هل تؤمن بوجد صديق في قلب من تحب (( الحوار للذكور فقط ))

[KEEEMO]

هل تؤمن بوجد صديق في قلب من تحب

نعم أنا أؤمن بالصداقة ولا مانع عندي لمن أحب أن يكن لها أصدقاء إما في جامعتها أو في عملها أو حتى من أقاربها

لكن عندما يصبح صديق من تحب ينافسك وأنت تشعر بذلك وهي على قناعة بأنه مجرد صديق وأنا اعني

لها أكثر بكثير من أي شخص وأي صديق فما العمل .!!

إليكم ذلك الموقف الذي حصل معي كي أرى وجهةّ أرآكم

بالأمس كنت أتحدث معها بعد منتصف الليل عند الساعة الواحدة ليلاً وقالت لي أن صديقها يتصل بها فقالت لي

سأعود الاتصال بك ريثما انتهي من مكالمتي مع صديقي

فوافقت لكف طرح البلى رغم أن البراكين اشتعلت في قلبي من قهر الموقف الذي صنعته لي

وأصبحت الساعة الثانية ليلاً وهي لم تعاود الاتصال وأصبحت الثانية والنصف ..................

فقلت في نفسي لعلها نسيت أن تتصل بي واعتقدت بأني سوف أنام فاتصلت بها مجدداً وكان هاتفها في الانتظار و عاودت الاتصال في الساعة الثالثة أيضاً في الانتظار حتى أصبحت الساعة الخامسة و هي في الانتظار وأنا هنا اتصلت بها أكثر من عشرين مرة وهي في الانتظار

عندها قررت أن أتصل بها على الهاتف الثابت و عندما رن الهاتف ردت وهي في كل برود وقلت لها (( أسف لانو زعجت ودايئتك وشغلتك عن صديقك بس بقلك انو بكرة موعدنا عالساعة 10 الصبح إلتغى لانو ماتم محرزة نام ونفيئ بهل الوقت )))

!!!!!!!!!

وإذا في اليوم الثاني لم تتصل واتصلت بها وكانت هي التي انزعجت مني ومن تصرفي الهمجي والرجعي وغير الأخلاقي لأني قلت لها هذا الكلام ..............!!!!!

رغم أني أحمل صفة ذو قلب طيب وحنون لأبعد الحدود رغم أن الخلافات الذي مضت وكانت هي سببها و

أنا كنت الذي أصالحها لكن هذه المرة أختلف الوضع كثيراً فما العمل أحتاج إلى أرائكم دام فضلكم

[عاشق رويدا]

لل5 الصبح ........اكيد كانوا يحكو بشي مهم كثير..

[سارة الدلوعة]

يعني ليش التمييز العنصري بين ذكر وانثى

حتى بالانترنت ما خلنا من هل تخلق
ما عاد بدي ناقش

[KEEEMO]

لك ياسارة سوري منك بس ردك مهما كان رح يكون لطرفا و أنا مابدي حكي مشان احس حالي رضيان و

غلطان لاني مالي غلطان

[سوا ربينا]

لا انت مش غلطان انا برأيي لانو المفروض انو تبديك عليه بما انها بتحبك يعني على اساس انها بتحبك,,,,, فالمفروض انو ما ترد على صديقها لحتى تخلص معك وعلى قولة عاشق رويدا اكيد كانو يحكو بشي مهم كتير يعني تقريبا 4 ساعات يعني مش قلال,,,,,,,,
واتقبل رأيي اخي,,,,,

[ابو ريتا]

لك أنا أصلا داما بقول مافي حب ، لك ما في حب بس ما حدا بيرد

[KEEEMO]

كاتب النص الأصلي : عاشق رويدا

لل5 الصبح ........اكيد كانوا يحكو بشي مهم كثير..

هلئ أخي هو بيشتغل بشركة اتصالات وشغلو بالليل يعني انا ماوقفت على هل النقطة لانو اخر دوامو بدو يطق حنك مع حدا بس النقطة انو متل ما قال الشب سوا ربينا

لانو المفروض انو تبديك عليه بما انها بتحبك يعني على اساس انها بتحبك,,,,, فالمفروض انو ما ترد على صديقها لحتى تخلص معك

ابو ريتا شكراً لردك

[عاشق رويدا]

حبيبي...شغلة من ثنتين ....يا اما مش عاملتلك اعتبار بالمرة...او انها بتحاول تخليك تغار...
وعالحالتين ...بلالك اياها ..ما بدك وجعة هالراس...

[القلب الدافئ]

بصراحة يا اخي
شغلتك صعبة كتير وبالاخص لانك بتحبا وهاد يلي بين معي من كلامك

المهم يا اخي هي بتحتاج لفترة تبتعد عنها انت لتفكر وتعرف شو غلطها وتعرف شو عملت معك

كتير مهم بهل فترة خليك قوي ولا تحكي معها وإذا بتحبك هي عن جد رح تتصل فيك وتعتذر لان انت ما غلطت
بالعكس تصرف هادي جدااا (انا لو محلك كنت خربت الدنيا نيالك على هل برود الاعصاب )
المهم خليك قوي هل فترة وإذا رجعتلك معناها عن جد بتحبك
وإذا ما رجعت معناها الله معها خلي صديقها ينفعها

انا بخطبلك غيرها


هي وجهة نظري والقرار بيرجع الك

[simsima57]

اسفة على تطفلي وتدخلي
بس بصراحة أنا فورتلي دمي ومعك حق

انا عندي رفقا شباب بس ما بيتصلو في الساعة 1
لازم تخليا هي الي تاخدو المبادرة اذا بدك الامور ترجع ... بس انت ما لازم تقوم باي خطوة حاليا
و اسفة مرة تاني عالتدخل

[مالك الحلبي]

كاتب النص الأصلي : KEEEMO

وإذا في اليوم الثاني لم تتصل واتصلت بها وكانت هي التي انزعجت مني ومن تصرفي الهمجي والرجعي وغير الأخلاقي لأني قلت لها هذا الكلام ..............!!!!!

أسمحلي أقلك
كوني خبير بهالأمور
ومعالج لمشاكل العشق وسنينه
هون بهالأقتباس
خربت الشغل كله
ليش تتصل معها تاني يوم ؟؟؟؟؟؟؟؟؟؟؟؟؟؟؟؟؟؟
ما بتقدر تكبح مشاعرك شوي!!!!!
البنت بتحب الشب ألي بيمتلك أنواع لردات الفعل وهنا مفصل العلاقة
فمن هلق ورايح حاول تعرف أنواع ردات فعلك وكيفية كبح جماح ردات الفعل التي تتلقاها
وتسيطر على الوضع لئلا تفرغ مافي جعبتك من خصائص ......


تقبل تحياتي كيمو

[abdjad]

حبيبي كيمو
يا حبيبي القصة ما بدا رأيي ولا كاني و لا ماني والبنت ما عم تعطيك مؤشرات سلبية
لك عم تعطيك حقايق سلبية, برأيي انساها من هلأ أحسن مت تتورط أكثر
لك يا رجل وين كرامتك, كيف بترضى تهينك هل أد
على كل حال شو بدك بهل حكي, هي وحدة ما بتحبك, هي وحدة عم تتسلى

[Lolitta747]

هيك ما بيصير ....
بدي اسألك سؤال انت سألتا شو كانو عم يحكو سوا لهداك الوقت؟ يعني عنجد هوي رفيقها ولا شي تاني ؟ وفي غيرو ولا بس واحد؟
يعني لو بتحبو بعض عنجد يعني انت بتحبا(هي خلصنا منا) وهيي بتحبك(؟؟؟) ما رح تتعرض لهيك موقف
جرب صارحها بمشاعرك وانو ما بيصير تعاملك هيك وقلا انو هيي غلطت هون وهون وشوف ردة فعلها و عأساسو تصرف .
عالهامش: والله وبنات آخر زمن و طالعلون ينحبو....

[جان بن جاك الروسوي]

من حيث المبدأ معك حق أكيد

بس منشان نحكم بطريقة أكتر واقعية لازم نعرف الطرف التاني ليش عمل هيك

يمكن لتحرقصك يمكن لتفهمك شي معين يمن متل ما انت شاكك

ويمكن اسباب تانية
لهيك خيي كيمو بدك ما تواخذني أنا اتحفظ عن الرد مع انو انا اميل لطرفك

مشكور

[YaSeR]

وضعك صعب يا صديقي
ما بكفي انو سكرت معك مشان تحكي معو وما بكفي انو عم تتصل فيها ويطلعلك ويتنغ للساعه 5
وكملت معو بينما اول ما اتصل هو فيها خلتك تسكر وفةق كل هالشي اتدايقت من حكيك
انا محلك بروح على بيتها 5 الصبح بكسر تلفونها وبفجرلها البناية

نصيحتي الك اتركها انت من هلا احسن ما تتركك هية لانو برايي مو مطولين كتير مع بعض

[whiterose]

انا ما بأمن بالصداقة ابدا بين جنسين مختلفين مهما كانت الأسباب
وبصراحة اكتر حتى بين بنت وبنت وشب وشب

يعني صداقةبالمعنى الحقيقي مافي

انا بستغرب كيف ممكن تسمح لصديقتك انها يكون عندها صديق شب مهما كانت الأسباب
لأنو احتمال المقارنة حيكون كبير كتير عندها

خاصة اوقات الزعلات
المفروض ال

[YaSeR]

كاتب النص الأصلي : whiterose

انا بستغرب كيف ممكن تسمح لصديقتك انها يكون عندها صديق شب مهما كانت الأسباب
لأنو احتمال المقارنة حيكون كبير كتير عندها

خاصة اوقات الزعلات

كلامك صحيح 100%

[whiterose]

انا ما بأمن بالصداقة ابدا بين جنسين مختلفين مهما كانت الأسباب
وبصراحة اكتر حتى بين بنت وبنت وشب وشب

يعني صداقةبالمعنى الحقيقي مافي

انا بستغرب كيف ممكن تسمح لصديقتك انها يكون عندها صديق شب مهما كانت الأسباب
لأنو احتمال المقارنة حيكون كبير كتير عندها

خاصة اوقات الزعلات
المفروض الرجل الشرقي يخلي البنت تعتبره الرجل الوحيد على سطح الكرة الأرضية

هلىء احد الأحتمالين اما هية سامحني للتعبير عم طفشك بطريقة غير مباشرة وهاد الأحتمال القوي
او هي فعلا بتحب صديقها كتيييييييييير ويمكن اكتر منك


واحتمال تكون كزابة متصلة على ال111 خدمة الزبائن وعم تتسلى فيك وتشعل نار الغيرة جوات قلبك

لأني بزمناتي عاملة ها الحركة واخ علي صار ..
بجوز هية مدايقة من الأوبن مايند تبعك وقررت تعمل فيك ها الفصل يعني انا بدلها بجن كيف ممكن حبيبي يخليني
احكي مع غيرة لو صداقة لو ابن عمي

الله يزكره بالخير كان يغار من الخضرجي مع انه عمره 70 سنة