أو استقصاء: عذرية الشباب

[Echo]

ما بعرف اذا بقدر أعطي رأي بسيط وشخصي ويكون بشكل نقاط صغيرة وبسيطة...

- الرجل والمرأة متساويين بهالموضوع,فالغريزة لا تفرق بين ذكر وأنثى.
- الجنس مو غلط الا لما بيخرج عن اطاره الانساني
- 99% من الشباب يمارس الجنس..اذا مو بجسده..بعقلو وبخيالو..حتى يللي بيصوتو انهن معارضين
- عذرية الشاب كعذرية البنت..تفقد عندما يمارس الجنس خارج اطار علاقة ثنائية قائمة ع اساس الحب
- مبرر اكتساب الخبرة..كمبرر لممارسة الجنس خارج اطار الزواج هو مبرر مبتذل
- الجنس في اطار علاقة حب حقيقية هو ردة فعل طبيعية في سياق هالعلاقة ولا يعامل معاملة الجنس ذو الطابع اللانساني

الموقف من التصويت...موافق عند توافر البيئة النفسية والانسانية (أسقطت عمدا البيئة الاجتماعة كشرط لازم كي لا نقع في ظاهرة الكبت الجنسي ذات السبب الاجتماعي) في صميم علاقة صاددقة
رافض بشدة عندما تكون العلاقة الجنسية للتسلية او بهدف جنسي بحت
وبالتصويت فوق حطيت محايد لأنو ما لقيت خيار بيعبر عن رأي المذكور أعلاه بسطرين

ملاحظة...ما عندي اخوات بنات منشان ومن هلئ ما حدا يسألني اذا بوافق انو اختي تمارس الجنس مع حبيبها أو لا...وبنظرة اولية ع هيك سؤال...بعتقد اني ما راح اقتلها ولا راح قوسها اذا عملت هيك شي..وبالمقابل ما رح انصحها تمارسه...حريتها نابعة من جواتها..هي بتعرف تسقط حريتها ع حياتها...

[khalkhool]

يعني هيه الفكرة أنو نحنا نتخلص من فكرة الضحك على الذات, إذا كان شرف البنت وعيلتها بغشاة البكارة, فيا فرحتنا, يعني صدق نزار قباني لما قال أنز نحنة امة جعلت شرف رجالها وكرامتهم في سراويل نسائها!!!

بالنسبة إلي, أنا رأيي أنو موضوع الجنس حرية شخصية, وبما أني صوتت على "أرفض بشدة" فهاد معناتو أنو انا كشخص رأيي أني طالما بحب هي البنت, معناها ماعندي مشكلة مارس معها الجنس, بيبقى الموضوع هوه وجهة نظرها هية وإذا بتوافق أو لأ, وهون في مرحلة تانية, انو أنا لازم راعي المجتمع (المتخلف برأيي) يلي نحنا عايشين فيه, يعني ما المفروض انو هيه تفقد بكارتها (وليس شرفها) قبل الزواج, لأني بعرف وواثق من أنو إذا ما اتزوجنا بعض أنا وياها, فهيه رح تتجوز واحد مفكر حالو رامبو الفظيع يلي بدو يفتح الأندلس! ورح أضحك عليه كتير إذا شفتو أو عرفتو, لأني بعرف تماما أنو هوه قرونو واصلة للسما!!!! وعم يضحك على حالو ومفكر انو هوه الفظيع يلي نام مع نص بنات الدنية وآخر شي اتجوز وحده عذراء!!! يا حرام!!

مشان هيك, مو كتير بيهمني إذا كانت هيه عذراء أو لأ, بس بيهمني إنها ما كانت كل يوم مع واحد! وهاد الشي بطبقو على حالي, من خلال التقيد بمبدأ أنو "لاجنس بدون حب! "

وعلى فكرة, عدم التقيد بالعذرية لا يعني الإباحية, يعني الموضوع مو أنو "يا طخّو, يا كسير مخّو" الموضوع درجات, وفاقدة (أو فاقد) العذرية لا يعني أن حياتهم كانت عهر وفلتان !!!

يعني بالمختصر, يللي بقبلو على حالي, لازم أقبلو على مرتي!

[meme2010]

كاتب النص الأصلي : BL@CK

رح أسمح لنفسي رد عن الأخ محمد

أحلى شي بهالدنيا هوي الاختصاص بمجال معين ..

و نحنا جماعة مختصين بالفشل .. يعني شي منفتخر فيو .. و منعتبرو نجاح ولو بالفشل

عندك مواضيع بتهمك بأخبار الفنانين و مواضيع غير فاشلة بنصحك تتطلعي عليّا ..

أخى الفاضل كنت أتحدث على أن الأخ محمد كان يكتب بمواضيع هامة وجميلة فكيف ينفصل
عنها بكتابة موضوع يحث على الفشل والأنحراف .

[fofo besset syria]

انا برأيي الموضوع شخصي و خاص وكل شخص حر بقرار احتفاظه بعذريته او لأ سواء بنت او شب ..

انا مع العلاقة الجنسية الي اساسها الحب ولو قبل الزواج للشب وللبنت لأن ما بعتقد انه ورقة الزواج الها قيمة كبيرة بوجود المشاعر والحب..وبالنهاية نحنا بشر والمشاعر بتغلبنا..

المشكلة انه المجتمع العربي بيعطي قيمة كبيرة لهاي الورقة والعادات والتقاليد ونظرة المجتمع بتخلي الموضوع صعب وخاصة للفتاة...يعني مافي مشكلة عند الاهل انه البنت تعرف مليون شب وتساوي شو ما بدها بس بشرط انها تحافظ على عذريتها وهاد برأيي الشخصي خطأ كبير بالعكس البنت الي بتفقد عذريتها في علاقة حب هية اشرف من البنت الي بتحافظ على هاي العذرية مقابل التسلية مع هاد وهداك او انها تفقد عذريتها 100 مرة بدون حب ولمكاسب اخرى وبكل بساطة بعملية بسيطة ترجعها وتضل شريفة بعين الناس بس تحتقر نفسها داخليا...

بعتقد هاد السبب خلى الكبت كبير عند الشباب وخلاهم يتوجهو لطرق غير سليمة لاشباع رغباتهم وحاجاتهم الجنسية ...حتى الاب او الام الهم دور كبير والمفروض بعمر معين يصير فيه نقاش مع اولادهم بهاي المواضيع بس للاسف بالوقت الحاليي كلمة الجنس ممنوع ذكرها في مجتمعنا مع انها حتى بالدين مو حرام النقاش فيها ما دام الهدف هوة نشر الوعي عند الاولاد...

اما لو المجتمع بتقبل فقد الشب والفتاة لعذريتهم بدافع الحب وقتها راح يقل الكبت عند الشباب وحتى الامراض الجنسية بتقل...

لي عودة

[BL@CK]

كاتب النص الأصلي : meme2010

أخى الفاضل كنت أتحدث على أن الأخ محمد كان يكتب بمواضيع هامة وجميلة فكيف ينفصل
عنها بكتابة موضوع يحث على الفشل والأنحراف .

الفشل و الانحراف بمفهومك الشخصي .. لا تعممي مفاهيمك الشخصية علينا كلنا ..

كاتب النص الأصلي : fofo besset syria

بالعكس البنت الي بتفقد عذريتها في علاقة حب هية اشرف من البنت الي بتحافظ على هاي العذرية مقابل التسلية مع هاد وهداك او انها تفقد عذريتها 100 مرة بدون حب ولمكاسب اخرى وبكل بساطة بعملية بسيطة ترجعها وتضل شريفة بعين الناس بس تحتقر نفسها داخليا.

كلام سليم 100 %

[محمد ابراهيم]

كاتب النص الأصلي : fofo besset syria

اما لو المجتمع بتقبل فقد الشب والفتاة لعذريتهم بدافع الحب وقتها راح يقل الكبت عند الشباب وحتى الامراض الجنسية بتقل...

وليش ما نحل مشكلة الكبت في اطار سليم
وعندنا اليات للحل في صالح بنائية المجتمع متل الزواج يعني ممارسة الجنس في اطار الزواج

[fofo besset syria]

انا معك هاد الحل سليم ومناسب كتير بس مو كل شب قادر حاليا انه يتحمل مسؤولية بيت و مصاريف الزواج فنحنا لما بدنا نحل مشكلة ما بدنا نوقع بمشكلة اكبر و نزيد العبء عالدولة وعالعائلة بأنه يصير الشاب ومرته واولاده عالة على اهله او على المجتمع...لمجرد انه بدو يتزوج!

وكمان ما بنقدر نكبت الشب ونمنعه من حقه بالحب او حتى الجنس ما دام هوة متحمل مسؤولية وعواقب الموضوع...

والمسؤولية هلأ انه يتم انشاء جيل ناضج وقادر على تحمل مسؤولية اعماله وعدم التصرف بطيش

انا ما عم شجع عالجنس قبل الزواج...اكيد وشي مفروغ منه انه بالزواج بكون افضل واضمن لجميع الاطراف بس كمان مانها مشكلة كبيرة لأنه بالاخير نحنا بشر وكتلة من المشاعر والاحاسيس.(بغض النظر عن الدين لأنه نحنا هون عن نتناقش مو من رأي ديني)

[meme2010]

كاتب النص الأصلي : محمد ابراهيم

وليش ما نحل مشكلة الكبت في اطار سليم
وعندنا اليات للحل في صالح بنائية المجتمع متل الزواج يعني ممارسة الجنس في اطار الزواج

أخى الفاضل أنا لا أقصد سبك أو الخروج عن الموضوع بس وين أخبار زمان حبيت أذكرك فقط أخى الفاضل

[محمد ابراهيم]

كاتب النص الأصلي : fofo besset syria

انا معك هاد الحل سليم ومناسب كتير بس مو كل شب قادر حاليا انه يتحمل مسؤولية بيت و مصاريف الزواج فنحنا لما بدنا نحل مشكلة ما بدنا نوقع بمشكلة اكبر و نزيد العبء عالدولة وعالعائلة بأنه يصير الشاب ومرته واولاده عالة على اهله او على المجتمع...لمجرد انه بدو يتزوج!

فعلا كلامك منطقي مو كل شاب قادر يتزوج ومعك للاخر
بس مش كل شاب كمان بدو يتزوج الاضافه الى ان في شباب كتير ما بدها تمارس الجنس خارج اطار الزواج
بتبقى النسبه قليله بالنهايه بعد الاستبعاد

وكمان ما بنقدر نكبت الشب ونمنعه من حقه بالحب او حتى الجنس ما دام هوة متحمل مسؤولية وعواقب الموضوع...

حقه في الحب مافي حد يقدر يمنعو هاي مشاعر مافي حد يقدر يمنعها اصلا .

اما عن الجنس عنا مشكلات الغرب واضحه النا
في امريكا عدد الاولاد من العلاقات الجنسيه لغير المتزوجين يقدر بمئات الالاف ونسبه كبيره منهم تربى في الملاجئ ودور الرعايه (واوقات كتير ما بيعرفو ابوهم )
المجتمع اللي فيه هالمشكله مجتمع متوتر رح احكيلك عن تجربه فيها دفئ العلاقات الاسريه فيما بعد
مشان اعطيكيفكره هلا هي تجربه عن البط وعلاقته بامه يعني سلسلة تجارب علميه معموله على مجموعات البط ز بس خليها لبعدين مشان الرد رح يصير كبير جدا

(بغض النظر عن الدين لأنه نحنا هون عن نتناقش مو من رأي ديني)

بعرف انو مافي هون علماء دين ومشايخ او رجال كنيسه

[مايا *]

زكرتني بموضوع بيشبه موضوعك .. شط مدري كم و عشرين صفحة ..
و متلون إنحزفوا .. و بالآخر تسكر الموضوع و طلعت العالم عم تقتل بعض ..

بس أنو حبيت قول / أنا / مرت من هنا
و خلينا هلى متابعة بس ..

[moon]

اول شي بدي رد عليك وعن حكيك انو في كتير اولاد باميركا بدور الرعاية اول شي هاد من وجهة نظرك بس مالها الحقيقة .هدون الاولاد اهلهم عل الاغلب بيحطوهن للتبني لانو بيعطو المراة خيار احسن من الاجهاض وقتل الجنين وكمان في كتير عاءلات متزوجين وبيتم الحمل وبيحطو البيبي للتبني بتعرف ليش لانو بني ادم كتير غالي والو قيمة.بس روح شوف الاجهاض عندنا قال مابيصير فيو روح لبعد3 شهور.بعد هيك اي احسن نقتل روح انسان منشان الشرف وحكي العالم او انوتجرب تلاقي عيلة تربي وتعطيه حب وحنان. يعني انا على طول بقرا المواضيع هون واخر الشي بتلفو وبدورو وبتقارنو بلادنا بالغرب يعني بتسدقو شو بيكتبولكم بهل الاخبار.صحيح العالم هون عندها هل الحرية بس اول شي بيكونو مع بعض بدون زواج بس على90 بالميةبيتزوجو بعدين ومو هون المهم المهم انو بيضلو مخلصين لبعضون وصدقوني لو ما انو عادة منيحة ما كانت بتستمر .

[مايا *]

كاتب النص الأصلي : moon

اول شي بدي رد عليك وعن حكيك انو في كتير اولاد باميركا بدور الرعاية اول شي هاد من وجهة نظرك بس مالها الحقيقة .هدون الاولاد اهلهم عل الاغلب بيحطوهن للتبني لانو بيعطو المراة خيار احسن من الاجهاض وقتل الجنين وكمان في كتير عاءلات متزوجين وبيتم الحمل وبيحطو البيبي للتبني بتعرف ليش لانو بني ادم كتير غالي والو قيمة.بس روح شوف الاجهاض عندنا قال مابيصير فيو روح لبعد3 شهور.بعد هيك اي احسن نقتل روح انسان منشان الشرف وحكي العالم او انوتجرب تلاقي عيلة تربي وتعطيه حب وحنان. يعني انا على طول بقرا المواضيع هون واخر الشي بتلفو وبدورو وبتقارنو بلادنا بالغرب يعني بتسدقو شو بيكتبولكم بهل الاخبار.صحيح العالم هون عندها هل الحرية بس اول شي بيكونو مع بعض بدون زواج بس على90 بالميةبيتزوجو بعدين ومو هون المهم المهم انو بيضلو مخلصين لبعضون وصدقوني لو ما انو عادة منيحة ما كانت بتستمر .

لك يا عيني عليك ..
بس أنو أنا / مازلت متابعة ..

[fofo besset syria]

كاتب النص الأصلي : محمد ابراهيم

فعلا كلامك منطقي مو كل شاب قادر يتزوج ومعك للاخر
بس مش كل شاب كمان بدو يتزوج الاضافه الى ان في شباب كتير ما بدها تمارس الجنس خارج اطار الزواج
بتبقى النسبه قليله بالنهايه بعد الاستبعاد


اي لنفترض هون انه نحنا عم نحكي عن هالنسبة القليلة

مابيمنع انها قليلة من انه نحكي عنها...

الجنس حاجة فطرية كل انسان عندو جانب جنسي محتاج للاشباع وخصوصا الشباب بقا ما فيك تنكر هلشي سواء بوجود الزواج او عدمو...

متل ما قلت قبل ازا الشب قادر على مسؤوليات الزواج كتير منيح بس كمان انا وبرجع بكرر برأيي الشخصي مو ضد العلاقة قبل الزواج بوجود الوعي عند الشاب والبنت


حقه في الحب مافي حد يقدر يمنعو هاي مشاعر مافي حد يقدر يمنعها اصلا .
اما عن الجنس عنا مشكلات الغرب واضحه النا
في امريكا عدد الاولاد من العلاقات الجنسيه لغير المتزوجين يقدر بمئات الالاف ونسبه كبيره منهم تربى في الملاجئ ودور الرعايه (واوقات كتير ما بيعرفو ابوهم )
المجتمع اللي فيه هالمشكله مجتمع متوتر رح احكيلك عن تجربه فيها دفئ العلاقات الاسريه فيما بعد
مشان اعطيكيفكره هلا هي تجربه عن البط وعلاقته بامه يعني سلسلة تجارب علميه معموله على مجموعات البط ز بس خليها لبعدين مشان الرد رح يصير كبير جدا

بنطر التجربة لحتى علق عالموضوع

بس مبدأيا:
لعلمك البلاد العربية فيها نسة كبيرة من الاطفال اللقطاء والي ما معروفلن اب او ام و هاد مو ذنبهم...هاد بسبب قلة الوعي و الخوف من العار او القتل بدافع الشرف فبتنجبر الام تتخلى عن طفلها وحتى ما بتسلمو لدور الرعاية بالعكس بتلحشو بأي مكان خوفا من العار ونظرة المجتمع الها!!

حتى الطفل لما يكبر بتكون نظرة المجتمع الو ناقصة مع انه ما الو ذنب.

المفروض يكون فيه توعية اكبر بهالموضوع عنا..الطفل روح ما الها ذنب بأنه امه عاشت بمجتمع رافض للعلاقة قبل الزواج!!!

عالقليلة ببلاد برا الولد بياخد كل حقوقه كأي انسان عادي وبعيش بأسرة ما بتعايره لأنه لقيط !!

بتأسف ازا خرجنا عن الموضوع الاساسي شوي بس هاي المواضيع مرتبطة مع بعض و ما فينا نفصلهم

[سدير المعاني]

كاتب النص الأصلي : silin

انا ضد عذرية الشب هههههه
شو هلقصة هيدي اصلا قليييييل ما نشوف شب ما مارس قبل الزواج
هيك يكون شبعان اخينا
احسن ما يكون بعدو ما مجرب شي ويصير متل اغلبية الشباب يروح من اول سنة زواج يدور على بنات

تفو

عداءا للتشجيع على الفاحشة و استنهاضا للقيم النبيلة الاخلاقية, اسمحي لي ان اختلف معك في الرأي,, شخصيا لدي زملاء كثيرين و لم اسمع منهم ان جميعهم او اغلبهم قام بفقدها,, و انوه انه كل شخص يتكلم حسب محيطه.. يعني لو سألنا كريمة اخلاق, ببيلة نفس. سيدة رأي, جميلة روح, لقالت , انه قل ما رأت من الذين فقدوا عذريتهم و معظم مجتمعها هي. و لاحظي هنا كلمة (( هي )), لم يفقد عذريته .. فما رأيك لو سألنا راهبة مثلا؟؟ او سألنا انسانة متعبدة من اعضاء اي دين اخر؟؟؟ التي تمضي وقتها في الصلاة و التعبد؟ رأي ......... الامة ليس حقيقة الامر....

[أبو الوليد]

كاتب النص الأصلي : محمد ابراهيم

هل مازلت كشاب تحتفظ بعذريتك ؟؟؟

مارأيك بعذرية الشاب قبل الزواج ؟؟؟؟

هل مع ممارسة الشاب للجنس قبل الزواج ؟؟؟؟

اول مرة اسمع ان للشباب غشاء بكارة
ما بعرف بس انا شخصيا ما عندي اي غشاء عذرية وبحلف يامين انو ما حدا عمل لي شي الا بقى لما كنت ضغير وما كنت واعي
اما بالنسبة للنقطة الأخيرة فأنا ضد ممارسة الشاب للجنس قبل الزواج لما فيها من اضرار صحية ونفسية ودينية

وشكرا حبايبي

[محمد ابراهيم]

كاتب النص الأصلي : أبو الوليد

اول مرة اسمع ان للشباب غشاء بكارة
ما بعرف بس انا شخصيا ما عندي اي غشاء عذرية وبحلف يامين انو ما حدا عمل لي شي الا بقى لما كنت ضغير وما كنت واعي
اما بالنسبة للنقطة الأخيرة فأنا ضد ممارسة الشاب للجنس قبل الزواج لما فيها من اضرار صحية ونفسية ودينية

وشكرا حبايبي

يا ابا الوليد يا اخي ويا عزيزي
ان شاء الله يجمعنا الله بالجزائر قل امين
بس دبر كل ما احتاجه لديك
المهم


لم اقصد غشاء بكاره او عذريه لدى الشباب ,رحمك الله يا اخي لقد تأولت فأسأت التأويل .

وانا اقول لك نقصد بعذرية الشاب ممارسة الجنس .
مشكور يا شيخنا على المشاركه وضعها الله في ميزان حسناتك اللهم امين .

[karim94]

ممممممممم.........صراحة لفت نظري بعض الردود لبعض الصبايا , وإكتشفت وأصبت بالإندهاش التام و بالخنفشارية.....وإنشل لساني وكل جسمي وأنا عم بقرا هالردود....حقيقة رهيبة....يمو أديش هالصبايا متحررات وأديش مثقفات, وواعيات ,ومو متأثرين بها الأفكار المتخلفة متل الدين والأخلاق, يعني و فوق هيك ما عندهم عقدة وما بيحسو بنقص أمام الرجل, يعني الصبية من هدول ماشاء الله ,لازم تنحني أمامها لحتى تعبرك بكلمة, ويا عيني على ثقافتن العالية, طبعاً متخرجين من أحسن الجامعات الأوروبية والأمريكية والعربية.....وفي إللي معن جنسية كمان,جنسية شو ما بعرف.....يعني باختصار ما فيني إلا أنو أنحني إجلالا وإعظاما لهيك ثقافة ولهيك تحرر....يا عمي إحنا فين وإنتو فين, إمتا رح نوصل لهيك مستوى, لازمنا قرون من التحضر.....فعلاً غيرتم نظرتي للحياة.....
ودمتم ملاذا وذخرا للحرية و التحرر.....

عذراً أخ محمد إذا خرجت شوي عن سياق الموضوع, بس صراحة ما قدرت أقاوم هالرغبة في التعبير عن إعجابي وإحترامي الشديد لها الصبايا إللي رح يقودو مسيرة التحرر والثورة ضد الفكر الرجعي والمتخلف....في كمان شباب ماشاء الله بيفكرو متلهن و هذا شي أكيد يدخل السرور إلى قلوبنا.....سيرو بنا إلى الأمام ونحن من وراءكم......

[ليندا]

بضل وجهة نظرك شخصيه بس ماتنسى انت جزء من المجتمع والمجتمع جزء منك صعب انك تقول ينمحق هيك مجتمع وستين عمرو ماصار ...وبالمشرمحي مافيك تستغنى عنه او انك تعيش منفرد بافكار ك لأنك رح تعاني وتعاني كتير كتيرررررررر ومتل مانت الك حقوق كمان عليك واجبات ماتنسى بلاك انو نحنا بمجتمع الو طابع خاص بميزو عن الغرب هالطابع نحنا مابنشوف حلاوتو رغم انو صار هلاء مليان ثغرات وفجوات من كل جانب وشوي شوي عم يفقد هويتو بنطلعلو من جهة بنلاقي شرقي وبنطلعلو من الجهة التانيه بنلاقيه غربي .. ليش لأن الجهود حثيثه لغربنة الشرق ........كأنو خرجنا عن الموضوع ما

مقااااااااااااااااااااااا رنه
اكيد رح يكون في فرق بين الاتنين مافي شك بنووووب
بس معليش عابد لاحظ معي انو كلا الشخصين رح يتعرض لتجربه اولى بس واحد رح يكون قبل الزواج والتاني بعد الزواج وهون نقطة التقاء يعني مارح يكون في فرق .

سواء كانت بطريقه خفيه او معلنه بردوا رح نسميها اباحيه ومارح تتغير التسميه لأن الاباحيه هي مصطلح بيدل على كل عمل منافِ للاخلاق او الفوضى وعدم التقيد السلوكي
وبالمناسبه الاياحيه ليست حكرا على ممارسة الجنس دون ظوابط فقط وانما تطلق على امور عديده مثل النصوص الادبيه تخيل مجرد تصوص مكتوبه سواء كانت شعر او نثر لمجرد انها تعرضت لوصف الطبيعه الجسديه يلي هي جزء من طبيعة الكون تدخل في دائرة الأدب الأباحي ..ولم تتغير التسميه الى اليوم رغم ان هذه النصوص متداوله بكثرة

ومن حشر انف الدين هنا يابلاكو لاحظ انك انت من اتيت على ذكر الدين وليس انا ...(خليك فاكر )لأنو لو حكينا من وجهة النظر الدينيه اساسا مارح يكون في موضوع لأنو بيكون وقتها خالص ,فأنا قلت مشروع ولم اقل شريعه وهناك فرق بين الاثنين كلمة مشروع مشتقه من شرع أي اوضح واظهر اما الشريعه فهي الطريقه والمنهاج وغالبا هي مصطلح يشار به للدين .

مااختلفنا انو الزواج وسيله للجنس واحيانا بكون هدف للبعض بس ماتنسا نحنا بالقرن العشرين يعني الواحد او الوحد ة في يختار شريك حياتو ع اسس تانيه غير ماديه باعتقادي انها هي اساس التفاهم يلي رح يترتب عليه استقرار بعد هيك بس يعني ..هلاء برأيك انو مارح يصير تفاهم بين اتنين بيحبو بعضن او كانو ا خاطبين حتى الا ازا مارسو الجنس من قبل ؟؟

سوري كتير عابد ازا شايف انو هون بيكمن التفاهم فبقلك غلطاااااان كتير

العلاقه بين الاتنين علاقه روحيه بالاصل اما علاقة الجسد فهي علاقه ثانويه

بضل وجهة نظرك شخصية وبضل معارضه الها

ومية مليون