أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > درجة تانية > مواكبة > دَردَ شـــــــات

إضافة موضوع جديد  إضافة رد
 
أدوات الموضوع
قديم 08/08/2008   #1
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي دردشات أخوية- الحلقة الثانية: الفنانة سارة شمة



إنطلاقا من أننا نجتمع هنا في أخويه تحت سَـقفِ مجتمع ٍ يومي ٍ تأتي به واقعيه ُ الحياه ِ إلينا مـتعبا ً متكاملا ً, تماما ً كما هو خارج جدران حُـلمنا الأخوي , و من مُـنطلق أن ّ المجتمع لا يكتمل دون َ لمسات ِ أولئك الذين قبّـل لله جباههم بمسؤوليات ٍ من نوع ٍ مختلف. نرفع ُ لهم ْ قبـعاتـِنا و نرفع ُ لكم دردشات أخـويه ,أخر النشاطات الفكريـّه المتبلوره لخلق ِ شفافيه وصول من خلال استضافة شـخصيات سـياسيه , اجتماعيه , فنيه لا تمرُّ أسماؤها مرور َ العبور بصمت في قواميس ِ الزمن.
من الـثقة تولد ُ المسـؤوليّـه و من َ المسـؤوليّـه ولدت ْدردشات.

أصدقاء و غرباء نجتمع معا ً على جبين أخويه , نفـترق و نلتقي وقد تتقابل دروبنا أو تفترق اوترحل و لكن دائما يبـقى خلف المرور صـفحات آثـار و خـيالات امـكنه. من فراغ تلك الامـكنه تولد الالوان و يولد ُ سـاكِـنيها.

تـُـففتح اليوم الصَـفحه الثانيه من دردشات اخويه و كلنا عـَبث ٌ على حـَجر التـواصل بين الواقع و الخـيال ; واقع لمسـاتها و خيال لوحاتها و فضولنا يمرّ واثـقا ً شـاكرا ً فخـورا باستـضافتها. الفنانه التي تتقن الرقص على الوتر الضائع بين الاجسـام و الفراغات
المبدعه سـاره شمه ثاني العابرين على جسـَد فضولنا :



20*25*3 oil on canvas


كي تكتمل المـسؤوليّـه وظّـف َ المـسؤولون , لإدراج أيّـه أسـئـِله تتعلّـق بالحوار مع الفنانه ساره شمه يرجى مراسـله
The morningبها و ستتقوم ُ هي بدورها بإدراجـِها تباعا ً.

من يومها صار القمر أكبر :)

______

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 08/08/2008   #2
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 












عــن ســاره شمـه في أخويه كـُـتب :




- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 




آخر تعديل yass يوم 08/08/2008 في 15:55.
  رد مع اقتباس
قديم 08/08/2008   #3
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي



كـعادتها ساره شمه تطرق باب الجوائز بثقه .
فازت ساره شمه بالجائزه الاولى بعد الجائزه الكبرى التي نالها مايكل وليامز في المعرض العالمي في جنوب استراليا.
تمّ افتتاح المعرض بتاريخ 2 اب 2008 و سيستمر حتى 7 ايلول 2008 في مدينه ادوليد في جنوب استراليا. و سوف تعرض الاعمال الحاصله على الجوائز في مقرّ الارشيف الوطني الاسترالي من تشرين الاول حتّى كانون التاني.

لوحه ساره شمّه الفائزه :


  رد مع اقتباس
قديم 08/08/2008   #4
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


لإدراج أيّـه أسـئـِله تتعلّـق بالحوار مع الفنانه ساره شمه يرجى مراسـلهThe morningبها و ستتقوم ُ هي بدورها بإدراجـِها تباعا ً.

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 12/08/2008   #5
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي


كُـلنا معا ً نولد ابناء للحياه, وحـدُهـم الفنانين يولدون أبناء ً للألهه و الخـيال.
أفتـتح حديثي اليوم و كلّي سـرور باستـضافه ابنه الهه الفن الـسوري ساره شـمه في دردشات أخويه.

الجدير بالذكر انّ سـاره شمه بدأت الرسم عندما كان عمرها 4 سـنوات بتـشجيع من والديها و اصرارٍ من مُـخيله طفله تعرف تماما ماذا تُـريد.
عندما قاربت الرابعـه عشر عامـا ً تأكدت سـاره بأن مستقبلها لن يكون منفصلا ً عن موهبتها و ولعها الطفولي بالرسم و ابداع اللوحات.
بدأت مسيـرتها بـشكل مدروس باستخدام اللونين الاسود و الابيض فقط من ثمّ بدأت بالتركيزِ على الضوء و الظل و تظليل المساحات الضوئيّه و أبعادها, أخيرا انتقلت للتواصل مع الفراغ عن طريق الالوان الزيتيّه حيث وجدت قدرتها على التعبير عن ما يدور خلف أصوات شـخصيتها.

أكثر مايُثير انتباهي في لوحاتها هو صـوت الفراغات, ففي مـُعظم اللوحات يـَجدُ الناظر اليها نفـسَه قادرا ً على الغوص في الفراغ الذي تـَخلقُه سـاره للأجـسام. و من هـنا تأتي قدرتها على خلق الأصـوات و التـَحكم بمدى الصـدى.
" أنا لا أصنع رسومات تخطيطيّه, أنا أذهب مباشره الى الغير معروف الذي تبدأ فرشاتي بصياغته على القـِماش " تقول ساره في محاوله لتوضيح آليّه ولاده لوحاتها.

يُـذهلني أيضا ً حديث ُ سـاره عن الالوان الزيتيه عندما تصفهم بالأحياء الذين يعيشون حياتهم بتأقلم مباشر مع أيّ جـسم يلبسـُهم.
هل يُـمكن أن يكون هو ذا سرٌّ من أسرار المـِهن الـصعبه التي تتقنها سـاره , معامله الألوان كأصـدقاء و عدم التميّز بين واحد و اخر بانتقاء ايّ لون يقع عليه نظرها دون التفكير في انتماءاته. تختارهم بتجرّد يـَجـعل ُ من الحاضر ِ اليها أوّلا المولود اوّلا.
تقول سـاره في ذلك , " بدون تخطيط و بأيّ لون يقع أمام ناظري أتحرّك نحو قطعه القماش و أبدأ بمزج و مـَدّ الألوان و لا أتوقّف الّا عندما تصرخ اللوحه : لـقد أ ُتممت ُ. "

مَن يـتابع أعمال سـاره يـكتشف مدى تركيزها على الوجوه و الايدي و التركيز أكثر على رسم وجهها و يديها و منه تقول سـاره , " احسـاسي بالقدره على الاكتـشاف يأتي من خلال الابحار في النظر إلى يديّ و وجهي, عندها تصبح المرآه هي المركز الذي يمدّ روحي بالوحي."

أخيرا ً أترككم مع بعض ِ لوحات سـاره من موقـعها على الانتـرنت :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و أحـِـبُ نهايه ً أن أتقدم بالشكر الجزيل للفنانه سـاره شمه على تعاونها الكـبير و على قبولها بأن تكون ضيفتنا الثانيه بكلّ شفـافيّه ..
  رد مع اقتباس
قديم 19/08/2008   #6
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي


بنــعتذر من الجـميع حـيث كـان عدد الاسـئله كـبير نوعا ما و اطرينا نقوم بدمج , حزف , تعديل , ترتيب بـعض الاسـئله بحيث تتنـاسب مع وقـت اللقاء و تفاصيله , الاسـئله بالـصيغه النهائيّه عالشـكل التالي :


مجموعه # 1 : فـوارق عـبر الزمن

سـؤال من عدد من الاعضـاء - اياد , , amey , Majood , Sarita
  1. من خلال متابعه و القاء نظره على مسيرتك التشكيلية، يـُلاحظ منعطفات واضحة في اسلوبك لونياً و تقنياً .. مالفرق بين سارة شما ابنة العشرين و سارة شما اليوم؟ و لوحات ساره شما في بداياتها عن لوحاتها الاخيره اللي عم تتصدر أضواء جوائز و معارض ؟
  2. الاختلاف بين الشـخصيات و ظهورها مصدره تغير في شخـصيتك أم نابع من صدف تواجد هالاشـخاص ؟
Sarita -سوريه :
  1. لمن حبيتي فن الرسم وحبيت احترافو شو اللي كان يجول في خاطرك؟ يعني فكرتي بالمستقبل المهني؟
Majood - سوريه :
  1. ·هل تعتقدين ان مركز ادهم اسماعيل كان له الدور الاكبر في تحفيز و شذب موهبتك بعد والديك ؟ و مَن من الأساتذة كان له الدور الأكبر في ذلك؟
yass- سوريه :
  1. أعتقد أنه يوجد لدينا في المجتمع السوري نوع من الابتذال للفن و الابداع, فقلما يعتبر الفن "مهنة تطعمي خبز" و تعتبر لعبا أو عبثا.. ما هو السبيل لتغيير هذه العقلية الواقفة ضد دعم الابداع و تقف بوجه دعم المبدعين؟
مجـموعه # 2 : الفن و المرأه


سـؤال من عدد من الاعضاء , Majood , اياد -سوريه :
  1. شو ممكن تقول سارة لكل امرأة تعاني من الاضهاد ؟ و هل ممكن ان ارى يوما اعمالا لك تدعم قضية محاربة العنف المتبع مع المرأة ؟
مجموعه # 3 : مـوهوبون و بـَعد ؟

اياد - سوريه :
  1. يضاً حابب اسأل شو ممكن تقدمي نصيحة للاشخاص يلي حابين يصيرو رسامين وعندن الموهبة ؟
Majood - سوريه :

  1. ·طفلتي لديها موهبة قوية في الرسم تبهرني (بغض النظر عن انها ابنتي) ظهرت هذه الموهبة من عمر السنة و نصف ... نحن عائلة موهوبة بالرسم فطرياً .. منا من بقي هاوي و منا من احترف الرسم .. الجميع واثق من ان مستقبل طفلتي في الرسم باهر ... كيف لي ان اصقل و احفٌذ هذه الموهبة ليصبح لدي سارة شما صغيرة و افخر بها عندما تكبر كما تفخر بك والدتك ...
مجموعه # 4 : عن لوحـات لـساره شـمه

اياد - سوريه :
  1. عن اللوحه يلي فزتي فيها بجائزة جنوب استراليا, ممكن شرح اللوحه ؟
بالاخير بدي اتشكر سارة على مقابلتها واتمنالا من كل قلبي السعادة
لانو صراحةً انسانة متميزة فوق العادة

sezar - سوريه :

من ينظر إلى مسارها الزمني و يلقي نظرة سريعة إلى لوحاتها من 1995 الى 2008
يرى التطور الرائع و الاحساس المتزايد و القدرة على طبع المشاعر على القماش ..
يدهشني قدرتك على الشفافية .. "ليس تقليلا من شأنك" إنما هي دهشة عفوية ..
أحيانا أكاد أرى ما خلف الجدار ..
  1. أشخاص .. هي محاور لوحاتك و حكاية مسيرتك .. هل هو اختيار عشوائي .. أم هناك من تجسديه في هذه اللوحات ..؟
  2. عندما رسمت نفسك .. ماذا تختارين .. تريدين التعبير عن شيء أم هي مجرد حالة فنية تريدين التعبير عنها ..؟
  3. خط .. نعم في أغلب لوحاتك هناك خط يقسم اللوحة .. أحيانا يكون إطار .. أحيانا تكون نوافذ .. هل من تعليق
هناك من أفخر أنهم من بلدي .. أنت أحدهم .

The morning - سوريه :
  1. بتلجأي لتكرار الصور الموجعه , يعني في حال كان في صوره شخـص يتألّم فبتكون صورته بزات اللوحه مكرره اكتر من مرّه هل هاد هو الألم المبدع ؟
  2. عندك قدره على تحريك مشاعر المتلقي, قديش بياخد هالشي استهلاك لمشاعرك؟
Hus- سوريه :

لماذا يتداول النقاد دائما لوحاتك بسخي الإطراء و المديح ؟ هل هو لكمال ما في فنك وابداعك او هو بوجه من وجوهه لشح النقد الأكاديمي البناء و الأمين في وسطنا؟

مجموعه # 5 : الــــفن و المـحيط

Sarita - سوريه :
  1. مرات خصوصا ببيئتنا العربية لمن حدن يقرر التمثيل او الرسم او فن من الفنون بيلاقي صعوبة من مجتمعو والناس اللي حواليه يعني بتلاقي معرضين ومؤيدين, فبالنسبة الك: كيف كان الاختيار ؟
  2. بالنسبه لهاوين فن الرسم ,عم احكي عن امثالي يعني اللي ما احترفو فن الرسم وعم يمارسوه كهواية, مرات يكون شغف غير طبيعي والهام رائع بيجي فبنبدع بفضلو , لكن انتي كفنانة محترفة لمن يكون في خمول بالوحي كيف فيكي تسيطري ع هالخمول ؟ ااي يعني بتعمدي لخلق بيئة مُساعِدة لاستدراج الخبايا واطلاق العنان لمخيلتك؟
اخيرا بتشكرك على قبولك لمشاركتنا اسرار وروائع اعمالك
لك منا جزيل الشكر والتقدير

Majood - سوريه :
  1. هل يمكن يوما من الأيام ان تتجردي امام العلن لدعم قضية ولو معنويا ما كما فعلت احدى الفنانات السوريات المعروفات ؟ هل برأيك هاذا الأسلوب سليم للتعبير عن الرأي؟
  2. ·لماذا بوب ديلان ؟
فنك كالألماس بقدر ما هو شفاف و برٌاق بقدر ما هو صلب هذا ما احس به عندما انظر الى اعمالك
افخر بك كأنسانة .. افخر بك كأمرأة ... افخر بك كزميلة معهد

ABU WILLIAM - سوريه :

سارة بحب رحب فيك بمجتمعنا الانترنيتي يلي بأكدلك انو بكتير من الأحيان بيكون اصدق و أجمل من الواقع
  1. سارة هل بتشعري بمجتمعنا العربي الناس ما كتير بتقدر تتلقى الرسالة يلي اللوحة عما تحاول توصلها ؟و هل انو الكلمة اقرب من اللوحة و لا العكس ؟
  2. سارة هل حظيت بالاهتمام الكافي بسوريا ؟و هل بتعتقدي لو كـنتي خلقتي باحدى الدول المتشدده و المحافظه دينيّا ً, كنتي حصلتي على قدر كافي من الدعم لتقدمي فنّك؟
  3. طيب هون و صلنا لاخر سؤال ,هوي مو سؤال هوي طلب و رجاء انو يعني يا ريت تعطيني رئيك بهالرسمة , هي من رسماتي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



بحب قلك شكرا لأنك قبلتي دعوتنا و شرفتينا ب بيتنا المتواضع و انشالله ما كانت اسئلتي غليظة مع انو العالم احيانا بتشوفني غليظ ما في الا امي بتقولي تسلملي متل اللولية بالخيط


The morning - سوريه :
  1. السـياسه كانت دائما العصب المحرّك للفن عبر التاريخ وين بتشوفي اليوم السياسه من الفن بشرقنا العزيز ؟
  2. هل كأشخاص نملك الحريّه الكافيه لممارسه الفن دون قيود رقابيّه - داخليّه او خارجيّه - ؟
  3. برأيك هل نجحت بعض الفئات بادخـال الارهاب الفكري و الثقافي على طرق تلقينا للفنون فصرنا نشوف بعض الفن عيب و بعضه حرام ؟
تــحياتي الـكـبيره لقبولك دعـوتنا و لشـفافيّه التـواصل معـك

yass -سوريه :
  1. هناك تباين في وجهات النظر حول العلاقة ما بين المبدع و المجتمع المحيط به, ففق حين يقول البعض أنه من واجب أي مبدع أن يكون ملتزما بقضايا المجتمع و أن يكون ابداعه وسيلة و أداة عمل لبلورة هذ الالتزام على أرض الواقع, يقول البعض الآخر أنه يحق للمبدع أحيان كثيرة أن يكون بعيدا عن مواقع الصراع و أن يخلق لنفسه برجا عاجيا يصنع فيه واقعا جديدا بعيدا عن الحقيقي.. بل و حتى هناك من يعيب على المبدعين من فنانين و كتاب و مثقفين تدخّلهم في قضايا كثيرة.. فنسمع عبارات مثل "الفن يجب أن يبقى بعيدا عن السياسة".. ما هو رأي الفنانة بهذا الأمر؟
Hus -سوريه :
  1. على مر العصور والأزمان ، كان دائما في شريحة نخبوية تحمل على عاتقها هامش من المسؤولية للنهوض بالمجتمع ، و على ما يعتقد الجموع مقدار المسؤولية التي اخدتها هال الشريحة على عاتقها بمجتمعاتها سابقا اتجلت اليوم بصورة امم اكثر مدنية من امم اخرى و شعوب اكثر رقيي من شعوب اخرى ، اين تجد سارة نفسها من هذا ، وهل تتفقين ومن يعتقدون بأن الملكات لا بد لها ان تقترن بالمسؤولية
  2. سارة.. كفنانة بمجتمع -بمصطلح او بآخر- واحدنا فيه محاصر بعشرات الخطوط الحمراء ، الا تشعرين بالقرف ؟ ما صار وشعرت ولا مرة بالقرف ؟ وان كان ذلك فعلا بيصير معك، وين تحديدا وعند اي من الخطوط الحمراء بتشعر سارة بالقرف؟؟

    اخيرا شكرا كتير يا سارة ، شكرا لإنك مرقت بحياتنا ، شكرا لإنك بنت بلدنا ، ما تسدقي شقد احنا فخورين وشايفين حالنا فيكي ...
  رد مع اقتباس
قديم 24/08/2008   #7
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي



تمّ بالامس تسجيل المقابلة صوتيا ً مع الفنانة سارة شمة . رح بنقوم بتفريغ مضمون المقابلة كتابياً ضمن الساعات القادمه .
ايضا قد يتم فيما بعد وضع التسجيل الصوتي للمقابلة بشكل يسهل التعامل معه بصيغه (( سؤال\جواب )) لكن حاليا ً رح بنكتفي بنوضع المقابله كتابيّا ًريثما يتم العمل على تنسيق التسجيل الصوتي.


  رد مع اقتباس
قديم 24/08/2008   #8
الفنانة سارة شمة
عضويّة الشرف
 
الصورة الرمزية لـ الفنانة سارة شمة
الفنانة سارة شمة is offline
 
نورنا ب:
Aug 2008
مشاركات:
9

افتراضي


مجموعه # 1 : فـوارق عـبر الزمن :
vs

سـؤال من عدد من الاعضـاء - اياد , , amey , Majood , Sarita:
من خلال متابعه و القاء نظره على مسيرتك التشكيلية، يـُلاحظ منعطفات واضحة في اسلوبك لونياً و تقنياً .. مالفرق بين سارة شما ابنة العشرين و سارة شما اليوم؟ و لوحات ساره شما في بداياتها عن لوحاتها الاخيره اللي عم تتصدر أضواء جوائز و معارض ؟

- بالحقيقه بحس أنو بكل لوحه و لوحه بحس في اختلاف فهو الفرق تراكمي بشكل يومي و سنوي متل ما الواحد شخصيتو بتتغير و بتتغير تجاربو و بينضاف الها, نفس الشي اللوحات لأنهم انعكاس للشخصيته و لخلفيته الثقافيه و الى اخره.


الاختلاف بين الشـخصيات و ظهورها مصدره تغير في شخـصيتك أم نابع من صدف تواجد هالاشـخاص؟

- باغلب الاوقات بحب ارسم اشخاص من الخيال , بحب اخلق, اخلق شخص لانو بحب اللوحه تفاجأني بالدرجه الاولى بحب اتفاجأ وقت شوفها و شوف شو هو هاد الشـخص اللي رح يخلق فاكترهم هنن من الخيال.

Sarita -سوريه :
لمن حبيتي فن الرسم وحبيت احترافو شو اللي كان يجول في خاطرك؟ يعني فكرتي بالمستقبل المهني؟

- بالحقيقه وقت كنت صغيره كتير و عمري يعني اربع سنين بيّن مع اهلي انو انا بحب الرسم و شجعوني كتير و بتزكر حالي انو انا كنت دائما برسم من انا و صغيره فما بعتقد يعني ما بتزكر اني اخترت يكون هالشي مهنتي و شغلي هالشي هو كان موجود معي على طول طبعا لانو في اهتمام من الاشخاص و العيله و الناس اللي دعموني.

Majood - سوريه :
·هل تعتقدين ان مركز ادهم اسماعيل كان له الدور الاكبر في تحفيز و شذب موهبتك بعد والديك ؟ و مَن من الأساتذة كان له الدور الأكبر في ذلك؟

- هو كان مركز مهم كتير بالنسبه الي لانو جزء كبير من طفولتي قضيته بهالمركز فهو بيشبه البيت و ماهوّ محل غريب رحت عليه. مجرد الشعور بالراحه و الشعور بكانو بيتي كتير بفيد .
الاساتذه اللي درّسو فيه كلهم مناح و ما بتزكر انو في شخص اثر فيني اكتر من شخص بس هي حاله المركز هي حاله عائليه كتير تدفعني لقدام.
  رد مع اقتباس
قديم 25/08/2008   #9
الفنانة سارة شمة
عضويّة الشرف
 
الصورة الرمزية لـ الفنانة سارة شمة
الفنانة سارة شمة is offline
 
نورنا ب:
Aug 2008
مشاركات:
9

افتراضي


yass- سوريه :
أعتقد أنه يوجد لدينا في المجتمع السوري نوع من الابتذال للفن و الابداع, فقلما يعتبر الفن "مهنة تطعمي خبز" و تعتبر لعبا أو عبثا.. ما هو السبيل لتغيير هذه العقلية الواقفة ضد دعم الابداع و تقف بوجه دعم المبدعين؟

نحنا اصلا بمجمتمعاتنا كمجتمعات عربيه أو بدنا نقول مجتمعات عالم تالت من الطبيعي انو الفن و الابداع ياخد وقته ليمشي و ينشهر بهي المجتمعات و كونو تاريخ الفن عنا حديث يعني جديد لساتو بيرجع لمدى خمسين ستين سنه فنحنا لساتنا بالبدايات , لساتنا عم نكتب الالف باء تبع تاريخ الفن و شي طبيعي تواجهه مشاكل كتير خصوصا ً انو نحنا عالم عربي عندو كتير محرمات بس عم تتحسن انا شايفه انو نظره العالم للفن على انو هو لعب او عبث عم تتحسن و يعني أنا متفائله شوي بهالموضوع .
السبيل لتغير هالعقليه, في كتير امور لازم تكون مهمه بالتغير اول شي لازم يكون مراكز التعليميه لازم تكون يعني و مجهزه بشكل افضل من الحالي تكون غير غير شكل تمام عن اللي هي عليه لحتى يطلع عالم عندهم شي جديد ويغيرو عقل المجتمع يعني يقدر يتحدو عقل العالم قبل ما العالم يكون عندهم شي ضدهم فهيي بالدرجه الاولى المبدع عليه مسؤوليه.
و تانيا المؤسسات الثقافيه المفروض عليها تروّج للثقافه و الجو الثقافي متل المتاحف. غالبا المتحاف هاد الشي بنفقدله فاللازم يكون موجود اكتر. الشي اللي عم يصير اكتر هلئ و موجود اكتر هو الغالوريات الخاصه و هالشي منيح و عم يتحسن لكن البينقص كتير هو المؤسسات الثقافيه الحقيقه .
  رد مع اقتباس
قديم 25/08/2008   #10
الفنانة سارة شمة
عضويّة الشرف
 
الصورة الرمزية لـ الفنانة سارة شمة
الفنانة سارة شمة is offline
 
نورنا ب:
Aug 2008
مشاركات:
9

افتراضي


مجـموعه # 2 : الفن و المرأه




سـؤال من عدد من الاعضاء , Majood , اياد -سوريه :
شو ممكن تقول سارة لكل امرأة تعاني من الاضهاد ؟ و هل ممكن ان ارى يوما اعمالا لك تدعم قضية محاربة العنف المتبع مع المرأة ؟

الاضهاد هو شي بعاني منه مجتمع كامل ان كان المرأه او الرجل يعني تنيناتهم مضدهدين. مابعرف شو ممكن قول لامرأه تعاني الاضدهاد يعني بدي قلها تطول بالها ..
تاني جزء عن اعمال بدعم قضيه محاربه العنف فنوع شغلي هو ما بيختص بقضيه معينه او بيصور حاله معينه انا بشتغل بشكل عام و بشكل عفوي هو بالتالي ممكن يكون احساس بيعكس هالشي ممكن تشوف باللوحه رفض و تمرّد و كتير قصص هيّ اكيد هالمرأه بترفض العنف و الشجع و الحرب كون رفض العنف ضد المرأه او الرجل هو العنف عنف واحد انا بشوفه.
  رد مع اقتباس
قديم 29/08/2008   #11
الفنانة سارة شمة
عضويّة الشرف
 
الصورة الرمزية لـ الفنانة سارة شمة
الفنانة سارة شمة is offline
 
نورنا ب:
Aug 2008
مشاركات:
9

افتراضي


مجموعه # 3 : مـوهوبون و بـَعد ؟



اياد - سوريه :
يضاً حابب اسأل شو ممكن تقدمي نصيحة للاشخاص يلي حابين يصيرو رسامين وعندن الموهبة ؟
الي عنده موهبه لازم بس يمارس الرسم ,بكل بساطه , بجو هو بحبه مانو مطر يجبر حاله على مركز او معهد اذا كان ما بيرتاح فيه , ممكن يرسم ببيته ممكن ياخد نصائح من حدا بحبه. بدو يكون حاسس بكامل الحرّيه بانو مانو مطر يرتبط بهالشي بس يعيش الحاله.

Majood - سوريه :

طفلتي لديها موهبة قوية في الرسم تبهرني (بغض النظر عن انها ابنتي) ظهرت هذه الموهبة من عمر السنة و نصف ... نحن عائلة موهوبة بالرسم فطرياً .. منا من بقي هاوي و منا من احترف الرسم .. الجميع واثق من ان مستقبل طفلتي في الرسم باهر ... كيف لي ان اصقل و احفٌذ هذه الموهبة ليصبح لدي سارة شما صغيرة و افخر بها عندما تكبر كما تفخر بك والدتك ...
حلوه ! حلوه انو بنتو هيك !
ما بالضروره يصير عندو ساره شمه ممكن يصير عندو بنتو اللي ممكن تكون هي اهم او غير .
خليها دائما عم ترسم, بكل بساطه, اذا حب يسجلها بمعهد, و اذا هي انبسطت فيه تضل فيه لكن لو سجلها بمعهد و هي زعلت فيه لازم يشيلها منه لانو للاطفال خصيصا ممكن الجو اذا ما عجبهم ان كان طلاب ان معهد ان مدرسه ممكن يصير عندهم رده فعل و يبطلو يرسمو لذلك لازم تضل مدلله و مرتاحه . هاد رأي و لو أنا عندي ولاد هيك بعمل.

آخر تعديل yass يوم 29/08/2008 في 23:45.
  رد مع اقتباس
قديم 02/09/2008   #12
الفنانة سارة شمة
عضويّة الشرف
 
الصورة الرمزية لـ الفنانة سارة شمة
الفنانة سارة شمة is offline
 
نورنا ب:
Aug 2008
مشاركات:
9

افتراضي


مجموعه # 4 : عن لوحـات لـساره شـمه








اياد - سوريه :
عن اللوحه يلي فزتي فيها بجائزة جنوب استراليا, ممكن شرح اللوحه ؟
هي لوحه لوحيد القرن , بما انو المطلوب تيب كان انك تعمل شي عن الطبيعه او الحيوان او شي مدني شي متمدن يعني فهـي هيّ اللوحه عن وحيد القرن.
أنا بحبه لهاد الحيوان و مجمعتله صور و هيك, بيلهمني هاد الحيوان بحس انو بعيونو في هيك حنيه و براءه و بنفس الوقت بحس جلده, بشرته بحسها و كأنو حاطين مكبّر على بشره جسم الانسان بتقوم بتطلع بشره وحيد القرن مابعرف اذا مفهوم كفايه هيك ؟

سـؤال ضمـني Hus- في بالعاده ست ساره تشرحي اللوحات تبعك يعني عاده متل ما بقول نزار "ان الحروف تموت حين تقال" يعني بعتقد الكثير من الفنانين او الرسامين تحديدا ً بيمتعضو من شرح اللوحه سواء من الاخر او هني يشرحو لوحاتهم في بالعاده تشرحي اللوحات او توضحي فيها شي او هيك ؟

والله انا هلئ بعتقد اني وصفت اللوحه ما شرحتها , شرح ما بقدر اعملو لانو اذا انشرحت و تحللت و صار الها معاني فبالتالي هالشي بيقطّر اللوحه و بيفقدها قيمتها لاني كلما بطلع على لوحه بحس بشي جديد بشي مختلف انا ما قادره اشرحها و قطرها.
هو موضوع بيتعاطى مع الاحساس يعني متل اذا عمتسمع موسيقى بتنطر
ب او لا او بتروح بخيالك عشي, ما بتفكر تشرح هالموسيقى شو و بالنسبه الي اللوحه متل الموسيقى.
  رد مع اقتباس
قديم 02/09/2008   #13
الفنانة سارة شمة
عضويّة الشرف
 
الصورة الرمزية لـ الفنانة سارة شمة
الفنانة سارة شمة is offline
 
نورنا ب:
Aug 2008
مشاركات:
9

افتراضي


sezar - سوريه :
من ينظر إلى مسارها الزمني و يلقي نظرة سريعة إلى لوحاتها من 1995 الى 2008 يرى التطور الرائع و الاحساس المتزايد و القدرة على طبع المشاعر على القماش .. يدهشني قدرتك على الشفافية .. "ليس تقليلا من شأنك" إنما هي دهشة عفوية .. أحيانا أكاد أرى ما خلف الجدار ..
حلو يعني وصفه و شكرا لانتباهه للفرق بين السنين ..

عندما رسمت نفسك .. ماذا تختارين .. تريدين التعبير عن شيء أم هي مجرد حالة فنية تريدين التعبير عنها ..؟
وقت رسمت حالي اوّل ي هو حاله من اكتشاف الذات و بالتالي حب الذات, هي حالت تعرّف عالذات كمان. كلّ مابرسم حالي مرّه بتختلف عن المرّه التانيه.

خط .. نعم في أغلب لوحاتك هناك خط يقسم اللوحة .. أحيانا يكون إطار .. أحيانا تكون نوافذ .. هل من تعليق
الخط بحب استعملو متل ما بستعمل ضربه الريشه, متل ما بستمل اللون الاحمر متل ما بستعمل ايّ شي, فهوّ اداه من الادوات فما الو شي معيّن متل ما قلت قبل شوي اللوحه هي حاله تواصل مع الشـخص ..
هناك من أفخر أنهم من بلدي .. أنت أحدهم .
بس قبل بدي قلو شكرا لانو كتير حلوه كتابته لانو اذا هو بيفخر فيني فانا بفخر لانو هو هيك حاسس, فخوره لانو في عالم هيك.

The morning - سوريه :
بتلجأي لتكرار الصور الموجعه , يعني في حال كان في صوره شخـص يتألّم فبتكون صورته بزات اللوحه مكرره اكتر من مرّه هل هاد هو الألم المبدع ؟

الابداع بيجي من كتير حالات , بيجي من الفرح بيجي من الالم بيجي من الحزن.

عندك قدره على تحريك مشاعر المتلقي, قديش بياخد هالشي استهلاك لمشاعرك؟

حلو انو اسمع انو عندي قدره عتحريك مشاعر المتلقي لانو هو انا بطمح اله دائما ييفرحني بيسعدني هالشي.
انو استهلاك لمشاعري ؟ مابعتقد هو حاله من الاسترخاء متل ما بعتقد اكتر من الاستهالك. لما بكون في حاله من الاسترخاء الابداع بيفض بتلقائيّه و بشكل حلو و اذا هيك معناها عم يوصل للمتلقي بشكل جيّد.

Hus-
سوريه :
لماذا يتداول النقاد دائما لوحاتك بسخي الإطراء و المديح ؟ هل هو لكمال ما في فنك وابداعك او هو بوجه من وجوهه لشح النقد الأكاديمي البناء و الأمين في وسطنا؟

النقاد , هلئ مابعرف اذا هنن بيحكو باطراء لانو كمال بالفن او شو رأيهم, بس انابعرف انّو في نقص بالنقد هلئ في عنّا نقاد كتير دارسين و عندهم معرفه و خبره فينقصنا هاد الجزء الي اسمو الحريه يعني الناقد بيخاف يتنقد بشكل صحيح, ما عنده هالحريه عندو خوف. هاد الشي بينقصنا لانو بدونو يعني اذا الواحد ما نقد بشكل مظوبط ما بكون عم يطوّر بالفن فبتنقص الحريه.
  رد مع اقتباس
قديم 08/09/2008   #14
الفنانة سارة شمة
عضويّة الشرف
 
الصورة الرمزية لـ الفنانة سارة شمة
الفنانة سارة شمة is offline
 
نورنا ب:
Aug 2008
مشاركات:
9

افتراضي


مجموعه # 5 : الــــفن و المـحيط






Sarita- سوريه :
مرات خصوصا ببيئتنا العربية لمن حدن يقرر التمثيل او الرسم او فن من الفنون بيلاقي صعوبة من مجتمعو والناس اللي حواليه يعني بتلاقي معرضين ومؤيدين, فبالنسبة الك: كيف كان الاختيار ؟

بالنسبه الي متل ما قلت كانت انا عيلتي و بيئتي اصدقائي و جوّي كان مشجع كتير و انا ما لقيت صعوبه بدخول المجال لقيت بالعكس تشجيع و كل شي منيح.

ب
النسبه لهاوين فن الرسم ,عم احكي عن امثالي يعني اللي ما احترفو فن الرسم وعم يمارسوه كهواية, مرات يكون شغف غير طبيعي والهام رائع بيجي فبنبدع بفضلو , لكن انتي كفنانة محترفة لمن يكون في خمول بالوحي كيف فيكي تسيطري ع هالخمول ؟ ااي يعني بتعمدي لخلق بيئة مُساعِدة لاستدراج الخبايا واطلاق العنان لمخيلتك؟

هلئ انا مابعرف مشيت حياتي بشكل حلو او أنا بحب شوف الشي الحلو فيني. ما مرقت لهلئ بفتره اسمها خمول بالوحي مع انو يعني في كتير احداث مرقت بحياتي و تغيرات و الى أخره بس هاد الشي لسّا ما مرق معي يعني يمكن, الما يمرق ما معقول الواحد يضل مبدع و مبسوط كل هالقد بس لهلئ ما مرق و يمكن ما مرق لانو يمكن انا بضل بدوّر عالظروف اللي بضل اقدر ابدع فيها و اذا هي البيئه المساعده لاطلاق العنان لمخيلتي فانا بحافظ على هالشي و بضل حاميه حالي و حولي عالم بحبون و بضل بشتغل و ما بوقف شغل ابدا ما بنقطع يعني بقوم بزيد الخيال يعني هي شغله بتكبر ما بتصغر مع الوقت هي لهلئ هيك وجهه نظري.
اخيرا بتشكرك على قبولك لمشاركتنا اسرار وروائع اعمالك

لك منا جزيل الشكر والتقدير

شكرا الكم

Majood - سوريه :
هل يمكن يوما من الأيام ان تتجردي امام العلن لدعم قضية ولو معنويا ما كما فعلت احدى الفنانات السوريات المعروفات ؟ هل برأيك هاذا الأسلوب سليم للتعبير عن الرأي؟
مابعتقد انو في شي اسمو اسلوب سليم للتعبير عن الرأي يعني كل واحد حر يعبر عن رأيه بس انا ما رح يكون هي طريقه تعبيري لانو انا طريقه تعبيري هي باللوحه ما هي بحاله متل هي. طريقه تعبيري بتختلف عن غير حدن و مافي قول سليم او لا هو سليم للي بيعمله.

·لماذا بوب ديلان ؟
بوب انسان هو كتير ملهم لالي كتير اساسي تعلقت فيه بعمر صغير كتير من اول ما بلشت اوعى عالموسيقى يعني 12 او 13 سنه و ضل لهلئ بسمعه . هالزلمه عندو شي كأنو انا عم غني متلي كأنو اذا انا بدي غني او اعمل موسيقى بيطلع بوب و غير هيك وجهو كتير ملهم لالي وجهو كتير حلو بشوفه صافي و نضيف و حقيقي و ما عنده تصنع ابدا هالشي بياخدلي عقلي.
فنك كالألماس بقدر ما هو شفاف و برٌاق بقدر ما هو صلب هذا ما احس به عندما انظر الى اعمالك افخر بك كأنسانة .. افخر بك كأمرأة ... افخر بك كزميلة معهد

حلو! كتير حلو التعليق بس ما عرفت مين هوّ ؟
  • مجود هيّ مجد من سوريه مقيمه حاليا بتركيا
بدي قلها شكرا و انو هاد من احلى التعابير اللي سمعتها عن شغلي و انو بخجل خجلتني !


  رد مع اقتباس
قديم 12/09/2008   #15
الفنانة سارة شمة
عضويّة الشرف
 
الصورة الرمزية لـ الفنانة سارة شمة
الفنانة سارة شمة is offline
 
نورنا ب:
Aug 2008
مشاركات:
9

افتراضي


ABU WILLIAM - سوريه :
سارة بحب رحب فيك بمجتمعنا الانترنيتي يلي بأكدلك انو بكتير من الأحيان بيكون اصدق و أجمل من الواقع
سارة هل بتشعري بمجتمعنا العربي الناس ما كتير بتقدر تتلقى الرسالة يلي اللوحة عما تحاول توصلها ؟و هل انو الكلمة اقرب من اللوحة و لا العكس ؟

بعتقد اللي بكون على تواصل مع كل انواع الفن نفس الشي يعني. في عالم ممكن تكون اللوحه اقرب الها و ناس الكلمه اقرب بس اللي بضلو متواصل مع انواع الفن هو بيختار المناسب اله اكتر بس بمجتمعنا العربي اللوحه جديده اكتر من غيرها يعني ممكن الموسيقى اقدم من اللوحه الشعر اقدم من اللوحه فهاد بيرجع كونو هاد نوع الفن جديد شوي
  1. سارة هل حظيت بالاهتمام الكافي بسوريا ؟و هل بتعتقدي لو كـنتي خلقتي باحدى الدول المتشدده و المحافظه دينيّا ً, كنتي حصلتي على قدر كافي من الدعم لتقدمي فنّك؟
بسوريا , مابعرف حاسه انو سعيده و عندي يعني في اهتمام كافي بكتير من الجهات سواء الخاصه او الرسميه على قد ما هنن بيعرفو طبعا فانا حاسه انو اي في اهتمام على قد معرفتهم .

لقسم التاني من السؤال مافيّ جواب عليه لانو ما عشت مافيّ جاوب على "لو" لاني ما عشت فمابعرف.


طيب هون و صلنا لاخر سؤال ,
هوي مو سؤال هوي طلب و رجاء انو يعني يا ريت تعطيني رئيك بهالرسمة , هي من رسماتا

الرسمـه ما طلعت عندي! حاولت فتحتها بكذا طريقه و ما طلعت مابعرف ليش بعتذر.
  1. بحب قلك شكرا لأنك قبلتي دعوتنا و شرفتينا ب بيتنا المتواضع و انشالله ما كانت اسئلتي غليظة مع انو العالم احيانا بتشوفني غليظ ما في الا امي بتقولي تسلملي متل اللولية بالخيط
لا الاسئله مو غليظه بالعكس فيها مستوى و فيها معرفه و مانها غليظه ابدا

The morning - سوريه :
السـياسه كانت دائما العصب المحرّك للفن عبر التاريخ وين بتشوفي اليوم السياسه من الفن بشرقنا العزيز ؟
مافي عنا ! السياسه هي كانت اي هي الشي المحرك باوربا بعصر النهضه و الفن كانت عندها سلطه و تغير هالشي بوقت الانطباعين 1890 لنقول باواخره ال 1800 تغير ما عادت السياسه هي الشي البحرك للفن بس في فنانين عندهم وجهات نظر سياسيه عرفت شو هاد يختلف عن السياسه هي اللي بتمشي للفن .
في شي اسمو فن سياسي اللي هو ردات فعل عن شي موجود عن شي اللي هو اعتراض اللي هو مشانو العالم ممكن ينحبسو و تتنتزع حياتون هاد موجود باوربا و حتى مقموع ببعض الاحيان بالعالم العربي قليل, قليل كتير لانو مانها هي البلاد اللي بكل بساطه بصير فيها هاد الشي.

هل كأشخاص نملك الحريّه الكافيه لممارسه الفن دون قيود رقابيّه - داخليّه او خارجيّه - ؟
كأشخاص بعتقد انو بنملك الحريه لانو نمارس الفن لانو الفن هو وجهات نظر فيك تعبر عنها بالطريقه اللي بدك ياها اذا واحد عندو القدره عالابداع ما رح يقدر حدا يحط عليه رقابيه لانو بجوز اللي بدهم يحطو قيود رقابيه ما بيفهموه فبالتالي بتمرق.

برأيك هل نجحت بعض الفئات بادخـال الارهاب الفكري و الثقافي على طرق تلقينا للفنون فصرنا نشوف بعض الفن عيب و بعضه حرام ؟
الارهاب الفكري موجود بكل العالم بس بشكل راقي بس هو موجود متل ما قتلو جون لينون متل ما قتلو كتير عالم هاد مو ارهاب فكري يعي واحد مغني بيقتلوه ؟ فهو بكل محل و موجود بكل العالم و متل ما قلت الطرق بتختلف ممكن الطرق بمجتمعاتنا تكون كتير مباشره وشوي دجه بتعبر عن شويه تخلف بس برا ممكن تكون الطرق محبوكه اكتر.
بينجحو اي شي طبيعي الارهاب الفكري موجود و الواحد بدو يتحايل عليه و ببعد عنه متل ما قلت في فن سياسي و في فن شخصي بعبر عن حالات اكتر من ما يكون بحاله الثوره و الرفض.

تــحياتي الـكـبيره لقبولك دعـوتنا و لشـفافيّه التـواصل معـك
تحياتي الكم
  رد مع اقتباس
قديم 13/09/2008   #16
الفنانة سارة شمة
عضويّة الشرف
 
الصورة الرمزية لـ الفنانة سارة شمة
الفنانة سارة شمة is offline
 
نورنا ب:
Aug 2008
مشاركات:
9

افتراضي


yass -سوريه :
هناك تباين في وجهات النظر حول العلاقة ما بين المبدع و المجتمع المحيط به, ففي حين يقول البعض أنه من واجب أي مبدع أن يكون ملتزما بقضايا المجتمع و أن يكون ابداعه وسيلة و أداة عمل لبلورة هذ الالتزام على أرض الواقع, يقول البعض الآخر أنه يحق للمبدع أحيان كثيرة أن يكون بعيدا عن مواقع الصراع و أن يخلق لنفسه برجا عاجيا يصنع فيه واقعا جديدا بعيدا عن الحقيقي.. بل و حتى هناك من يعيب على المبدعين من فنانين و كتاب و مثقفين تدخّلهم في قضايا كثيرة.. فنسمع عبارات مثل "الفن يجب أن يبقى بعيدا عن السياسة".. ما هو رأي الفنانة بهذا الأمر؟

الفن هو متل ما قلت اله حالات كتيره فبعض الفنانين هنن ملتزمين كتير اذا بنسميها بقضايا المجتمع و همهم يعملو فن مشان يغيرو من مؤسسه و يرفعو من شأن مؤسسه تانيه و يدافعو عن العمال او الخ هاد نوع و في نوع تاني متل ما قلت بكون شخصي اكتر بخص التعرّف على منابع الابداع الموجوده جوات الانسان و هاد نوع تاني فانا مافيني قول هاد صح ولا هاد صح في اختلاف بالنتيجه و كل حدا اله طريقته بالتعبير عن حاله انا ممكن كون من النوع اللي ما كتير بيهني أعمل صراعات ما هاد همي , همي انو عبر عن حالي متل ما انا و بعتقد انو بهي الطريقه بيقدر يقدم شي جديد لتاريخ الفن وقت بكون عم يعبر عن حاله بشكل كتير عفوي و غريب بيكون عم يقدّم شي جديد لتاريخ الفن اكتر من انو يعطي رأيه بقصه لانو بالنهايه آرائنا كلها بتشبه بعضها لانو العالم كلو ضد العنف و ضد ..

Hus -سوريه :
على مر العصور والأزمان ، كان دائما في شريحة نخبوية تحمل على عاتقها هامش من المسؤولية للنهوض بالمجتمع ، و على ما يعتقد الجموع مقدار المسؤولية التي اخدتها هال الشريحة على عاتقها بمجتمعاتها سابقا اتجلت اليوم بصورة امم اكثر مدنية من امم اخرى و شعوب اكثر رقيي من شعوب اخرى ، اين تجد سارة نفسها من هذا ، وهل تتفقين ومن يعتقدون بأن الملكات لا بد لها ان تقترن بالمسؤولية

برجع بقول ما ضروري هي تقترن بالمسؤوليه و ما ضروري ما تقترن بالمسؤوليه مافي شي ضروري هو موضوع شخصي بيختلف من شخص لاخر و من فنان لاخر و الفن بالنهايه هو انعكاس للحاله المعاشه سواء السياسيه او الاقتصاديه و الاجتماعيه ما بعتقد الفن قادر يغير بالمجتمع او قادر يوقف حرب هاد شي ما بعتقده هو انعكاس لشي موجود ..

سؤال ضمني# 1 Hus - ما بيقدر يسرع بعجله التغير؟

والله ما بعتقد ما بيقدر الفنان ما يعبر عن حالو بدو يعبر اجباري و بدو يحس انو هو بدو يغير الدنيا بس التاريخ اثبت هيك في فنان قدر يوقف حرب؟ يعني موضوع التغير و الصراع بدو محاربه و بدو جهات مسؤوله تقدر تحارب الجهات اللي عم تخرب. الفنان هو بعبر هو بحاكي مشاعر العالم هو بيحكي مع الاشخاص بشكل رسمي بس ما بيقدر يوقف او يغير الا كتير كتير نادر. في تجارب موجوده باوربا ,يعني انا عم قول اوربا كمثال لتجارب اكتر بس مشان هيك و شو قدرو يغيرو شي ما كتير شي محرز يعني شي كتير بسيط و قليل.

سؤال ضمني #2 The morning - يعني ما ممكن للفن ينقل صوره اللي عم يصير بطريقه معينه لحتى تساعد على نهوض المجتمع و تغير بعض الاوضاع ؟

ما بعتقد ! بس هيك بامن الفنان لحتى يقدر يستمر بس ما بعتقد انو بيقدر و هاد شي بنلمسه عالواقع و بنشوف تجارب غيرنا شو عملو و بنشوف قدر يغيرو ولا ما قدرو يغيرو و متل ما قلت الفن بيعكس كل شي و بيعمل رده فعل تجاه وضع معين و صعب و الى اخره و بحرك مشاعر العالم ليتعاطو معو.
العنف بدو عنف !

سارة.. كفنانة بمجتمع -بمصطلح او بآخر- واحدنا فيه محاصر بعشرات الخطوط الحمراء ، الا تشعرين بالقرف ؟ ما صار وشعرت ولا مرة بالقرف ؟ وان كان ذلك فعلا بيصير معك، وين تحديدا وعند اي من الخطوط الحمراء بتشعر سارة بالقرف؟؟

كتير شغلات بشعر بالقرف منها متل الكذب و النفاق و كل هالقصص لانو كبت الحريه هو كذب و كتير شغلات بترجع من الكذب و النفاق و الشجع كمان اذا بدك, فاكيد بشعر بالقرف بكتير مواقف بيطلع هالشي بتعبير وجه او حركه ايد او كل هاد التعبير اللي باللاوعي ... بس بدك الحقيقه يعني انا ما كتير بحس حالي محاصره, ماني حاسه هاد الشي! هي الحقيقه .
ماني شايفه في شي محرز لاني حس هيك او بركي ما تقيدت او عشت حياه ,الى حد ما, حلوه او هيك بس ما مسني هاد الشي ولا مره طبعا بقدر شوفو بكتير شغلات, بقدر شوفه بالعالم اللي بتأذي غيرها بس ماني معتبره انو انا مهمتي اني قاتل هالشي . انا بعتقد اني اذا عبرت عن حالي بشكل , اذا بدنا نقول , بريئ و حقيقي هالشي بخلي العالم تتواصل مع لوحتي و مجرد انو العالم قدرت تتواصل مع لوحتي انا بعتبره تحقيق للموجود.
انو انا بدي قاتل او اني ارفع مستوى المجتمع او اني غير و اني اعمل حريه او الى اخره بعتبر انو طريقتي هي بنقل المشاعر بشكل حلو او متل ما قال واحد من الاسئله هون باني حرك مشاعر العالم و انا بعتقد انو هاد الطريق اللي بيعمل شي زياده بالمجتمع .

و بس و شكرا لالكم و شكرا لانكم فخورين
اخيرا شكرا كتير يا سارة ، شكرا لإنك مرقت بحياتنا ، شكرا لإنك بنت بلدنا ، ما تسدقي شقد احنا فخورين وشايفين حالنا فيكي ...

و انا سعيده فيكم ..
  رد مع اقتباس
قديم 13/09/2008   #17
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي



و بذلك تكون قد سـُطرت صفحه اخرى من دردشات اخويه و هنا انتهز الفرصه لشكر الجميع على كل ٍ من المتابعه أو المشاركه , المشاركه سواء من قبل الاعضاء بالاسئله او من قبل فريق أخويه الاشرافي لكل ما تم خلف الكواليس و الشكر الاكبر للفنانة ساره شمه على قبولها شرف استضافتنا الها و وقتها معنا بالدردشات ..


** و الآن تسـتمر دردشات اخويه بالثرثره في زوايا الوطن و الحلقه الثالثه من دردشات مع الاستاذ برهان غليون
- اكبس هـنا للانتقال اليها **
تـحياتي
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 10:54 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.22348 seconds with 14 queries