اهمية اسمك وكيف ممكن يأثر .... ,,,

[W.E.G.A]

لو تقدمت اليك مربيتان؛ الأولى تدعى خديجة والثانية نانسي؛ فمن ستختار لأطفالك؟
في الغالب.. خديجة

ولكن ماذا لو كنت تملك شركة عابرة للقارات تتمركز في سنغافورة أو نيويورك واحتجت الى موظفة استقبال!؟
في حال تساوي المؤهلات ستفضل غالبا.. نانسي

*******

هذا لوحده يثبت أن أسماءنا -لا تؤثر فقط على نظرتنا لأنفسنا- بل وعلى مواقعنا ونظرة الآخرين إلينا..
وأذكر أن مجلة علم النفس الامريكية اجرت استطلاعا عن الاسماء التي تتناسب اكثر مع وظائف محددة فوجدت ان الناس يثقون بميكانيكي يدعى برونو اكثر من اخر يدعى تومي وان ممرضة تحمل اسم ايمي افضل من اخرى تدعى باتي.... وكل هذا يؤكد المقولة العربية القديمة: لكل امرئ من اسمه نصيب.. كون أسمائنا لا تؤثر فقط في شخصياتنا بل وعلى نظرة الآخرين إلينا
الأسوأ من هذا حين تلعب دورا في رفع أو خفض مستوى مصداقيتنا في مواقع ووظائف معينة.. مثل تأثيرها على خديجة ونانسي ..
*******
بطبيعة الحال اسم الشخص مجرد مظهر من مظاهر خارجية كثيرة قد تؤثر على نظرة الناس إلينا وتمنحهم تصورا مسبقا عنا.. ورغم أنني أتحدث من وجهة نظر عملية محايدة.. ولا يتضمن حديثي أي مغزى عرقي أو عنصري.. ولكن تصور نفسك مسؤولا عن اختيار الموظفين في إحدى الشركات فهل
توظف سكرتيرا بدينا جدا او قزما جدا!!؟

هل تعين شخصا يدعى حميران في مكتب الاستقبال!!؟

هل تعيّن أبرص او قبيحا كمندوب للمبيعات!!؟

هل توظف امرأة بدينة أو كبيرة السن كمضيفة طيران!!؟

هذه المظاهر أصبح تأثيرها حقيقيا وثابتا.. وإن كان يغلف بقدر كبير من المجاملة.. في تحديد مواقعنا الوظيفية..
فصحيفة الديلي تلغراف مثلا نشرت في نوفمبر الماضي احصائية تثبت ان طوال القامة ينالون رواتب اعلى من غيرهم بنسبة 10% وان الوسيمين يكسبون دخلا اعلى بنسبة 15% وان النساء الجميلات يكسبن دخلا اعلى من العاديات بنسبة 11% ومن القبيحات بنسبة 23في المائة

*******
وقبل ذلك اثبتت ملاحظات دائرة العمل الأوروبية أن اصحاب الوجوه الجميلة والقوام الممشوق يحظون بوظائف افضل ويترقون بشكل اسرع.. كما اتضح ان الفتيات الجميلات الرفيعات يتواجدن بنسبة اكبر في المكاتب الحساسة ويترقين بسرعة
أما بالنسبة للسُمنة فقد اتضح انها غير مؤثرة بالنسبة للرجال -طالما ظلت في حدود المعقول- في حين قد تحد من صعود المرأة الوظيفي كونها توحي بالاهمال وقلة الذوق
كلمة في أذن: قد يصعب عليك تغيير الهيئة أو الملامح التي ولدت بها؛ ولكن في حال حمل أحدنا اسما غير مناسب.. فالخيار ما يزال بين ايدينا

[W.E.G.A]

في تصويت بس مافي ردود

يالله احسن من بلا

[Romance Queen]

ana brayeee shakhseyet el insan heye elly btefredo msh esmo bs momken marat asma2 mo3ayane t2ather. mathalan: asma2 nas mashaheer aw asma2 ashkhas maroo b 7aytna w hek ya3ny

w hay rd

[Marooshe]

انا صوتت لا
لانو ما بذكر انو مرة اسمي هوي يلي اعطى الانطباع عني
الانطباع بينعطى بالتصرفات بالحكي وبلغة الجسد ولغة الوجة مش بالاسم

بالنسبة للشكل الخارجي اكيد بعطي انطباع اولي وبيلعب دور كبير في بعض الوظائف
بس كمان الاكيد انو ما بيحدد (غالبا) سمات وصفات الانسان
اما بالنسبة للاسماء
فأنا بشوف انو يمكن التفضيل بيكون بس للوهلة الاولى لصدى الاسماء
بس اكيد بيصير الشي مسخرة ازا بدنا نختار اي انسان لاي وظيفة او اي دور بحسب اسمو ورنة اسمو وازا كان ع الموضة او لا!!!
هيك نحنا منكون عم نعمل اطر معينة وعم نحط الناس فيهن بحسب اسمائهن بس
يعني بالاطار الول منحط خديجة واخواتها
وبالاطار التاني منحط نانسي وصاحباتها الكووول
ومنصير كل ما بدنا شي ننقي من هلعلبة الاسم يلي بيناسبنا
معقولة يعني؟؟؟!!!
يعني ازا حدا بدو يجيب لبنتو مربية اسمها نانسي بتكون خليعة مثلا؟؟؟
وازا كان اسمها خديجة بتكون تقية؟؟؟
وازا حدا بدو يعين سكرتيرة مثلا لازم يكون اسمها هيفا ؟
هيك بتجذب زبائن يعني
وازا كان اسمها فاطمة ما بتعود تسوى؟؟؟!!!

[bki]

بس انا باعتبر المشكلة مو بالغير وكيفية تعاطيهن مع اسماءنا. المشكلة بالشخص ودرجة تقبلو وتأقلمو مع اسمو.
كل واحد اكيد بمرحلة من عمرو وقف وطلع ع اسمو اذا هو مكتفي فيه ولا بدو اسم أخر بيتمناه اكثر.
اذا كنت واثق من اسمك فراح تجبر الغير يثق فيه وبيربط تقييمك بفعلك اللي هو من نتاجك وجهدك مو من نتاج والديك أو نزواتن أما اذا كنت انت نفسك مو متأقلم مع اسمك فبالله عليك كيف بدك الغير يتأقلم معك ويفضلك بالتعامل.


نصيحة للجميع..... اعتز بكل شي انت تملكه ودوماً اسعى للأفضل. بس بالاول اعتز باللي عندك. وشوف النجاح كيف راح يدق بابك اليوم او بكرة


..................بس مو تنطرو من هلا ع الباب................................

[sona78]

انا صوتت لا لانو ما دائما بتصير .. بس كان ممكن انو احيانا تصير !!!!!! لهيك كنت بفضل لسا خيار .. صراحة اسم الانسان برايي الو دور اولي وفيما بعد بيصير هامشي لتكوين فكرة عن شخص ما وما دائما هالانطباع بكون صحيح ......

اما من ناحية الشكل رح اعطي مثال انقال بمحاضرة عن ادراة الافراد بالشؤكات
كان الكلام انو اجمالا عند النساء بفضل توظيف الجملية كموظفة علاقات او بالاستقبال......... وبس في حرص ع انو المديرات يكونو غير جميلات من شان التاثير على سير العمل واخد هيبة الوظيفة!!!!!!!!!!!!!!!!

[Ms. J.A]

صوتت لعم
لأنو مثلا لو انا مديرة مكتب زي ما انت حكيت رح اعين سوسن مش خضرة..
وبالعادة لما بينحكى اسم حدا قدامي بتخيلو شكل يجي مع اسمو !
فالاسم بيأثر عليي وأتخيل ع غيري كمان

[sandra]

اي الاسم بياثر باللقاء الأول بس
بعدين بعد اللقاء والتعرف في اعتبارات تانية بتدخل وبيصير الاسم أمر ثانوي

[THE_unforgiven]

كاتب النص الأصلي : sandra

اي الاسم بياثر باللقاء الأول بس
بعدين بعد اللقاء والتعرف في اعتبارات تانية بتدخل وبيصير الاسم أمر ثانوي

طبعا .. هالحكي بس بعالم النت الإفتراضي .. لأن بالبداية ممكن يشكل الإسم مشكلة في تصور هيئة الآخر ..
ولكن لما منشوف الشخص ومنحكي معو .. رح تتتغير نظرتنا لإسمو .. ولشخصيتو ..
وهيدا الشي بيظهر .. لما منعرف أكتر من شخص بنفس الإسم .. ومنلاحظ انو كل واحد بيعطيه الإسم شخصية بتختلف عن التاني .. وما دخل الإسم بتكوين الشخصية .. مبدئيا .. مع التحيات

[lucky]

اي الاسم برضه إله حضوره
بس اجابة على سؤالك ما بعرف ازا الناس بتغير نظرتها إلي ..بس متأكد في مجال واحد
انو اسمي بالعكس بأثر ايجابا في كل المجالات ماعدا لمن اتعرف على شي حدن و نحكي و ناخد على بعض كثير
بس لمن بئلو اسمي بصير يسأل أسئله دينيه و بتتغير معاملته لي...
ف هيدي النقطة الوحيده وين بأثر سلبا عليي
أو انو بالعكس بكشفلي جانب خفي من الشخص المئابيلي

[achelious]

حلو الموضوع..بس بحياتو ماشكللي أزمة..لهيك ماصوتت

[Marooshe]

كاتب النص الأصلي : achelious

حلو الموضوع..بس بحياتو ماشكللي أزمة..لهيك ماصوتت

معناها كان المفروض تصوت لاء ما دخل

[x52]

اكيد لأ

يا سيدي بالنسبة للمثال اللي حطيته

هون يمكن الشكل اللي بدو يأثر(( مو نانسي ولا خديجة))

[وشم الجمال]

انا حسب اعتقادي انو بكل المطارح الاسم مالو دخل يعني لماا الواحد يعمل مقابلة فينا نقرر انو مناسب والا لأ وطبعا مو الاسم يللي بقرر انما شخصية الشخص واسلوبو والراحة يللي ممكن يدخلها لقلب يللي قدامو+الواسطةبس يعني الاسم باعتقادي مالو اي دخل ومو منطق انو يكون الحكم
وبالنسبة الي اكيد ما عمرو صار وبالعكس اسمي بكل الاماكن بيزبط سواء مربية والا مضيفة طيران

[x52]

كاتب النص الأصلي : وشم الجمال

انا حسب اعتقادي انو بكل المطارح الاسم مالو دخل يعني لماا الواحد يعمل مقابلة فينا نقرر انو مناسب والا لأ وطبعا مو الاسم يللي بقرر انما شخصية الشخص واسلوبو والراحة يللي ممكن يدخلها لقلب يللي قدامو+الواسطةبس يعني الاسم باعتقادي مالو اي دخل ومو منطق انو يكون الحكم
وبالنسبة الي اكيد ما عمرو صار وبالعكس اسمي بكل الاماكن بيزبط سواء مربية والا مضيفة طيران

يا الله ما احلى التواضع

بس شغلة الواسطة معك حق فيها