أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > عناوين الأخبار > الشرق الأوسط

إضافة موضوع جديد  إضافة رد
 
أدوات الموضوع
قديم 18/12/2009   #1
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي السعودية مصر وإيران: أكثر الدول تقييداً للحريات الدينية




قال تقرير صدر عن منتدى «بيو للديانة والحياة العامة» إنّ السعودية ومصر حليفتي الولايات المتحدة هما من بين 10 دول يغلب المسلمون على سكانها وتفرض حكوماتها أشد القيود على الشعائر الدينية. وقال التقرير إنّ نحو 70 في المئة من سكان العالم البالغ تعدادهم 6.8 مليارات نسمة يعيشون في بلدان تفرض قيوداً شديدة على الديانة.
وصنف التقرير البلدان على أساس معيارين هما القيود على الديانة والقيود من جراء العنف أو التخويف. وكانت السعودية البلد الوحيد الذي جاء ترتيبه في مركز «مرتفع جداً» في المقياسين.
وصنف المقياس الأول 10 بلدان يغلب على سكانها المسلمون على أنّها تأتي في مركز «مرتفع جداً». وقال التقرير إنّ السعودية كانت أكثر بلد يفرض قيوداً على الديانة تليها إيران. ولاحظ التقرير أنّ البلدين كليهما يفرضان قيوداً على عقائد الأقليات و«يطبقان تفسيرات صارمة للشريعة الإسلامية».
وصنف التقرير مصر في قائمة البلدان التي تأتي في مراكز «مرتفعة جداً» في تقييد الشعائر الدينية. وعادة ما تُصنّف مصر والسعودية في التقرير الدولي السنوي لوزارة الخارجية الأميركية عن الحريات الدينية ضمن فئة البلدان التي تشهد «قيوداً وانتهاكات ومظالم».
وحسب المناطق صنف التقرير منطقة الشرق الأوسط وشمال أفريقيا على أنّها الأكثر تقييداً بينما كانت الأميركيتان الأقل تقييداً.
وعلى المعيار المستقل الذي يقيس العداوات الاجتماعية غلبت بلدان إسلامية مرة أخرى على فئة «المركز المرتفع جداً». وانضمت إليها إسرائيل والهند. وقال بريان جريم الباحث في مركز بيو «سجل العداوات الاجتماعية في إسرائيل يتضمن أعمال إرهاب متصلة بالديانة وأعمال حرب متصلة بالديانة وكذلك العداوات داخل الجماعات الدينية وفي ما بينها في المجتمع الإسرائيلي».
وقال التقرير «المستوى المرتفع نسبياً من العداوات الدينية في المجتمعات الأوروبية تغذيه حوادث على نطاق واسع لمعاداة السامية والتوترات بين الأقليات المسلمة والأغلبيات العلمانية أو المسيحية وشكوك عامة إلى حد ما في الجماعات الدينية الجديدة».
(رويترز)

من جريدة الاخبار

قلي لي احبك
كي تزيد قناعتي اني امرأة
قلي احبك
كي اصير بلحظة .. شفافة كاللؤلؤة
  رد مع اقتباس
قديم 18/12/2009   #2
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


ياستّي اذا كنتي من المتابعين للشأن المصري , الوضع كتير صاير مقرف ...
سبّ و ردح و تكفير و تشكيك ,من الطرفين ,و الحقد وصل لمستويات تنذر بكارثة ....

كل المراقبين عمبيتخوفو انو تخرج الامور عن السيطرة وتحدث فتنة كبيرة بين الاقباط و المسلمين .....


العمى ...

كيف الحكومة بترضى تشوف المسخرة اللي بتصير عالهوا أو اللي بتنكتب بالجرايد , الردح و السب , و لا بتحرّك ساكن ....

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 18/12/2009   #3
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


السلطة مشغولة بشي تاني
ومبسوطة انو الوضع هيك ... لانو هيدا بيشغل العالم دائما عن مشاكل تانية

ع كل ما ذنب السلطة بس .. كمان ذنب الناس يلي ما بتعرف انها تثور وتغضب الا ع هيك مواضيع
اما الفقر .ز التوريث للسلطة والفساد .. هي مواضيع ما مهم انها تعمل ضدها شي
المهم انو يكون من دينهون .. وغيرو ما مهم
هي المسخرة الحقيقية برايي
  رد مع اقتباس
قديم 18/12/2009   #4
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


الحق عالحكومة ...المفروض تراقب وسائل الاعلام شو عمتخبّص ....

شعوب العالم التالت عاطفيّة ... بتتهيج بسرعة ...وبتهدا بسرعة ....الحكومة بتعرف هالشي ...

بس متل ماقلتي الحكومة مبسوطة .... اشغال الناس عن الفقر و الفساد و سوء الادارة و التوريث ....



بس أديش هالشي شرير ....!!


طيب وين دور النخبة من كل هالشي ...!!
وين العقلاء , المفكرين و رجال الادب , المثّفين ....ليش ماعمبيعملو شي لوقف هالمهزلة ....!!
  رد مع اقتباس
قديم 18/12/2009   #5
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي


هلق ايران والسعودية كدولتين اسلاميتين طبيعي انو يكون عندون تقييد للحريات الدينية بشكل كبير لانو نظامون اسلامي بحت
بس كدولة متل مصر ما بتوقع انو نظاما قائم على الفكر الاسلامي البحت وفيا تعدد ديني كبير فما بعرف شو المبرر ليكون هالتطرف الديني يلي عندون
فعلا مصر دولة بتخوف كتير من ناحية التناقضات الكبيرة يلي صايرة وخاصة بالاتجاهات الدينية
يمكن الفقر عم يلعب دور كتير كبير بالموضوع

ياوطني يسعد صباحك
متى الحزن يطلق سراحك
الابتسامة النبيلة هي التي تخرج من قلب يبكي هكذا انا قررت
((((*(*(*(*(*(*(*عصابة الملوك *)*)*)*)*)*)*) ))))
  رد مع اقتباس
قديم 18/12/2009   #6
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


والتحريض كمان .....

يامخلوقة بتلاقي الكل شالف مصايب البلد ورا ضهرو و نازلين بمهاترات أقل ماتوصف انها سوقيّة و متبلدة ضد بعضون ....
عشرات من الصحف ,مئات المواقع الاكترونية ,جيوش من المدونين .كلها معمولة خصيصاً على اذكاء الفتنة و التحريض...

ناهيكي عن الردح و الشتائم المتبادلة بين مايسمّى " الاسلاميين " و مايسمى "علمانيين" على مواقع الانترنت و المدونات ....شي لايمت بصلة للحضارية بشي ....ولا كأنو ولاد شوارع ...



الله يستر .....
  رد مع اقتباس
قديم 18/12/2009   #7
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي


طيب يلي عم تحكيه مسؤلية الشعب الجاهل ولا من يسمون مثقفين؟
لك ابو نجبو بربي العلة بالمثقفين اصحاب الاقلام الصفراء
في مصر ام الدنيا المثقف اخطر بكثير من الجاهل لان الجاهل بيحب مصر بهالبساطة الريفية وما بيعرف يكره الا لما بيسمع هالكلام من يلي محسوبين مثقفين
الشعب المصري العادي متلو متل اي شعب تاني بسيط وعم يدور على لقمة عيشو ولما بيتحرض فلانو في طبقة تسمى مثقفة هيي يلي عم تعبي براسو هيك شي
  رد مع اقتباس
قديم 18/12/2009   #8
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


اقتباس:
كاتب النص الأصلي : بنفسجة عرض المشاركة
طيب يلي عم تحكيه مسؤلية الشعب الجاهل ولا من يسمون مثقفين؟
لك ابو نجبو بربي العلة بالمثقفين اصحاب الاقلام الصفراء
في مصر ام الدنيا المثقف اخطر بكثير من الجاهل لان الجاهل بيحب مصر بهالبساطة الريفية وما بيعرف يكره الا لما بيسمع هالكلام من يلي محسوبين مثقفين
الشعب المصري العادي متلو متل اي شعب تاني بسيط وعم يدور على لقمة عيشو ولما بيتحرض فلانو في طبقة تسمى مثقفة هيي يلي عم تعبي براسو هيك شي
هاد اللي عمبقولو ....

المثقّف الحقيقي ...المتنور ...شو ماكان توجّهو الفكري بس بيبقى تفكيرو منهجي و عقلاني ...وليس عاطفي أو غوغائي ...

وين المثّقف المصري ...ليش تارك مكانو فاضي و ياخدو هالدور اشباه المتكلمين أو المأجورين اللي بيقبضو من برّة ثمن بثّ سمومن و افكارون السوداويّة !!
  رد مع اقتباس
قديم 18/12/2009   #9
صبيّة و ست الصبايا firdaous
عضو
-- قبضاي --
 
الصورة الرمزية لـ firdaous
firdaous is offline
 
نورنا ب:
May 2009
المطرح:
في همسة الجنون بداخلي..
مشاركات:
431

افتراضي


يعني انو كثير واضح انو مصر بلد اسلامي بحت من بعد ما اترفضت الدكتورة نوال السعداوي في ترشيحها للرئاسة سنة 2005 ...و هالبلاوي اللي عم بتصير بين الاسلاميين و العلمانيين

اقتباس:
وين المثّقف المصري ...ليش تارك مكانو فاضي و ياخدو هالدور اشباه المتكلمين أو المأجورين اللي بيقبضو من برّة ثمن بثّ سمومن و افكارون السوداويّة !!
يمكن مافي مثقفين حقيقيين من اللي وصفتون بان تفكيرون بيبقى منهجي و عقلاني

و يمكن هاد الطبقة يلي منسميها مثقفة هي نفسها اللي بتقبض من برا منشان تبث سموما و افكارا السودة

وجد الحكام في الدنيا لينفوا وجود المستحيل

ما عداهم ...كل مافي الدنيا جميل

www.thihia.blogspot.com

أخوية للحياة..و الحياة للأخوية

الحرية لأسرى الحرية
  رد مع اقتباس
قديم 19/12/2009   #10
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


اقتباس:
كاتب النص الأصلي : firdaous عرض المشاركة
يعني انو كثير واضح انو مصر بلد اسلامي بحت من بعد ما اترفضت الدكتورة نوال السعداوي في ترشيحها للرئاسة سنة 2005 ...و هالبلاوي اللي عم بتصير بين الاسلاميين و العلمانيين
شو بتقصدي ببلد اسلامي....مافهمتها ...
نوال السعداوي اترفض ترشحا للرئاسة لانو لازم تحصل على اخطار خطّي من تلت اعضاء البرلمان " حسب الدستور المصري لشروط الترشيح لرئاسة الجمهوية " يعني مو مشان افكارا ..
هلاء الصراع بين تيارات فكرية " دينية - لادينية , يمينة - يسارية " هو صراع طبيعي و مقبول من الناحية الفكرية , ومن الطبيعي كتير انو كل تيار فكري بيحاول يكسب شعبية أكبر ....

بس نحن هون عمنحكي عن الصراع اللي عمبيكون على اساس ديني ايدلوجي " اسلامي - مسيحي " , هاد التوتر خطير جداً لانو لايملك رؤية فكرية-عقائدية- واضحة للطرفين ... أي انّ الطرفين لا يقدّمان أرضية أو نقاط مشتركة لتأسيس أو بناء حوار عقلاني مثمر ..اللي عمبيصير هو تسفيه و تحقير كل طرف لعقيدة و رموز الطرف الاخر ...لايوجد ادراك انو الارض و المواطنة هي الاساس المشترك بين الطرفين

وهاد الشي خطير جداً ...وبوادر الفتنة بدأت بالفعل ....عمبيتطوّر التراشق و الشتم بالصحف و الفضائيات لاعمال عنف ..واغلبنا بيعرف انو في كتير قرى مختلطة بمناطق الصعيد ...
  رد مع اقتباس
قديم 20/12/2009   #11
صبيّة و ست الصبايا firdaous
عضو
-- قبضاي --
 
الصورة الرمزية لـ firdaous
firdaous is offline
 
نورنا ب:
May 2009
المطرح:
في همسة الجنون بداخلي..
مشاركات:
431

افتراضي


اقتباس:
بس نحن هون عمنحكي عن الصراع اللي عمبيكون على اساس ديني ايدلوجي " اسلامي - مسيحي " , هاد التوتر خطير جداً لانو لايملك رؤية فكرية-عقائدية- واضحة للطرفين ... أي انّ الطرفين لا يقدّمان أرضية أو نقاط مشتركة لتأسيس أو بناء حوار عقلاني مثمر ..اللي عمبيصير هو تسفيه و تحقير كل طرف لعقيدة و رموز الطرف الاخر ...لايوجد ادراك انو الارض و المواطنة هي الاساس المشترك بين الطرفين
تسلم عالتوضيح..منكم نستفيد في اول طريقنا
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:15 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.09815 seconds with 12 queries