|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
13/10/2006
|
#19 | ||||||
|
مشرف متقاعد
|
سهيان
سهيان
كان الطقس سهيان ما بباله حدا متل اللي قاعد ع الهوا يتذكر النسيان وما ضل في غير الزمان وصندوق فرجة وكل ما مرق فرجة بيقولو كان... |
||||||
|
|
13/10/2006
|
#21 | |||||||
|
مشرف متقاعد
|
اقتباس:
واهلا وسهلا فيكي  |
|||||||
|
|
|
14/10/2006
|
#22 | |||||||
|
مشرف متقاعد
|
اقتباس:
بس مع هيك كلام..صعب الواحد يلاقي حكي دايما....
ان الحياة كلها وقفة عز فقط.......
شآم ما المجد....أنت المجد لم يغب... jesus loves me... |
|||||||
|
|
|
22/10/2006
|
#23 | ||||||
|
مشرف متقاعد
|
مي
مي
كتبوا تاريخ المي على ذاكرة الينابيع كيف بدا المي تضيع ... في نجمه بقيت لحالا ما عرفت ترجع لو ما تطلع مقبالا بالمي وتلمع.. |
||||||
|
|
|
11/10/2007
|
#24 | ||||||
|
مشرف متقاعد
|
سجر البن
بيني وبينك سجر البن وحبّ الهال وزهر النوم بيني وبينك تسع جبال وعرب وصحرا وغيبة يوم بيني وبينك ضربة رمح وفرس وسيف وهجم الصبح بيني وبينك طيرة طير ونادو كلّن ع الفراق وقطفني متل الصبيّر صوت الغنُّو بالعراق لو نقدك كان مدينة وبالشام العرس لاركب ع الفرس وجبلك مفتاح القدس رايح اسرقلك غابة واسرقلك جان وعلِّق ع سجر البحر عقود المرجان |
||||||
|
|
|
03/08/2008
|
#26 | ||||
|
مشرف
|
أشعار طلال حيدر
الشاعر اللبناني المتميز "طلال حيدر" برغم انو الفصحى دايماً فيها معاني اقوى من العامية .. إلا انو طلال حيدر .. قدر يغير هالنظرية بتجمع أشعاره بين البساطة والصدق وجمالية الموروث الشعبي كتب عن الحب، عن الوطن، عن الفرح والحزن رسم أحلى اللوحات هون شوية قصائد الو... غنائية .. وغير غنائية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||
|
|
|
03/08/2008
|
#27 | ||||
|
مشرف
|
قومي اطلعي عالبال بِغيبتِك نزِل الشتي قومي طلعي ع البال في فوق سجادة صلا والعم بيصّلوا قلال صوتن متل مصر المرا وبعلبك الرّجال ع كتر ما طلع العشب بيناتنا بيرعى الغزال وَدّيت مع راعي حماه يشفلي الطقس شمال قللي السني جايي هوا بيوَقّع الخَيّال ياريت ما سرجت الفرس ولا بْعَتْ هـ المرسال -------------------------------------------- طقس بيتي متل ورقة احترق ما عاد عندي أهل شبهتك بهاالسهل بقرص العسل عملو ع مهلوا النحل شبهتك بحالك بالعمر ماشي وراك يلملم خيالك وجك طقس متل الصحو دايخ ومش سكران متل الشتي نازل على حزيران شبهتك بقوس القدح جايي على لبنان وجِّك وطاف النيل غرق مصر في مملكة عم تنسرق مفتوح باب القصر وجك من هون بيحدو الشتي ومن هون حده التلج وشاعر حمل حاله بها الموت وحده وهج شبهتك بكل الدني من بعدك عليها السلام بس تفرحي بيطير من صدري الحمام وبس تزعلي ع مصر باخدلك الشام |
||||
|
|
|
03/08/2008
|
#28 | ||||
|
مشرف
|
حزن المدينة - ديوان " آن الأوان" أوعا تسمّوها بتحزن ميدنه بيوقع أدان العصر و بينسرق سيف النبي و ما بيلتقى بمصر إنت الشام مزيّنة و إنت قواس النصر وقفوا العرب ع سلاحهن لمن فردت الشَعْر .. تمنيت حالي دهب تاصير متل الشام و تغار مني حلب وما عود فيي نام هـ الموت ع ضهر الفرس مارق بها الأيام و الناس ع كتر النعس كل ما مرق بتنام. |
||||
|
|
|
03/08/2008
|
#29 | ||||
|
مشرف
|
ريش نعام حلوة متل طلّوا العرب رح يوصلوا عَ الشام وجِّك قبيلة بَيْعَدِت ما وصلا الاسلام وجِّك متل حقلِة قمح نيّال يلّي نام دقّوا مهابيج البكِي وهْدُولْ يا طير الحمَام بينَاتنَا.. قوس القدَح منصُوب متْل خْيَام ومِن فَوق قوسِك يا دِني عمْ توقَع الإيَّام بيناتنا.. قولة غِفي والموتْ ريْش نْعامْ سلّم عَ موتك يَا هلي بيطلعلنا نودّي سَلام خلص الّي بَيني وبَينكُن عم شوف متل مْنَام جْمَال وبَدُو رح يِرحَلوا وبِحْكِي.. ومَا بيطلَع كَلام! |
||||
|
|
|
03/08/2008
|
#30 | ||||
|
مشرف
|
الله الله - ديوان " آن الأوان" بتلبقلك المي لا تموتي اْغرقي بالمي تيصير موتِك نَعَس وتْصير شمسِك فَيّ وجّك جنازة والملك مقتول والعسكر قبالي في ناس عم بيحوربوا بقصر الملك وفي ناس ع العالي خوفي عليكِ تكبري و خوفي على حالي رح تنزل عليّ الدني و يتغرّق خيالي ون كان لا بد وغنى ورح ترحلوا محّوا الطريق مرسوم ع الحيطان ولد حفيان راكض بالحريق قومي نعسيلُه يا دني بلكي إذا نْعستي بيفيق يللي نطرتُه رجع طلع الصبح صبحين شمّيت ريحة علي قالوا مرق الحسين جيبُه بيارق كربلا وسماع ملّا آه فردوا البيارق بالهوا قال الهوا ألله ألله .. ألله فتحلي درفتين الـ هـَ وخللي الهوا يختم ألف باء الهوى بالـ هـَ وجّك أدان الصبح و الفاتحة اسمِك والـ تا المربوطهْ شريطهْ على رسمِك وبتقول خبّيني؟! بخبيكْ ما بين الحمد و الفاتحة بغطّيكْ بالرحمن من بعد ما بإيدُه رفع للمي بكربلا تيشرب العطشان قلّلا لها الميّ نزلي من سورة الرحمن ليش هيك صرتي كتار وبعدِك ما حدا وحلوه .. مَرّه متل هـ الصيف حفيانِهْ ومرّه متل شي بلاد كسلانِهْ ومَرّه متل غمِّض وقبل ما تفتِّح اْنساني أول ما شفت النهر عمبيطوف عرفت أيَّ منام بدي شوف |
||||
|
|
|
03/08/2008
|
#31 | ||||
|
مشرف
|
قصيدة لطلال حيدر .. إلى زياد الرحباني إذا بدا لكم أن الصوت بعيد فاحذروا أن يؤذن له بالدخول وأنتم غياب كان جميلاً ككنيسة شرقية مزيّنة بصياح الديك. حكموا بالنفي على جميع الأحزان فطارت يمامة من القلب وتزينت الأيام بنهار الجمعة.. كان صافيا كجميعكم لم يعد أحد يضع بين يديه صينيّة الفصول يا حزيناً كغربة إلى الأبد الأرض تدور مرة واحدة . ذهب الوقت الأول لا أحد سوف يكشف السر. الزمن السعيد الحاضر المزيّن بمجيئك فجأة الماضي الداخل إلينا منذ لحظة في طريقه إلى المستقبل الضعفاء يضعفون لأنهم لا يعلمون كم ستكون جميلا طيلة أيام الصيف. يداه مطبقتان على نجمة والنجمة فرحانة كنقطة تفرّ عن السطر. الانتظار يسرق الإيمان لكن إيمانه سرق الفاجعة.. الذي لا يموت لا يمكن إلا أن يكون وحيداً. طوبى للذين يموتون البزق يقيم لك قدّاساً في ساحة القلب الريح وحلفاؤها يناولونك القربان المقدس وأنتِ وحيدة بين النساء. من أين نأتي لكِ بهذه الأحزان مرة ثانية ... |
||||
|
|
|
03/08/2008
|
#33 | ||||
|
عضو
-- زعيـــــــم --
|
بعتبر قصائد طلال حيدر كتير مميزة...
يمكن لانو مكتوبة بالعامية ويمكن لانو بتخاطب كل واحد فينا بشكل مباشر، بس اكتر شي بيجذبني الها تأثيرها العميق يلي بلاقية عليي برغم انو مكتوبة بالعامية البسيطة وبرغم انو افكارها كتير واضحة بس بتترك بصمات كتير قليل ما تتركها اشعار عامية... يسلمو ميدو |
||||
|
|
|
04/07/2009
|
#35 | ||||||
|
عضو
-- مستشــــــــــار --
|
طلال حيدر شاعر الكلمة,,,
شاعر ما كنت اعرفو او اقرالو بس جدا جدا مقام كتابتو رفيع
تباً إننا جيل كامل من الانتظار .. متى نفرغ من الصبر .. و من مضغ الهواء ..
اتعرى من الجميع كي أجدني,,,, فأضيع !!!! حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح! |
||||||
|
|
|
29/08/2009
|
#36 | ||||||
|
عضو
-- زعيـــــــم --
|
بلاد مقوصة
نمتي.. افتكروكي ولد غفيان.. تحت المي.. قربوا منك يحاكوكي.. لقيو بحيرة مي وجّك متل رجعة ولد.. بعد الغياب وجك.. متل تلة.. وعم تصرَخ دياب يا عُمْر.. ما بيلحق يجي تيروح؟! وجّك.. متل بيرق عزا.. من بعيد عم بيلوح إنتي.. بيت أهلي إنتي.. ورد عم إرفعُه.. ت سيّج الحقلي إنتي بلاد مقوصَه.. وعم تنقتل قَبلي إنتي.. وهبّط يا منام.. ووعّيا متلي واقف على سهل البقاع.. ملتّم بشملة.. بصرّخ.. وصوتي ضايع.. وقالوا الهوا قِبلي يا بيت أهلي.. يا سطيحات الحمام.. يا دعس عالي.. فوق تلجات المنام . من ديوان (آن الأوان)
ربما كان عدم الاتفاق أقصر مسافة بين فكرين. (جبران النبي)
|
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 23:50 (بحسب عمك غرينتش الكبير +3)