تحية إلى الأحرار

[Nirvana]

حين تسقط كل القوانين ..
حين تسقط كل الأحلام ..
حين تسقط كل كلمة ..
وكل الأنخاب ..

ها نحن نجتمع حول كأس ..
نلقي ما في جعبتنا من أسى ..
نذكر الوطن .. نذكر الحب ..
ونذكر كل من مضى ..

لا تقل لي ..
لا تقل لي أن المستقبل آت ..
لا تقل لي أن وقتاً ما سوف يأتي ..
أنا أعرف أن النهاية هي التالي ..

هي سذاجتنا ..
هي الغباء الذي أصابنا ..
من كؤوس العشق ..
من كأس الثمالة ..

الوطن فانٍ ..
الحب فانٍ ..
والكأس فانٍ ..
ونحن فانون ..

لا وداع ..
لا لقاء ..
ولا ألف نحن سوف تقوى ..
لتقول كلمة لا أمام حمار ..

نحن عاجزون ..
نحن كافرون ..
نحن سكارى لا ندري ..
من السابقون ومن اللاحقون ..

نحن أبناء العجز ..
قلتها يوماً ..
وسأقولها دوماً ..
وإلى أبد الآبدين ..

نتكلم باسم الثورة ..
نصيح باسم الحق ..
نبكي باسم العدالة ..
لكننا عاجزون ..

اللعنة على الظالم ..
اللعنة على الشر ..
اللعنة على كل من قال نعم ..
أمام لا حرة ..

نحن أحرار ..
نحن أبناء الحرية ..
نحن الوطن .. أجمل وطن ..
نحن الحرية ..

[thegodfather]

مشكوة على الجهد الجميل
:hart :

[Nirvana]

كاتب النص الأصلي : thegodfather

مشكوة على الجهد الجميل

:hart :

وشكرا على مرورك الجميل أيضاً .

[قهوة دايمي]

كأس بصحة الحرية ..
وبصحة الأحــــــــــرار .. و الأوطــان ...





قهوة مرة على أرواحنا !!

[TheLover-_-]

شي حلو مشكور على جهدك
مع تحيات TheLover-_-

[abosleman]

كاتب النص الأصلي : Nirvana

نتكلم باسم الثورة ..
نصيح باسم الحق ..
نبكي باسم العدالة ..
لكننا عاجزون ..

ايه وسنبقى عاجزون ...!!؟؟

يعطيكي العافية Nirvana

[Nirvana]

كاتب النص الأصلي : قهوة دايمي

كأس بصحة الحرية ..
وبصحة الأحــــــــــرار .. و الأوطــان ...





قهوة مرة على أرواحنا !!

بصحتك ..

شكرا على مرورك الراقي ..

[Nirvana]

كاتب النص الأصلي : TheLover-_-

شي حلو مشكور على جهدك
مع تحيات TheLover-_-

شكرا الك ..

[Nirvana]

كاتب النص الأصلي : abosleman

ايه وسنبقى عاجزون ...!!؟؟

يعطيكي العافية Nirvana

اذا كنت عم تسألني .. فبأكدلك انو نحنا عاجزون .. وسنبقى ..

ما في أمل ...

وشكرا على هالمرور الحلو ..

[abosleman]

كاتب النص الأصلي : Nirvana

اذا كنت عم تسألني .. فبأكدلك انو نحنا عاجزون .. وسنبقى ..

ما في أمل ...

وشكرا على هالمرور الحلو ..

انو كنت بسأل حالي بس كمان هدا رأيي

بس في أمل إذا كان لسى في عالم بتدور ع اجابة للسؤال

وبشكرك مرة تانية ع الخاطرة الرائعة

[Nirvana]

كاتب النص الأصلي : abosleman

انو كنت بسأل حالي بس كمان هدا رأيي

بس في أمل إذا كان لسى في عالم بتدور ع اجابة للسؤال

وبشكرك مرة تانية ع الخاطرة الرائعة

ايه عالقليلة لسا بتمنى يكون في أمل ..

[Nirvana]

عفكرا هالخاطرة طلعت معي وأنا مو بكامل قواي العقلية وفي حالة يأس شديد ..

[TheLover-_-]

كاتب النص الأصلي : Nirvana

عفكرا هالخاطرة طلعت معي وأنا مو بكامل قواي العقلية وفي حالة يأس شديد ..

له له طولي بالك ما في شي محرز

[أبو السييم العظيم]

كاتب النص الأصلي : Nirvana

الوطن فانٍ ..
الحب فانٍ ..

ونحن فانون ..

بس استوقفوني هال التلات جمل و خلوني فكر شوي زيادة

و إسأل كم سؤال إذا بتساعديني فيهون :


شعور يخالج النفس و العقل
هل هو وهم أم هو جهل
أكان في يوم صغيرا و هو الآن كهل

لماذا ليس له نفس الأثر في نفسي
لماذا أهرب منه في نومي و في وعيي

هل هو الضمير
أم هو ما تبقى منه بعد أن داسته حوافر الحمير

الوطن الوطنية المواطنة و أخيرا و ليس أخراً المواطن

لماذا ماتت معاني هذه الكلمات
لم أعد أجد مقالا عنها لا في جرائد و لا كتيبات
كل ما يكتب فيها يدعو للسخرية أو للضحك
أو ربما لتقول هيهات


أين هو وطني
هل هو من يبقيني فقيرا أم مذلولا أم خاضعا لهؤلاء من سلبوه منا

أم هو من يشعرني بالغربة و أنا فيه

أما الحب فأنا مغترب عنه كما وطني

و الموت الموت .. الموت هو الذي لا أعرف عنه شيئا

و لكنه يغريني كما تغري لهب النار جناحي الفراشة

و لكني أعود لأفكر بجملة مارسيل :

و أعشق عمري لأني إذا ما مت يوما أخجل من دمع أمي

..

..

..

شكرا كتيير و آسف عل الإطالة

[Nirvana]

كاتب النص الأصلي : TheLover-_-

له له طولي بالك ما في شي محرز

اذا البلد واللي فيها وكل اللي نحنا فيو مو محرز .. خلينا نروح نموت لكان مو أحسن !!!

[Nirvana]

كاتب النص الأصلي : أبو السييم العظيم

بس استوقفوني هال التلات جمل و خلوني فكر شوي زيادة

و إسأل كم سؤال إذا بتساعديني فيهون :


شعور يخالج النفس و العقل
هل هو وهم أم هو جهل
أكان في يوم صغيرا و هو الآن كهل

لماذا ليس له نفس الأثر في نفسي
لماذا أهرب منه في نومي و في وعيي

هل هو الضمير
أم هو ما تبقى منه بعد أن داسته حوافر الحمير

الوطن الوطنية المواطنة و أخيرا و ليس أخراً المواطن

لماذا ماتت معاني هذه الكلمات
لم أعد أجد مقالا عنها لا في جرائد و لا كتيبات
كل ما يكتب فيها يدعو للسخرية أو للضحك
أو ربما لتقول هيهات


أين هو وطني
هل هو من يبقيني فقيرا أم مذلولا أم خاضعا لهؤلاء من سلبوه منا

أم هو من يشعرني بالغربة و أنا فيه

أما الحب فأنا مغترب عنه كما وطني

و الموت الموت .. الموت هو الذي لا أعرف عنه شيئا

و لكنه يغريني كما تغري لهب النار جناحي الفراشة

و لكني أعود لأفكر بجملة مارسيل :

و أعشق عمري لأني إذا ما مت يوما أخجل من دمع أمي

..

..

..

شكرا كتيير و آسف عل الإطالة

مشكور على مرورك ومشاركتك القيمة

رح جاوبك بس اعذرني بدي جاوبك بالعامي .. انا ما بقدر افصل حالي عن وطني عن الناس عن اللي بحبهم والاشياء اللي بحبا .. بحسا جزء مني .. وبحس هالجزء مني حساس كتير ..لانو بشكل ثقافتي وشخصيتي وحريتي وبجمع أهلي وأصحابي وذكرياتي.. وقت اللي بدي افصل حالي عن كل هالشي بكون مو عايشة .. بلا قيمة .. ما بعرف .. كأني مو موجودة ..
ايه فيو الواحد يعيش ليجمع مصاري أو ليشتغل بمنصب عالي أو ليتجوز ويصير عندو ولاد .. بصير كل هالشي .. وهلا هالشي هوي الدارج .. قلال اللي همهم البلد .. قلال اللي بفكرو بالبلد .. قلال اللي بفكرو بشو في جواتهم .. بس عم قلك طول ما البلد مريض بنضلنا مرضى .. وبس يصير البلد أحسن بنصير احسن .. البلد ونحنا مرتبطين بشكل اجباري لكن هالرابط من ارقى وأجمل الروابط بهالدنيا (الوطنية).

نحنا يا أبو السييم العظيم في مرحلة لازم يكون شغلنا الشاغل فيها الخروج من دائرة العنف والفساد في دولنا .. لازم يكون همنا البلد لنقدر نوصل لمحل بين هالدول .. عالأقل نقدر نعيش باكتفاء .. بحرية .. وبكرامة .. متل اي بشر في العالم .
ولا بتكون ثقافتنا وتاريخنا وإمكانياتنا وشعوبنا ودولنا راحو عالفاضي .. ومرّوا مرور الكرام .. ايه حتى الكرام ما وصلناها ..

واذا هالموضوع مو محرز متل ما عم يقول The Lover ما بعرف شو هوي اللي محرز ..

والوطن أبو السييم .. مو ضروري هو يعطينا .. واكيد حتحس بغربة فيو .. لانو ما لازم يكون هيك .. لازم نساعدو ليكون غير شي ..
والموت هوي النهاية وأول على آخر رح نوصلو .. بقا ليش ما نخلي لحياتنا قيمة قبل فوات الأوان ..
يمكن انت عم تهرب لأنك موجوع ..

وبعتذر على التنظير المطول .. بس عم حاول انقل احساسي بهالرد .. يمكن كون قدرت جاوبتك ولو عجزء بسيط من ردك ..
بشكرك كتير لانك حكيت عن هالموضوع

[أبو السييم العظيم]

آآآآآآآآآخ ...


أول شي بشكرك على ردك الآسر اللي من خلالو قدرتي توصلي لكتيير شغلات و تفهميها بفكري ، بالمناسبة أنا لما كتبت هال كم سطر فوق كنت يائس و كنت تعبان نفسيا و جسديا مشان هيك كان في شوية تشتيت بالأفكار .. بس أنت قدرت تفهميني بكتير نقاط و هاد دليل على فهمك العميق و إحساسك المرهف ..


أنا أكيد بحب وطني و بحب المساواة و أنو كل أبناء بلدي يعيشو بكرامة بس لما فكر شوي لما حاول شوي بنصدم بالواقع يللي دائما بكون أقوى مني مو لأني ضعيف بس لأني وحيد ما لقيت مين يساندني معنويا و روحيا ،، لهاد السبب قد تكون أفكاري مبعثرة متخبطة ، إلى أن أجد من يساندي و إن لم أجدها أخشى أن أتحول إلى مواطن عادي مستهلك يسعى لكي يجني المال و لكي يتزوج و ينجب أطفال و تنتهي روحي كما ابتدأت وحيدة ..

أنا دائما عندي أمل مشان هيك ما حيموت طموحي ببلدي يللي بحلم فيه و الحياة يللي بحلم فيها بس لحتى نواجه الواقع لازم نكون سوا و أنو نكون سوا حدا متلي أنا ولا متلك ولا متل أي حدا بهالمنتدى بحب بلدو عنجد ، أنو نكون سوا بالحياة الواقعية فهاد شي كتييير صعب إذا ما كان مستحيل ..


لأنو نحنا بعالم المنتدى أحرار و منقدر نحكي يمكن لأنو ما منعرف بعض يمكن لأنو ما حدا بيعرفنا فمنحس بالأمان نوعا ما ،، بس أنو نلتقي بعالم الواقع و نجتمع كلنا على هي الأهداف يللي منحلم فيها ...... بعتقد أنو هاد شي قريب للمستحيل ..

بتمنى كون غلطان ببعض النقاط بس للأسف هاد الواقع يللي شايفو و حاسس فيه ..

و شكرا أختي و صديقتي العزيزة Nirvana لتفاعلك الإنساني الرائع معي

أخوك سامي

[Nirvana]

كاتب النص الأصلي : أبو السييم العظيم

آآآآآآآآآخ ...


أول شي بشكرك على ردك الآسر اللي من خلالو قدرتي توصلي لكتيير شغلات و تفهميها بفكري ، بالمناسبة أنا لما كتبت هال كم سطر فوق كنت يائس و كنت تعبان نفسيا و جسديا مشان هيك كان في شوية تشتيت بالأفكار .. بس أنت قدرت تفهميني بكتير نقاط و هاد دليل على فهمك العميق و إحساسك المرهف ..


أنا أكيد بحب وطني و بحب المساواة و أنو كل أبناء بلدي يعيشو بكرامة بس لما فكر شوي لما حاول شوي بنصدم بالواقع يللي دائما بكون أقوى مني مو لأني ضعيف بس لأني وحيد ما لقيت مين يساندني معنويا و روحيا ،، لهاد السبب قد تكون أفكاري مبعثرة متخبطة ، إلى أن أجد من يساندي و إن لم أجدها أخشى أن أتحول إلى مواطن عادي مستهلك يسعى لكي يجني المال و لكي يتزوج و ينجب أطفال و تنتهي روحي كما ابتدأت وحيدة ..

أنا دائما عندي أمل مشان هيك ما حيموت طموحي ببلدي يللي بحلم فيه و الحياة يللي بحلم فيها بس لحتى نواجه الواقع لازم نكون سوا و أنو نكون سوا حدا متلي أنا ولا متلك ولا متل أي حدا بهالمنتدى بحب بلدو عنجد ، أنو نكون سوا بالحياة الواقعية فهاد شي كتييير صعب إذا ما كان مستحيل ..


لأنو نحنا بعالم المنتدى أحرار و منقدر نحكي يمكن لأنو ما منعرف بعض يمكن لأنو ما حدا بيعرفنا فمنحس بالأمان نوعا ما ،، بس أنو نلتقي بعالم الواقع و نجتمع كلنا على هي الأهداف يللي منحلم فيها ...... بعتقد أنو هاد شي قريب للمستحيل ..

بتمنى كون غلطان ببعض النقاط بس للأسف هاد الواقع يللي شايفو و حاسس فيه ..

و شكرا أختي و صديقتي العزيزة Nirvana لتفاعلك الإنساني الرائع معي

أخوك سامي

اهلين بسامي .. الشكر الك انت على احساسك وحديثك الراقي

وانا معك بهالشي تماما ولأني بعرف انو التفكير اللي عنا هو تفكير فردي يعني يقتصر على أفراد بحس انو ما في أمل .. وانو كلو رح يسقط بالآخر ..
وأنا كمان بتمنى لو نقدر نعمل شي على الواقع أو عن طريق أخوية أو .. ، ما ضروري يكون سياسة وثورة وقصص يمكن ما نكون قدها، بس فينا نشتغل على قدنا .. نشاطات معينة اجتماعية .. ثقافية .. الخ .. بس هالشي متل ما قلت مستحيل لسببين الأول انشغال كل واحد بشي أو البعد الجغرافي بين الأعضاء والثاني بينقصنا الحافز لهالشي ..
هاد غير انو مو كل الأعضاء بتتفق على الشي اللي عم نقولو ...

يا ريت لو بقدر قلك انو في أمل .. بس لازم حس انا اول انو في أمل مشان أقدر انقلك احساسي ..

الشي الوحيد اللي بايدنا نعملو أنو ننقذ اللي ممكن انقاذو من جواتنا ونفسيتنا وإحساسنا ونحافظ على هالقيم يمكن نقدر ننقلها لولادنا أو للجيل اللي رح يجي بعدنا ولو اني بشك انو يقدر يعمل شي كمان!!

تحياتي الك