ولد وأبوه - صفحة 2

بقـ انسان ـايا · 22/09/2006

اقتباس:

كاتب النص الأصلي : ابومزيد

لا مزبوط نسبة البنات للشباب عنا كل 100 بنت 107 شباب

نعم والله ابتحكي جد احنا بفلسطين يمكن اذا بدنا نجبر البنات عفوااا يعني علا هاي الكلمة

بدنا لكل شب 4

وانتي احسبيها

ابومزيد · 22/09/2006

اقتباس:

كاتب النص الأصلي : بقـ انسان ـايا

نعم والله ابتحكي جد احنا بفلسطين يمكن اذا بدنا نجبر البنات عفوااا يعني علا هاي الكلمة

بدنا لكل شب 4

وانتي احسبيها

انا عم احكي كلام علمي مو ضوعي مستند فيه لأحصاءات مو لتكهنات

امرأة من ورق · 22/09/2006

اقتباس:

كاتب النص الأصلي : ابومزيد

هههههههههههه
ليش مين قلك انو ال ابو فلان ما بيكنلو شخصية ضاربة على كل الشخصيات اللي بالبيت

انا ماعم احكي عن الشخصية بمعنى السيطرة والشخصية الضاربة

عم احكي عنها بمعنى انو يكون الو كيان خاص فيه ومو بس منتمي لاسرة طبعا هاد مابيعني انو يقطع علاقته بالاسرة بس انو يكون الو انتماء لشخصو هوي كانسان وبعدين الانتماء للاسرة

امرأة من ورق · 22/09/2006

اقتباس:

كاتب النص الأصلي : Majood

أنا أبي كان أبو المجد و حتى لما اجى سيزار ضل أبو المجد ( مو لأنو اسمي اسم ينطبق عالجنسين لأ)........... رفض يغير............
عفوا منك سيزار.......................ز

تحياتي الك وللوالد يااحلى مجد

امرأة من ورق · 22/09/2006

اقتباس:

كاتب النص الأصلي : gabriel

يمكن لأنه بوجود الولد بحيات الأهل بتتغير حيات الأهل يعني بصيروا عايشين في عيون ابنهم

بصيروا بعيشوا حياتهم في تجارب ابنهم بيزعلوا وقت بيزعل بعصبوا وقت بعصب وبيفرحوا وقت بيفرح

يمكن مشان هاد الشي بتتغير التسمية

تحياتي غابرييل

اول شي انو حتى لو تغيرت حياة الاهل وصار الولد هوي الاولوية....... هاد مالازم يعني انو ننسفون من الوجود ويصير وجودون بس وبس كرمال الاولاد

وكمان تفسيرك فيه شي ناقص...... لانو لو كان بس هيك كانو بيسمو على اسم الولد الكبير بغض النظر عن كونو صبي او بنت

امرأة من ورق · 22/09/2006

اقتباس:

كاتب النص الأصلي : بقـ انسان ـايا

بس بجد كلمة ابو يعني انتا هلا مسؤل عن عيلة

وكمان لحتا ما يضل تحت مظلة العزابية

يعني هيك يبين انو متزوج وعندو ولاد ومستقر

يعني

شكراااا

اول شي انو كتير اوقات بيقولو ابو الفلان على اسم الاب قبل الواحد مايخلف او حتى يتزوج

وبعدين اذا تغيير الاسم رح يعلمنا تحمل المسؤولية معناتها هات ياتحمل مسؤولية

امرأة من ورق · 22/09/2006

اقتباس:

كاتب النص الأصلي : ابومزيد

احلى شغلى وتعقيباعلى الموضوع الاساسي
بتصير معي كتير بس اتعرف على حدا من الجالية الغير مثقفة معظمون بيقللي (ابو شو؟ بلاصغرة)
بقللو بكير على ابو بيقللي بااااااااااطل عالرجال كأنو من تمام الرجولة انو الواحد يكون ابو شغلة

اي هاد اللي ضل لهيك ناس من الرجولة

امرأة من ورق · 22/09/2006

اقتباس:

كاتب النص الأصلي : ابومزيد

لا مزبوط نسبة البنات للشباب عنا كل 100 بنت 107 شباب

هلأ حتى لو تغيرت النسبة بنسبة 200 بنت ل 100 شب الوضع مابظن رح يتغير...... لانو الوضع سببو عالاكيد انو نحنا بشكل عام شعب محب للذكور ومو قصة منجب للذكور او لأ

**butterfly** · 22/09/2006

اقتباس:

كاتب النص الأصلي : امرأة من ورق

اي هاد اللي ضل لهيك ناس من الرجولة

تماما ً الموضوع مرتبط بأنون حققو أنجاز كتير كبير ...لهيك أم فلا ن أقل ورودا ( موجودة لس أأقل ) من أبو فلان
أبو فلان= زلمة جدع حرر القدس وجاب صلاح الدين

هلق مو بس هون المشكلة أنو بيكون عأسم أبوه للرجال ؟؟؟ طيب ليش ؟؟؟

أنو ليش بدنا نخلد حالنا بأنو ولاد ولادنا ياخدو أسامينا ؟؟؟
طيب لأ وإذا المرأة اعترضت بتكون زوجة مشاغبة

امرأة من ورق · 22/09/2006

اقتباس:

كاتب النص الأصلي : butterfly

تماما ً الموضوع مرتبط بأنون حققو أنجاز كتير كبير ...لهيك أم فلا ن أقل ورودا ( موجودة لس أأقل ) من أبو فلان
أبو فلان= زلمة جدع حرر القدس وجاب صلاح الدين

هلق مو بس هون المشكلة أنو بيكون عأسم أبوه للرجال ؟؟؟ طيب ليش ؟؟؟

أنو ليش بدنا نخلد حالنا بأنو ولاد ولادنا ياخدو أسامينا ؟؟؟
طيب لأ وإذا المرأة اعترضت بتكون زوجة مشاغبة

اجت توأم روحي اللي بتفهمني بسرعة

ولك مية وردة لعيونك

**TheLight** · 22/09/2006

انو انا حصرات افكاري وطلعت بهالجواب وبرأيي انو سبب استخدام هالطريقة باستخدام الكنية (وهو لازم نشير لانو أبو فلان هي كنية وليست الكنية هي اسم العيلة متل ما العالم بتفكر لانو اسم العيلة مو اللقب)....اي انو السبب هو مختلف يحالة الرجال والمرأة بس كمان في سبب مشترك صغير بيناتهم
بالنسبة للزلمة بيصير اسمو ابو فلان منشان يضل يذكر العالم ليل نهار انو رجال وسيد الرجال وبيطلع بأيدو وهي دليل رجوليتو انو عندون ولد....طبعا وحسب المعتقدات الانتيكة تبعتنا...فانو الواحد يجيب ذكر شي بدو رجولية وفحولية أكثر من جيبة البنت...وهون بنتذكر الاسماء متل أبو عنتر وابو صياح وابو صخر وابو حديد وابو حجر وابو ناس وتنك وهالقصص
ما بالنسبة للمرأة فاستخدام كنية ام فلان تعتبر طريقة لتقنع اسم البنت يللي كان ولا يزال يعتبر بكتير من المجتمعات المحافظة ببلادنا عورة...اي اي عورة...وسكان الشام بيعرفو عن شو عم احكي ويا ما علقانة مشاكل للدم لانو واحد قالو لواحد تاني انو بيعرف اسم اختو او امو او شي بنت بالعيلة....
اما السبب المشترك الصغير فهو الرغبة بالغاء الالقاب مع المحافظة ع طريقة مؤدبة لنداء الاشخاص خصوصا اذاا كان المنادى عليه اكبر بالعمر من الشخص المنادي
ودمتم احبائي

**Government** · 22/09/2006

لا بدي احكي جد هلئ

انو هي شغلة حلوة انو الواحد ينادولو بأسم ابنو وهي شغلة منتشرة واول مابجي لواحد ولد على طول بصير ابو فلان حتى مع مرور الزمان الناس بتنسى اسمو لهالزلمة وبس بتعرف ابو مين هو

هلأ هي شغلة انا ماعندي اعتراض عليها
بس كمان مالي معة مية بالمية
لانو هالشغلة بتخلي اسم الشخص ينتسى بالمرة ويرتبط فقط بأسم ابنو وهادا الشي في ناس مابتحبو بالمرة

لا ولسه في شغلة تانية
انو موبس بصير ابو فلان لما يصير عندو ولد

من الصغر بصيحولو ابو فلان يعني انا على طول في ناس طبعا مو الكل اول ماتعرف اسمي حسن مثلا ببلشو ينادولي ابو علي

مع انو انا اسم ابوي مو علي وأذا ان شاء الله اجاني ولد بالمستقبل مابدي سمي علي بس بنادوني ابو علي مع انو مالي اي صلة بهادا اللي اسمو علي

واسف عالأطالة

ماقلتيلنا ام اشو بلا صغرة

Abu ToNi · 22/09/2006

أنا كتبت رد بالأول بس ما حدا رد عليه بس مانها مشكلة

يا ستي يا آنسة من ورق انا عملت تحرياتي وبحب احط لك اللي فهمته من بحثي

في قديم الزمان ما كان في شي اسمه نسبة أو كنية فكان الناس يعرفون من اسماء ابنائهم وكان واجب على الأب يسمي ابنه البكر على اسم ابوه حفاظا على اسم الاب وابداء للاحترام من جهة أخرى " تسمية اغلى الأشياء باسم أحلى الابهات " وعلى فكرة هي مقولة حلبية مشهورة المهم

وكان الشخص من وقت ما كان صغي ينصرخ له أبو كذا ..

بس هلق بعد ما انه خف تقليد تسمية البكر باسم الاب أصبح ينتظر اسم الولد حتى يبدا الآخرين بمناداته باسم أبو كذا والأم باسم ام كذا

يعني بالعربي الفصيح القصة مانها أكتر من تقاليد قديمة تغير شكلها لكنها باقية في الأحياء المسكونة في الوقت اللي فيه أزيحت من الكتب الرسمية .

الحاج متولي · 22/09/2006

اقتباس:

كاتب النص الأصلي : امرأة من ورق

تحياتي الك الحاج متولي ابو خليل

بس كأنو انا حسيت من حكيك انو نحنا لازم نتقيد بكل شي من العادات اللي عنا بدون حتى مانفكر فيها ونفكر اذا في شي تاني ممكن يكون صحيح وسليم اكتر منها
وبعدين ليش الاتهام لاي حدا طلع عن هي التقاليد انو تابع الموضة...... يمكن يكون مفكر بالموضوع بشكل عقلاني اكتر من كل اللي عم يتبعو التقاليد ويكون وصل للتتغير عن طريق واعي وماهوي تقليد للغرب ابدا

وبكل الاحوال نحنا بحاجة انو نفكر بالاشياء اللي بنعملها واللي ورثناها عن اجدادنا القدماء...... وبعد التفكير بالسلبيات والايجابيات بنقرر اذا لازم نضل عليها او نغيير عنها..... وهاد اللي بتمنى انو يصير ولهي انا طرحت الفكرة هون

تحياتي يا إمرأة من حرير
آسف لتأخيري على الإجابة
يمكن تكون وجهة نظرك صح أريد أن أسأل سؤالً واحداً فقط و أتمنى جواباً صريحاً
إذا كان الأب والأم عم يفنو حياتهن من شان سعادة أولادهم ألا يستحقو منا ولو على الأقل أن نحمل أسمائهم

Gazita · 22/09/2006

اقتباس:

كاتب النص الأصلي : امرأة من ورق

هلأ الواحد بيتجوز وبيصير عندو ولد...... هاد شي حلو
بس لما بصير عندو ولد بيبطل اسمو الفلان وبيصير اسمو ابو الفلان والمرأة بيصير اسمها ام الفلان على اسم الولد
طيب ليش هيك؟؟؟ ليش لحتى يلتغى اسم الاب (اجتماعيا طبعا يعني رح يضل اسمو عالهوية متل ماكان بس بين الناس بينتسى اسمو الاصلي) انو ليش انا بحسها فيها الغاء لشخصية الاب والام

وكمان ليش اذا اجى اول ولد بنت وسموها مثلا رباب بيصير اسم الاب ابو رباب
وبيجيبو تاني ولد واجت بنت بيضل الاب ابو رباب
وبيجيبو تالت ولد واجت بنت بيضل الاب ابو رباب
ونفس الشي لو جابو عشر بنات بيضل الاب ابو رباب
بس يجي الصبي لو بعد عشر بنات بيصير الاب على اسم الصبي يعني مثلا ابو باسم

ليش؟؟؟؟؟؟؟؟؟؟

ما عندنا هيك نحنا بيضل الاب يتنادى باسمو والام كمان

**Government** · 22/09/2006

اقتباس:

كاتب النص الأصلي : gazita

ما عندنا هيك نحنا بيضل الاب يتنادى باسمو والام كمان

نحن بسوريا بينسوا اسمو

نيرفانا · 22/09/2006

بعد ما قرأت كل الردود طلع معي إنو بلا الخلفة بيكون أحسن
حتى بلا الزواج.......كمان أحسن