هل ستكون زيونا لمطاعم كنتاكي في سورية ؟؟

[Farou7aa]

تفاجأت لما أحد الأصدقاء أخبرني عن افتتاح مطعم كنتاكي في سورية!!
((طبعا أغلب الشباب شافت المطعم المفتتح حديثا ((مارح قول وين مشان الدعاية))
بس خلونا نحكي بالواقع يعني مابدنا عواطف.... و انا أول واحد بقول انو باكل
هالأكلات بس كون مسافرة.....بس مارحت للمطعم المذكور بسورية.يلي راح يذكر هالشي
السوريون يعارضون السياسة الامريكية وليس الطعام الامريكي

هناك ممسحة للاقدام على شكل العلم الامريكي
يمكن وضعها أمام أحد المكاتب كما أن التجار
المجاورين يعلنون "نحن نقاطع البضائع الامريكية"
ولكن بعض السوريين لا يمكنهم فيما يبدو الابتعاد
عن الوجبات السريعة الامريكية في مطعم كيه.اف.سي.
قال طارق مشنوق وهو مصمم أزياء يبلغ من العمر 26 عاما "
أنا أعارض السياسة الامريكية معارضة تامة ولكن ما علاقة الطعام بها.
السياسة شيء والاكل شيء مختلف تماما."

فتحت كيه.اف.سي أول مطعم في دمشق هذا الشهر ليصبح
أول مطعم يحصل على امتياز استغلال علامة تجارية أمريكية
خالصة للعمل في سوريا. والمطعم تابع لشركة أمريكانا
الكويتية التي تمتلك وتدير كيه.اف.سي وسلاسل أخرى
مثل بيتزا هت وتي.جي.اي فرايدايز في كل الشرق الاوسط.

وتحاول سوريا اصلاح اقتصادها الاشتراكي من خلال السماح
للمشاريع الخاصة بالعمل على أراضيها ولكن البعض يقول
ان التوقيت غير ملائم لفتح مطعم كيه.اف.سي. فقد تعرضت
مطاعم مماثلة لهجمات في العالم وفي اماكن أخرى
باعتبارها رموزا للولايات المتحدة.

قال طارق فرزات (25 عاما) "بصراحة اندهشنا عندما
فتحوا مطعما أمريكيا في ظل هذا الوضع (السياسي) الحالي"
مضيفا أنه يحب شطيرة "تشيكن بيرجر كومبو" وحتما سيعود
لكيه.اف.سي مع صديقه.

كما رحب رجل أعمال بفتح هذا المطعم.

قال فراس صافي صاحب سلسلة مطاعم شريمبي ومقرها الكويت "
ولاننسى فرعها في المزة فيلات بدمشق
امتياز استغلال الاسم التجاري للاكلات السريعة امر مستحدث
في سوريا وفتح كيه.اف.سي شيء طيب."

وتدهورت العلاقات السياسية بين سوريا والولايات المتحدة
منذ معارضتها لغزو العراق عام 2003. وتتهم واشنطن سوريا
منذ ذلك الحين بالسماح للمقاتلين بعبور الحدود مع العراق
لمهاجمة القوات الامريكية هناك.

كذلك تمر سوريا بأزمة سياسية مع المجتمع الدولي بسبب دورها
المزعوم في حادث اغتيال رئيس الوزراء اللبناني السابق
رفيق الحريري في 14 فبراير شباط 2005 ومعه 22 اخرين في
انفجار شاحنة ملغومة ببيروت.

واستدعت الولايات المتحدة سفيرها احتجاجا بعد أيام من
الحادث ودفعت الضغوط الدولية سوريا للانسحاب من لبنان
في ابريل نيسان بعد وجود عسكري دام 29 عاما.

وأشارت تقارير مبدئية لتحقيق أجرته الامم المتحدة الى
تورط مسؤولين سوريين وحلفائهم من اللبنانيين في هذه
الجريمة بالرغم من نفي سوريا مسؤوليتها مرارا.

وهدد مجلس الامن التابع للامم المتحدة باتخاذ اجراء
لم يحدده ضد سوريا ما لم تتعاون مع التحقيق الجاري.
وكررت الولايات المتحدة نفس التهديد في الاسبوع الماضي
مما أشعل مجددا المشاعر المناهضة لواشنطن.

قال الطالب زكريا طيان (26 عاما) "لن أذهب (لمطعم كيه.اف.سي)
لانه يحمل اسما تجاريا امريكيا والتجارة لها دخل بالسياسة."

ولكن اخرين سعداء فيما يبدو بوجود كيه.اف.سي ويثقون
في الاسماء التجارية الامريكية.

قالت امرأة محجبة (45 عاما) "طعمه طيب وسنعود لا شك لنأكل
هنا عندما نرغب في أكل الدجاج."

بالاضافة الى ذلك قال فرزات انه مع وجود مخاوف من انفلونزا
الطيور في البلاد ما من شك أن كنتاكي "يفحص الدجاج قبل طهيه
...أنا عندي ثقة بدجاج كيه.اف.سي أكثر من أي محل فروج اخر."

تقول منظمة الصحة العالمية ان سوريا من بين الدول التي يمكن
ان تظهر فيها انفلونزا الطيور بعد أن تسبب المرض في وفاة
أربعة أطفال في تركيا المجاورة.

وقال ممثل لشركة أمريكانا يشرف على فتح المطعم ان سلاسل
أخرى ستفتح قريبا في البلاد ورفض الاسهاب. ولكن مع تنحية
السياسة جانبا قد لا يكون كيه.اف.سي مناسبا لكل قطاعات
المجتمع في بلد ينخفض فيه دخل الفرد.

يبلغ متوسط دخل موظف حكومي تلقى تعليما جامعيا نحو
مئة دولار وهو ثمن خمس وجبات من "بارجين كومبو" وهي عبارة
عن علبة مملوء بخمس عشرة قطعة دجاج كنتاكي وكمية كبيرة
من البطاطا (البطاطس) المحمرة وسلاطة كولسلو وخمس شطائر ولتر بيبسي.

قال فرزات "انه غالي الثمن" وهو يعيش في الحي الراقي الذي فتح فيه مطعم
كنتاكي. وقال "دخلت كنتاكي في دبي وبيروت ولكن هذا أغلى كثيرا مقارنة
بالمعايش (الدخل") في سوريا.

[Farou7aa]

بصراحة أناصارلي 14سنة مغتربة عن الشام ,طبعآ أنا مولعة بهذه المطاعم ولكن أنا مرة كنت في لندن بزيارة عمل وأستوقفتني عبارة مكتوبة ولن أقولها لكي لاأكون مروج لدولة معادية لاسمح الله
ولكن أحب أن أقول لكم بأن البيتزا هت,الهارديز,الكنتاكي,الماك� �ونالد,البيبسي,الكوكاكولا
وغيرهم,كلها شركات أصحابها أمريكيون يهود ومن لن يصدق فليسأل وهم أي أصحاب هذه
الشركات سياستهم ليست حرب قتل وتدمير ولكن هي حرب بزنس
وليكن في معلومكم بأنه يوجد يوم من أيام الأسبوع تخصص أرباح هذه الشركات لصالح
أسرائيل
مساكين والله العرب
صدقوني البروستد أطيب مليون مرة من الكنتاكي,يكفي أنه فريش

[yass]

أنا شخصيا مقاطع للبضائع الأمريكية منذ فترة طويلة جدا , و هذه قناعة شخصية اذ أنني لا أجبر أحدا على شيء و أحترم موقف الآخرين .
لكن مع ذلك أنا مع فتح مشاريع أمريكية في سوريا , رغم أنني لن أتعامل معها , الا أنني أعتقد أنها يجب أن تفتح لسببين :
1- يمكن أن توفر فرص عمل مهمة جدا , و سوريا بحاجة لهذا الأمر.
2- قرار المقاطعة يجب أن يكون قرارا شخصيا بحتا , و ليس أمر صادر عن الدولة ...يعني بالمشرمحي كل واحد يصطفل هو و ضميرو...

اريد أن أذكر مثالا..ماذا نستفيد من منع الكوكاكولا اذا كان الكثيرون يأتون بها من لبنان و الأردن بالتهريب؟؟ يجب أن يسمحوا بها , على الأقل ينتفع الباعة السوريون , و الشخص المقتنع بضرورة المقاطعة لن يغريه رؤيتها و لن يشتريها...و الذي لا يريد المقاطعة فهو حر...لا أحد وصي على أحد.

[yass]

كلها شركات أصحابها أمريكيون يهود

للمرة المليون....يا جماعة في فرق كبير بين اليهودي و الصهيوني...
مو كل اليهود صهاينة
ولا كل المسيحيين نازية
ولا كل المسلمين طالبانيين

[rawad]

طيب ست فروحة
هيك هه هدا الحكي
وبعدين لا تاخد صاحب غير بعد خنائة....
موضوع مقاطعة البضاعة الاميركي أنا برأيي مو مضبوط هذا الحكي لأنو لما عم تقاطع البضائعة الأميركي مو عم نقاطع الكنتاكي والماكدونالدز والببسي........ وبس معنتها عم نقاطع اي شي اسمو تطور.. بعدين النت اللي نحنا عليه هلأ أميركي..
المشكلي مو فيهون المشكلي فينا.. نحن الضعفاء
بعدين مرة تاني كتبي تحت الموضوع منقول هيك العادي هون
تحياتي

[Farou7aa]

بعدين مرة تاني كتبي تحت الموضوع منقول هيك العادي هون
تحياتي

الموضوع مو منقول
الموضوع معمول بمساعدة احد الاصدقاء بدمشق
بعدين ليش لقول انو مو منقول على اساس
كتبت شي جديد
عنجد انتو غريبيين

[adel]

موضوع مهم جدا والنقاش فيه بنّاء
وغلطك أنك نشرتي موضوعك الأول قبله
يعني موكل الأعضاء بيردوا على كل المواضيع
وفي أشخاص بينتقوا الموضوع المفيد والهام ليردوا عليه
بس للأسف مواضيع المشاكل بتلاقي صدى كبير وتجذب الأعضاء وتلفت الانتباه
وأنتي يمكن هاد كان هدفك

[Mark101]

لاء مارح كون زبون ... و هاد ما لاو علاقة بالقومية او اني متعصب بس المفروض نحنا كعرب انو نقاطع المنتجات الاميركية ... لانو مصالح اميركا فيها!!

طبعا ما بلومهم انو فتحوا مطعم او سلسة مطاعم ... ليش برافو عليهن ناس عن تشتغل
مو متلنا تنابل ...

يارين بيوم نقدر نفكر باسلوب المصالح متل ما هن بفكروا!!!!!!

[whiterose]

بالنسبة الي اي رح كون
لأنو لو منتحد لنقاطع كنا قاطعت من زمان
اليوم رحت ولله اكلت كنت بشتهيكم رحت مع وايت سينك
وحكينا عليكم
اخت فرح بحب خبرك انو انا باكل نعم
المقاطعة ليش بسوريا بس وقفت على مطعم وحيد القرن بالشام
الكنتاكي معبي الدينا
بس يقرروا يقاطعوا العالم منقاطع

[محمد ابراهيم]

يجب ان نفهم الهدف من المقاطعه.حتى نستطيع ان نقرر متى سوف نتوقف عن المقاطعه.(عندما يزول سبب المقاطعه)
وانا رايي انو اذا كانت المصلحه العامه مع المقاطعه فلا باس بها اما اذا كانت المقاطعه ضد المصلحه العامه فلا تكون المقاطعه مفيده وتكون مرفوضه.
وبصفه عامه يجب ان نكون اكثر ذكاء .يعني ان لا نقاطع منتجات مهمه وليس لها بديل بالسوق المحلي.
ونقاطع المنتجات التي لها بدائل بالسوق او غير المهمه.
شكرا موضوع جميل.

[mhmary]

هلق ما بعرف انا شفت هادا المحل تبع الشام مرة وفي يمكن محل بحمص فتح جديد بس الفكرة انو هدول ما نون من السلسلة الرئيسية هدول ما بعرف شو بالضبط بس مثلا متل الكوكا كولا عنا بسوريا مقلدة اوشي

هلق شغلة المقاطعة ما في منا فائدة لأنو طالما الدولة (وخصوصا عنا) سمحت بهيك شي يفتح فأذن ما في ضرر والمقاطعة ما رح تفيد غير من الناحية النفسية

[layla]

والله اذا نفسو الكنتاكي اللي هون انا رح آكل لانو طيب كنتاكي كتير
انا من ناحيتي كنت بتمنى اني اقدر قاطع البضائع الاميركية بس متل مانكون شايفين مابيمشي الحال معي بدنا نعيش

[mhmary]

كاتب النص الأصلي : layla

والله اذا نفسو الكنتاكي اللي هون انا رح آكل لانو طيب كنتاكي كتير
انا من ناحيتي كنت بتمنى اني اقدر قاطع البضائع الاميركية بس متل مانكون شايفين مابيمشي الحال معي بدنا نعيش

هههههه لألألألأ أكيد ما متل الي هون كتير بيفرق سأليني انا
بعدين برجع بقلك ما في فائدة من المقاطعة ما رح يوقف اقتصاد اميركا على كام فروج

[me2]

أنا بنصح الشباب والصبايا أنو ما ياكلو عند ك ف سي .. لعدة أسباب :

أولا : مو طيب و ما بتاكل ..

تانيا اسمو كتير بشع

تالتا : الشاورما من عند أبو العبد أو الصديق أطيب.

رابعا : كون الموضوع فيو شك صهيوني , شو بدنا فيه ...

خامسا : غالي بدون مقابل .

سادسا : فينا نعيش بلاه.

[me2]

أما التصويت : فما ظبط معي .. لأنو كل الخيارات هي عبارة عن فقوس .. وبتشبه بعض الاستبيانات الموجه اللي بيعطونا فيها خيارات احلاهم مر .

[Daiski]

انا برأيي انو الواحد شلون مو متعود بيعيش............

اذا احدنا متعود ياكل من عند كنتاكي يمكن مارح يقدر يقاوم

و هكذا

بس كمان الارادة القوية بتلعب دور

الصراحة انا ما جربتو لا هون ولا برا بس هلىء ما شي حالي مع فروج الطير و الزين

[السورية المشتاقة]

يعني انا بدي افهم ..ليش نقاطع البضائع الامريكية؟؟؟

ما بدنا نفصل بين الحكومة الامريكية والشعب بقا ؟؟؟؟؟!!!!!!

الشعب الامريكي الغالبية منه تتعامل بألفة واريحية ...ليش نربطه بحكومته ؟؟؟

انا مو شايفة اي عيب باننا نشتري المنتجات الامريكية ..بعدين جيبولنا منتجات تعادل الجودة تبع بضائع امريكا ساعتها منقاطعها ....

طبعا رح كون من زبائن كنتاكي..وياريت يفتحو بيتزا هت كمان

[me2]

" قاطعو البضائع الوطنية "