أنشقاق القمر .. معجزة محمد التى أسكتت العالم !

[الأسمر]

كاتب النص الأصلي : krimbow

مرحبا يا شباب
هلأ اكتر نظرية قوية و مدعومة من قبل العلماء (علماء الفلك) هيي التالية:
كان في كوكبين ناريين (يعني النشاط الرئسي للبراكين) عم يدوروا بمدارين قريبين جدا من بعض (نسيت شو اسماؤن للكوكبين)
و كتحصيل حاصل ع قرب المدارين خبطوا ببعض و نتج مايلي:
1- ظهور كوكب الارض
2- ظهور كوكب اصغر صار يدور بمدار الارض اسمو العلمي "القمر"
3- ظهور حزام حجري يفصل بين كوكبي الارض و المريخ (ما حدا يناقشني فيه هون لأنو مو شغلتنا و ذكرتو لحتى كون دقيق بسرد النظرية)
4- ظهور اجرام سماوي تدور في فلك الكوكب الكبير الناتج عن الانخباط سميت (مذنبات)

هلأ الكوكب الصغير (القمر) كانت جاذبيتو صغيرة و نتيجة لذلك فلتت منو حتى أخمل الغازات يعني ما عاد في غلاف جوي (و هيك من كون نفينا انو يكون في انهار متشكلة ع القمر) (عفوا spaik بس العلم علم) ع العموم لا كتير تفرحوا......
و باعتبار الارض كوكب كبير نسبيا قام جذب كل الغازات و صار في عندها غلاف جوي سميك
و مع مرور الزمن (كذا مليون سنة) صار شغلتين (تذكروا انو الكوكبين كــــــــــــــــــانوا ناريين)
أول شي برد سطح الارض و تشكلت اليابسة و معو معو صرنا نتخانق ع سطحها ع الانترنت
تاني شي و لأنو القمر مافيو غلاف جوي قام برد اسرع من الارض بكتير و تحول لكتلة صخرية كبيرة و صار يصطدم فيه ما هب و دب من الأجرام السماوية (مع أنو هب و دب ما بتنطبق ع الأجرام السماوية بس حطيناها للضرورة الشعرية)
هلأ كل العلاك يللي فوق شـــــــــــــــــــــــو .... نظرية
يمكن تكون صح و يمكن تكون غلط (يعني ممكن يكون كلام spaik مزبوط و القصة انهار و سواقي و ما بعرف شو)

بس الحقيقة انو في أرض تحاط بغلاف سميك من الغازات
و أنو في قمر صخري مافيو غلاف جوي و شكلو مبعغر من كتر مو آكل خبطات من النيازك والمذنبات و ما شابه
هلأ هي النيازك خبطت الارض طبعا، بس لأنو الارض محاطة بغلاف جوي سميك و لأنو لهلأ ما بردت (يعني لسا ما تحولت لكتلة صخرية و بعدها كتلة هلامية) قامت النيازك يللي قربت ع الارض صارت تحترق بالغلاف الجوي و يللي وصل ع الارض اكيد خربط شكلها شوي بس لأنو الارض كتلة هلامية ما بين
هلأ ادعو كل واحد يريد ان يقف على حقيقة الأمر انو يقوم بعمل هالتجارب العلمية التالية بإيدو
التــجـــــــــــــــــــ ــربة الأولـــــــــــــــى:
حاول ان تجد حجرا (يفضل املسا حتى ترى النتيجة بالعين المجردة) و حجر آخر أصغر
أصرب الحجرين بقوة مناسبة (اذا انكسر مو مشكلة هلأ بشرحلك شو معناتو)
النتــــــــــــــيجة: ظهور تشققات ..... تشــــــــــــــــــقــــ ـقـــــــــــــــــــــــ ــــــــــــــــــــــات على سطح الحجر

التــجـــــــــــــــــــ ــربة الثــــــــــانية:
احصل على عجينة أو معجونة أو أي شيء هلامي (ممكن جيلو مثلا)
و اخبط العجينة بنفس الحجر الصغير المستعمل في التجربة الأولى
النتــــــــــــــــيجة: عدم ظهور تشققات و يمكن يلتصق الحجر بالعجينة



هلأ التجربة الأولى تمثل ما حصل على سطح القمر و التجربة الثانية تمثل ما حصل على سطح الأرض
يعني بالمختصر هالـ" تشققات" يللي ع سطح القمر سببها نيازك و مذنبات
مو قدرة إلهية خارقة
يعني العبوا غيرها

ضل نقطة صغيرة بخصوص التجربة الأولى اذا انكسر معكوم الحجر بتستعيضوا عن الحجر بـ بيضة دجاج (أو طجاج يللي بيتوفر) و بتسلقوها (لحتى ما توسخوا الدنيي انتوا و عم تسوو التجربة) و كرروا التجربة ع البيضة (بس برفق هالمرة) و رح توصلوا لنفس النتيجة

شوف حبيبي أول شي مشكور على هالشرح اللي كله زيادة و استعراض
تاني شي بحب قلك إنك بنيت كلامك كله علا نظريات تفسير تشكل اليابسة على كل من سطح القمر و الأرض .

يعني لو سمحت تعب حالك شوي و اقرأ الموضوع من أوله ما بصرلك شي و شكراً على المجهود و نراكم في موضوع إعجاز بصمات الانامل .

[yass]

هل الله القادر على كل شيئ عاجز عن شق القمر؟؟؟؟

و اذا كان الله قادرا على كل شيء لماذا لم يعد لحم القمر بعد انشقاقه بشكل جيد, اليس الله كامل , لماذا ترك شقا

[أبو هياء]

^^^^^^^^^^^^^

استاذ الفيزياء krimbow

اعجبني اسلوبك الحلو في الشرح تعرف ... تصلح استاذ مدرسة من الدرجة الاولا في امرين وضوح الشرح + جاذبية الشرح

عموما شكرا و ندخل الموضوع

أولا موضوع الغلاف الجوي الذي كان في ثنايا حديثك هو احد مواضيع الاعجاز العلمي في القرأن في قوله تعالى (( و السماء ذات الرجع ))

ثانيا قولك هالـ" تشققات" يللي ع سطح القمر سببها نيازك و مذنبات ....

اضيف الى قولك ان النيازك و المذنبات لما اصطدمت على وجه القمر 14 تدحرجت كما تتدحرج الدمعة من عيني بنت متل القمر و شكلت ذلك الخط على وجنتي تلك الفتات أسف وجنة القمر ...

امل قبول تعليقي و لو من باب المزح

[الأسمر]

كاتب النص الأصلي : yass

و اذا كان الله قادرا على كل شيء لماذا لم يعد لحم القمر بعد انشقاقه بشكل جيد, اليس الله كامل , لماذا ترك شقا

يا سيدي مع احترامي الكامل هذا سؤال ساذج فهناك الكثير من الاسباب أقله لكي تراه أنت و أصحابك و ليكون معجزة باقية أبد الآبدين

[krimbow]

اضيف الى قولك ان النيازك و المذنبات لما اصطدمت على وجه القمر 14 تدحرجت كما تتدحرج الدمعة من عيني بنت متل القمر و شكلت ذلك الخط على وجنتي تلك الفتات أسف وجنة القمر ...

مرحبا حبيب و شكرا عمزحك و تأكد اني انبسطت فيه
و شكرا ع نصيحتك بأني كون استاذ بس شغلتي بتجبلي مصاري اكتر (انا مادي كتير)

و بالنسبة للتشققات ما في داعي انو النيازك تدحرج لانو التشقق بيصير بمجرد وقوع الانخباط (يظهر انك ما اجريت التجارب)
مو مشكلة بعمرك ما شفت لوح زجاج انضرب و تشقق؟ هلأ هي التشققات نتجت عن دحرجة الجزء الضارب بالزجاج برأيك؟

يا سيدي مع احترامي الكامل هذا سؤال ساذج فهناك الكثير من الاسباب أقله لكي تراه أنت و أصحابك و ليكون معجزة باقية أبد الآبدين

ها ها .... هون حطنا الجمال
انت كتبت بعضمة اصابيعك انو الله ترك هالشق حتى نشوفو و نآمن
طيب سألت حالك ليش عم يعذبنا و عمل الشق ع القمر يعني ما كان فينو يعمل شي شلال يطلع المي لفوق بدل ما ينزل لتحت؟

[الأسمر]

كاتب النص الأصلي : krimbow

مرحبا حبيب و شكرا عمزحك و تأكد اني انبسطت فيه
و شكرا ع نصيحتك بأني كون استاذ بس شغلتي بتجبلي مصاري اكتر (انا مادي كتير)

و بالنسبة للتشققات ما في داعي انو النيازك تدحرج لانو التشقق بيصير بمجرد وقوع الانخباط (يظهر انك ما اجريت التجارب)
مو مشكلة بعمرك ما شفت لوح زجاج انضرب و تشقق؟ هلأ هي التشققات نتجت عن دحرجة الجزء الضارب بالزجاج برأيك؟

ها ها .... هون حطنا الجمال
انت كتبت بعضمة اصابيعك انو الله ترك هالشق حتى نشوفو و نآمن
طيب سألت حالك ليش عم يعذبنا و عمل الشق ع القمر يعني ما كان فينو يعمل شي شلال يطلع المي لفوق بدل ما ينزل لتحت؟

ربنا يشفي!

[HashtNasht]

و كم عرض القمر

عموما الاثره تدل على المسير و البعره تدل على البعير

شو يعني هدول اللي حكيتن بلا صغرة؟؟

بعدين أنا عم تسألني قديش عرض القمر؟؟

ليك بدك عرض القمر قبل الانشقاق وولا بعد الانشقاق؟؟ :P

[krimbow]

ربنا يشفي!

آمين....
انت اكيد عاقل مشان هيك ما رح قلك الله يشفيك

بس ما جاوبتني ليش الله عم يعذبنا و يحطلنا اثباتات معجزاتو بالقمر؟

[HashtNasht]

- أتى الأخ أبو حمزة بصورة من موقع ناسا (ولاحظ أن في العنوان من الصورة جزء يسمى nasa.gov)

طيب..ممكن الأخ الندعي بجبلنا الصورة و التعليق من موقع ناسا ؟؟

يعني لينك اذا سمحتو لنشوف جماعة ناسا شو قايلين بالضبط

أنا دليلي عل انشقاق القمر هو القرآن الكريم و لا تفكر أنو عم انتظر أدلة علمية.

طيب يعني كأنو عم نحكي عن الاعجاز بالقرآن هون ؟؟

بطريقة تانية ...شو بدك بصور ناسا ؟؟ ليش عم تجيب صور من ناسا اذا كان دليلك هو القرآن ؟؟

بتقدر تثبتلي من خلال القرآن أنو القمر انشق ؟؟

رجاءً : الصورة التي تظهر خط على سطح القمر لا تعني حدوث انشقاق القمر...خاصة أن المصدر لم يذكر ذلك ...بل ذكر ما يناقض ذلك ..و هو أنه خط غير محدد العمق و طول بضع مئات من الكيلومترات ...يعني ما بحيط بالقمر ....

اذا ً هذه الصورة ليست دليل على انشقاق القمر

الدليل بليزززززززززززززززززززززز ز

لماذا تجاهلت كل شعوب الأرض حادثة فريدة غريبة عجيبة مثل هذه الحادثة ؟؟ هل يعقل أن انشقاق القمر لم ينتبه له البشر ؟؟

شوية منطق مشان الله يا شباب

[الأسمر]

كاتب النص الأصلي : hashtnasht

طيب..ممكن الأخ الندعي بجبلنا الصورة و التعليق من موقع ناسا ؟؟

يعني لينك اذا سمحتو لنشوف جماعة ناسا شو قايلين بالضبط

طيب يعني كأنو عم نحكي عن الاعجاز بالقرآن هون ؟؟

بطريقة تانية ...شو بدك بصور ناسا ؟؟ ليش عم تجيب صور من ناسا اذا كان دليلك هو القرآن ؟؟

بتقدر تثبتلي من خلال القرآن أنو القمر انشق ؟؟

رجاءً : الصورة التي تظهر خط على سطح القمر لا تعني حدوث انشقاق القمر...خاصة أن المصدر لم يذكر ذلك ...بل ذكر ما يناقض ذلك ..و هو أنه خط غير محدد العمق و طول بضع مئات من الكيلومترات ...يعني ما بحيط بالقمر ....

اذا ً هذه الصورة ليست دليل على انشقاق القمر

الدليل بليزززززززززززززززززززززز ز

لماذا تجاهلت كل شعوب الأرض حادثة فريدة غريبة عجيبة مثل هذه الحادثة ؟؟ هل يعقل أن انشقاق القمر لم ينتبه له البشر ؟؟

شوية منطق مشان الله يا شباب

يا سيدي الكريم أحد ملوك الهند أسلم بعد الحادثة و هناك وثيقة في المتحف البريطاني بتثبت هالشي و هي مذكورة في كتاب و مذكور رقم الايداع في المتحف لكن هادا الكلام من أكثر من 50 سنة يعني صار في إعادة تنظيم بالمتحف و تغير الرقم .....
ليش عم قلك هيك ؟ لأنو صاحبي اتصل بالمتحف البريطاني و استفسر عن الوثيقة عن طريق الرقم اللي معو لكن ما لقو شي ....
بصراحة أنا دخت على ما لاقي واحد عايش بإنكلترا ليساعدنا في البحث فإذا عنك شي قريب بإنكلترا بكون ممنونك .

شغلة تاني ... يا حبيبي نحن ما قلنا أن ناسا اعترفت بهالشي متل ما وارد بالقرآن تماماً ... و القضية قيد البحث لكن إن الشباب يشرحوها على شكل تصدع بعد تشكل القمر ...... لا حبيبي و لو بتقرأ الخبر قالو ان الصدع غريب و ما فسروها نتيجة التشكل الأول للقمر .... فيعني

[الأسمر]

كاتب النص الأصلي : krimbow

آمين....
انت اكيد عاقل مشان هيك ما رح قلك الله يشفيك

بس ما جاوبتني ليش الله عم يعذبنا و يحطلنا اثباتات معجزاتو بالقمر؟

وضح سؤالك ..

[أبو هياء]

مرحبا حبيب و شكرا عمزحك و تأكد اني انبسطت فيه
و شكرا ع نصيحتك بأني كون استاذ بس شغلتي بتجبلي مصاري اكتر (انا مادي كتير)

ما فيها شي ان الانسان يبحث عن خيري الدنيا و الاخرة

بالنسبة للتشققات ما في داعي انو النيازك تدحرج لانو التشقق بيصير بمجرد وقوع الانخباط (يظهر انك ما اجريت التجارب)

طيب تصلح كرة قدم منشان الشظايا

مو مشكلة بعمرك ما شفت لوح زجاج انضرب و تشقق؟ هلأ هي التشققات نتجت عن دحرجة الجزء الضارب بالزجاج برأيك؟

بعلمي ان سطح القمر ليس بزجاج و انما حجارة و اتربه

[krimbow]

لا حبيبي و لو بتقرأ الخبر قالو ان الصدع غريب و ما فسروها نتيجة التشكل الأول للقمر .... فيعني

ما حدا فسرها انو تصدع "نتيجة التشكل الاول للقمر انا فسرتها انها بعد تشكل القمر "بعد"

وضح سؤالك ..

تكرم عيونك
yass كتب:
و اذا كان الله قادرا على كل شيء لماذا لم يعد لحم القمر بعد انشقاقه بشكل جيد, اليس الله كامل , لماذا ترك شقا

امت حضرتك جاوبتو:
يا سيدي مع احترامي الكامل هذا سؤال ساذج فهناك الكثير من الاسباب أقله لكي تراه أنت و أصحابك و ليكون معجزة باقية أبد الآبدين

امت انا كتبت:
ها ها .... هون حطنا الجمال
انت كتبت بعضمة اصابيعك انو الله ترك هالشق حتى نشوفو و نآمن
طيب سألت حالك ليش عم يعذبنا و عمل الشق ع القمر يعني ما كان فينو يعمل شي شلال يطلع المي لفوق بدل ما ينزل لتحت؟

بدك توضيح اكتر؟
ممكن تجاوب بقا؟

[الأسمر]

كاتب النص الأصلي : krimbow

ما حدا فسرها انو تصدع "نتيجة التشكل الاول للقمر انا فسرتها انها بعد تشكل القمر "بعد"

تكرم عيونك
yass كتب:
و اذا كان الله قادرا على كل شيء لماذا لم يعد لحم القمر بعد انشقاقه بشكل جيد, اليس الله كامل , لماذا ترك شقا

امت حضرتك جاوبتو:
يا سيدي مع احترامي الكامل هذا سؤال ساذج فهناك الكثير من الاسباب أقله لكي تراه أنت و أصحابك و ليكون معجزة باقية أبد الآبدين

امت انا كتبت:
ها ها .... هون حطنا الجمال
انت كتبت بعضمة اصابيعك انو الله ترك هالشق حتى نشوفو و نآمن
طيب سألت حالك ليش عم يعذبنا و عمل الشق ع القمر يعني ما كان فينو يعمل شي شلال يطلع المي لفوق بدل ما ينزل لتحت؟

بدك توضيح اكتر؟
ممكن تجاوب بقا؟

ايواااااا يا زلمة من الأول وضح السؤال

شوف حبيبي بتنزل لتحت مشاركتك الأخيرة شوي و قبل ما توصل على مشاركتي بتلاقي الجواب ... بمعنى أن الجواب بين المشاركتين التنتين :

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..


viva for hashesh

ان شاء الله يكون الجواب واضح كده و عموما إذا عنك أي استفسار أنا جاهز

و لا أنسى
ربنا يشفي !

[HashtNasht]

يا سيدي الكريم أحد ملوك الهند أسلم بعد الحادثة و هناك وثيقة في المتحف البريطاني بتثبت هالشي و هي مذكورة في كتاب و مذكور رقم الايداع في المتحف لكن هادا الكلام من أكثر من 50 سنة يعني صار في إعادة تنظيم بالمتحف و تغير الرقم .....
ليش عم قلك هيك ؟ لأنو صاحبي اتصل بالمتحف البريطاني و استفسر عن الوثيقة عن طريق الرقم اللي معو لكن ما لقو شي ....
بصراحة أنا دخت على ما لاقي واحد عايش بإنكلترا ليساعدنا في البحث فإذا عنك شي قريب بإنكلترا بكون ممنونك .

طيب

كماخص للموضوع :
المسلمين يدعون حدوث انشقاق للقمر
لا يوجد شهود للحادثة أو أي ذكر تاريخي ( رغم فداحة الموضوع ) ما عدا الحديث عن ملك هندي ربما يكون تحدث عن انشقاق للقمر ..لكن لا وثائق و لا شئ مؤكد.
الصور المأخوذة لسطح القمر لا تثبت ولا تؤكد و لا تتدعي حدوث انشقاق جزئي أو كلي للقمر في زمن كان .

التفسير: بما أنه لم يثبت أبداً حدوث انشقاق للقمر ( ربما بسبب قصور البحث و نقص الدليل ) فأنه يمكن القول بأن عدداً محدوداً من البشر في شبه الجزيرة العربية بالاضافة إلى ملك هندي غير معروف قد شاهدو القمر ينشق .

ببساطة ...ليس من الضروري أن ينشق القمر حتى تراه منشقاً ...نحن لا نرى الأمور دائماً كما هي ...قد تكون رؤية القمر منشقاً هي نوع من التهويم الفكري الذي لا يسستطيع انسان بسيط مثلي أن يصادفه خلال حياته .

================================================== =

كل ما ذكر أعلاه هي وجهة نظر شخصية لأخوكم حشت نشت

حقوق النشر محفوظة

[krimbow]

شكرا ع الجواب حبيب

ع العموم مو مشكلة
بس بحب قلك انو انا زلمة اوبن مايند كتير ....... يعني لو اقنعتني ما كان عندي مشكلة ابدا اني صير مسلم و غير كل تفكيري
بس يالله خيرها بغيرها

ع العموم هيي وحدة من تنتين
يا أما انت مانك حابب تضيع وقتك مع واحد حشاش متلي
يا اما انت أصلا ما عندك جواب

هلأ اذا كانت الأولى فليش رديت عليي اساسا

و اذا كانت التانية معناتا حكيك عن الاسلام كلو علاك بعلاك

و مع ذلك نظرتي الحلوة عن الاسلام (يللي متلك بدو 1000 سنة لحتى يدركو) ما رح تغيرها ردود واحد متلك

و الله يشفيني لوحدي و بس

[الحق احق ان يتبع]

إن معجزة إنشقاق القمر كانت:
عندما طلب كفار قريش من محمد صلى الله عليه وسلم أن يأتي بمعجزة وهي إنشقاق القمر، فلما دعا ربه انشق القمر، ولكن ماذا كان من هؤلاء المشركين إلا أن قالوا هذا سحر، فأنزل الله تعالى:
( اقتربت الساعة وانشق القمر . وإن يروا آية يعرضوا ويقولوا سحر مستمر . وكذبوا واتبعوا أهواءهم وكل أمر مستقر ).

وهناك آيات كثيرة أشار إليها القرآن اكتشفها العلماء اليوم.

وذكر نبينا محمد صلى الله عليه وسلم من أشراط الساعة الكثير منها وقع، وفي زماننا تجلت الأمور التي كان يخبر عنها صلى الله عليه وسلم، وإذا أرتم أن أنقل لكم على الرحب والسعة.

[الحق احق ان يتبع]

إن معجزة إنشقاق القمر كانت:
عندما طلب كفار قريش من محمد صلى الله عليه وسلم أن يأتي بمعجزة وهي إنشقاق القمر، فلما دعا ربه انشق القمر، ولكن ماذا كان من هؤلاء المشركين إلا أن قالوا هذا سحر، فأنزل الله تعالى:
( اقتربت الساعة وانشق القمر . وإن يروا آية يعرضوا ويقولوا سحر مستمر . وكذبوا واتبعوا أهواءهم وكل أمر مستقر ).

ثم إن حادثة إنشقاق القمر هي مصداق قوله تعالى: ( سنريهم آياتنا في الآفاق وفي أنفسهم حتى يتبين لهم أنه الحق ).

وهناك آيات كثيرة أشار إليها القرآن اكتشفها العلماء اليوم.

وذكر نبينا محمد صلى الله عليه وسلم من أشراط الساعة الكثير منها وقع، وفي زماننا تجلت الأمور التي كان يخبر عنها صلى الله عليه وسلم، وإذا أرتم أن أنقل لكم على الرحب والسعة.