|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
06/01/2005
|
#1 | ||||||
|
عضو
-- قبضاي --
 |
لا تعذب\تعذبي حالك و تفوت \ تفوتي .
خربش يخربش فهو مخربش
أنتظار ..................... ما بدا ياني أجي , مع أنو ناطرة , و أنا تأخرت , بس أوصل ما رح تلوم ولا رح تسأل وين كنت , حدا بيفرح بالموت لما يجي؟ طناش....................... أو محاولات طناش , أسبوع أسبوعين , و يمكن أكتر , للصبر حدود مهيك , ما عاد في حدود , خلصت الأيام , و الناس نعسانة . حكمة ...................... بيسألوك شو صار , و شو عم بيصير , و ليش عم بيصير , ما بيسألوك أنت كيف, و بالآخر بيعطوك حكمة منشان تكون ختامها مسك يعني , اللي بدوا ياني بيعرف وين يلاقيني . أرقام ...................... أرقام عم تلعب , أرقام عم تضوي , أرقام عم تطلع و أرقام عم تنزل , بتفوت منشان عشرة لفوق , بتطلع بميتين لتحت , بآخر اليوم بتذكر و بتضحك على حالك , ما عاد بتقول لو و إذا , و بتنبسط لأنو لقيت شغلة تنسيك الست زبقي . خوف .................... بيمسك فيك براس معدتك , بيقلك روح عميل اللي بدك ياه , بس انا ماشي معك و رح نغص عليك يا ابن الستين كلب , خلينا نشوف شو رح يطلع معك , و بس توقع الفاس بالراس , بيصير متل القطة الصغيرة , أبو خالد مات , ما خلف إلا بنات ..................... اللعنة الشرقية اللي ما بتطلع من راس الأغبيا , واحد لاحق شقفة جلد و عاملها ربو......... و واحد بدوا بس ما بيرضاها على غيروا , مين المنحوس ؟؟؟؟ ولا حدا من جماعة سيد أبو غضنفر , بتروح على اللي أسمها بنت لأن محكومة تعاشر حثالة الرجال كل عمرها . كفرية .................. بيحاول الواحد يألف كفرية جديدة تتناسب مع حجم الموضوع , بس بعدين بيفطن أنو في رقابة , حتى هون . كذب .................... كذبنا , ما كذبنا , حكينا , ما حكينا يمكن تصير المعادلة هيك , معقول كل كلمة تكون كذب؟؟ **** **** جرح ......................... آسف لأنو جرحي نساني أنو عم أجرح كتير ناس غوالي , يمكن لما منمدح حدا ما بيستاهل المدح , منكون عم نجرح حدا ما بيستاهل الجرح بنفس الوقت , أنو شو ممكن قول , أنا واحد بيحب الحكي , بس ما عم لاقي حدا بيحب يسمع , صعب كتير قول اللي بقلبي للناس اللي بتعرف , بس يمكن هن بدن ياني قول منشان يتأكدوا كمان , يا جماعة صار جايني نفس الطلب من تلات غوالي , و انا مدري شلون بعمل حالي ما سمعان , بأذيهن و ما بحس , و فكري بمحل واحد , و ها المحل عم بيقلعني . صدمة .................. الصدمة كانت كلمة توسل , يعني متل كأنو فقت بعدها , صحي كنت وعيان الوضع , بس لما سمعتها من تم حدا ما بيكذب , صدمتني , ممكن ها الشي كتير يغير الواقع , ممكن يطالع الغضب اللي جوا , يمكن يعلمني أنسا ......................... منحتاج كل فترة و فترة لصدمة . محتار......................... تبقا إذا تطمنت , طمني , و إذا سألوك طمنهن , قلهن اللي بدك ياه , لأنو ما عاد تفرق , أصلا أنت عمرك ما قلت شي بيقدم أو بيأخر , يمكن دايما بيأخر ............... أساتك محتار ؟؟ عمرك ما رح تعرف مع مين عم تتعامل . خسارة ................... ما في شي بيسوا انو نزعل دقيقتين , منبلش نضحك لما نخسر , حلو الضحك , يمكن يكون الضحك هو الخلاص الخلاص ......... شوي كبيرة ها الكلمة ............... لأنو ما في خلاص غير بالموت , لا تجيبوا سيرة الموت لأنو في صبية جنبي بتطير العقل و ما خرج فكر بالموت , هلاء وقت التفكير بالجمال , وين وين ................ راحت . تحملونا
يا عبد متى رأيتني في الضدين رؤية واحدة, اصطفيتك لنفسي.
|
||||||
|
|
06/01/2005
|
#2 | |||||||
|
مشرف متقاعد
 |
اقتباس:
..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت ..
|
|||||||
|
|
|
09/01/2005
|
#3 | ||||||
|
مسجّل
-- اخ طازة --
|
ايه حجي في حكي كتير حلو ........... و في حكي كتير ملغوم ...... يعني مو مفهوم ........ بس على راسي يا حجي انت كتير بتواسيني ....... و بتخليني ارجع للحجي ......... حكيك مظبوط ......... بس مشان الصدمة ...؟؟؟؟؟ شو موضوع هل الصدمة ؟؟؟؟!!! في الي شي يد فيها .... ما بعرف اما الكفرية ....... فبلنسبة الي ما عاد في عندي كفريات بعد الي صار ........ لانو الكفريات ما رح تنفع بعد هلا ..... لازم نلا قي شي أقوى من هيك ...  على كل حال كل شي طالع نازل هل الأيام .... مثل اليورو  .... يسلمو حجي  |
||||||
|
|
|
09/01/2005
|
#4 | ||||||
|
عضو
-- أخ لهلوب --
|
Re: لا تعذب\تعذبي حالك و تفوت \ تفوتي .
.
كذب .................... كذبنا , ما كذبنا , حكينا , ما حكينا يا سيدي رح قلك بكل صراحة يعني الواحد غصب عنو بكذب بالنهار شي مية كذبة بس و حياتك مو لانو منحب الكذب بس لانو المجتمع يلي عايشين في عبارة عن كذبة بس يمكن تكون كذبة بيضة
فلا بد من الذهاب الى .................الى اين يا ترى
|
||||||
|
|
|
10/01/2005
|
#5 | ||||||||
|
مشرف متقاعد
|
اقتباس:
اقتباس:
تحياتي إلك 
ليست حقيقة الإنسان بما يظهره لك بل بما لا يستطيع أن يظهره
لذلك إذا أردت أن تعرفه فلا تصغ إلى ما يقوله بل إلى ما لا يقوله ... |
||||||||
|
|
|
10/01/2005
|
#7 | |||||||
|
مشرف متقاعد
|
اقتباس:
|
|||||||
|
|
|
13/01/2005
|
#8 | |||||||||||
|
عضو
-- قبضاي --
|
اقتباس:
على راسي يا حجي , يمكن ها الصدمة تكون رأي أو حكي , بس ما تاكل هم حجي , ما لك فيها أيد . مية خسة حجي اقتباس:
شكرا لمرورك  اقتباس:
اقتباس:
على راسي أخي أبو عضل , و الله أنتو الخير و البركة اقتباس:
عاشق ................... شو بدي قول ................... على الاقل بتعرف تعشق , و ما بتكذب . مية خسة للكل مع فائق الكذب |
|||||||||||
|
|
|
14/01/2005
|
#9 | ||||||||
|
مشرف متقاعد
|
اقتباس:
اقتباس:
|
||||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 18:41 (بحسب عمك غرينتش الكبير +3)