا بينما هنن كارجين لقدام ومافي بين ايدينا غير نوقف من بعيد ونسبهم ونعيرهم باخلاقهم المنحطة !!!

[Donald Duck]

كاتب النص الأصلي : gabriel

بضيف على حكيي انه جميع التماثيل اللي كانت تنحت لتكريم الأبطال كان احد شروطها ان تكون عارية وبحط خمسمية شخط تحت كلمة شرط فحاج نتفزلك اذا نحن عنا مشاكل وعقد نفسية ما بعتقد من الصحّي اننا نحملها للأرقى مننا ، حضاريا في بيناتنا مسافة بتتعدى السنين الضوئية ونحن عمنرجع لورا بينما هنن كارجين لقدام ومافي بين ايدينا غير نوقف من بعيد ونسبهم ونعيرهم باخلاقهم المنحطة !!!

يعني حسب رايك جابريل .. هذا سبب التقدم في اوروبا ... !!!

يعني شو دخل التعري في التقدم !!

غريبة هذه ..

ما تزعل من تعليقي بس ..

[Abu ToNi]

ما قلت انه التعري سبب التقدم انا ما حكيت هاد الشي فلا تحاول تحملني شي انا ما قلته انا اللي قلته انهم قوم متحضرين قوم براس الركب البري ونحن الدنب تبع الركب الأخير . يمكن بسؤالك هاد عبخلي الموضوع يبعد اكتر عن غايته مع اني بشوفه ما بيفرق كتير عن الموضوع لكن مشان ما يتشعب اكتر خلينا نسكر المقارنة بيناتنا وبين اوروبا بالموضوع هاد .

لازم فكرة نقتنع فيها هنن مجتمع مختلف تماما عنا لا يعني اننا صح او هنن صح بالاخير مافي طريق واحد للحياة " الجيدة " في كتير اساليب الها

هلق كمان ما فينا نقول انهم تعروا معناها منحطين لأننا منكون عمنظلمهم كتير وعمنختصر كل الأفكار وكل الأساليب وكل الطرق بالغاية اللي نحن شفناها واللي هي انسان تعرى

انا ماني ضليع بالرسم وما كنت بحياتي ضليع فيه لكن رسم العراة او الرسم العاري " يمكن ميدو بيقدر يصحح لي اذا غلطت " يعتبر مدرسة فنية قائمة بحد ذاتها وفي الها عظمائها اكيد مانها قائمة على الأفعال الجنسية ورسم الاعضاء التناسلية اكيد في شي اعمق اكتر من هيك ما بيقدر يفهمها غير المختص والفنان الراقي " الفنان الراقي وليس الانسان الراقي " .

فمثلا اذا اجا شخص بدوي فتح كتاب ابنه للبكلوريا مثلا بشوف صورة للأعضاء التناسلية مع شرح تفصيلي عنه من وجهة نظر طبية علمية فبالتأكيد بده يقول ابناء المدينة وقحين فاجرين منحطين بتشوفوها منطقية ؟!

ما بعتقد الرسم العاري شيء ساخط هوي فن يستطيع ادراكه الانسان المتعمق فيه متل ما بيقدر يفهم الانسان المثقف العلاقة الجنسية وتفاصيلها من وجهة نظر طبية بالوقت للي بده يقال عنه فاجر ومنحط .

بالأخير دونالد بدي اقول لك انا وقت بكتب رد ابدا ما بنتبه على اسم اللي عبيكتب فلا تحسب اني ممكن ارد على شخص بناء على اسمه انا بهتم بالأفكار ونادرا ما اهتم باسماء الاشخاص

[وشم الجمال]

اروع شي لقطة و وسؤال اخدوا معنا اربع صفحات صدقا مو عرفانة شو رد!!!!ولا شو علق

لو بدنا نعلق عحلقة كاملة شو رح يصير؟

[..AHMAD]

يعني شو دخل التعري في التقدم !!

ببساطة شريك الدخل الوحيد للتقدم بالعري .... انو ما بيدمجو بين العري ... والفجور والدعارة .... بعكسنا تماماً

[مالك الحلبي]

عاجل مستعجل
عثر على
عثر على شخص متعري في منطقة باب النيرب أمام 50 رسام
للراغبين في تطوير هواية الرسم التوجه فورا إلى باب النيرب
دوار الصالحين إشارات الفردوس جانب صيدلية الرسام

[سوا ربينا]

اي الحمد لله انا لا شفتو ولاحضرتو ولا عندي مزاج انو احضرو ,,,,وبالنسبة للحكي اللي قالتو وايت روز كلامها صح يعني قمة الانحطاط,,,,, انا شفت ردود بتقلك نيه ومانيه اي نية بهيك مواضيع اي بكرا انا بروح بسكر وبحشش وبقول انو النية انا مونيتي انو حشش,,,,,,,اي روحو يااااااااااااا قال نيه قال,,,,

[Donald Duck]

كاتب النص الأصلي : gabriel

لازم فكرة نقتنع فيها هنن مجتمع مختلف تماما عنا لا يعني اننا صح او هنن صح بالاخير مافي طريق واحد للحياة " الجيدة " في كتير اساليب الها

هلق كمان ما فينا نقول انهم تعروا معناها منحطين لأننا منكون عمنظلمهم كتير وعمنختصر كل الأفكار وكل الأساليب وكل الطرق بالغاية اللي نحن شفناها واللي هي انسان تعرى

عجبتني النقطة الاولى .. هنن مجتمع مختلف تماما .. الهم سلبياتهم والهم ايجابياتهم ..

وما بنقدر نمشي كل افكارهم بمجتمعنا ولا بنقدر نمشي كل افكارنا بمجتمعهم ..

والنقطة الثانية .. كمان بتحكي عن اختلاف المجتمعات ..

وما فينا نقول عنهم منحطين .. كل واحد الو مجتمعه .. وعاداته وتقاليدو ودينة ..

وكمان ما فينا نصور مجتمعنا بالمتخلف لانه ما بناسب مجتمعهم ..

على ما اعتقد انه في اوروبا اذا البنت كشفت عن صدرها وهي على الشاطئ ما بنظر الها الناس نظرة غريبة ..

بس عنا اذا البنت كشفت صدرها على شوطئ الصدر .. انت بتعرف شو بصير ..

[Reemi]

يا جماعه هاد فن ... فن يا الله

[..AHMAD]

يا جماعه هاد فن ... فن يا الله

لا ريم ... هاد انحطاط وتخلف وجهل ... شو فهمكن بالفن انتو

[Donald Duck]

كاتب النص الأصلي : Reemi

يا جماعه هاد فن ... فن يا الله

وانا معك ... معك يا الله ..

بس نوع هالفن ما بيمشي بمجتمعنا ..

[BL@CK]

رح نراسل الـ MBC و نطالبا بحظر هاللقطات .. و سنطالب أيضا ً بتحجيب المزيعات .. و عرض فلم الرسالة من الصباح حتى المساء ..

هازا و سننشئ صفحة ويب و نجمع عليها مليون توقيع ستقدم لوزارة الستايللات كـ مطالبة بتشفير المحطة ..

أقول قولي هازا و أستغفر الله لي و لكم ..

[Donald Duck]

كاتب النص الأصلي : M i i i D O

ببساطة شريك الدخل الوحيد للتقدم بالعري .... انو ما بيدمجو بين العري ... والفجور والدعارة .... بعكسنا تماماً

صحيح .. بس مجتمعنا مو مثل مجتمعهم ..

التعري عنا نوع من الفجور والدعارة ... بس عندهم عادي .. اختلاف مجتمعات يعني ..

[..AHMAD]

وانا معك ... معك يا الله ..

بس نوع هالفن ما بيمشي بمجتمعنا ..

وبرأيي وبضل رأي شخصي ... مصيرو يتهمش :

ماني مضطر اتقيد بمجتمعي ازا بدو يفرض عليي قيود .... خصوصاً بهيك نقطة

رح نراسل الـ MBC و نطالبا بحظر هاللقطات .. و سنطالب أيضا ً بتحجيب المزيعات .. و عرض فلم الرسالة من الصباح حتى المساء ..

هازا و سننشئ صفحة ويب و نجمع عليها مليون توقيع ستقدم لوزارة الستايللات كـ مطالبة بتشفير المحطة ..

أقول قولي هازا و أستغفر الله لي و لكم ..

أكيد مو إيمان ... إنما من هول المصيبة

[Donald Duck]

كاتب النص الأصلي : BL@CK

رح نراسل الـ MBC و نطالبا بحظر هاللقطات .. و سنطالب أيضا ً بتحجيب المزيعات .. و عرض فلم الرسالة من الصباح حتى المساء ..

هازا و سننشئ صفحة ويب و نجمع عليها مليون توقيع ستقدم لوزارة الستايللات كـ مطالبة بتشفير المحطة ..

أقول قولي هازا و أستغفر الله لي و لكم ..

بس ما حدا جاب سيرة الحجاب هون !!!!

يعني في فرق كبير بين الغير محجبة والمتعرية ..

[Abu ToNi]

اعتقد انه في اوروبا اذا البنت كشفت عن صدرها وهي على الشاطئ ما بنظر الها الناس نظرة غريبة ..

بس عنا اذا البنت كشفت صدرها على شوطئ الصدر .. انت بتعرف شو بصير ..

مع انه سؤالك هاد او جملتك هي بعيدة عن شي اسمه فن وبعيدة بمعنى آخر عن الموضوع لكن انا بجاوبك السبب انهم عندهم شي اسمه حرية شخصية وشي اسمه كل مين يعمل اللي بده ياه طالما ما عبيزعجني وانا الفيني بكفيني .
ما بعتقد انحطاط انه البنت تروح على البحر الا اذا بتشوفوها قمة السخافة وقمة الانحطاط وقمة التدهور الاجتماعي وقمة التخلف فلكل مين رايه لكن طالما نحن عايشين على مبدا الصبحية والمسوية والت والعجن بتشوف اغلبية الشعب همّه يرضي غيره ولا حدا بيسال حاله هوي كيف بيرتاح او كيف بفضل .
جاوبتك مع اني ما فهمت عليك كيف ربطت الرسم العاري بشواطئ البحر كون الاول فن بينما التاني مظهر من مظاهر الحياة .

صعب نستوعب فكرة الحرية وفكرة الاستقلالية باتخذا القرار وانا بشوف هاد نتيجة عاداتنا ونتيجة علاقاتنا الاجتماعية المتينة .

اما بالنسبة للرسم العاري فهاد نوع من انواع الفن اللي بعتقد من الغباء تصنيفه تحت باب " الافعال الجنسية "

[Abu ToNi]

و سنطالب أيضا ً بتحجيب المزيعات .. و عرض فلم الرسالة

قبل ما تفوت على الموضوع وتخبص على الماشي حاول شوف شو عمنحكي ووين وصلنا

[Donald Duck]

كاتب النص الأصلي : M i i i D O

وبرأيي وبضل رأي شخصي ... مصيرو يتهمش :

ماني مضطر اتقيد بمجتمعي ازا بدو يفرض عليي قيود .... خصوصاً بهيك نقطة

صحيح .. ورأيك على الراس من فوق ..

بس في احترام مجتمعات .. بدون تقييد يعني ..

يعني بتقدر تعمل الي بدك اياه .. بس لازم تراعي المجتمعات الي عايش فيها وتحترم عاداتها وتقاليدها ..

حتى لو ما كنت بتتقبلها ..

حسب رأي يعني ..

يعني اذا انا بأمن انو ما في اشي اسمه عورات ..

وبروح بطلع في الشارع بدون ملابس ..

حتى لو كنت بأوروبا .. شو رح يكون موقف الناس والمجتمع مني .. !!!!!