ولد وأبوه

[Gazita]

كاتب النص الأصلي : GOVERMENT

نحن بسوريا بينسوا اسمو

حلوة منك.

[امرأة من ورق]

كاتب النص الأصلي : TheLight

انو انا حصرات افكاري وطلعت بهالجواب وبرأيي انو سبب استخدام هالطريقة باستخدام الكنية (وهو لازم نشير لانو أبو فلان هي كنية وليست الكنية هي اسم العيلة متل ما العالم بتفكر لانو اسم العيلة مو اللقب)....اي انو السبب هو مختلف يحالة الرجال والمرأة بس كمان في سبب مشترك صغير بيناتهم
بالنسبة للزلمة بيصير اسمو ابو فلان منشان يضل يذكر العالم ليل نهار انو رجال وسيد الرجال وبيطلع بأيدو وهي دليل رجوليتو انو عندون ولد....طبعا وحسب المعتقدات الانتيكة تبعتنا...فانو الواحد يجيب ذكر شي بدو رجولية وفحولية أكثر من جيبة البنت...وهون بنتذكر الاسماء متل أبو عنتر وابو صياح وابو صخر وابو حديد وابو حجر وابو ناس وتنك وهالقصص
ما بالنسبة للمرأة فاستخدام كنية ام فلان تعتبر طريقة لتقنع اسم البنت يللي كان ولا يزال يعتبر بكتير من المجتمعات المحافظة ببلادنا عورة...اي اي عورة...وسكان الشام بيعرفو عن شو عم احكي ويا ما علقانة مشاكل للدم لانو واحد قالو لواحد تاني انو بيعرف اسم اختو او امو او شي بنت بالعيلة....
اما السبب المشترك الصغير فهو الرغبة بالغاء الالقاب مع المحافظة ع طريقة مؤدبة لنداء الاشخاص خصوصا اذاا كان المنادى عليه اكبر بالعمر من الشخص المنادي
ودمتم احبائي

انا معك بتفسيرك الاول مية بالمية فعلا هالشي عم يصير بسبب افكار قديمة وبالية وماعاد مناسبة لايامنا
بس منشان التفسير التاني ماني كتير معك...... يعني انو تجي تنادي لحدا بعمر الوالد او الوالدة بس بام او ابو الفلان مانو كتير مؤدب يعني دايما لازم تقول عمو او خالتو او استاز او هيك شي

[امرأة من ورق]

كاتب النص الأصلي : GOVERMENT

لا بدي احكي جد هلئ


انو هي شغلة حلوة انو الواحد ينادولو بأسم ابنو وهي شغلة منتشرة واول مابجي لواحد ولد على طول بصير ابو فلان حتى مع مرور الزمان الناس بتنسى اسمو لهالزلمة وبس بتعرف ابو مين هو

هلأ هي شغلة انا ماعندي اعتراض عليها
بس كمان مالي معة مية بالمية
لانو هالشغلة بتخلي اسم الشخص ينتسى بالمرة ويرتبط فقط بأسم ابنو وهادا الشي في ناس مابتحبو بالمرة



لا ولسه في شغلة تانية
انو موبس بصير ابو فلان لما يصير عندو ولد
من الصغر بصيحولو ابو فلان يعني انا على طول في ناس طبعا مو الكل اول ماتعرف اسمي حسن مثلا ببلشو ينادولي ابو علي
مع انو انا اسم ابوي مو علي وأذا ان شاء الله اجاني ولد بالمستقبل مابدي سمي علي بس بنادوني ابو علي مع انو مالي اي صلة بهادا اللي اسمو علي


واسف عالأطالة


ماقلتيلنا ام اشو بلا صغرة

اهلين ابو علي

وروح طق افقع مارح قلك انا ام شو

شكرا على رأيك

[امرأة من ورق]

كاتب النص الأصلي : gabriel

أنا كتبت رد بالأول بس ما حدا رد عليه بس مانها مشكلة
.

ياظالم راجع الرد 24
وحياة ربي رديت عليك

يا ستي يا آنسة من ورق انا عملت تحرياتي وبحب احط لك اللي فهمته من بحثي

في قديم الزمان ما كان في شي اسمه نسبة أو كنية فكان الناس يعرفون من اسماء ابنائهم وكان واجب على الأب يسمي ابنه البكر على اسم ابوه حفاظا على اسم الاب وابداء للاحترام من جهة أخرى " تسمية اغلى الأشياء باسم أحلى الابهات " وعلى فكرة هي مقولة حلبية مشهورة المهم

وكان الشخص من وقت ما كان صغي ينصرخ له أبو كذا ..

بس هلق بعد ما انه خف تقليد تسمية البكر باسم الاب أصبح ينتظر اسم الولد حتى يبدا الآخرين بمناداته باسم أبو كذا والأم باسم ام كذا


يعني بالعربي الفصيح القصة مانها أكتر من تقاليد قديمة تغير شكلها لكنها باقية في الأحياء المسكونة في الوقت اللي فيه أزيحت من الكتب الرسمية .

معك حق بفكرة انها تقاليد قديمة

[TheLight]

كاتب النص الأصلي : امرأة من ورق

انا معك بتفسيرك الاول مية بالمية فعلا هالشي عم يصير بسبب افكار قديمة وبالية وماعاد مناسبة لايامنا
بس منشان التفسير التاني ماني كتير معك...... يعني انو تجي تنادي لحدا بعمر الوالد او الوالدة بس بام او ابو الفلان مانو كتير مؤدب يعني دايما لازم تقول عمو او خالتو او استاز او هيك شي

هلق بيجوز يكون صعب بس اينو احسن برأيك؟
خالتي ام سعيد ولا خالتي أمين؟
يعني ما في اشتغناء عن عمو او خالتي او استاذ بس بتضل مبلوعة مع ابو او ام وراها
شلوووووون؟؟؟
هلق ظبطت
مو؟؟؟

[امرأة من ورق]

كاتب النص الأصلي : الحاج متولي

تحياتي يا إمرأة من حرير
آسف لتأخيري على الإجابة
يمكن تكون وجهة نظرك صح أريد أن أسأل سؤالً واحداً فقط و أتمنى جواباً صريحاً
إذا كان الأب والأم عم يفنو حياتهن من شان سعادة أولادهم ألا يستحقو منا ولو على الأقل أن نحمل أسمائهم

شكرا كتير الحاج متولي
وردا على سؤالك بقلك انو الاهل بيستاهلو منا كلشي رح يستفيدو منو حتى روحنا
بس السؤال انو بمجرد سمينا الابن على اسم الوالد يعني بنكون فدنا الوالد بشي فعلي؟؟
انت اكيد رح تقلي انو بنكون خلينا الوالد يحس بقيمة واهمية وانو نحنا فخورين فيه وبنتمنى يضل فوق راسنا دايم دوم
بس بحب قلك انو اذا بتدخل عالوالد ببسمة حلوة وبتسمعو كلمة متل انو اللي يخلينا اياك..... وطبعا يكون موقفك منو بشكل عام فيه احترام واهتمام هالشي رح يخليه يحس بقيمتو عندك اكتر من انو تسمي ابنك على اسمو وتكون بتنساه بالشهور بدون ماتطل عليه

وبدي احكي عن قصة صغيرة
هاد ضيعتنا نوعا ما صغيرة وكل الناس تقريبا بتعرف بعض...... المهم في شخص جاب 5 شباب والشباب كل واحد تزوج وجاب صبيان وكبرو ولادو وصارو شباب
المهم ولادو الخمسة سمو ولادون على اسم الجد...... وهني صار اسمون ابو فلان على اسم الجد
وطبعا الكل بيشتركو بنفس اللقب (اسم العيلة يعني )

فتخيل انو بضيعة صغيرة فيها خمس شباب الون نفس الاسم: الفلان الفلاني وخمسة اسمون: ابو الفلان الفلاني كمان نفس اللقب
يعني بتكون عم تحكي عنون باي موضوع فورا بيجيك السؤال انو اي واحد منون؟؟؟
ومابتتخيل اللغط والاخطاء اللي صارت من ورا هالموضوع

بكل الاحوال بأكدلك مرة تانية انو احترامنا للاهل ابدا ماهوي بتسمية الولد على اسمون او لأ...... احترامنا الون ببين من خلال حياتنا اليومية بشكل عام وكيف عم نتعامل معون

[امرأة من ورق]

كاتب النص الأصلي : gazita

ما عندنا هيك نحنا بيضل الاب يتنادى باسمو والام كمان

عقبالنا

شكرا كتير غازيتا عالمرور

[امرأة من ورق]

كاتب النص الأصلي : GOVERMENT

نحن بسوريا بينسوا اسمو

للأسف اي بينسوه

اهلين بحكومتنا

[امرأة من ورق]

كاتب النص الأصلي : نيرفانا

بعد ما قرأت كل الردود طلع معي إنو بلا الخلفة بيكون أحسن
حتى بلا الزواج.......كمان أحسن

اي فكرة حلوة
ليش ماخطرت ببالي من الاول

اهلين نيرفانا

[aleya]

كاتب النص الأصلي : الحاج متولي

وطبعاً أحياناً تسلط الزوجة على الزوج يبخليها تمنعو يكتب إسم أول ولد على إسم البابا تبعو لإني هادا الشي بيخليها تتذكر حماها دائماً
لك آه شوبدي إحكي لإحكي كل الدنيا ماشية بالمقلوب

وليش عم تقول تسلط الزوجة على الزوج
هادا الولد ابنها متل مو ابنو.. وهي حملتو ببطنها 9 شهور وطلعت روحها لحتى شافتو بين ايديها
و بعدين إذا بدها تسميه شي اسم بتحبو غير اسم والد زوجها بتكون متسلطة

عنجد عصبتني الله لايبليني بواحد متلك.. لاتزعل بس كلامك غلط
وهي مني مشان ماتزعل

[امرأة من ورق]

كاتب النص الأصلي : TheLight

هلق بيجوز يكون صعب بس اينو احسن برأيك؟
خالتي ام سعيد ولا خالتي أمين؟
يعني ما في اشتغناء عن عمو او خالتي او استاذ بس بتضل مبلوعة مع ابو او ام وراها
شلوووووون؟؟؟
هلق ظبطت
مو؟؟؟

انو اي ظبطت شوي...... بس لسه مافيك تقول انها سبب رئيسي

[امرأة من ورق]

كاتب النص الأصلي : aleya

وليش عم تقول تسلط الزوجة على الزوج
هادا الولد ابنها متل مو ابنو.. وهي حملتو ببطنها 9 شهور وطلعت روحها لحتى شافتو بين ايديها
و بعدين إذا بدها تسميه شي اسم بتحبو غير اسم والد زوجها بتكون متسلطة

عنجد عصبتني الله لايبليني بواحد متلك.. لاتزعل بس كلامك غلط
وهي مني مشان ماتزعل

طول بالك عيوني
بس معك حق..... الام الها حق تشارك بشكل فعلي بتسمية ابنها

[aleya]

عنجد هي عادات قديمة وسخيفة يعني أكيد الإنسان مابيصرلو قيمة إذا كان أبو فلان..
والدليل على هالشي بحياتي ماشفت لا رئيس ولاوزير ولامحامي ولا أي حدا
إلو مكانتو بالمجتمع بيقولولو أبو فلان بدال مايقولو اسمو.. بالعكس
بس مابعرف ليش العادات القديمة حتى لو كانت غلط في كتير ناس بتدافع عنها

[الحاج متولي]

كاتب النص الأصلي : امرأة من ورق

اي فكرة حلوة
ليش ماخطرت ببالي من الاول

اهلين نيرفانا

ذاتي هادا إلي إنتو بدكن إياه
بس عنجد عم تحكي إنتي وإياها إنو بدون زواج أحسن................!!!!!؟؟؟؟؟
والله الوحدة منكن بس تسمع بسيرة العريس بتلاقي خدودا حمرو وبينت الضحكة وصارت يا أرض إشتدي ماحدا قدي
وإذا كان العريس لسه ما طرق الباب والنصيب لسه ما شرف بتقول الوحدة يلا لسه بكير على شو مستعجلين بلالنا هل الهم
آه منكن يا جنس النسا
على كلن آسف يا إمرأة من حرير لخروجي عن الموضوع وبرجعلك من أجل ردك على تعليقي الأخير
إنو معك حق في كل إلي قلتيه بس صدقيني مابتحسي إنو الأب أو الأم بيحسوا بسعادة قد ما بيشوفو حفيدهن الجديد حمل إسمهن وإسم العيلة وإن شاء الله بيصير عندك عيلة وبيصير عندك أولاد لبين ما تقول بس ..... كفاية.... خلاص.......مش قادرة...... أنا كنت غلطانة لما تزوجت
بس شوبدك بالحكي أحلى شي بهل دنيا النسوان ... والنسوان .... والأولاد
الله يخليلنا إياهن يارب ومايحرمنا منن

[Abu Guzef]

ماني عرفان شو بدي رد

[امرأة من ورق]

كاتب النص الأصلي : aleya

عنجد هي عادات قديمة وسخيفة يعني أكيد الإنسان مابيصرلو قيمة إذا كان أبو فلان..
والدليل على هالشي بحياتي ماشفت لا رئيس ولاوزير ولامحامي ولا أي حدا
إلو مكانتو بالمجتمع بيقولولو أبو فلان بدال مايقولو اسمو.. بالعكس
بس مابعرف ليش العادات القديمة حتى لو كانت غلط في كتير ناس بتدافع عنها

فعلا انا معك انو الانسان بتكون قيمتو بحالو ومو بمجرد تسمى ابو فلان او ابو علتان

[الحاج متولي]

كاتب النص الأصلي : aleya

وليش عم تقول تسلط الزوجة على الزوج
هادا الولد ابنها متل مو ابنو.. وهي حملتو ببطنها 9 شهور وطلعت روحها لحتى شافتو بين ايديها
و بعدين إذا بدها تسميه شي اسم بتحبو غير اسم والد زوجها بتكون متسلطة

عنجد عصبتني الله لايبليني بواحد متلك.. لاتزعل بس كلامك غلط
وهي مني مشان ماتزعل

ولو أناإسمي الحاج متولي علشان قلبي كبير وصدر رحب ومابزعل من الصح وهدا على كل الأحوال رأيك وأنا بحترمو
وكوني ذكرت إني تسلط فأنا قلت في بعض الأحيان وليس دائماً وهذا للأسف موجود عندنا في المجتمع وحتى صارت هل شغلة معي مع زوجتي التالتة بس أنا مارديت عليها وسميت الولد بكري على إسم أبوها جكارة فيها لكن .........رجال

[امرأة من ورق]

كاتب النص الأصلي : الحاج متولي

ذاتي هادا إلي إنتو بدكن إياه
بس عنجد عم تحكي إنتي وإياها إنو بدون زواج أحسن................!!!!!؟؟؟؟؟
والله الوحدة منكن بس تسمع بسيرة العريس بتلاقي خدودا حمرو وبينت الضحكة وصارت يا أرض إشتدي ماحدا قدي
وإذا كان العريس لسه ما طرق الباب والنصيب لسه ما شرف بتقول الوحدة يلا لسه بكير على شو مستعجلين بلالنا هل الهم
آه منكن يا جنس النسا
على كلن آسف يا إمرأة من حرير لخروجي عن الموضوع وبرجعلك من أجل ردك على تعليقي الأخير
إنو معك حق في كل إلي قلتيه بس صدقيني مابتحسي إنو الأب أو الأم بيحسوا بسعادة قد ما بيشوفو حفيدهن الجديد حمل إسمهن وإسم العيلة وإن شاء الله بيصير عندك عيلة وبيصير عندك أولاد لبين ما تقول بس ..... كفاية.... خلاص.......مش قادرة...... أنا كنت غلطانة لما تزوجت
بس شوبدك بالحكي أحلى شي بهل دنيا النسوان ... والنسوان .... والأولاد
الله يخليلنا إياهن يارب ومايحرمنا منن

صدقني هي كانت مجرد مزحة...... واكيد مافي شخص بالدنيا سواء بنت او شب الا بيتمنى الزواج والاستقرار لما بينوجد الشخص المناسب الو ...... وصدقني نادرات البنات اللي بيتمنو الزواج بس للزواج دايما بنتمنى الزواج بس لما بيكون الشخص مناسب

والاهل اكيد بيحسو بسعادة لاتوصف لما بيجي الحفيد وهي شغلة شايفتها عند اهلي بعد ماكبرو ولادون وكيف متمنايين الحفيد اكتر من اي شي بالدنيا....... بس مو منشان يحملو اسمون او اسم العيلة...... لانو هي الفكرة كانت موجودة ايام زمان على ايام القبلية والتعصب للقبيلة والاسرة..... اما هلأ بظن انو هي الافكار ماضل الها لزوم..... يعني امنية الحفيد هيي شغلة عاطفية وانو بدون يشوفو الاولاد عم يكملو الطريق الحلو اللي هني عاشوه بيوم من الايام بوجود طفل عندون بالبيت

وتحياتي