سوريتي... ناقصــة !!!

[VivaSyria]

خريطة لم أعتد عليها هكذا... رسمتها مراراً و تكراراً و أنا طفل كاملة غير منقوصة.. لكن وأسفي عى زمن تنازل فيه أبطال الصمود و التصدي عن 4800 كيلومتر مربع من أرضي كنا نسميها اللواء السليب..

رسمت سوريتي كاملةًً.. و لم يخطر لي يوماً أن أراضيها ستوزع هنا و هناك لصالح صفقات الحفاظ على الكرسي ..

رسمت سوريتي كاملةً.. لأنني طفل و الطفل لايعرف معنى الكذب و الخيانة..

رسمتها كاملةً.. شآمها مثل شهبائها.. و حمصها مثل لاذقيتها.. و جزيرتها مثل جنوبها... و جولانها مثل لوائها..

لكنهم باعو لوائها.. و أجروا جولانها..

رفقاً بأحلامي.. رفقاً بطفولتي.. رفقاً بسوريتي.. كــفى

[sandra]

يا ترى رح نرجع نرسمها هيك؟؟

[souriana]

ميناء اسكندرونة كان منفذ حلب عالبحر....... ضيعانو

نو كومينت

[VivaSyria]

كاتب النص الأصلي : sandra

يا ترى رح نرجع نرسمها هيك؟؟

مو لنرجع نرسم يا ساندرا؟؟

[منانا]

صورة سوريا اليوم ادمعت عيناي يمكن شوق ويمكن حزن هل سياتي اليوم الذي ننظر فيه الى سوريا على انها عراق جديد اما انها ستصبح مقطعات مثل اميركة الحديثة ام اننا سنفتش عنها في اطلس العالم لنجد اسمها قد تغير من سوريا الى ؟؟؟؟؟ كما صار بفلسطين واصبح اسمها اسرائيل القدس صار اورشليم احب سوريا هكذا ولااريد ان تزيد او تنقص ولا اريدها الابهذا الاسم

[YaSeR]

بتصدق انو حطيت على جووجل image search
syria map

وللصفحة التامنة لطلعت خريطة سوريا كاملة

طيب ليش الدولة نسيتو .. ليش ما عم تطالب فية ؟
الجولان وما عم نقدر نرجعو ,, خلونا نجرب نرجع اللواء
كمان هي ارض سورية وكمان محتلة .. لاء حتى ومن قبل الجولان

[phoenixbird]

لكنهم باعو لوائها.. و أجروا جولانها..


؟؟؟؟؟؟؟؟؟؟؟؟؟؟؟؟؟؟؟؟؟؟

هل سيعودون؟

[VivaSyria]

كاتب النص الأصلي : YaSeR

طيب ليش الدولة نسيتو .. ليش ما عم تطالب فية ؟

ياحبيب الدولة مو نسيانتو.. متذكرينو و متذكرينو كتير منيح.. بس عطوه لتركيا ضمن صفقة و بزيارة الرئيس الأخيرة لتركيا اتفقوا انو ماعد نجيب سيرتو...

[AbuElmezz]

هوي الخريطة بتوجع إي نعم..
بس يا أخوي..السوريين متل الأتراك والأتراك جيران (وأهل) وما عم يظلموا أهلنا باللواء
السوريين باللواء عايشين بحقوق غير منقوصة.
لا اعتقد اننا بحاجة إلى حروب قد تعيد اللواء ولكن ستجلب الدمار ومزيد من الارتباط بتجار الحروب والبؤس للسوريين والأتراك (الاهل مرة ثانية).
كلها كام يوم (انشالله) وبتصير الحدود بين سوريا وتركيا كلها بلا معنى (انشالله يعني).
اللواء غير الجولان وتركيا لم تكن يوما ولن تكون كما اسرائيل العنصرية.

[Abu ToNi]

ما بذكر اني رسمت خريطة سورية بهاد الشكل دائما لواء الاسكندرون خارج الحسابات

[VivaSyria]

كاتب النص الأصلي : phoenixbird

لكنهم باعو لوائها.. و أجروا جولانها..


؟؟؟؟؟؟؟؟؟؟؟؟؟؟؟؟؟؟؟؟؟؟

هل سيعودون؟

ليش يا حبيب من إيمتى يلي تباع بيرجع؟؟ والله يستر و ما ينباع المؤجر كمان

[phoenixbird]

اذا انباع المؤجر اي شي تاني ممكن ينباع

[LiOnHeArT.3LA2]

هوي الخريطة بتوجع إي نعم..
بس يا أخوي..السوريين متل الأتراك والأتراك جيران (وأهل) وما عم يظلموا أهلنا باللواء
السوريين باللواء عايشين بحقوق غير منقوصة.
لا اعتقد اننا بحاجة إلى حروب قد تعيد اللواء ولكن ستجلب الدمار ومزيد من الارتباط بتجار الحروب والبؤس للسوريين والأتراك (الاهل مرة ثانية).
كلها كام يوم (انشالله) وبتصير الحدود بين سوريا وتركيا كلها بلا معنى (انشالله يعني).
اللواء غير الجولان وتركيا لم تكن يوما ولن تكون كما اسرائيل العنصرية.

؟؟؟؟؟؟؟؟؟؟؟؟؟؟؟؟؟

الله يرحم ابوك

[VivaSyria]

كاتب النص الأصلي : AbuElmezz

هوي الخريطة بتوجع إي نعم..
بس يا أخوي..السوريين متل الأتراك والأتراك جيران (وأهل) وما عم يظلموا أهلنا باللواء
السوريين باللواء عايشين بحقوق غير منقوصة.
لا اعتقد اننا بحاجة إلى حروب قد تعيد اللواء ولكن ستجلب الدمار ومزيد من الارتباط بتجار الحروب والبؤس للسوريين والأتراك (الاهل مرة ثانية).
كلها كام يوم (انشالله) وبتصير الحدود بين سوريا وتركيا كلها بلا معنى (انشالله يعني).
اللواء غير الجولان وتركيا لم تكن يوما ولن تكون كما اسرائيل العنصرية.

معليش اعذرني صاير شوي استيعابي بطيئ!!!!
يعني انت موافق انو نتخلى عن اسكندرون (( للأخوة الأتراك))؟؟!!!
لكن شو رأيك بالمرة نتخلى كمان عن حلب للاتراك و عن دير الزور والرقه للأخوة ل
العراقيين ( هدول أخوة أكتر).. وبطريقنا الشام و درعا للأردن ( حرام مساحتن صغيره) و ريف دمشق للبنان ( يعني شعب واحد في بلدين و حبايبنا الجماعه)...

عن جد شي غريب!!!!

[phoenixbird]

معليه تشرحلي كيف بلا معنى؟

[VivaSyria]

كاتب النص الأصلي : phoenixbird

معليه تشرحلي كيف بلا معنى؟

مادريت بمشروع الوحدة مع (( الأخوة الأتراك))... وين عايش يازلمه؟

[sezar]

خيو الشعب يلي "بلواء اسكندرون" ما بظن عندو استعداد يرجع يصير سوري ...
يعني في شعب ازا ولابد و بدو يصير في نقاشات حول اعادة الأرض "مثلا" اي لازم يتاخد رأي الشعب يلي هنيك ...

*يا صديقي انا يلي درستو بالجغرافية حدود سورية تضم الأناضول يعني هيك لحشلك قوس على شمال سوريا فا شو رأيك ليش لنسكت عن هاد كمان؟؟

و هي هدية للشباب طلعت معي و أنا عم دور عا خريطة

[VivaSyria]

كاتب النص الأصلي : sezar

خيو الشعب يلي "بلواء اسكندرون" ما بظن عندو استعداد يرجع يصير سوري ...
يعني في شعب ازا ولابد و بدو يصير في نقاشات حول اعادة الأرض "مثلا" اي لازم يتاخد رأي الشعب يلي هنيك ...

عل سيرة الإستفتاء حبيت شاركك بهالموضوع :

انزل العلم السوري في لواء اسكندرون بعد دخول القوات التركية.. .اقتطع اللواء من سورية بموجب استفتاء مزيف نظمته سلطة الاحتلال الفرنسي في 29/11/1939 وقامت تركيا على أثره بتغيير اسمه إلى إقليم هاتاي وتغيير أسماء المدن والبلدات من عربية إلى تركية ورحل كثير من أهل اللواء إلى المحافظات السورية القريبة (اللاذقية، طرطوس، حمص) ورغم ذلك يشكل العرب أغلبية في ثلاث محافظات.
وبقي في اللواء أكثر من 900 ألف مواطن سوري، يتشبثون بتراب وطنهم على الرغم من الظلم الذي ينالونه من سلطات الاحتلال التركي وهم يعتزون دائماً بانتمائهم إلى الوطن الأم سورية اعتزازاً لن تزيله محاولات الأتراك الذين بدلوا أسماء عائلات المواطنين السوريين، ومنعوهم من التحدث باللغة العربية، وضغطوا عليهم بكل الوسائل ليهاجروا من أرضهم.
يقول الدكتور عبدالرحمن الشهبندر في إحدى لقاءاته مع صحيفة فرنسية: (الإحصاء الذي نشرته السلطات في سنة 1932 يوضح بصورة جلية أن اللواء مأهول بعشرين ألف نسمة من العرب السنة، و55 ألفاً من العرب النصيريين، و25 ألفا من العرب المسيحيين وألفين من الأكراد وألف من الشركس. عدا عن الأرمن الذين يكرهون الأتراك ويقاومون انضمام اللواء إلى تركيا ويعدون نحو 14 ألفا، وقد قرأت في دليل السياحة أن الأتراك يعدون نحو 35 بالمائةإن اللواء مهما تغيرت السياسات وحاول البعض تشويه تاريخه أرض سورية لا يمكن التخلي عنها، ونزعها عن الخارطة عمل يسيء إلى السيادة الوطنية، وان افترضنا حسن النية في الموضوع (بعضهم قال إن الخريطة مأخوذة من الانترنت، وكأن الخرائط والأطالس لا تملأ الأسواق؟) ولا بد أن يصبح يوم 29 تشرين الثاني يوما وطنيا لتأكيد سورية اللواء وحتمية عودته ـ كما الجولان ـ إلى الوطن الأم.